金樂軒雞煲魚鍋

打邊爐一直都係我嘅至愛， 雞煲就更加不在話下啦， 幾個人食飯最好嘅選擇就係雞煲喇。 估唔到係北角和富中心附近有間咁好味嘅雞煲喎。 而且係新假期2017年必食得獎食店。 食雞煲點少得啤酒$32同汽水$10喎， 另外仲叫咗個好足料冰凍竹蔗茅根水$28， 因為自家煲而且又足料， 所以飲落有竹蔗茅根紅蘿蔔 嘅清甜清潤. 嚟呢到緊係食雞煲啦， 我地叫咗半隻老重慶奇味雞煲$168， 因為本人唔食得辣， 所以呢個係唔辣嘅， 足料雞煲除咗有雞之外， 仲有冬菇同豆卜， 雞肉嫩滑， 雞煲醬汁濃但又唔鹹， 香料爆得好香， 雞肉， 冬菇豆卜完全入哂味， ！跟住叫咗2個小菜， 什菌炒牛頸脊 $98 , d牛頸脊好腍， 原來什菌同牛係咁配嘅， 炒出嚟又唔油。 脆皮炸大腸 ($88) 真係必食呀, 外脆內腍， 真係好腍㗎， 唔似出面嗰 d 咬唔開。 呢個我最愛。 雞煲食完仲可以打邊爐㗎， 加咗清湯再叫咗肉丸雙拼 $50 (汕頭牛肉丸跟冬菇貢丸), 仲有老公至愛嘅午餐肉$40, 我至愛嘅鵝腸$48 . 老板不時都會出嚟同食客交流， 睇吓食物嘅質素， 同老板傾計原來本身係柴灣搬過嚟北角已經2年時間左右， 做開街坊生意， 唔怪得令我地覺得有小食嘅味道.  香港小店係要支持嘅, 下次帶埋屋企人再食過. …查看更多

上個星期我約左我兩個朋友,佢地兩個都係北角番工,就腳就去左北角食喇,有個朋友好想食雞煲,就順佢意啦！橫掂好耐都未食過,我地都係雞煲王,好鍾意食雞煲,又可以坐耐啲傾計我地係openrice見到金樂軒有雞煲食,都未試過~Staff知道我地第一次食,都好貼心咁同我地介紹呢度邊啲小菜比較出名:):):)我地非食雞煲不可~就點左個奇味雞煲(唔辣), 我地幾個都唔食得辣,仲叫左兩碟小菜同幾款配料食我地都叫左一渣竹蔗茅根水飲,消消暑, 飲落好清甜, 感覺係好天然, 無再額外添加砂糖, 好好飲好解渴雞煲好快就到喇!!我地唔客氣喇~雞煲好香, 每件雞肉都好嫩滑鮮味,雖然我地點左唔辣, 但都保留到重慶雞煲既香同滋味, 雞煲入面仲有冬菇同豆卜, 好豐富,冬菇同豆卜都非常入味好林,就算係配菜,都令雞煲生色不少食食下個雞煲,其他既小菜同配菜都開始陸續到齊, 上菜好有效率脆皮炸大腸外皮好脆,豬大腸中間仲有少少蔥,好特別,出面食都未見過。炸大腸外脆內軟,加埋入面啲蔥好爽,口感好豐富!點埋個自家制酸甜醬,好夾!黑醋小排骨好特別,雖然個樣黑黑地唔算好討好,但肉質好結實,黑醋味好濃,酸酸甜甜好開胃,我地成碟好快清哂~雞煲食到咁上下我地就加湯變打邊爐, 個肥牛真係好好食,同我地出面食既肥牛唔一樣, 特別嫩滑同好重牛既鮮味餃雲吞雙拼又點可以唔叫呢～呢度既水餃同雲吞都係人手包,肉味好濃郁,雲吞內既蝦好爽口彈牙又大隻牛栢葉好爽口,一啲都唔韌, 易入口豬皮同樣爽口,成舊索哂所有湯底既精華打邊爐的話,又點可以少得午餐肉呢,好香好軟,肉味好重我地都好鍾意食內臟,雞雜豬膶好新鮮又爽我地食到飽飽,通常食完雞煲之後個人都會好口渴,因為味精好重,但食完呢餐我完全唔口渴,仲好滿足!…查看更多

北角和富道一帶比較寧靜，但卻有不少食店，今天走過和富道一帶，看到一個白色招牌。便與朋友試試:)店舖自家煲的竹蔗茅根水，挺清甜，很適合吃辣、雞煲、火鍋時解渴。我和朋友兩人點了一個小的雞煲，但雞的份量也十分足夠。點了中辣，雞塊肉質不錯，雞煲汁也夠濃，很惹味:)雞塊啖啖肉:)雞煲也放入了豆卜，本身豆卜很吸汁，放到雞煲裏吸盡味濃的雞煲汁，十分惹味。牛頸脊是牛很嫩的位置，再把它切成薄片後，牛肉更易入口，很鮮嫩。水煮辣汁既麻辣又香辣，牛肉浸汁後很入味。加上一點蒜，令肉的口味更多層次。薄片牛肉很易入口。配料有娃娃菜、荳芽，甚至有薯粉，薯粉很彈牙，不易斷開，浸入水煮汁內十分入味。以紅辣椒和青椒炒。切得很薄很幼，很好入口，沒有煮得淋，而是挺爽口的。有點麻辣。只有外皮被炸得脆，薄薄的一層脆面，內裏卻保持著大腸原有的質感，挺好咬口。挺滿意的晚餐:)…查看更多