南越南咖啡廳

這間越南咖啡廳位於旺角的彌敦道726，主打南越Fusion菜，搜羅具南越特色的街頭美食及飲料。店內環境寬敞舒適，裝潢時尚休閒，擺放綠色植物及巨大熊公仔，更有不少趣味漫畫。凡惠顧可獲印花卡一張，每消費$100可享一個印花，累積不同數量的印花有不同優惠。秘製烤萋葉雞翼(4隻) - $52酥脆的雞翼毫不油膩，有香草的獨特香氣，咬開雪白的雞肉嫩滑多汁。脆米紙薄餅 - $58香脆可口的薄飯鋪滿紅蘿蔔及青瓜絲，更有越南臘腸粒增添油香，淋上沙律醬好清新。惹火上身鹹檸豬頸肉 - $70一片片飽滿的豬頸肉有豐富的油脂和肉汁，鹹檸汁平衡膩感，更有席前點燃表演，有淡淡香草味。NVN咖啡骨 - $78綿密細膩的棉花糖，淋上越南咖啡濃郁香醇，與醬油形成豐富層次，多塊豬軟骨軟腍多汁，連軟骨也能嘴嚼。越式咖喱軟殼蟹配蒜茸法包(4件) - $108金黃酥脆的軟殼蟹有甘甜多汁的蟹肉之餘，又有甘香的蟹膏，溫潤順滑的越式咖喱有椰奶的香甜和辛香料的微辣，酥脆的法包可蘸上咖喱汁。班蘭奶蓋咖啡(冰) - $45濃稠的班蘭奶蓋有獨特的香氣，越南冰滴咖啡冰涼爽口。南越蛋咖啡(熱) - $38有點像焦糖燉蛋，有層焦香的糖衣，又有濃郁的蛋香，熱咖啡風味較濃厚。…查看更多

約了友人旺角睇戲順便食Lunch，上網見到間特色餐廳，主打南越南風味的Fusion菜，好似幾正就試下，假日1點多去到冇乜人。餐廳以深綠色及木系為主調，綠色植物的布置感覺自然舒適，同時燈箱裝飾亦有時尚感，有天花板有隻大熊仔坐係，好可愛！餐牌，都係手機落單。茘枝雲朵咖啡，$38，賣相精緻，頂層有舊雲朵棉花糖及玫瑰花瓣作點綴，配上咖啡及荔枝的漸變色更美，有咖啡味同時有荔枝香氣，味道平均又清爽好適合夏日。南越蛋咖啡(熱)，$38，友人的。NVN 咖啡骨，$78。見個杯咁細預左份量少的打下卡系列，賣相特別，就咁睇以為係杯飲品，杯上有舊雲朵棉花糖，倒入咖啡，棉花糖即溶好治癒，排骨肉質鬆化，肉骨茶味濃郁，有淡淡的咖啡味及少許甜味，味道上都可以幾有特色。鹹檸豬頸肉撈檬，$72，夏日最好食撈檬，豬頸肉惹味，倒入碌冧(魚露酸甜汁)伴食，檬粉爽口，味道酸酸甜甜微微的鮮辣，清爽又開胃。越式咖哩牛肋條配斑蘭椰香飯，$88，咖哩質感唔算好稠身，味道偏向似叻吵帶有椰香味少許辣同時有種清香的味道，牛肋條軟腍，斑蘭椰香飯，好出的青綠色，食落有淡淡的斑蘭味，不俗。南越蟹肉醬配脆球餅，$68，賣相有特色，釀入蟹肉食，口感香脆，味道鮮味，有蘿蔔絲伴食增添清新。脆米紙薄餅，$58，米紙卷食得多，米紙薄餅就第一次見，用米紙造餅底，面層材料十足，有肉乾粒、青瓜絲、蘿蔔絲、脆脆及醬汁等，口感酥脆香口又清新。食物味道不俗價格中等。…查看更多

今日行完花墟便跟朋友落旺角的彌敦道726号 的NAM VIET NAM CAFÉ 南越南咖啡廳晚飯, 睇openrice介紹佢哋係越南 Fusion 菜主題餐廳, 食物賣相呈現非常有特色及吸晴。荔枝雲朵咖啡一嚿玫瑰雲騎在咖啡液體上, 底下是荔枝汁, 外觀配搭很有美感, 令我對這個配搭充滿期待感, 攪拌咖啡及荔枝汁後喝一口, 先感受到的味道是冰凍香濃的咖啡, 隨後而來的是滿滿荔枝的果汁香甜, 朋友就飲班蘭龍眼茶。 扎肉心內美米紙卷顏色配搭鮮豔, 米紙卷配料豐富, 內有紅蘿蔔絲、大件扎肉、豆芽菜、青脆青瓜及紫蘿蔔片, 伴花生粒芝麻醬食, 清爽健康。越式咖哩牛肋條配蒜蓉包牛肋條炆得腍滑鬆軟, 肉味濃郁, 還有爽口牛筋, 越式咖哩汁辣度温和, 反而咖哩香味強勁, 蒜蓉包脆卜卜, 蒜蓉香氣飄逸, 就咁食已經好好味, 如果想再香啲, 可以加少去香辣咖哩汁伴食, 更惹味, 個人覺得不加汁蒜蓉包脆口啲, 好食啲。脆米紙薄餅很有創意的越南薄餅, 米紙做pizza薄餅底, 加上大量越南臘腸粒、紅蘿蔔絲及青瓜絲, 上面喞上千島醬, 越南臘腸跟香港臘腸不同, 越南臘腸除咗有臘肉的油香, 味道還有少許甜味, 米紙餅底脆卜卜, 這個薄餅口感味道非常豐富, 千島醬微微的甜帶點微微的酸, 可中和越南臘腸的油膩感, 有創意又好食惹火上身咸檸豬頸肉豬頸肉用乾葉盛載上枱, 店員會即席點火, 令豬頸肉添一份炭燒香味, 豬頸肉爽口油和, 拈附送的青檸蒜蓉酸辣汁伴食, 香香辣辣、甜甜酸酸更正烤萋葉雞配蘋果條烤雞上枱還是微熱的, 皮脆肉嫩, 雞肉鹹香, 肉汁還很豐富, 不乾柴, 放幾粒炸蒜粒及椰漿咖哩辣醬在雞件上一齊食, 超惹味, kimchi蘋果條還是第一次吃, 酸酸爽爽, 甜甜辣辣, 既開胃也可減低炸物或燒物的油膩感呢間越南fusion菜菜式創新, 食味又好, 仲好抵食, 每人一杯特色飲品, 叫咗五個食物, 連加一埋單只是4百多元, 難怪座無虛設, 下次來要叫隔離枱的兩杯波波特飲, 好靚。…查看更多

這間越式餐廳位於旺角726號，主打南越Fusion菜，羅具南越特色的街頭美食及飲料，並注入嶄新概念。店內環境寬敞舒適，裝潢以寶綠色為主調，配搭文青系木椅餐桌，適合約會或多人聚會。脆米紙薄餅 - $58薄透的米紙餅底香脆鬆化毫不油膩，鋪滿清爽的醃蘿蔔及青瓜絲，還有油香的越南香腸粒，再淋上辛香的沙律醬。南越蟹肉醬配脆球餅 - $68大量香甜的蟹肉絲，配上清新的紅蘿蔔及青瓜片，放入金黃酥脆的炸球中，口感層次豐富。炸萋葉雞配青蘋果條(半隻) - $90半隻肥美飽滿的炸雞嫩滑多汁而不乾柴，吸飽越南特色藥葉的香氣，還有香脆的炸姜葉絲，青蘋果條以蝦頭油炸，酸酸甜甜好解膩。惹火上身鹹檸豬頸肉 - $70上碟時會點燃食用級魔術紙，油花分布均勻的豬頸肉鮮嫩緊實，有港式鹹檸檬的鹹甜味。越式咖哩牛肋條配斑蘭椰香飯 - $88越南咖哩有濃厚的咖哩粉香氣之餘，又有椰奶和香茅的獨特香氣，牛肋條帶有豐富的油脂，有豐富的牛肉味，又有爽彈的牛筋富膠質，還有翠玉瓜及青茄子仔等。接骨木花茶青蘋果 - $30接骨木花茶具有獨特的花香味，還帶青蘋果的微甜果香，口感清爽宜人。荔枝雲朵咖啡 - $38綿密細膩的泡沫如雲朵般，醇香的咖啡帶天然的豆酸，伴隨香甜的荔枝果香，互相平衡。…查看更多

又到咗Happy Friday，即係打卡日🤣今日同朋友去咗旺角NAM VIỆT NAM CAFÉ 南越fusion菜主題餐廳，位放彌敦道726號1樓，鄰近地鐵站交通十分方便，𨋢門一開就見到餐廳名稱的燈箱，和接待處的啤啤熊公仔，非常搶眼。到達時未到2點，餐廳仍然非常熱鬧，人氣十足。是日菜單如下：-南越蟹肉醬配脆球餅$68，和上星期食的印度脆球餅一模一樣，只是餡料不同，這裡的餡料是蟹肉、紅蘿蔔絲和青瓜片，蟹肉味道幾突出。惹火上身鹹檸豬頸肉$70，真係估佢唔到食越南菜都有火焰打卡場面🤭，濃濃嘅香烤味道，肉質好嫩滑。脆米紙薄餅$58，喺網上見到時已經覺得好靚，原來實物比相片效果更靚，口感豐富唔油膩，醬汁超惹味。烤蔞葉雞配青蘋果條$90，份量唔少喎，有半隻雞，皮脆肉嫩 非常滑溜，青蘋果條都唔錯，清新爽甜。南越蛋朱古力$38，食過焦糖蛋，亦飲過朱古力無數次，都未試過過這樣的配搭，有點小驚喜☺️班蘭奶蓋咖啡$45，粉綠嘅班蘭奶蓋，為苦澀嘅齋啡加上了色彩，還加了一點甜💕苗族椰汁淡咖哩湯米線（扎肉配炸蝦卷）$ 76，湯底味道濃郁 好正，少少辣，有淡淡椰香和咖哩味，扎肉 炸蝦卷充滿濃湯味道，推薦！…查看更多

好有特色嘅樓上越南餐廳🌟🌟裝修別有一番風味✨✨首先講吓佢嘅香蕉薄餅，兩條香蕉面頭加一啲朱古力醬真係見到都覺得好邪惡😂😂😂，食落去完全係脆卜卜加甜到不得了！！！如果你係食開好甜嘅人建議你可以試吓！😉😉佢嘅米紙薄餅我覺得都好好食！炸得超脆之餘仲好薄，整體食起上嚟嘅口感都係好好！加埋佢面頭嘅醬汁同埋一啲肉嘅配料食落去個感覺幾新鮮✨✨招牌金邊粉方面用料十足！！無論係牛丸嘅咬口定係金邊粉嘅軟硬度都非常適中，配埋其他材料一碗金邊粉一定夠你飽肚👍🏻👍🏻👍🏻仲有仲有！！唔可以唔提佢嘅斑蘭咖啡奶蓋啤酒，咁創新嘅飲品我都係第一次試！！整體嘅感覺其實冇話特別驚訝，但係口感確實唔錯，如果可以將兩種味道融為一體就更加好啦👍🏻👍🏻…查看更多

正宗越南菜就食得多 呢間餐廳主打創意越菜除左味道創新 仲好多打卡菜式 脆米紙薄餅 $58米紙炸到好脆 配上新鮮既沙律同特製醬汁口感好豐富 雖然炸過但又唔會有油膩感NVN咖啡骨 $78呢個係必嗌既打卡菜式 將咖啡淋上棉花糖直到溶哂夾上黎既就係充滿咖啡香又甜甜地既豬軟骨烤蔞葉雞配青蘋果條 $90/半隻呢個烤雞好惹味 皮脆肉嫩伴配既青蘋果條好爽甜 越式咖哩牛肋條配蒜蓉法包 $88牛肋條肉質軟腍 仲好入味蒜蓉法包沾上咖哩汁更有風味雞蛋朱古力 $38雞蛋咖啡喺越南就飲過 雞蛋朱古力真係第一次見面層有一層蛋漿 甜甜地好creamy 將蛋漿同朱古力攪拌後 飲落更有層次真係一杯好值得試既飲品香茅青蘋果茶 $35另外凍飲我推薦呢一款自家製既茶口味清新唔會太甜 嗰樽仲好靚㖭…查看更多

一嘗越南菜訂左座7點半唔洗等即刻安排入座惹火上身鹹檸豬頸肉$70上檯後職員會先提示後點火可以拍片或者打下卡招牌金邊粉唔知點形容湯底味道好濃但有一陣好似荀嘅味道個人感覺有啲奇怪朋友覺得可以接受越南米紙做薄餅底好脆上面有好多蔬菜絲（紅蘿蔔/青瓜）仲有好多一粒粒蠟腸？好特別再配上甜甜酸酸醬汁口感豐富好好味第一次點嘅食物到齊因為份量唔算多就決定再點多個南越南法包試下～法包內有蔬菜扎肉肝醬好豐富好滿足整體價錢合理食物份量不會很多女生可以多試幾款另外無用餐時間限制可同朋友兩人休閑傾計用餐值得推介…查看更多

新派玩味越南fusion菜絕對已經係一大吸引力🤩再加上親民嘅價錢，真係冇理由唔試吓😝 如果經OpenRice 訂位，6點半前離座仲有88折😍真係抵上加抵！🌮脆米紙薄餅 ($58)呢個好有驚喜🤩米紙咁薄竟然可以做餅底，仲可以keep到咁脆😋餅面灑滿蔬菜絲，仲有越式腸仔粒，有啲似臘腸，但會甜啲同冇咁油😁配埋沙律醬，整體好清新好開胃🤤🌽越南惹味粟米條 ($48)又一道令人食唔停嘅菜式😋粟米烤過後灑上調味粉同淋上蜜糖🍯鹹鹹甜甜，真係好野味😆🍖惹火上身鹹檸豬頸肉 ($70)私心係為咗呢道菜而黎😛一上枱店員點火即燒🔥震攝眼球得黎令增加豬頸肉炭火香🤤肉有厚度，油脂分佈平均，再沾埋酸辣醬，夠哂惹味👍🏻最後清埋看似伴碟，但實質係清甜多汁嘅燒菠蘿，咩油膩感都冇哂😌🍝招牌金邊粉 ($88)配料好豐富嘅湯粉😗有牛肉片，牛肋條，牛筋，牛展同牛肉丸🐮仲有半條吸滿湯底嘅油條😏而金邊粉Q彈又掛湯，真係一滴湯都唔會浪費😆😆🍗烤雞肉串 ($35)雞肉烤得香，又唔會多皮同肥膏，啖啖肉😙😙📌 南越南咖啡廳 旺角彌敦道726號1樓…查看更多

旺角人氣新穎越南菜[嫲嫲南越湯] 招牌金邊粉好大碗粉又足料有油炸鬼、牛尾牛筋、牛肉、牛肉丸，所以碗湯非常重牛味好濃郁，加左粒青檸有微微既清酸可以中和，食得好滿足。脆米紙薄餅真係好脆，薄餅上佈滿青瓜絲、胡夢卜絲同埋臘腸，仲吱滿左店家既秘製醬汁，口味非常獨特，但成件事又好夾，🐰食到忍5住一啖接一啖。南越蟹肉醬 配脆球餅勁多蟹肉好正，而且蟹肉非常鮮甜，𢳂落脆球度再一啖放落口食勁滿足，脆球又非常香口脆卜卜。香茅青蘋果茶(冷)飲落好清甜好舒服，茶味都比較清香的，解膩解熱氣簡直一流～餐廳裝修環境舒適，座位寬敞冷氣足夠，需加一服務費。餐廳booking都好full下，建議大家想食可以訂位會好d！…查看更多

喺旺角咁多選擇都唔知食乜好，突然發現呢一間新式越南菜。呢間餐廳傳統嘅越南餐廳都幾唔同，佢可能材料一樣，但係擺盤做法造型都好新穎。就好似米紙薄餅咁樣，可能喺越南，米子通常係包住鮮蝦同埋一啲配菜捲埋一齊做春卷，但係呢一度就用Pizza嘅形式做出嚟，呢個一定要趁熱食，啱啱上嚟最好快快脆脆食咗佢擺耐咗就會林哂，變得唔好食。另外佢啲嘢飲都幾特別，通常就係比個名吸引咗，見到荔枝雲朵咖啡，忍唔住叫返杯，嚟到係真係有個泡泡好似暈咁樣喺個杯頂上面，純粹打卡，味道上就冇咩特別。額外都叫咗蟹肉醬配脆球餅、湯粉、小多士，但係味道上其實都冇乜特別，只係佢用一個新嘅形式同做法呈現出一啲越南風味。…查看更多

越南菜係香港唔算好多，難得試到依間又好啱胃口，小食款式多到好想有多個胃試哂佢🤣味道配搭好有驚喜，傳統之上加入創新，價格仲好親民，會再去試埋其他菜式😎—— 脆米紙薄餅 $58成個組合都好夾，除左青瓜同蘿蔔絲，仲有臘腸加埋甜甜鹹鹹咁，又有米紙薄脆口感，係好開胃嘅前菜—— 惹火上身鹹檸豬頸肉 $70Fire!!!!🔥🔥🔥一上枱店員就會點火，不過係燒豬頸肉上面有團黑紙🤣反而豬頸肉就唔係偏焦香嗰種，單食會比較膩，配埋個醬汁就啱啱好—— 招牌金邊粉 $88湯底正！濃味得黎又唔鹹，超足料，有齊牛肉片、牛筋條、牛筋、牛尾，牛丸一咬成股牛味湧埋黎🐮🐮🐮—— 越式惹味粟米條$48好好食！真係超惹味，加埋炸蒜好香，粟米仲好juicy食到停唔到口😋—— 扎肉沙律 $50沙律菜底主要係蘿蔔同青瓜絲，扎肉份量幾多，鋪滿花生碎，清爽酸甜—— 斑斕龍眼茶 $28好甜🫠🫠🫠味道一般，唔係好有斑斕味🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 #南越南咖啡廳 (#旺角)旺角彌敦道726號1樓…查看更多

「NAM VIỆT NAM CAFÉ 」位於旺角彌敦道726號1樓，提供富有特色新派越南菜，食過總會令人愛上，所以今次同朋友再嚟。《順化麻辣鴨血金邊粉 》（$75）除了有鴨血，仲有牛丸、黑椒扎肉、牛腩，加上生菜、芽菜、香葉、辣椒絲及青檸等配菜，十分豐富。金邊粉有些煙靱，不會太淋，加埋濃郁湯底，足料之餘又有齊甜、酸、鮮、辣多種味道，一定要試。《惹火上身鹹檸豬頸肉》（$70）特色菜之一，之所以惹火上身，原來店員將豬頸肉上枱後會點火，營造了一下火光熊熊嘅效果，有興趣更可以拍片打個靚卡，十分過癮。豬頸肉微焦香，加有燒菠蘿伴碟，再備有辣醬和青檸供客人使用。《脆米紙薄餅》（$58）雪白脆米紙上鋪上青瓜絲、甘筍絲、炸蒜片、越式香腸粒，最後加上千鳥醬，爽脆清新夠特別。《火龍芒芒蝦仁配脆蝦片》（$58/3件）入口味道甜甜地，而且凍凍地好清新，有點似食沙律的感覺，非常適合夏天食用。我本人很喜歡呢個菜式。《NVN咖啡骨》（$78）香濃肉骨茶，上面放有一大團棉花糖，另配上一壼越南咖啡。先將咖啡淋在棉花糖上，然後一起溶入肉骨茶內。建議食之前攪拌一下，將肉茶茶、咖啡及甜混和，味道更佳。一道有得玩又有得食嘅特色菜。《甘桔檸檬綠茶 》（$25）樽裝夠衞生企理，再配冰杯供飲用，夏天消暑解渴之選。《接骨木花茶青果》（$30）個人超喜愛及推薦。接骨木花、玫瑰花及青蘋果，滿滿青新花香，入口清甜溫濶，飲用後令人非常舒服。原來接骨木花有『萬靈藥』美譽，口感清甜溫潤，更有治療咳嗽、發燒、鼻敏感及支氣管不適等功效。體驗感覺，食物製作頗花心思思，精緻有特色，而且味道整體很不錯。當晚大概七時半入座，已經是全場滿座，建議可以預早訂枱。一間推介值得去試的餐廳。…查看更多

✨NVN 咖啡骨 $78個湯底濃郁香濃，咖啡嘅迷人味道令人驚喜！湯底炖煮咗好耐，令到牛骨嘅風味都完美融合入湯🥰一開始仲有綿花糖係個杯上面 鹽甜嘅感覺好有趣✨[嫲嫲南越湯〕招牌金邊粉 $88湯底鮮甜，上牛肉片、牛筋條、牛筋、牛尾和牛肉丸，滋味十足！還有酥脆的油條，搭配一起食更加美味🫣✨脆米紙薄餅 $84 薄餅脆口，配上越式香腸同酸甜爽口嘅醃蘿蔔絲，口感有層次同彈牙🤩🍴南越南咖啡廳 NAM VIET NAM CAFÉ📍旺角彌敦道726號1樓…查看更多

誤打誤撞同朋友仔去咗一間旺角彌敦道726號1樓嘅越南餐廳，一入到去好鍾意呢度浪漫嘅裝修同埋氣氛，再播緊一啲聽唔明但曲調好柔和舒服既越南歌曲，就連廁所都好有特色🤣。#火龍芒芒蝦仁配脆蝦片 $58有水果又蝦仁既開胃菜，尤其是洋蔥味出眾好清新既感覺。#越式惹味粟米條 $48一口食到每啖粟米，配既汁酸酸甜甜都好開胃！#脆米紙薄餅 $58第一次試到呢種用炸脆左既米紙做底，面頭鋪上大量青瓜絲、紅蘿白絲、醬汁同埋肉乾，每粒肉乾有種難以形容又好味既味道，好特別越南肉乾。#惹火上身鹹檸豬頸肉 $70一款表演既菜式，食之前會用火燒著一張紙輕輕係豬頸肉上再火燒一燒，令到每塊豬頸肉都有種燒燻既味道，非常唔錯。#烤蔞葉雞配青蘋果條 (半隻) $90外皮香脆亦好多配料調味既烤雞，最重點秘製醬汁昇華雞既香味，旁邊放上青蘋果條，同時食可以解雞油膩感，再一種清新感覺。#NVN南越式法麵包 $78越式法包包著肉條、青瓜、紅蘿白條等，大份、清新、有特色！最後再叫左2杯飲品，#香茅青蘋果茶 $25 同埋 #參參愛梨 $30，兩杯野飲口味唔太重，隱約都會飲到青茅味同埋人參味，尤其是人參雖然唔太重口味但飲完回韻好耐，唔錯！#南越南咖啡廳NAM VIỆT NAM CAFÉ📍旺角彌敦道726號1樓…查看更多