臨記車仔麵

天氣又潮濕又熱，攪到個人夜晚都無咩胃口。同女朋友諗左好耐，想食啲濕濕地既野，最後決定食車仔麵。我地向沙田行左陣，上網搵左間車仔麵，就坐車過去。去到先見到好多人排隊，真係咁好食？即刻去排隊買野食。（張相係走先影，所以無咩人排隊😂）餐廳入面有大餐牌，可以睇左先去落單。亦可以攞張單返埋位坐底劃完先去比錢。呢一間原來係連鎖嫁喎，重有好多野食選擇Tim。排隊等落單比錢後，就可以坐底等叫號碼攞餐。餐廳坐位設計好寬闊，坐得好舒服👍🏻👍🏻等左一陣終於有得食了，我叫左油麵加幾個餸。麵就正正常常，但啲餸就出色。酸齋堅好味，夠酸同有甜味👍🏻👍🏻。果個脆味豚爽肉都好味，豚肉爽口又有肉味，細細粒，一啖一粒，吾錯。瑞士雞翼吾差，有三隻，一個人夠晒食。麵入面我重叫左夢白同埋牛腩，兩個餸都好好味，牛腩竟然好淋，最怕食啲咬極吾爛既牛腩😂😂整體黎講，呢間車仔麵啲餸係出色既，又多選擇，難怪晚市咁多人食。大家如果想試下咁好味既車仔麵，可以去試下。向顯徑邨商場入，好易搵到👍🏻…查看更多

呢日同老婆阿仔去食車仔麵!呢間食店環境乾淨企理,食物味道很不錯, 選擇比較多, 價錢也不貴, 食過一次就會上癮, 想再回味多次.老婆叫呢個, 我都有份試吃. 佢叫左清湯, 但佢食食下發現好重咖喱味, 可能畀錯左咖喱湯底佢. 但錯中有著, 咖喱湯底非常香口惹味. 配料之中, 最特別係鮮竹卷, 外層炸得好脆, 索入了咖喱湯, 更好吃. 溏心蛋畀左阿仔, 裡面半流心, 好正. 唯一爭少少係蘿蔔, 未夠入味.  呢個真係必叫, 外層又脆又香, 肉又爽又惹味, 因為係厚切, 所以口感比薄切更豐富, 啖啖滋味.我叫呢個, 牛筋好淋, 好味. 牛栢葉及豬皮好爽, 亦好入味.  我叫左烏冬, 好滑.阿仔的選擇實在太隨心隨意...相比起美味無比的"脆味豚爽肉", 呢個"油炸鬼豬扒"就顯得失色了. 雖然外層好薄脆, 咬落去卜卜聲, 但肉就有點乾, 肉質鬆散, 亦未夠入味. 便宜的一餐.配料選擇多, 亦有圖片對照.…查看更多

朋友剛剛生仔，當然要去探望下啦，黎到屋村商場見到有間車仔麵有好多人排隊，所以便來試一試。這裏採用大家樂形式，先買飛，後取餐。叫了兩碗車仔麵加一份油炸鬼雞翼。先來的是原味湯底，不俗最喜歡是他的油面是軟硬適中，不會過稔，而且份量都好多！餸方面，以鮮竹卷最為出色薄切牛舌亦甚有韻味。豬腩肉若果可以厚切就更好了另外一碗是咖喱湯底味，超濃郁！相比之下我還是比較喜歡原味的。豬大腸煮得非常入味，蘿蔔入口軟滑唔會有渣咖哩魷魚爽滑彈牙豬爽肉一大塊，如其名，爽最後係必試的雞翼油炸鬼嘅皮令到整隻雞翼大如半隻手掌，而且都做到外脆內軟滑的感覺，好想不到在屋村裏面都有一個高水平的車仔麵可以食到。…查看更多