【甘味處鎌倉 (屯門市廣場1期)】雖然依家天氣好凍❄但返完成個禮拜工咁攰，係時候要獎勵下自己，難得weekend去屯門市廣場行下，又點會阻止到我食甜品嘅心💗.🍓生草莓刨冰雪白嘅刨冰上淋咗每個士多啤梨醬，睇真啲都真係見到有啲士多啤梨籽係上面，粉粉嫩嫩勁有少女心，每一啖食落好似吸咗草莓汁嘅冰，甜甜地清涼又解膩💕🍵抹茶蕨餅+熱手打抹茶平時唔會話特別鍾意食蕨餅，但呢個配搭綠色中仲透出一陣陣清香，咬落去有一種柔軟嘅口感，抹茶味道濃郁又唔會太苦，配埋溫溫熱熱嘅抹茶，同朋友一路食一路傾計，唔覺唔覺就冇曬😂💚🥭芒果乳酪蕨餅第一次見可以飲嘅蕨餅，整到好似手搖咁😍飲品色澤金黃，底部滿滿黃色蕨餅，飲落入口滑順、甜而不膩，仲有一陣乳酪嘅香味，mix埋一齊竟然咁夾，好有熱帶風味，飲完之後勁滿足💛.去開屯門食完飯後，唔想食啲咁濟嘅甜品，真係可以揀呢間嚟試吓❕另外銅鑼灣 (希慎廣場) 同 沙田 (新城市廣場) 都有分店️🎉下次一定會再去試吓其他甜品✨.味道：❤️❤️❤️❤️價錢：❤️❤️環境：❤️❤️❤️❤️…查看更多
