找餐時間 (已結業)

係屋企附近搵嘢食 😎 原來有間幾舒服嘅cafe 架喎 黑松露雲蛋多 📍 好香黑松露味呀 😍 啲蛋又打得好起，食落好似空氣咁，好特別。 加埋啲橄欖油食，仲香仲好食自家製叉燒冷麵 📍 天氣咁熱咁焗，最岩食冷麵啦。 叉燒焗得岩岩好，唔好太老，質感唔會'鞋' ， 唔怪得大家都推薦…查看更多

今日原本打算與男朋友到附近出名的食店食蛋餅，驚覺已經結業。😱於是抱著失望的心情周圍搵食，便意外發現這間小店。店內設有室內及室外用膳，天氣較為熱，故選擇室內用膳，位置不多，不過設計簡潔。自家製叉燒拉麵加配溏心蛋，有和風芝麻醬、芥末醬、泰式甜酸醬及廣島醬四選一的自選醬料。自製叉燒雖然較薄，但口感很好，加上粟米及芝麻醬，感覺清新，夏日之選。👍🏻日式蝦仁炒麵足料推介之選，$58配有很多蝦仁及櫻花蝦，啖啖均有櫻花蝦，味道亦不俗！好抵食！😋黑松露蟹子玉子蟹子超多，食落一粒粒蟹子爆開😍👍🏻，玉子中間有芝士滲出，好吸引，但黑松露有點不足，下次可以試其他！…查看更多

經常在西環蹓躂的小人，有次到了一家充滿文青感覺的餐廳用膳，吃了一碗日本冷麵。翻看餐牌，主打日韓食物，沙律、小食、雲蛋多、日式冷麵等等，都是輕食為主。小人柯打了一碗自家製叉燒冷麵配芥末醬，追加一只溏心蛋。吃慣日式拉麵，這道冷麵帶來一抹新鮮感，滑滑的冷麵混以芥末醬，少許的嗆辣感覺令人精神為之一振！叉燒有五片，未為太薄，肉質偏瘦，軟熟得來有咬口，而且十分夠味。配料還有粟米粒，增加鮮甜。溏心蛋很夠蛋香，一滑入喉。少了一貫日式湯拉麵的油膩感，多了一入清新。…查看更多

西營盤自從有地鐵真係開左好多餐廳呢間日式輕食店係正阿元來了隔離我本身係為左雲蛋多而黎但呢個鰻魚玉子燒係一個驚喜本身其實麻麻地鰻魚但朋友勁鐘意但食落又幾好味喎鰻魚燒得幾香 玉子好滑 微微蛋甜香一啖有多重味道同口感雲蛋多☁️一嚿雲放在多士上，賣相真係好吸睛梗係要相機食先📷食落其實真係幾似梳乎厘配多士只係呢個蛋白本身冇乜味，但加糖漿食就好似啦，感覺都係入口即溶 好有空氣感多士加左少少牛油令多士香啲，但可以再烘耐少少令佢脆身啲個蛋黃都唔係淨係為靚架，蛋黃漿增加整體蛋香，一啖真係有好多唔同口感咸與甜之間亦平衡得好好，又好睇又好食!反而麵食一般 叉燒幾爽口 但冇蜜汁硬係爭d最唔鐘意係個麵質好硬好乾好快已經食濟左雖然日式芝麻醬係調得幾好味但都救唔到個差的麵朋友食的冷麵都係有同樣問題不過值得一贊係好多蟹子👍🏻但就唔係太夠黑松露味 可能俾芝麻醬蓋過呢間小店睇得出食物係用心制作 選擇都算多玉子燒同雲蛋多都好出色 不過麵食就麻麻可考慮下午茶黎試下啲輕食!…查看更多

熱到想喊嘅星期六下午，當隔離排到身水身汗嘅時候，呢度有一張喺正冷氣下嘅4人檯，二話不說要即刻衝入去，舒服晒。有沙律、玉子燒、多士、冷麵、小食、甜品盒及各式梳打、益力多、沙冰及茶。咁多凍冰冰嘅野，夏天真係啱晒！芥末照燒雞沙律 ($42)沙律上面有烚蛋，但店員話唔好意思，烚蛋暫時賣晒要轉另一樣材料，好緊張會轉乜野呢？！之後佢話，係會轉溫泉蛋，哇好興奮呀！雖然烚蛋已經好正，但溫泉蛋比烚蛋吸引100倍呀！外貌非常吸引，最底層舖滿沙律菜及粟米，之後就係好多片嘅照燒雞及車厘茄，再唧滿自家製芥末，最頂就係溫泉蛋，喺呢個咁肚餓嘅時候真係等都唔想再等，要即刻食！自家製芥末好攻鼻，夏天食好刺激！雞肉好juicy，肉質鮮嫩；菜撈埋溫泉蛋汁食簡直無得頂啦，$42咁好味，抵食！自家製叉燒冷麵 ($52)惆悵緊應該食乜野冷麵，既然寫住係自家製咁就梗係要試吓啦！叉燒肥瘦適中唔乾身，自家製果然係唔同啲；但冷麵嘅口感有啲趣怪，有啲似食緊膠，比較硬身，雖然好沾和風芝麻醬，但似乎唔多適合做冷麵喎！旁邊嗰隻糖心蛋，未係超級糖心但都合格，用叉燒點點啲蛋汁嚟食，一流！黑松露蟹子冷麵 ($48)色彩繽紛，一大堆蟹子上面有一小撮黑松露醬，好香！廣島風玉子燒 ($38)有4件玉子燒，每一件上面都有好多木魚花給櫻花蝦乾，玉子燒好厚身又熱辣辣，正！鰻魚玉子燒 ($42)由於仲係好肚餓嘅關係，叫多個玉子燒食吓！每一件上面都舖滿鰻魚絲，玉子燒入面塞滿芝士，勁好味！青柑桔柚子蜜梳打 (+$11)咁熱嘅天氣，點可以唔飲返杯凍飲？！店員話我哋叫咗主食，可以有4杯飲品，喺咁嘅天氣下聽到咁嘅消息真係好振奮！大大杯嘅梳打非常透心涼除咗麵嘅質感可以再改善一吓外，其他食物質素都不錯，最緊要係抵食，而且服務態度友善。每人like咗佢哋個facebook可以平$5，我哋4個人都有like，所以平咗$20，值得一試！…查看更多