熨烤達人 (已結業)

元朗區要食韓烤的地方其實不少，但熨烤達人比小妹的感覺係主題較特別，有燒烤有熟食，食物質素仲要不錯！最特別應該係餐廳每檯客人會附上一個鐵鑄的熨斗，讓客人熨熟烤肉，這綽頭夠過癮吧！？.餐廳的裝潢和佈置很有趣，用上一個個印有不同英雄卡通的椅子，椅子蓋打開還可以放置手袋呢！(由於當天全店滿座，人流很多，所以便不拍照嚕).還有少不了的主角「鐵鑄熨斗」，印上像Ironman的圖案，很過癮！.一坐低店員先送上壺熱辣辣的胡椒湯，味道好濃，帶點嗆喉感，冬天飲更加正。.這裡的前菜都有數款，青瓜、芽菜、薯仔、泡菜等，可以無限加添，有新的前菜整好，店員會續一派比每檯的客人，服務不錯！.芝士粟米蛋好食，芝士仲有牽絲效果！不過就無得再免費加。.部份餐牌，餐廳不單純只有烤肉，還有特別的韓國特別菜式，好像泡沫咖啡炸雞、大圍手攪飯和寒冰水冷麵都有不少人叫。.Cider Special (Lychee) $43Cider倒插在飲品內，係現在流行的飲法。面頭飲落似沙冰質感，荔枝味濃郁又解渴，大熱天時解暑一流，岩晒一邊飲一邊食住熱辣辣韓燒！..熨斗烤壓套餐 $480磚頭五花腩、牛肩脾肉、一口雪牛粒 x4、調味豬皮、M9霜降西冷.磚頭五花腩厚身又大塊，所以店員建議我地剪開細細件燒會較好。終於到鋼鐵人熨斗出場，用熨斗將肉壓平，會比用筷子或夾好，受熱較平均，雖然有點重，不過又幾好玩！.五花腩一層肥一層瘦，食落當然有嚼勁，油脂豐富，肉味愈嚼愈出，不錯！.呢度既調味豬皮好得意架，豬皮上印左Iron Man的樣子，好過癮！用熨斗就可以完全壓平塊豬皮一路燒，又可避免豬皮熟左會捲起的問題。.燒好的豬皮咬落帶點微脆和香口，咀嚼中骨膠感很重，岩晒女士們享用！燒完豬後，店員會幫我地換返塊網燒話用黎燒牛會比較好。.M9霜降西冷望落有清晰的紋理，和牛肩脾肉一樣輕輕一燒已經食得，入口肉質細緻嫩滑，肉汁豐富；後者就牛味明顯，兩隻都好食。.一口雪花牛色澤紅潤，而且切得頗厚身，所以要燒耐少少，為免燒過熟影響口感，牛肉類燒至5-7成熟就可以。食落有咬口，有點韌，但肉味是挺濃的。.芝心海苔竹輪卷 $38熱辣辣的芝士竹輪卷，咬落帶芝士味既鹹香，又有紫菜脆身的口感，呢個配搭好食！…ดูเพิ่มเติม

今日和友人到元朗探完朋友,唸住喺埋元朗開餐,但毫無頭緒,在街閒盪之時,見到這張Banner,“熨烤達人”,韓燒就食得多,但什麼叫熨烤呢？好奇之下,便和友人去了這間餐廳醫肚。餐廳用了類似鐡的物料做牆身,有數部電視播著韓著韓國歌，每張枱都放著一個“熨斗”,這些前菜每枱都預備好放在枱上.看後餐牌,決定叫個“熨斗烤壓套餐”,飛魚籽沙律.首先餐廳送上2人份量的胡椒湯,飲下很香黑胡椒味,辣辣的又不太鹹,很驅寒,好味。首先送上的就是.熨斗烤壓拼盘,當中有豬肉,牛肉,侍應很詳細解釋如何用個“熨斗”磚頭五花腩,餐廳已將這件“磚頭”半切開了5 件,就是用這個熨斗壓著來燒。壓著的時候,豬皮的脂肪就滲出來,很香,當煎完上,下兩邊後,就可剪開一件件,再煎剩餘的位置。生的時候看似很肥,但煎完後,脂肪已滲出大部份,沾上韓國醬,包上生菜,可吸收埋餘下的油,豬肉雖然煎了很久,但吃下去唔覺靭。調味豬皮,啡色薄薄一塊,買相真的不討好,有些卷曲,侍應亦示範用熨斗壓著燒一會就可食因已熟,食下是爽的,鹹鹹地.可能吃慣豬皮,魚蛋啲豬皮,所以,bond bond 唔係咁習慣這種口感。燒完豬肉,侍應換上了網板燒牛肉。一口雪花牛粒,咬落幾有咬口,唔靭。但牛肩脾肉和霜降西冷,bond bond 就不識分,但都是薄薄一片,燒一燒就食得,好香口。飛魚子沙律,很多魚籽,配上沙律醬,卜卜聲連同青瓜,蟹柳一起吃,很清新.食下疏菜,可以心理上減低了些罪惡感 .餐廳侍應大部份都是20出頭的後生仔女,好有活力,襯返韓國style .…ดูเพิ่มเติม

韓國燒烤的鋪頭愈來愈多，間間各有特色。今日與2位朋友一齊試試元朗新開的熨烤達人，其中一個朋友對韓燒十分熟悉，我比較少食韓燒，所以靠佢介紹點樣食先好味。3人在門外等了一陣，最近元朗都好旺，好多人食飯呀。店舖提供了胡椒湯，蛋及幾種前菜，烹調工作由朋友負責，我坐定定等食(十分欠打XD)胡椒湯幾好飲, 冬天飲完暖粒粒。最特別，差唔多每檯都有的就係呢個五花腩啦，肉質爽甜不肥膩，很好食。用熨斗壓住來燒，就更快熟。說來羞愧，第一次食韓燒豬皮，原來係咁煙un，咁好食，配豆粉就滑口，唔配就好好o趙，兩種食法都好正。壽司大大件，適合大胃王。部隊鍋正正常常啦，我估每個地方的部隊鍋都差唔多掛。雞扒肉質結實不肥膩，加上熨斗一壓，脂肪都化成油了。最期待的就是這個八爪魚，店家說明是韓國直送的，放上爐很壯觀上，將牠燒到少少乾身，加上店家提供的醬汁，甜甜的，很好吃呀。配韓燒最好就配一杯凍飲，呢個Cider Rita超超超好飲，我同女性朋友揀荔枝味，男性朋友揀了藍莓味，甜甜地加上微微的乳酸味，加上有蘆薈粒，真係要飲到最後一滴!!!!文章打到依一刻已經不斷流口水啦!…ดูเพิ่มเติม

好凍今日.又唔想打邊爐...所以就約左個FD黎食韓燒..一去到可能我太早7點鐘去到唔洗等就有位喇~入到去未放好D衫係櫈底...已經有個女仔行埋黎話...【呢到有D胡椒湯呀...飲左之後暖D架,,,,小心個煲熱呀】個女仔行開左之後我立即同我個FD你眼望我眼..再講左句【咁SWEET既】...之後就開始諗食咩...咁梗係食燒肉啦..嗌左個調味牛排肉 / marinated boneless beef short ribs HKD110.00=120g-------------------------之後再嗌埋厚切五花腩...好好味呀呢個真係...仲要再夾埋佢D菜呀...韓式醬呀..咁食...燒到濃濃地..我知道係好肥..但有時真係好難抗拒架!!!!之後再嗌左個車站見麵..老實說...呢個之前係旺角果間食完已經好懷念..今日再係元朗呢間嗌..冇失水準..超讚好呀..店員講到明要即刻食 ,我諗係怕芝士 會結哂。佢有腸仔,肉碎 同埋蝦子 係入面 !超好味! 我自己覺得其實可以再辣 啲架 …ดูเพิ่มเติม