天魔 (已結業)

放假入屯門玩，雖然睇唔到牛牛，但係都決定食埋個lunch先走冇行開呢頭，咁啱行開一田見到呢間，睇完餐牌覺得都唔錯，就決定食埋嘢先走。見到餐牌多數都係西餐，burger薯條，但係竟然有威靈頓牛扒二人餐，同埋千層麵！仲要人均百幾蚊，真係幾抵食。不過lunch就唔食咁飽，所以淨係叫咗burger薯條同埋千層麵，加小食同嘢飲。薯條單叫$18，如果叫咗主食跟餐就會平啲，$15有嘢飲同薯條。其實都幾大兜，仲要係粗切薯條，啱啱炸起好脆口呢個真係超推介，味道啱啱好，唔會話好鹹。另外仲叫咗杯Dirty同埋Latte,咖啡冇特別加糖，飲落去會係先苦後回甘，咖啡嘅香味都好明顯，同埋奶香濃厚，如果鍾意飲咖啡嘅可以試吓個burger係即叫即整，超級足料，講緊係大過一個成年男士嘅手（拎起都好重手）比起某間M字頭Burger，真係講緊差唔多兩至三倍嘅餡料，食落去係好傳統嘅burger味，加咗芝士同茄汁，肉扒好Juice，咬落去都會有汁水流出，唔會好乾，成個burger口感豐富，啖啖肉千層麵都係即叫即焗，等咗15至20分鐘，上到嚟個賣相都好吸引，側邊有好多薯蓉同埋芝士，味道都好好食，酸甜中帶有超級拉絲嘅芝士，千層麵皮都好煙韌，唔會話好淋冇口感，呢個價錢嚟講真係超級推介，性價比極高最後仲試埋個朱古力Brownie，朱古力味超級之濃，唔係平時食開代可可脂味嗰種feel，反而係黑朱古力嘅感覺，入口即溶估唔到一田入邊都會有一間性價比極高嘅平民西餐小店，如果再有機會，一定會再食，Staff態度好好，又坐得舒服，仲要價錢都唔貴，真係好值得一試…查看更多

約咗朋友一齊去食晚飯，估唔到喺一田裡面有間隱世漢堡包店。完全出乎我哋預料之外，餐廳嘅食物係即叫即整架😋😋 我哋叫咗一個手撕豬肉漢堡，係用竹炭麵包造架；另外仲叫一個至尊漢堡，配上手工牛肉漢堡扒🍔🍔，兩個漢包塊麵包都係外脆內軟，配埋入面嘅秘製醬汁，食落味道好滋味！我哋仲叫咗一份XXL韓式三文治🥪，從來未食過咁足料、大大份嘅三文治，入面有泡菜、火腿、蛋、午餐肉、蕃茄、椰菜，六層餡料真係無得輸，超級超級好食🤤🤤真心好鍾意呢間小店，五十幾六十蚊就食到咁高質素嘅漢堡包同三文治，仲要唔洗加一、唔洗排長龍，真係物超所值🤑♥️ 我哋仲加配兩款小食，吉列炸蠔同日式沙律，質素都唔錯。飲品就叫咗朱古力，其實見佢有好多款咖啡都幾吸引，不過我本身夜晚唔飲得，下次朝早再去幫襯先得☕️☕️…查看更多

好味指數😋😋😋😋回頭指數 ⭐️⭐️⭐️開心指數🤗🤗🤗🤗呢間小店隱藏響V city 嘅一田入面，見到評價都唔錯，就買外賣試吓先！至尊漢堡（$51）個burger 都算幾大個，漢堡扒幾厚身，唔會散開亦唔會煎得太乾，有大大片厚切番茄，芝士，生菜絲，芝麻包少少脆身，唔錯！韓式XXL 治（$50）打開睇吓，又真係幾厚wor！有厚切午餐肉、厚蛋、火腿、番茄、生菜絲、泡菜，三文治包係烘咗，厚到我一啖都咬唔晒，味道同預期差唔多，唔算好特別，係有泡菜味嘅公司三文治，不過用料上，的確比茶記公司治澎湃嘅！厚厚豬肋骨配薯蓉（$75）有兩大條豬肋骨，醃料嘅味道唔錯，整體上偏咸，呢方面要減分，不過薯蓉就好滑而且有蒜香牛油味，好味！整體上 burger 質素唔錯，絕對對得住呢個價錢！…查看更多

天魔（屯門）✨✨✨✨✨✨✨原來屯門一田超市裡面有好嘢食，正正座落喺天仁茗茶旁邊，主打西式burger及意粉類快餐。天魔的食品種類繁多，除漢堡包🍔及意粉，亦有扒類及慢煮料理，而且價錢相宜😆最低$53就可以品嗜招牌高質漢堡包！✨✨✨✨✨✨✨評分：🍩🍩🍩🍩(out of 5🍩)1. 手撕豬肉漢堡 - 超厚又足料！竹碳麵包烘得脆脆的，包住一絲絲豬肉，醬汁不是死甜的，另加上孜然等香料，有丁點印度風味，而且配料有脆脆的蕃薯條乾，以及椰菜絲！好好味！😋2. 至尊漢堡 - 雖然佢賣相唔及手撕豬漢堡咁靚仔，但内涵一樣咁高質！麵包都係烘得脆脆的，裡面嘅手工漢堡係有肉嘅質感又juicy（不是麵粉溝免治肉嘅普通貨色），配上類似手工醬汁再加上芝士、蕃茄片及菜絲，好得！難怪OpenRice 食評咁多好評👍🏼👍🏼👍🏼👍🏼👍🏼👍🏼👉🏻整體感，打完以上文字，回味返當日嘅burger，好想再返去食😍😍😋😋一分錢一分貨，並唔能夠套用喺呢度，出面食高質burger 起碼要$8x ， 而家$5x 就食到，性價比最高です！🌟千層麵、brownies 都係好多人推介的，可以試試！溫馨提示：店內初一、十五有齋食…查看更多

嚟Victy想食lunch，見呢間小店大部分食評都有唔錯評價，於是就試下。餐廳係一田超市入面，位置唔算多。唔算太餓所以無揀二人餐，分別叫左兩個一人套餐。先嚟左前菜同漢堡加配嘅薯條，薯條啱啱整夠脆而且好厚身朱古力表面有奶泡好飲至尊漢堡揸上手都幾大，好難先咬到完整一啖🤣Burger好juicy，有洋蔥，大件又好味。最後嚟嘅千層面，面頭鋪左薯蓉，味道不過不失。整體質素幾好，值得一試，餐牌仲有其他野食例如豬肋骨想下次嚟試下👍🏻…查看更多

之前不太為意原來一田有間食店，在地下，就在天仁茗茶隔離。逛完一田超市，想食便宜一點之際，才發現天魔！可以不用到一田外的茶餐廳進食，這裏環境比較潔淨及光線充足。所以決定在這裏進食。雖然是小店，但很用心。在poster上注明食物是：無味精煮調 No MSG:)現場製作 Home made即叫即製 Cook to order小食炸雞翼 炸粉薄連皮食罪惡感都少一點即叫即製，所以是熱熱的。至尊漢堡 $56 (套餐包飲味)以這個價錢來說，是有驚喜。是一口吃不下的那個size包有點脆脆的，我喜歡牛肉有牛味，調過味後不錯意式千層麵 （自選套餐$66，包飲品）雖然看上不大碟，但原來很飽的！！調味也可以。飲品跟餐半價點熱朱古力及榛子咖啡 (speciality cafe)難得小店都有拉花 還有咖啡機，不是普通沖粉咖啡Brownie 不太甜，外面焗脆，裏面軟軟的:)另外發現初一、十五特別提供中西式創意素食套餐:)…查看更多

韓式XXL 治 $56原本以為係似係公司三文治，但係就真係好食多多。雖然都只係最重要克服左公司三文治偏Dry嘅口感。 雖然都係火腿，蛋，蕃茄的材料，但重點係加左泡菜（韓式所在），一嚟就無咁Dry，二嚟就惹味啲。簡單有創意但好食。至尊漢堡 Set $56其實就係牛肉漢堡 lol. 價錢都合理嘅。同埋佢做得好嘅係真係煎香左個漢堡嘅外層，有少少香脆，有種外脆內軟嘅感覺。漢堡包上下嘅麵包層都少脆唔冧🍔半價可以轉expresso coffee…真心高質。收銀姐姐做埋Waitress和brewista.. 但都係hea貨物。隔籬個枱嘅咖啡，佢拉花係天鵝🦢 
Earl Grey Latte。我個Friend唔飲得咖啡，佢都tailor made左杯無expresso shot嘅比佢。

呢間餐廳嘅待客之道幾好，friendly同埋tailor made if possible .

小食都好好味。
Butter Corn唔係M記嘅牛油粟米杯，而係成條粟米一開二咁上。慢煮嘅牛油粟米超入味，係值得推介。

雞翼可能都係慢煮完先炸，所以裡面啲肉好嫩，但外面表皮就好脆。…查看更多

店舖喺v city裏面，但係真係依家先知呢個位原來係食店， 因為以前旁邊係買嬰兒用品， 依家轉賣家庭用品先至會經過餐廳嘅價格真係唔似係新地商場一田入面，唔算貴， 直情係平過上面嗰層啲餐廳好多，食一份慢煮豬骨肋骨連埋杯咖啡先至66蚊，仲要係慢煮今晚係帶埋媽咪出嚟堂食晚餐， 一人叫一份主菜1.慢煮豬肋骨豬肋骨多肉夠淋，切開係粉紅色，好明顯真係慢煮，而且好入味， 唔會死鹹， 食得返豬肉最原本嗰一陣豬肉味，係食得出慢煮同平時烤嘅分別主菜2.至尊漢堡漢堡好大個，裏面塊肉好厚，食到有肉汁， 裏面配咗生菜同埋新鮮嘅蕃茄，真係好難想像係用緊56蚊食到一個咁嘅漢堡仲要包嘢飲，呢個價錢仲平過mos burger 仲係好食好多小食1.雞翼雞翼入味又好大隻2.朱古力布朗尼覺得好有驚喜,唔係普通朱古力蛋糕，食落唔乾又唔會好油， 有濃濃的朱古力味，就算個底兜放張紙，都冇油喺個底度 質感仲有少少煙韌飲品1. 朱古力因為阿媽夜晚唔飲咖啡,所以揀咗朱古力2. mocha基本上一睇到佢門面嗰部咖啡機,基本上都已經知道唔會差得去邊, 除咗咖啡店真係冇乜幾多食店會願意花幾萬蚊去放部咖啡機，所以咖啡係勁正， 咖啡既香而且又飲到朱古力的甜味,甜度剛剛好，唔洗少甜已經好好飲仲要兩杯都有好細心咁拉花，So Q，唔係求其拉個心畀你就算咁啱老闆又喺度老闆，真係非常隨和，願意交流 烹調心得， 真係覺得好特別食店完全唔覺得係商場入面，好似係一個獨立空間嘅小店舖咁樣一性價比極高，今次食咗唔係好多款， 下次想食慢煮三文魚…查看更多

位於V city一田超市內嘅天魔，主打西式菜同埋咖啡，而且價錢親民。餐廳店面唔大，提供咗幾張小枱俾客人堂食，多數人都係黎外賣。至尊漢堡，內裡嘅手打漢堡超厚又juicy，配上芝士、椰菜、蕃茄、洋蔥等等嘅材料，而且漢堡嘅包非常脆口。韓式XXL三文治，XXL真係超級大件，麵包烘過，餡料都充滿住韓國風，有泡菜、午餐肉、火腿、煎蛋、蕃茄，顏色鮮艷奪目。Specialty Coffee，有雲呢拿同攻瑰味，今次揀咗雲呢拿，味道會比較甜。另外亦都點咗Latte，咖啡好香滑濃郁，拉花都做得好有心思，非常優質！最後仲點咗2款小食，雞翼炸完後外焦脆焦脆，內裡仲係好嫩滑。醬汁帶少少辣，非常惹味！布朗尼睇落結實，估唔到又非常鬆軟，朱古力味香濃又唔膩~…查看更多

餐廳位於一田超市內，直望已經見到大大個logo，鋪頭唔算大，但樣樣俱全。晚市6點半左右到，唔少人等外賣，亦有座位提供堂食，環境靜靜地唔錯。餐廳主打西式菜，仲有好多款咖啡可以揀，岩哂鍾意咖啡既朋友。叫左韓式XXL三文治，至尊漢堡，小食雞翼，小食朱古力布朗尼，2杯唔同口感既咖啡。韓式三文治非常震撼，超級大份。餡料顏色夠sharp而且材料豐富，有蔬菜煎蛋、火腿、午餐肉、蕃茄等，層層分明。老闆亦將三文治切成兩份，方便客人食用。三文治拎上手好重，而且食物即叫即整，厚包熱烘。煎蛋好厚，一咬d蛋汁流哂出黎，加埋蔬菜入蛋漿，夠健康。特別加入既泡菜層爽脆，令三文治更香口有清新感。另一款包類食物漢堡，又係好"墜"手。麵包同樣烘過，比三文治既麵包再脆。有紙包住個包，食個陣就唔怕d餡趺哂出黎。手打漢堡扒好厚身，肉結實又多汁，炒香既洋蔥配熱熔左既芝士，差d遮住塊漢堡扒。大大啖咬落去，就算食到最後，底層既包都keep住脆脆地冇變"林"。尼個雞翼冇得輸，係超多肉汁超嫩。首先醬汁開胃唔算好辣，醬汁包住哂成隻雞翼。個皮炸完係脆到一咬見到好多汁好閃令令，係非常有水準，誠意之作。朱古力布朗尼一份2件，外層烤焗後微微焦脆，切開個陣感覺實實地，但入口內層係非常軟。朱古力味好濃郁，個人感覺甜度適中，2個人每一人件剛剛好。2杯咖啡分別係dirty及latte。dirty由2層組成，顏色由深啡色到淺奶啡色交融，味道由濃厚到淡泊，一凍一熱，好特別。餐廳位置唔算好顯眼，但製作出有質素既咖啡，好難得。整體，環境舒服可以好好享受用心煮既食物，而且份量超多價錢又唔貴，係大商場都可以食到經濟實惠、高質食物唔容易。讚!…查看更多

每次行一田後很鍾意留意下收銀處後的食店。知道天魔這間店開左大約四五個月，都新新地，我哋之前也未試過，咁今日走就決定去試吓先喜歡店舖開放式設計，讓顧客可以望到聽到入面店員如何烹調，俾我哋一個信心。另外，一邊食嘢日一邊聽到店員煮食嘅聲音，都覺得好有親切感，食物份外新鮮好味。我們點了兩份主食，秘製豬肋骨 及 至尊漢堡秘製豬肋骨係一份花心思的慢煮菜式。佢哋專門有一個慢煮機，豬肋骨慢煮約二十四小時，再在客人點菜後加上燒烤汁再整熱，在底配上柔滑嘅薯蓉，非常好味！入口即化嘅豬肉加埋薯蓉係好好嘅組合😊至尊漢堡的漢堡扒由店員打肉及調味，味道剛好唔會太濃，配菜包括洋蔥、生菜、蕃茄、酸菜，口感唔錯。小食我們點了：奶油玉米朱古力布朗尼玉米好甜香，加埋奶油味都非常好吃秘製豬肋骨朱古力布朗尼係口感淋嘅個種，朱古力味重，熱食好香飲品我們點了：朱古力 及 有機紅茶（Breakfast tea)朱古力嘅牛奶味較重，好香滑有機紅茶味道都唔錯，食完各樣食物有唔同味留在口，飲一啖清一清再食下一樣野都幾好。整體來講，我好鍾意呢間店舖。店員都好友善，好有心整嘢食😊…查看更多

天魔開左一段時間，網上食評都講到唔錯，今次路過就嗌兩個外賣返去試吓千層麵$58用咗支多多及佢嘅漢堡來做對比，你就睇到千層麵嘅份量有幾多只有中間嘅位置係有千層麵，圍邊嘅有薯蓉，份量不多，肉醬味道都不錯，薯蓉好滑，用OpenRice外賣自取有折頭，實際$49，都係偏貴，因為份量真係太少喇，食一個唔夠飽要食埋個漢堡至尊漢堡$48個漢堡整體都唔錯，好味道，夠大個，OpenRice外賣自取有折頭，實際$41…查看更多

今日小弟同女友人黎左屯門行街， 行行下過左V City.. 發現佢好多食店都執左或姐變晒樣... 跟住我地行左落最底層一田, 開頭想買杯天仁茗茶飲但女友人話肚餓, 咁岩就發現原來角落頭有呢間天魔... 咁我地就費事揀入去食啦.. 野食我地叫左至尊漢堡，韓式XXL治， 一份雞翼同埋慢煮奶油粟米, 野飲就一杯凍朱古力同cappuccino... 味道方面我想講個慢煮奶油粟米真係好正好甘香仲要好有咬口, 平時唔多食塞米既女友人都話好正同食晒.. 真係要ten more please! .. 個至尊漢堡就好大個雖然唔係話好爆汁爆juicy, 但勝在好企理份糧適中同濃厚既牛肉香, 個韓式XXL治都好特別個涵似係泡菜肉碎炒蛋， 幾特別同足料, 之後食埋個脆雞翼就岩岩好大滿足.. 個凍吉鏢煎爐都可以ten more please .. 因為小弟不嬲唔好咖啡.. 但我飲完佢呢杯之後真係上上哋癮.. 好易入口同幼滑..…查看更多