Green Common (如心廣場二期)

臨近聖誕🎄，一家🏠Book了荃灣西如心廣場住一晚。來到未夠鐘check in , 醫肚先。大家都食完早餐無耐，唔係太肚餓，便揀了呢間素食餐廳，第一次來，之前order過盆菜，味道唔錯。流心香芋西多士：細女叫的，炸醬好脆好薄身，內有香芋醬，但並冇流心的效果。香芋醬不算太甜，唔夠另有一小碟俾你點。南瓜粟米汁新魚柳意粉：配料幾豐富，新魚柳是素食，口感不俗，意粉都幾大碟。樂樂雞配蜜糖芥辣醬：好味過麥樂雞，唔講真係唔知自己食緊素食。芝脆焗豬扒飯：好大塊的素豬扒，配菜亦很豐富，底下是紫米飯，味道調配得很好，素食的關係，食完亦冇乜罪惡感。餐廳座位闊落光猛，價錢亦十分抵食，有機會會再嚟幫襯。👍👍…查看更多

今次終於試新野 ─ 新餐肉🐷新吞拿🐟原本都怕新派素食味道唔知如何，不過一試竟然有驚喜🤩午餐有兩款可選擇，$88餐包括小食、主菜及飲品或是日湯品；$108餐同樣係3款食物及飲品，不過小食可以任食，咁就一定夠飽啦😎✨ 新吞拿芝味螺絲粉睇落唔多，但食落夠哂飽。食落竟然同外面嘅吞拿魚螺絲粉味道極為相似，唔講真係唔知係素食吞拿魚，而芝士嘅口感同味道亦都好似，芝味十足🤤✨新餐肉趣趣條（半份）脆卜卜餐肉條同樣咁有驚喜，餐肉味香濃，炸到脆卜卜配埋芥末醬，食到停唔到口😍✨南瓜湯南瓜味濃郁，濃香味道感覺好似食緊啖啖南瓜蓉咁😋✨芝脆焗豬扒飯紅米飯底係健康素食不二之選，面層芝士好香，豬扒咬落嘅感覺同味道像真度極高，鬆軟夠腍👍🏻✨樂樂雞（3件）我都以為自己好似食緊麥樂雞咁，外層香脆，內層腍滑，配埋蜜糖芥末醬一齊食更正😍✨凍檸檬茶正常發揮，不過不失。🔍整體感覺：餐廳落地玻璃設計，採光度好好，裝修以白色為主夠簡潔，位置都闊落。哩餐素食完全同平時外面食嘅味道一樣，唔講真係唔知食緊嘅都係素🥬 每款食物味道都好味，下次一定要叫$108嘅午餐食，咁就可以任食小食🤓 哩個價錢食到哩個質素，性價比極高🆙…查看更多

今日陽光明媚🌞，相約好友去城門水塘郊遊。行咗幾個鐘，心情舒暢，圓圓的肚腩都唔見埋☹️。唔得😡！要立即餵返脹佢！我哋今日決定健康到底💪🏽、綠到底🌱，於是揀咗Green Common🌿。我叫咗芝脆焗豬扒飯($78)。吓？又話素？無錯，其實佢真身係純素芝士茄汁焗吉列新·豬扒飯嚟嘅。嘩！賣相同茶餐廳快餐店食開嘅焗豬扒飯毫無分別。厚厚嘅芝士番茄醬，大大塊嘅炸新豬扒，真係令人食指大動，流晒口水。淨睇賣相你真係估唔到佢係素豬扒，90%似真·豬扒。口感同真·豬肉都有80%似，煙韌彈牙有咬口。味道都有70%似，炸得酥脆香口，當然肉味無真·豬肉咁香，但其實唔特別講都未必能夠分辨得到，特別喺茄汁同芝士都會混淆味覺。飯底唔係普通白米，而係用咗紅米，十分健康。整體來講，性價比高👍🏽朋友都食到舔舔脷！高質素食餐廳，值得繼續支持！Let’s Go Green! Let’s Eat Green!…查看更多

日常快餐變素食 未來肉出色🥦🍖素食嘅餐廳喺香港已經唔係第一次食，而Green Common呢一間我都已經食過兩次😋雖然我唔係素食者，但係隨着地球同社會都有唔少問題🥺其實多菜少肉或者嘗試支持素食其實都係一件好事嚟㗎😵‍💫🙏🏻Green common有好多間分店，今次嚟咗荃灣呢一間舖頭，都算大同好闊落，座位之間唔會好迫！嗰日係平日7:30左右入座，都唔算多人，侍應都好好俾我哋兩個人坐四人嘅卡位☺️相對地坐低傾偈都舒服啲👍🏻😆 🥦🥦🥦🥦🥦🥦🥦🥦🍖芝脆焗豬扒飯 $78嚟過食兩次，咁啱餐廳都冇供應😥今次來終於食到喇🤩賣相嚟到真係好似平時喺茶餐廳快餐店見到嘅焗豬扒飯😋 面頭上鋪滿芝士同埋茄汁醬，超重料！豬扒亦都大大件😛賣相真係令人流晒口水！豬扒係由omnipork新豬肉整嘅，食落去口感都好似豬肉，係有咬口嘅～而且唔係散軟嗰種，口感實在！我覺得味道都做得幾神似🥳唔會好重豆味～ 有啲人好怕食素肉會有浸奇怪嘅味，但呢款就唔會🥰焗豬扒飯係採用紅米飯，非常健康，亦都好飽肚，真係食到飽晒咁走🤰🏻🍟新餐肉脆脆條 $42新豬肉食過好多次，但一直都冇食過新餐肉，今次嗌呢個小食就係由新餐肉整😋想模仿類似餐肉條 薯條之類咁樣嘅～ 新餐肉冇新豬肉咁厚實，相對淋身🤔不過佢呢一款做小食條嘅話我覺得比較合適，真係有啲似肉條嘅種口感❤️ 同埋熱辣辣食都好趣口小食亦會配芥末醬，脆脆條相對地鹹，有呢個醬汁中和返酸酸地嘅話就更加惹味🍟🥦🥦🥦🥦🥦🥦🥦🥦素食餐廳都試過唔少間，呢間真係好抵食～價錢比較平民，如果真係想試素食嘅話平平哋試吓呢間都幾唔錯，裏面仲有好多其他平時你喺茶餐廳講得出嘅選擇，例如係喇沙丶炒麵丶意粉呢啲🤣不過嗰日食完覺得啲嘢相對地鹹🥺同埋可能我嗌兩樣嘢都係煎炸野 要係咁飲水啊💧💧💧anyway Green Common係一間好值得支持嘅素食餐廳🥦🍖😋👍🏻…查看更多