美滋鍋 (家樂坊)

美滋鍋，位於旺角，長期排隊既新加坡火鍋放題，雅致裝潢，等位都有水果茶飲☺️超級豐富甜品小食自助區🍢超過20款甜品選擇 - 提拉米蘇，懷舊砵仔、自動Pancake機、港式街頭小食、炸午餐肉、炸漢堡扒、手撕雞等，仲有生果、醬料等，選擇真係無得輸🤗招牌湯底：膠原蛋白養顏美容鍋💅好濃好好味既湯，飲落好舒服👍🏻飲夠就開始狂叫牛，美國四方肥牛同精選肥牛味道相近，油脂好夠，加葱蒜食好正🤤PRIME牛下肩胛，牛味好濃，肉質薄少少，M6和牛前腿心，較瘦但都重牛味😘三黃鮮雞件，肉質嫩滑，同湯都好夾，韮菜豬餛飩，皮滑韮菜餡味道幾好😗牛栢葉爽身好味，沙白估唔到咁鮮咁肥美！正👍🏻竹籤蝦任叫，又鮮又爽，必食😎菠菜芋絲吸湯都好味，加埋個拉麵，完美食飽😌食物種類多而質素都好好，樣樣野食都高質🥳全新甜品火鍋放題係$198起，性價比之選，開到凌晨兩點仲要9點後入座無限時🤗全新午市無限時任食，12pm-4pm，食到你夠😆依個價錢加埋特色湯底真係超值，快啲book位嗱🤘🏻…Read More

係旺角想食個養生鍋放題，即刻掛住美滋鍋🇸🇬出名性價比高，位於旺角家樂坊，裝潢靚位又闊落，自助區好多款甜品選擇，仲有Pancake機😍生果、醬料、即食小食都好齊，炸午餐肉同炸漢堡扒即食香口正，冷泡茶同啤酒爽👍🏻膠原蛋白養顏美容鍋，黎依度必叫💕奶白養顏飲濃湯，好好味好養生🥳養生香辣鍋，飲就太辣但配食材就好惹味👍🏻開始食牛！🐮上菜好快，美國精選肥牛好大件，啖啖肉爽😎美國四方肥牛油脂好夠，配辣湯好味😋美國PRIME牛下肩胛，牛味好濃，最鍾意依款👏🏻三黃鮮雞件，嫩滑厚肉，幾好😌海鮮時間🦑蟹籽墨魚滑必食，超足料又夠鮮👍🏻蜆相當肥美，夾養生湯底正，串串鮮蝦，好鮮肉彈又夠爽，好味🤤韮菜豬餛飩，餡料味道幾好，記住食菜都係重點，皇帝菜、唐生菜同菠菜都鮮到有機咁，超正🤩選擇多質素高，而講緊全新甜品火鍋放題係$198起，性價比高到一個點🫶🏻開到凌晨兩點9點後入座係無限時🤔真係，抵佢排晒隊咁，要試下啦！😇…Read More

美滋鍋🫕相當出名既新加坡火鍋放題，就係旺角家樂坊，光鮮亮麗既裝潢，超級豐富既自助區🌟超過20款甜品選擇，Tiramisu、迷你砵仔糕、Pancake機等，仲有勁多生果、醬料、即食小食等，冷泡茶好正，肚餓得濟食左炸午餐肉同炸漢堡扒，配埋日本麥啤唔錯🍻招牌湯底：膠原蛋白養顏美容鍋💁🏼‍♀️滾左就飲得，幾濃既藥湯，好好味😙果然係招牌，必叫！養生藥膳醉雞鍋，都係飲得既湯底，酒味唔算濃，藥材味就好出🤞🏻牛魔王黎喇！😈狂叫牛，上得好快，美國四方肥牛同美國精選肥牛味道相近，油脂好夠，大啖大啖食好正😮‍💨美國PRIME牛下肩胛，牛味好濃，肉質薄少少，另一個享受😎三黃鮮雞件，勁嫩滑既肉質，雞配兩個湯底都超夾，要食！🥳另一湯底配搭就係滑豆腐，可以連湯食👏🏻韮菜豬餛飩，皮滑韮菜餡味道幾好👍🏻芝士蝦丸，⼀咬爆芝士，真流心，好味😋估唔到食菜都係重點，因為有皇帝菜，好少見任食火鍋會有，好鮮好重口味，正🩵食物種類多而質素都好好，樣樣野食都高質😆全新甜品火鍋放題係$198起，性價比高到，開到凌晨兩點仲要9點後入座無限時🔥依個價錢加埋特色湯底真係超值，唔怪得之排晒隊，記住黎要book位！🙌🏻…Read More

係香港我心目中數一數二的火鍋店中，美滋鍋係其中之一，原來餐廳近日已經轉咗放題形式，而價錢相對之前抵食好多，而最平的時段只係每位$198！湯底未滾之時，當然去攞嘢飲先啦。餐廳飲品選擇都幾多，除咗幾款冷泡茶，更有多款汽水及果汁。每枱仲會送人頭刺身拼盤，三文魚激讚，切得夠厚身，味道都夠鮮！呢個火鍋店其中一個賣點就係湯底！除了常見的芫荽皮蛋/ 沙嗲/ 蕃茄/ 冬陰功，更有幾款人氣的養身湯底，而我今次就點了膠原蛋白養顏美容鍋，湯底非常足料！湯底以瑤柱、雞肉、雞腳、豬骨及豬手熬製，含豐富的骨膠原！係眾多的任點食材賞中，最令我眼界大開係沙白！我第一次見放題火鍋店見到有活生生的海鮮，無錯，係任食！每粒煮完仲而且又大又肥美，我也encore了幾轉。三黃鮮雞件肉又厚又嫩，而且雞皮夠滑溜溜。餐廳仲有多款肉肉，有爽口的牛舌、紐西蘭羊肉卷、田野鄉村嫩豬花肉、美國四方肥牛、美國精選肥牛、美國安格斯風門柳、美國安格斯三國牛、美國PRIME牛下肩胛，甚至有澳洲和牛！此外，餐廳仲有多款海鮮、餃子、海鮮滑等多款火鍋配料可以選擇，更有花膠可以選擇，呢個價錢來講，性價比超級高！題外話，鴨血味道唔腥，入口嫩滑。豬膶亦無腥味，而且口感爽脆，推介推介。總括而言，餐廳食物選擇多，質素好。而且環境舒適，仲有小朋友室內遊樂場，推薦被想搵個舒服地方坐低食餐飯的朋友，或者帶小朋友的家庭。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…Read More

.‼️❤️ 記得CLICK我PROFILE關注我呀 ❤️‼️.🥘 𝘼𝙡𝙡-𝙔𝙤𝙪-𝘾𝙖𝙣-𝙀𝙖𝙩 𝙃𝙤𝙩𝙥𝙤𝙩 𝙎𝙚𝙩 @ 🌟 美滋鍋《👽食神大媽打邊爐》.👽 大媽作為邊爐怪，不分季節都要不停出動打邊爐啦！今次就黎到呢間位置超方便，無人不識超人氣任食火鍋店試下。.👀 餐廳有幾款任食套餐選擇，今次就選擇左「精選套餐B」只需要 HKD 228，呢個價錢唔單止食普通肉類，仲會額外俾你食「美國PRIME牛下扁胛」，其他餐點配菜都無少過架，食足120分鐘！.🤩 一開始先會送上一隻刺身船，有肥美嘅帶子、三文魚、北寄貝、八爪魚、甜蝦。.🥘 上湯底啦！係「膠原蛋白養顏美容鍋」同「滋補養生香辣鍋」👅 一次過滿足曬又想養生又惹味嘅慾望！有成八款湯底，下次要試埋其他嗰幾款先得 😆.🐂 全部牛牛都完全鮮嫩無筋，除左牛牛仲有豬、羊同雞，款款都好嫩滑。重點係，D肉類完全無雪藏臭味！.🍡 肉類以外配料都好多選擇架，有多款海鮮同丸類，仲有好多自選配料、蔬菜等等，多達60款！最有心思係會送一個「蔬菜綜合拼盤」拼湊得好似一盤盆栽咁，好CUTE呢 😍.🥃 有好多款飲品任叫，其中呢款洛神花茶就好特別。最後叫埋單嘅時候，店員仲會送上沙冰，清一清味蕾，爽呀！.😇 呢個價錢，食到咁多種類嘅食物，簡直難以置信！黎呢度打邊爐食嘢之餘，被滿滿嘅粉紅裝設包圍心情都可以放鬆下。大家記得要約齊D朋友仔黎呢度打邊爐喇！❤️.📍 旺角登打士街56號家樂坊8樓803號舖☎️ +(852)3162-8238.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…Read More

✅舒服又乾淨 啲坐位都闊落 仲有打卡位添✅食物普遍唔錯 湯底好飲✅火鍋配料個邊有好多recipe教你點溝醬 好得意❌但有樣野我需要強烈遣責呢間野自己標榜話慶生會有店員唱生日歌、又乜又物咁 但係實際其實係冇 只有送一件蛋糕 而且店員係西面地送上 真心失望 （而且蛋糕是難食的）✴️我有用openrice嘅訂座優惠 但埋單記住check下有冇折到 因為一開始佢唔記得比折我🙂✴️預啲時間係樓下排隊等lift 非常多人⭕️膠原蛋白養顏美容鍋 ⭐️⭐️⭐️⭐️⭐️（打邊爐前記得飲咁湯先 呢個湯底好好飲）⭕️滋補養生香辣鍋 ⭐️⭐️⭐️（可能因為行養生路線 所以唔夠惹味）⭕️花甲 ⭐️⭐️⭐️⭐️⭐️（好大隻 鮮甜 冇沙）⭕️黃金魚皮 ⭐️⭐️⭐️⭐️⭐️（鹹蛋黃魚皮呢樣野本身就冇得輸😂）⭕️綜合滑 ⭐️⭐️⭐️⭐️（有豬肉滑 蝦滑 墨魚滑 全部都幾好食）⭕️丸子盛合盤 ⭐️⭐️⭐️（呢個味道普通 但打卡靚都可以一試）⭕️精選牛肉拼盤 ⭐️⭐️（呢個打卡好靚 但肉嘅質素真心一般 得骰子牛肉好啲 但其實都係冇咩肉味同粗）…Read More

呢排終於感受到秋天嘅感覺，所以係時候係打邊爐嘅季節，今次介紹咗呢一間係新加坡嘅過江龍，除咗招牌嘅美人湯，佢哋嘅粉紅色裝修都係大家到訪過啲原因。美滋鍋係一間喺旺角家樂坊嘅火鍋店，喺新加坡嘅過江龍，喺新加坡樂天餐飲集團旗下，係新加坡非常人氣，喺19年插旗香港，火鍋店以粉紅色為主題，湯底集多國特色，好似有日式Shabu-shabu、四川麻辣、台灣藥膳等。餐廳叫美滋鍋，係因為想打邊爐都可以食得健康，尤其係佢個招牌湯底係膠原蛋白養顏美容鍋，飲落去清甜養生。餐廳最吸引人，就係佢嘅粉紅色裝修，入到門口就見到一隻巨型粉紅色嘅啤啤熊，入邊都係以粉紅色為主，好啱打卡。餐廳空間感十足，枱同枱之間距離都闊落，環境夠乾淨，燈光夠明亮。枱底仲有叉電，櫃桶仲有紙巾，而火鍋爐都有抽風功能，吸走油煙。而且入邊仲有室內兒童遊樂場，啱晒一家大小。餐廳係用平板落單，圖文並茂，非常方便，隔離仲有沙漏俾大家計時。-1️⃣ 醬料 💰20pp（👅: 8.5/10）1️⃣ 小食 （👅: 7.5/10）呢度出邊會有自助區，分別會有醬料同埋小食，醬料種類有廿幾款，而且牆上面會有一啲推介嘅配搭，非常類似海底撈。我自己覺得花生味碟係幾好，另外依度有海底撈，我最鍾意嘅菇醬，所以成日會就咁匀來食。小食方面除咗有生果好似橙、火龍果、西瓜、哈密瓜，仲會有餐前小食，好似花生、雲耳、冬菇、涼拌青瓜，全部都係無限添食。-1️⃣ 膠原蛋白養顏美容鍋(鴛鴦鍋) 💰128（👅: 8.5/10）酸菜魚鍋(鴛鴦鍋) 💰98（👅: 8/10）湯底方面，佢可以揀一個鍋、鴛鴦鍋或者四格，所以同海底撈好相似。我就揀咗鴛鴦鍋，一邊係佢招牌嘅膠原蛋白養顏美容鍋。店員建議煲滾左可以匀湯嚟飲先，湯底係奶白色，睇落去濃稠，可以見到紅棗、杞子、豆腐、香菇、松茸，入邊其實係花膠豬骨湯做底，仲用咗瑤柱、雞肉、雞腳、豬骨、豬手等多種食材熬製，飲落去好鮮甜，係鮮甜嘅雞湯味，帶少少藥材味，煲耐左膠質更加明顯，而且加水都係加返呢個湯，而唔係加水。啱晒女士滋補，又可以補充骨膠原，飲幾碗都唔會覺得口渴。而配料方面，豆腐入口非常滑。至於酸菜魚鍋係佢之前新推出嘅，湯底用四川酸菜、指天椒、紅花椒、青花椒等材料長時間熬製，叫咗中辣，飲落去我覺得係譚仔嘅二小辣到小辣，所以唔食得辣嘅人應該要叫小辣，飲落去係酸味同埋辣味同時突出，唔係後勁嗰種辣，麻味就要飲多幾啖先會有後勁，唔好以為加水就冇咁辣，佢其實會越煲越辣，花椒味會更加出。入邊嘅酸菜份量都幾多，而且食起上嚟都夠酸。另外佢嘅生魚會分開上，店員建議淥15秒就得，魚肉比較厚身，入口偏實小小，不過算小小滑溜，無骨，浸15秒已經好入味。而呢個鍋非常入味，無論係淥肉類定係其他食材，都可以食到酸菜魚湯嘅味道。-2️⃣ 精選牛肉拼盤 💰288（👅: 8/10）牛肉拼盤分別有五款牛肉，有安格斯牛小排、安格斯封門柳、美國牛板健、巴西牛舌、美國牛丁，店員仲會倒水入去乾冰，打卡一流。除左美國牛丁建議淥40秒，其他淥8秒就可以。牛肉全部都夠新鮮，當中最鐘意係安格斯牛小排，油花分佈平均，入口係最軟嫩，食落油脂甘香，帶小小牛味，齒頰留香。至於封門柳咬落係有嚼勁個種，肉味係最濃一款。牛板腱算係牛味同油脂平均，比封門柳嫩腍小小，帶嚼勁。巴西牛舌夠薄身，咬落爽彈，食落小小肉味。️肥牛丁好似骰仔牛，係有咬口個種，部份會有筋，食落油脂好突出，我自己略嫌油脂太勁。-3️⃣ 餃子綜合盤 💰98（👅: 9/10）餃子綜合盤有自家製鮮蝦水餃、韭菜餃、蝦卷、豬卷，每隻餃好飽滿好足料。當中最鍾意係韭菜豬肉餃，呢度既皮都算薄，似雲吞皮，入口嫩滑，食薄去韭菜味突出，入面既豬肉好似醃過咁，非常入味，係我食過數一數二好食既韭菜豬肉餃。珍寶鮮蝦水餃內餡一樣紮實豐滿，入面有粒粒蝦肉，咬落夠彈牙，食落鮮味十足。蝦卷同豬肉卷係長條形餃子，入面既餡料一樣係好飽滿。食完覺得佢係比火鍋耽誤既餃子店。-4️⃣ 丸子綜合盤 💰98（👅: 8.5/10）丸子綜合盤入面有蝦丸、牛肉丸、墨魚丸、豬軟骨爽肉丸，全部都係手打。最鍾意係墨魚丸，真係咬到一粒粒墨魚，非常彈牙，食落鮮甜，如果係芝士版應該更加好食。蝦丸同墨魚丸一樣咁彈牙，有蝦肉本身既鮮甜味。軟骨爽肉丸係豬肉丸，滑身得黎有軟骨爽口既口感，食落豬肉味香，調味得宜。-5️⃣ 炸響鈴(半份) 💰25（👅: 8/10）炸響鈴夠大條，咬落都算酥脆，擺落呢兩個湯都好入味，唔會太油膩。-6️⃣ 鮮准山(半份) 💰19（👅: 8/10）鮮准山夠新鮮，入口爽口，而且都算入味。-7️⃣ 自制水果紅茶 💰25（👅: 8/10）飲品有三款，女朋友叫左水果茶，可以無限添飲，茶壺幾靚，飲落幾香，有水果味但又唔會太甜。-8️⃣ 竹蔗茅根 💰25（👅: 8/10）我就叫左竹蔗茅根，可以無限refill，飲落去清甜解渴，唔會太甜，店員都好主動refill，真係好抵飲。-🌟整體我覺得呢度嘅模式好似海底撈，無論係醬油定係湯底方面，不過食物質素比起海底撈都要高質，無論牛肉、餃子、丸方面都係比海底撈好食，當然佢個價錢都會比海底撈貴，偏中高價既火鍋。另外餐廳粉紅色為主題，好打卡，而店員服務方面幾好，今日會主動refill飲品，亦都會主動加湯。而且餐廳開到12點，我係平日夜晚去，唔算滿座，有人10點幾入嚟Walk in食都得。我7:30食到差唔多10點，都冇俾人趕走，所以係可以慢慢食嘅一間火鍋店，可能假期會多人啲就有時間限制。同埋聽講佢有好多唔同嘅優惠，例如喺OpenRice 定位有六折到八五折嘅優惠，聽講分享同女性朋友用餐嘅相去FB/IG 會有免費特上牛魔皇拼盤，同埋逢星期一到訪美滋鍋，女士可獨家獲得Moon lady特飲同綠野仙蹤蔬菜拚盤1份，計埋優惠，係好值得到訪嘅一間火鍋店。-👅味道: 8/10🍴環境: 8/10💰消費: $300-400 (服務費: 10%)…Read More

秋天微涼，就係火鍋季節嘅開始喇！今次去到🎀粉紅火鍋店 #美滋鍋 ，大門口有粉紅bear bear 🐻‍❄️迎接你🥰！全店以粉紅色為主調，無一般火鍋店嘅油煙感覺舒適，除左打卡熊仔，仲有仲有小朋友遊戲室，照顧大人細路嘅需要！👧🏻Caca今次食乜嘢？🍲膠原蛋白養顏美容鍋 $218 - 有滋補養顏嘅膠原蛋白湯底，材料有紅棗，杞子等，起筷前一定要飲返碗湯滋潤吓！🍡丸子整合盤 $98 - 有牛肉、墨魚、龍蝦、豬肉四款肉丸，款款爽口彈牙！🥩特色肉拼盤 $228-「安格斯牛柳」油脂分明、「安格斯風門柳」有咬感、「西班牙黑豚香肩」嫩滑而且肉味香濃、「田野鄉村嫩豬肉」可媲美五花肉滋味、「澳洲羊肉卷」香而不膩，中意食肉嘅朋友仔，大滿足呀！🥒萵筍片 $19 - 鮮甜爽口，食完咁多肉肉要調和下呢！🫖自制水果紅茶 $25 - 帶微微果甜，清膩剛剛好！🍊最後仲送上冰爽柚子茶，perfect呀！…Read More

『美滋鍋』 彷彿有種魔法..... 這日又來到熟悉的家樂坊8樓，話說這裡有一款「膠原蛋白養顏美容鍋」令人愈飲愈靚，吸引愛美的我，定期來補充骨膠原。餐廳貫徹粉色的現代少女風格，可愛粉熊在門口相迎， 粉色卡座位，輕快的音樂，任食前菜，水果，五星級服務態度，每次來都令人感到無限放鬆...... 接近30款自助調料，任意混醬，芝麻醬，沙茶醬，醋， 辣椒醬，醬油等，都是食火鍋的好選擇。前菜免費任食～～～🤹‍♀️🤹‍♀️這日有酸辣木耳， 蒜蓉青瓜，炸花生和酸梅醃蘿蔔，其中蒜蓉青瓜最開胃，小清新。餐廳採用平板電腦點餐，十分方便。大部份菜品都可以選擇半份 / 一份，心大心細，想試多幾款都無問題。一個價錢無限添飲...... 🤹‍♀️🤹‍♀️🚩紫貝天葵洛神花茶 $25入口酸酸咪咪好開胃，仲可以養顏補血～🚩 竹蔗茅根 $25竹蔗味道清甜滋潤，解渴又解暑～🚩 膠原蛋白養顏美容鍋 $218越飲越靚的養顏美容鍋，每日由雞肉，雞腳，豬骨， 瑤柱等熬煮8個鐘而成，難怪入口鮮甜味美，每次來我都要飲3 碗， 吸滿骨膠原，再加湯打邊爐。🚩 美國安格斯牛小排 （半份）$139色澤鮮紅的牛小排脂肪分佈平均，在滾燙的湯鍋裡輕煮幾秒就食得， 雖然不是最頂級，但也很重牛味，可以一試。🚩 珍寶鮮蝦水餃（全份） $88呢款珍寶鮮蝦水餃係我的最愛，一份有8 隻，粒粒都包滿大蝦同木耳，脹卜卜， 口感爽脆彈牙，鮮甜味十足。🚩墨魚丸（半份）鮮製墨魚丸質感很黏，煮熟後爽口而有彈性， 食得出墨魚鮮味，跟在超市買的結實墨魚丸完全不一樣。🚩芝士蝦丸（半份）由鮮蝦打成的蝦膠包著芝士夾心，整粒放進口中，享受芝士在口腔內融化的口感，很幸福。飯後水果任食～～～🤹‍♀️🤹‍♀️食完水果後，店員送來冰凍的「柚子沙冰」，透心涼的沙冰，釋放濃郁柚子果香，酸甜中，又帶點柚子皮回甘的味道， 很討好。定期來『美滋鍋』補充骨膠原，除了令體質更好外，也令身心靈得到放鬆，確實是一個休息充電的好地方。美滋鍋 (家樂坊)旺角登打士街56號家樂坊8樓803號舖🌙月光太太…Read More

看到旺角家樂坊門外的廣告版，發現了位於8樓的美滋鍋店內環境很粉紅的少女風，且很整潔，店員亦禮貌有加:)進店會先探熱及為顧客噴清毒搓手液點餐是用平板電腦，指示亦算清晰膠原蛋白養顏美容鍋～～～～～～～～～店員叮囑要先喝湯，真的很甜很濃厚，用料十足最後跟太太每人喝了兩碗呢醬料～～雖要付費但選擇很多，亦有特製的辣醬另外亦有前菜及水果提供:)珍寶鮮蝦水餃～～～～～～水餃大件、蝦肉多而新鮮，安歌多了一份蝦卷～～外表像春卷，蝦肉鮮甜香菇丸～～～不像其他火鍋店，沒帶一點急凍的味道，肉汁鮮嫩而香菇味出魚三角～～～店員推薦，想不到的多肉，喜歡魚的朋友必點西班牙黑豚五花肉～～～～～～～～以這個價格有這樣高質的黑豚肉簡直超值，同時肉質滑而不膩魚鰾筒～～～新鮮爽口，少有火鍋店提供紫背天葵洛神花茶～～～～～～～～25元可以任飲，酸酸甜甜很開胃，沒有不加之理總括來說，這家新加坡來的火鍋店各方面都很出色，不妨一試…Read More

最近減少了外出用餐和參加聚會，和朋友已經很久沒見過面了， 鬼妹仔朋友以前在新加坡讀過書，所以就把我帶到旺角家樂坊的新加坡人氣火鍋店美滋鍋， 一齊烚下烚下慢慢傾。原來家樂坊內，都有好多店舖和餐廳，以後又多一個地方消遣。值得一讚的是，入餐廳前， 店員會先幫客人用紅外線探熱器探熱，探完熱，又遞上消毒酒精啫喱給我們擦手， 細心的舉動，除保障食客的安全外，更令我們感到放心，很讚。店內裝潢富有少女風，用上夢幻粉色系布置，充滿甜美感覺，環境也太美了吧。火鍋湯底，可選單鍋、鴛鴦鍋和四格鍋，我們選了招牌膠原蛋白養顏美容鍋，湯內有豆腐，瑤柱，雞肉，菇菌， 豬骨及紅棗等， 真材實料，充滿骨膠原，湯底口感獨特，鮮甜黏口，我們兩個都忍唔住要先乾掉3 碗養顏湯，再開始打邊爐。火鍋料方面，大部份食物都可選擇半份或一份，啱晒我吔，可以食多幾款。店員介紹店內所有肉丸、滑類和餃子都是手工製作，誠意十足。先送到的是魚豆腐， 造型別緻獨特，咬下去重雞蛋香味，口感像玉子豆腐， 滑嫩可口。🌹牛肉丸，鮮紅色的牛肉丸非常吸睛，食得出有陳皮吊味， 牛肉味足，唯獨帶有點牛騷味， 扣去少許分數。🐂白鱔片， 只需滾15秒就熟，入口軟滑但帶點小魚骨。🐟珍寶鮮蝦水餃，餃子內包著滿滿的蝦肉和木耳， 各自鮮爽，精彩非常，令人食過返尋味。飲品方面，我們點了竹蔗茅根水和紫貝天葵洛神花茶，25元就可以無限添飲，性價比極高，而且打邊爐邊飲邊食，比較下火。…Read More

之前係ig見到有間火鍋店以粉紅色為主題嘅時候，小編已經bookmark定「美滋鍋」☺️～來自新加坡嘅火鍋店，裝潢以粉紅色為主， 門口仲有一隻大大隻粉色玫瑰花🌹砌成嘅熊仔，打卡影相一流！😏餐廳仲設有兒童遊戲室，好多小朋友都會跟住爸爸媽媽去食飯，坐唔定，有左呢個遊戲室，父母就可以舒舒服服安心食飯，小朋友又唔洗怕悶啦！😆午市有套餐優惠，晚上10點後入座所有火鍋配料8折優惠，宵夜啱晒！火鍋湯底可選單鍋、鴛鴦鍋和四格鍋，其實四格鍋同單鍋價錢差唔多，如果第一次黎食，揀四格鍋一次過試晒四款口味都係一個唔錯嘅好選擇！不過小編最想美顏滋補，所以揀咗招牌湯底🌟推薦❗️膠原蛋白養顏美容鍋（$218）以瑤柱、雞肉、 雞腳、豬骨和豬手等含豐富膠原食材熬製而成，每啖湯都有濃濃膠質，清甜可口，飲完之後個嘴仲會比「漿」住，膠質感十足！打邊爐之前可先飲湯，試試湯底嘅原汁原味～😏打邊爐之前先混個醬！醬料區超齊全，仲有醬料混合推薦，最重要係小食、水果任食，正！火鍋配料都有好多選擇，而且所有肉丸、滑類都係手工製作，最重要嘅係，大部分嘅火鍋配料都可以選擇半份或一份，倆口子同大夥兒食都得！嫩肩小羔羊肉（$98）一份有十塊，肉質鮮嫩細緻，羶香味美～值得一試！🌟推薦❗️台灣新鮮鴨血（$29/半份）一客有四大件，都幾抵食，入口滑順軟嫩～🌟推薦❗️牛骨髓（$39/半份）平時打邊爐好少見到有牛骨髓食，小編我最鍾意食乾貝魚滑（$88）不過呢到嘅魚滑比較軟腍，唔係小編嘅菜。炸響鈴（$29/半份）酥脆可口，浸完熱湯之後立即享用，響鈴仲保留一絲嘅微脆，不錯。皇帝菜（$19/半份）半份菜嘅份量都算合理，都幾新鮮。紅薯粉（$16/半份）剪得太細條，欠缺少少口感。埋單嘅時候，店員仲會送上柚子冰沙，柚子冰沙酸酸甜甜，剛好可以洗滌一下味蕾。…Read More

知道好姊妹係一個粉紅控，所以就帶佢黎呢間主題火鍋店，餐廳以粉紅色為主題，一入到門口已經見到超巨型粉紅bear bear，除左裝修夠夢幻，食物質素亦相當高。餐廳採用電子下單，既環保又方便。湯底選了招牌膠原蛋白養顏美容鍋和滋補養生香辣鍋膠原蛋白養顏美容鍋要熬足8小時，含有豐富骨膠原，非常清甜，係落材料之前，店員會先裝起兩碗俾客人品嚐，湯底果然真材實料。而滋補養生香辣鍋辣得來不麻，可選大、中、小辣，非常惹味調味醬料有超多款式，不過個人覺得不需添加任何醬料都好夠味。另外仲有前菜和生果無限量供應美國安格斯牛小排 (半份)牛肉厚切得來肉質軟熟，入口香濃蝦卷(半份)芝士墨魚丸(半份)魚滑花膠 (半份)超厚身，而且仲好大塊，咬落好有口感油麥菜 (半份)萵荀片 (半份)飲品一杯$18，亦可選任飲，只需$25，相當抵。竹蔗茅根紫背天葵洛神花茶原來餐廳仲設有室內兒童遊樂場，一家大細黎都冇問題。最後仲有甜品送，甜品係柚子沙冰，柚子味超香，仲可以消滯。…Read More

朋友聽了朋友的介紹，說旺角新了一家來自新加坡的美滋鍋，以粉紅色為主題的。🎈室內環境一踏進店內，就看到有大大隻由粉紅色玫瑰花組成的熊，在迎接我們啊。入口右手邊還有Kids’ Playground，也可以在手機看到裡面的情況呢，朋友下次可以在這邊安心「寄存」小朋友呢！🎈Menu這裡是用ipad下單的，取代傳統的手寫單，既環保又有效率。大部分的火鍋料可以選半份或整份，淺嚐一點都可以。🍴🍴🍴🍴湯底方面，可以選單鍋、鴛鴦鍋或四格鍋，我們選了鴛鴦鍋，先試試2種招牌湯底吧！🥘膠原蛋白養顏美容鍋拿不定主意的我們，就聽了店員推介，說這是店裡主打之一的美容鍋，湯底以雞肉、豬骨、瑶柱等熬成，得出奶白色，充滿骨膠原的湯底。店主特意先盛了一碗湯給我們喝，可以先嚐嚐豐富的膠質。🥘滋補養生香辣鍋鴛鴦鍋的另一邊，我們選了香辣鍋，打算挑戰一下。湯底有豬骨、人參、當歸等滋補的中藥材，剛好現在轉涼的天氣，可以補一補。我們選了小辣，第一口覺得有點辣，但越吃越上癮。✨芝士墨魚丸（半份）這裡可以點半份，方便二人世界來吃。從旁邊可以隱約看到墨魚丸𥚃面的芝士粒，煮熟後會有流心的效果，要小心燙口呢。✨黑毛肚（半份）毛肚本身的顏色是黑色，平常見到的牛柏葉，是經過漂白的，因為部分人覺得黑色感覺髒髒的。不過，牛柏葉愛好者就一定會叫黑毛肚，喜歡它較有彈性，也不像經處理過的白柏葉般淡而無味。✨竹笙（全份）竹笙愛好者的我們，點了全份的竹笙，早一整條的竹笙，外觀完整，咬下去爽爽的，還吸滿了香辣鍋的湯汁，回味無窮呢！✨脆肉鯇魚骨腩（半份）朋友喜歡吃魚，就獨食了這半份的脆肉鯇魚骨腩，半份也有4塊厚切的，朋友說魚肉結實，沒有腥味，夠新鮮。✨日本香嫩白豬花肉（半份）來自日本的豬花肉，我們用美容鍋來煮，咬下去，肉質有點甜味，美容鍋的味道也不會蓋過較牛肉淡味的豬肉。✨炸響鈴（半份）這一道的響鈴，size不小，加上我們會以香辣鍋來煮，帶點挑戰。看到實物有點嚇到，響鈴是店家自己做的，欣賞他們這份用心。我們喜歡外軟內脆，煮3秒就吃了！✨萵筍片（半份）萵筍也是朋友很喜歡吃的，每次火鍋都一定食點的。厚厚的萵筍片，也是吸湯能力很高的火鍋料，朋友喜歡肉質爽脆，又是很快就撈上來了。✨紅薯粉（半份）很細心會有火鍋篩子提供，不怕在鍋裡找不到紅薯粉呢，這裡的紅薯粉是厚身的，比幼的更煙韌有嚼勁。✨竹蔗茅根（無限量添加）飲品方面，我們點了清熱降火的竹蔗茅根，還有無限量添飲，不錯啊。🎈總結提供點半份的選擇真的很貼心，平時人少想吃火鍋基本上是不可能的。或是想淺嚐一點，都可以半份半份的點，彈性很高。…Read More

🔥ʜᴏᴛᴘᴏᴛ·招牌鴛鴦鍋﹟首先講左個膠原蛋白養顏美容鍋先, 湯底材料非常豐富包括有杞子, 紅棗, 瑤柱再加上雞肉, 雞骨, 豬骨, 豬手等等熬製出黎, staff會建議飲左一碗湯先再開始打邊爐, 個湯好甜而且帶有少少癡粒粒既感覺, 完全feel到d骨膠原😂另一個係滋補養生香辣鍋, 有大中小辣比客人簡, 裏面既材料都唔野少, 有一條完整既鮮人参, 望落都覺得有睇頭🤨叫左小辣已經夠曬惹味😍﹟餐廳既環境以粉紅色作為主題, 岩哂少女心爆發又或者準備爆發少女心既你🤣佢個自選醬汁區既款式都幾多, 可以自己慢慢調配, 而且仲有d水果小食任食, 比你可以邊等邊食🥰最後仲有一杯柚子沙冰比客人飲, 解解膩, 清新一下口腔🙌推介菜式：﹟小食金沙炸魚皮, 新加坡特產黃金魚皮相信大家都唔會陌生🤣今次呢個仲要熱辣辣新鮮整出嚟, 點可以唔試, 脆卜卜, 仲有鹹蛋黃醬😍﹟牛肉配火鍋是常識吧🙊而且我地order既安格斯都幾嫩口, d油脂分布都幾平均😋﹟手打芝士墨魚丸, 鮮蝦水餃, 魚滑, 足料爽口又彈牙😛﹟老虎蝦size大隻唔再講, 仲有專人同你拆蝦殼🦐service無得頂👍﹟日本帶子刺身, 覺得唔夠喉仲有幾款刺身比大家過過口癮, d帶子大大粒, 好新鮮🤭…Read More