水蜜桃冰室

朋友同我慶祝生日，今晚系旺角通菜街見到有間水蜜桃冰室，看一看個餐牌種類好多有：石板燒，焗飯，小食，意粉，沙律，雪葩，飲品等。。。餐湯南瓜忌廉湯好滑溜，蒜蓉包又香口。芝士焗田螺（跟餐加$18）好濃厚芝士味，底下舖上薯蓉好香田螺又爽口。日式蟹肉炸薯餅（跟餐加$18）外脆內嫩，蟹肉又滑又香，沾上沙律醬更加美味可口。香煎虎蝦蟹肉南瓜意大利飯，蝦🦐好爽口彈牙，南瓜和蟹肉已經混埋左落飯度，啖啖南瓜味好香濃，飯又好有咬口不會太淋美國黑毛Prime牛肩胛配生蠔石板燒套餐有些燒蔬菜。燒美國牛肩胛肉好香，牛味又濃厚，肉質又不會太韌。鹹蛋炸魚皮好香鹹蛋味，炸到好鬆脆好香口。南瓜雪葩店員用火槍燒一燒，令周圍溶解下冇咁硬，南瓜雪葩好香又滑。菠蘿🍍雪葩原個菠蘿上，清甜的菠蘿雪葩好正，好似食馬雪糕一樣非常美味可口。…查看更多

通常去完旺角行街之後都會去女人街側邊啲餐廳到食飯，又好味又抵食，仲唔使排隊。今次行過呢間水蜜桃冰室，見到仲要有波睇添，可以一路食一路睇波，正呀入面嘅環境都唔錯，除左有個大熒幕睇波之餘，周圍嘅裝修擺設都幾舒服。餐牌有好多嘢食，樣樣都想試為咗要配合番睇波嘅氣氛當然唔少得點支酒飲下啦。alska果味龍濃郁，酒精量低，最啱啲想過下酒癮但酒量麻麻嘅嘅朋友。餐湯方面，我地加左$12升級要酥皮湯，賣相同味道一啲都唔普通，酥皮好香但唔會太過重牛油味，唔會太肥膩。酥皮下嘅羅宋湯亦都唔簡單，非常濃蕃茄味，材料豐富。頭盤芝士焗田螺香噴噴，一啖薯蓉，一啖田螺，perfect match，如果嫌味道單調可以再加少少茄汁添。主菜係鐵板燒紐西蘭肉眼扒 ，一淋酒上去，成塊牛扒即時充滿住火焰，夠晒睇頭! 除左睇得亦食得，肉眼扒又大塊又夠嫩，配菜薯角都夠脆，好好味。主菜2仲有美國黑毛Prime牛肩胛，有個迷你鐵板可以比你自己燒，仲有啲金菇，冬菇粟米伴碟一齊燒。除左牛肩胛之外，仲有2隻日本廣島蠔，燒蠔至好味，啱晒我! 套餐仲有個自家製咸蛋炸魚皮，送酒一流，咸蛋味又香，口感又夠脆，成個餐簡直一絕!又有得食，又有得自己玩煮飯仔，宜家仲有個7折，優惠價$188，超抵食。老闆最後仲推介我地必食專門由日本空運過黎嘅Lisse雪芭，原本點左個芒果味雪芭，可惜賣晒啦，實在太好賣。最後，好彩仲有其他味，點左個蘋果同柚子味雪芭，上檯時，成個生果連埋雪芭一齊上，一口冰鎮雪芭，一口果肉，好好味呀，味道又夠清新，突別係柚子，有淡淡柚子香。下次如果大家去開旺角行街，不妨試下呢間水蜜桃冰室，絕對係誠意推介。…查看更多

蒜蓉包、餐湯（可選紅、白），轉加酥皮加$12「日本蟹肉炸薯餅」跟餐加$18「芝士焗田螺」跟餐加$18「冰室雜錦鐵板燒」- 牛柳、羊扒、雞扒、德國腸 $125因為想每樣野都試少少，點個雜錦嘅鐵板燒就最好啦（有選擇困難症嘅舉手🙋🏻）「火炙三文魚蕎麵沙律」$75意想不到咁高水準，三文魚、蔬菜好新鮮，再配少少蕎麵，唔使淨係食扒咁寡 🤭跟餐加$48就有啤酒最後，雖然已經好飽，但係都仲點左，日本空運到港嘅雪芭😍。雪芭係要將新鮮水果冷藏至結冰後磨成沙冰，而且係冇牛奶。而且雪芭係非常之凍嘅，所以上台之後，侍應會幫你用火槍噴一噴雪芭嘅表面，方便食用，非常之細心。分別點左兩個口味嘅雪芭：「日本Lisse柚子雪芭」$45/個，跟餐加$32跟餐加$32柚子味重，微酸，可以話係幾清新。「日本Lisse蘋果雪芭」$45/個，跟餐加$32而蘋果味都幾驚喜，size 大過柚子之餘，仲有淡淡的清新蘋果味。整體來講，食咗咁多嘢都係每位＄200左右，真係非常之抵。最大嘅遺憾就係，我哋個胃食唔落咁多野，仲有好多嘢食仲未試到，唯有下次再嚟試啦 …查看更多

旺角是我和朋友聚腳既好地方，位置太便利又是一個中間點。食肆多就確是多...尤其是女人街...但不是每間價錢、食物質素成正比...更有時又不想選擇連鎖店最後我提議一間冰室...因為已經食過一次真的很不錯的！那逛著逛著晚飯時間到了就撞了進去。在門外等了大概十分鐘,長形的舖位...座位在兩旁依舊是暗黃色的格調...形造一個有西式餐廳氣氛的格調打破冰室傳統感！可以說是工業風Style順帶一提啲櫈軟淋淋坐得幾舒服...牆身同枱面都鋪上花花階磚又多番一份冰室感呢...玩味十足睇下Menu…有唔同既套餐..同正常既沙律、小食、焗飯、意粉、肉類、甜品等等，最特別既喺有一系列好工既雪葩...諗左陣...因為想叫D上次無食過既野食...店員見我地苦惱中就推介我哋一款「期間限定」嘅套餐，就喺韓式石板燒－美國特級Prime極黑牛小排＄238（1-2人份量）餐前麵包就係蒜蓉牛油味既...真心好少食到焗得香既餐前包呢...夠暖笠笠！正！而餐前湯就係有忌廉湯同羅宋湯，我地揀左羅宋湯...味道十分濃旭:)雖然沒有太大驚超但是一碗西餐廳既標準「紅湯」喔...如果唔岩飲可以考慮加12蚊轉酥皮湯套餐包左白飯、肉、廣島蠔，正呀！仲附送埋鹹蛋黃炸魚皮啊...好耶！魚皮卜卜脆...有誠意的店員同事送上豉油，蔥花同埋蒜蓉用黎點牛小排既小爐上放了熱熱的鐵板，店員會慢慢講解煮法...套餐嘅牛小排有好多塊，牛肉花紋美美的, 燒過後牛味出眾肉汁多多連埋豉油，蔥花同埋蒜蓉一齊食真係好好食！油香十足！推介呀！而日本廣島燒蠔味道比較清新了...食得出好新鮮...因為有淡淡的海水味有D小食跟餐有優惠所以再追加Lo👉🏻芝士焗田螺加＄18有四隻田螺每隻都沾上好多芝士算好抵食又好食...薯泥仲好香甜添仲有追加左👉🏻蒜香雞中翼$18，雞翼都好脆卜卜食得出唔會太多炸粉，大大隻好多雞肉...👉🏻鐵板燒紐西蘭羊扒 $118呢個朋友推介既我覺得都還可以啦上枱個陣吱吱響聲店員隨即在我面前淋上酒...讓熊熊列火升起...視覺享受完就再加上燒汁...香氣及可觀性1流！三大件羊扒其實望到都飽...幸好他是男生...可以做食物墳化爐...羊扒大件又厚身...肉質唔算好軟腍但口感係有既...仲有點點羶味...我鍾意啊！配菜仲有西蘭花、車喱茄同好多薯條啊！配菜都幾足料架👉🏻汁燒鰻魚蛋包飯 ＄85我地叫多個飯既時候店員嚇親了...因為兩個人點解可以吃那麼多呢？我也不明白...看相片已經見到鰻魚十分大塊...算得上厚切配上滑滑的蛋...不過不失...味道是日式咖哩汁...佢呢種咖哩汁不是日本甜甜的而是有點印度那重...香口濃味咖喱！成個飯好大碟...真係好大碟...一個女生應該食唔晒吧最後甜品是主角吧上次已經食過蜜桃雪葩...一試難忘！今次再嗌...因為🍑「水蜜桃」才是招牌食品吧另外叫埋蘋果味👉🏻日本Lisse蘋果雪葩 $32...好香濃既蘋果味，感覺好似食緊蘋果一樣...啲雪葩釀晒入蘋果裡面！食到果肉...味道也不差不是太濃味反而都是👉🏻日本Lisse蜜桃雪葩 $35有驚喜...味道清爽又清新...又可以連皮食..不過我都係食左小小姐...蜜味真的比蘋果味出喔！推介推介！飲品就叫了3杯...飲到肚脹脹👉🏻青檸奇異果酒店員推介之一...是新翻的喔...但明顯地偏酸...幸好配上一些食物可以中和番...好好飲又醒胃👉🏻小麥手工啤入口香醇及入喉回甘，喝後齒頰還留有很香的小麥味。這支令我改變對啤酒印象的手工啤👉🏻雜莓果酒麥味不會太濃郁，甜度較高帶點莓香味！算是杯新鮮又富個性的酒精飲品第二次來吃沒有失望...只有值得...女人街也有好的餐廳...我相信只要你願意試...驚喜隨時出現喔！…查看更多

通菜街行得多,但食嘢未試過,聽朋友講有好多美食一於今次就在這裏尋食行行吓見到間裝修得古色古鄉既餐廳今晚就選佢,入到去懷舊既裝修和柔和既燈光另到個人好舒服睇餐牌幾多選擇我就選左兩款小食、一個鐡板餐和一個甜品。坐左一陣兩款小食熱辣辣送上日式蟹肉炸薯餅,賣相炸得好靚,食既時候真係要小心,因為好熱出晒煙,咬落外脆內軟,內裏蟹肉和薯仔變成蓉食落好creamy,加埋個pp醬食好嘢味芝士焗田螺,焗溶左既芝士好煙靱嘢味,田螺軟棉棉有甜味:)食食吓主餐既餐湯和麵包就送上,好多餐廳白湯都係磨菇忌廉或者粟米忌廉湯,呢間餐廳居然係紫薯忌廉湯,比較少有,聞落幾香飮落好creamy跟住到主菜冰室雜錦鐵板燒(牛柳、羊扒、雞扒、德國腸),待應熱辣辣送上,但都未食得住,佢話叫唔同既扒會配唔同既酒倒落個扒,然後點火,燒一燒佢提升個扒既味道等火燒完再淋上你所選既醬汁就食得,呢間餐廳除左平常有既(黑椒、蒜蓉、燒汁)選擇,居然還有野菌汁,既然未試過一定試野菌個汁食落好香菌味,現在可以試牛柳,入口鬆軟好有牛味,而且只係6-7成熟羊扒生、熟程度和牛一樣,入口鮮嫰冇榨而雞扒需然入口唔嫰滑,但已鐵板燒來講,可能熟左d,唔乾唔鞋已經好好薯菜炸得夠脆,配菜蕃茄仔和青瓜好fresh。食完主菜梗係要食個甜品解解熱氣就叫個:日本Lisse蜜桃雪葩,賣相好靚好香非常冰凍,食落好清涼香甜,蜜桃味好濃食完齒脥留香,解除晒我d熱氣食完呢餐,原來通菜街真係好多美食…查看更多