李家 (海壩街)

要數到好食嘅炸雞 🍗呢間我已經回訪多次李家炸雞一定榜上有名😋出名大大碟質素又高 啱晒一大班朋友過嚟食 而且佢哋啲炸雞都可以揀無骨 啱晒鍾意食啖啖肉嘅我😆入座後，每枱都有兩款小菜，沙律菜同白蘿蔔，兩款都可以任添。無骨蜂蜜大蒜炸雞（半隻）$118我最鍾意食有醬嘅韓式炸雞今次就揀咗蜂蜜蒜蓉味、雞肉十分嫩滑🍗 雞肉Juicy唔會炸到乾晒保持到外脆肉嫩，蜂蜜蒜蓉醬 仲有原粒蒜頭上枱 炸到金黃色嘅脆雞 見到已經食慾大開🤩 半隻炸雞大概有7-8件 兩個人食其實啱啱好 仲有好多味道我都想試吓e.g青辣椒蛋黄醬炸雞跟洋蔥 🧅一大班人嚟可以叫多幾款唔同嘅口味 tim🥳芝士雞蛋卷 $128大大件厚卷蛋 一切開都有足料ge芝士🧀加上🍅🥫茄汁芥抹醬 on top夠晒開胃韓式海鮮湯$198配料十足內有兩隻大蝦、青口、魷魚、蟹肉仲有唔少蔬菜🥬大蝦新鮮爽口 、適合冬天飲夠晒暖胃 湯味濃郁，辣度十足Apple Cider Rita 雞尾酒🍹$88呢個天氣點可以唔嚟返一杯冰凍嘅Apple cider🐷 大大杯夠晒冰凍 ❄️🧊夏天冇理由唔叫佢😛…查看更多

太耐冇食韓國野，同事推薦李家就試下啦，同埋我記得李家係老字號韓國炸雞店，食完我覺得李家其他既韓國料理好食過d炸雞韓式魚餅湯胡椒湯底~胡椒味濃度岩岩好，飲完暖笠笠，再加大量魚糕，滿足左鍾意食魚糕既我，再加埋白蘿蔔芽菜其他配菜，好豐富泡菜湯(大）評價有d極端，食得辣既朋友就覺得唔辣，唔食得辣既朋友就覺得辣半半炸雞(無骨)+蜜糖芝士蒜味我最期待就係食炸雞，半半炸雞係甜酸醬+原味炸雞，可惜黎到唔熱，熱既炸雞加分加好多....個皮都會脆好多蜜糖芝士蒜味比較漏，芝士味好重，我地都係一舊起兩舊止泡菜餅夾雜住泡菜魷魚，軟身，有d位燶燶地又脆~我特別指定叫既燒五花腩肉，五花腩肉固之然係有肥膏，但依個燒五花腩就少少肥姐~加上燒一燒逼d豬油出黎，好好食芝士雞蛋卷好大份好厚身~睇圖都見到醬汁多啦，芥末茄汁再加埋雞蛋卷入面滿滿既芝士，口感好豐富，一咬落去雞蛋既厚度令人好滿足…查看更多

-{荃灣韓國菜🍲}🤤芝士雞蛋卷🤤($128)好多拉絲😆仲要重蕃茄同芥末醬 好實淨嘅蛋食落超飽肚😉☺️👖褲評: 8.3/10🤤甜辣炸雞🤤($98)半半炸雞嘅甜辣味 啲雞件全部都好多肉😋超脆嘅外皮 啲醬都好足😛真嚿雞都有 同埋辣味都重🤓👖褲評: 8/10🤤蜂蜜蒜蓉炸雞🤤 ($118)蜂蜜味好重 但蒜蓉味淡啲😳不過都係juicy嘅🥳重點係極多雞件😂😂😂👖褲評: 8/10之前食過尖沙咀分店一次 炸雞真係好多嚿😂配埋apple cider特飲食得好爽👏性價比: 8/10服務: 8.5/10環境: 7/10🚩 李家 🚩地址: 荃灣海壩街16號地下 #fuudjai #fuudjai韓國菜 #fuudjai荃灣 #fuudjai尖沙咀…查看更多

近日同朋友聚餐，有位朋友提議食韓國野，經過一輪research同比較，決定食李家。餐廳位於荃灣，近愉景新城。餐廳食物質素唔錯，性價比高。我哋叫咗圖上嘅食物，其中芝士雞蛋卷味道雖然一般，但勝咗夠多芝士。另外，炸雞可以半份半份order，哩樣野好customer friendly，可以一次過食唔同味道，而且炸雞相當脆口，青辣椒蛋黃醬炸雞，好好味，Yum!小小辣，多多趣，而且加埋濃郁嘅醬汁，唔會太㶧口。不過蜂蜜大蒜炸雞就太多蜂蜜，有啲太"溜"。性價比最高嘅就係芝士辣海鮮炒年糕，入面有好多唔同嘅食物，而且份量大，係飽肚之選。…查看更多

好耐之前食過尖沙咀嘅李家印象唔錯，今日路經發現荃灣亦有分店，二話不說同先生敲定今日嘅午餐地點。芝士雞蛋卷大大份，蛋卷口感鬆軟，切開係超級誘人嘅拉絲芝士，而且芝士俾得超大方，配上茄汁同芥末，色香味俱全。甜辣炸雞超大份，完全低估咗佢嘅份量，兩個人都食唔哂，我哋揀咗無骨炸雞，入口啖啖肉，外皮香脆，肉嫩多汁，甜辣醬亦夠惹味，唔錯。辛辣麵伴泡菜一向係我嘅最愛，喺menu見到都忍唔住要嗌返個，彈牙嘅麵底，香辣嘅湯底，配上清新嘅泡菜，絕對係完美配搭，完全唔想同先生分享。對酒精過敏嘅我一向好少飲酒，炸雞啤酒呢啲經典絕配從來都唔關我事，今次竟然見到有0酒精嘅Beerita，當然要過下口癮！超大杯兩個人分享都絕對冇問題，剛入口果味比較重，清新解渴，飲落啲啤酒味就漸漸變重，苦麥味同飲有酒精嘅啤酒係一模一樣，非常啱女仔飲！餐廳嘅食物質素仍然係一貫嘅水準，而且份量俾得大方，加上私心好欣賞無酒精嘅Beerita，實在係好加分，同成班朋友聚會揀呢度就啱哂！…查看更多

講起香港出名食炸雞嘅餐廳，大家都可能會諗起呢間，分別係尖沙咀、灣仔、屯門都有分店，而今次嚟到荃灣新開嘅分店~店員係韓國人，但都識講英文同普通話🤣而餐廳室內或室外都有位置坐，坐低後店員會先送上酸蘿蔔同椰菜絲沙律，可以一邊食住等上菜😆無骨半半炸雞 原味+甜辣 ($178)炸雞可以揀有骨同無骨，無骨就可以食到啖啖肉，味道方面我哋揀咗原味同甜辣味，其他選擇包括有醬油、芝士、蜂蜜蒜蓉，而且仲可以比大家自選！甜辣味方面，甜味同韓式辣醬味配合得好好，層次豐富，可能因為甜辣味會食到少少蕃茄醬味，而朋友麻麻哋蕃茄醬味，所以偏好原味多啲😋因為即叫即炸，所以熱辣辣，咬落去外脆內嫩，唔會似平時出面啲雞肉會好乾，份量嚟講2個人都好飽🥰芝士雞蛋卷🧀 ($128)厚身嘅蛋卷好濃蛋香味，而且好嫩滑🤤切開蛋卷即刻有芝士流出嚟，仲有拉絲效果😆本身上面有淋茄汁同芥末醬，但我哋因應個人喜好走咗茄汁，大家記住呢個蛋卷要趁熱食呀！藍色多瑙河($38)一開始menu 見到呢杯飲品咁特別，於是叫嚟試吓，都幾驚味道會好人工🙈但飲落又唔會，成杯梳打係夢幻嘅藍色，最啱打卡💙無酒精雞尾酒Non-alcoholic beerita ($78)炸雞必配啤酒🍻 呢杯係無酒精啤酒，西柚味好重，酸酸甜甜幾fresh~餐廳keep 住播韓文歌嘅mv，佈置風格都有啲似韓國街頭，如果掛住炸雞同韓國菜嘅朋友可以嚟try try🤤…查看更多