龍點心 (軒尼詩道)

琴日同朋友們喺灣仔完咗活動肚餓想搵嘢食，就揀咗佢去碰吓運氣，原來佢收12點！平時午餐嘅時間好多人排隊，唔會食到。門面裝修已經好靚，日頭行過去嘅時候冇咁明顯。入面亦有港式燈牌嘅元素。佢fusion嘅地方係仲有特飲或者酒精飲品可以選擇。我哋第一個嗌咗鮮蝦腐皮卷，大家食嘅時候要小心因為係即刻炸，唔會好油，腐皮亦都好脆。我哋嗌咗四色餃嘅款，普通蝦餃皮薄餡靚，松露餃適合素食人士食用，魚子蟹肉餃好好味，入面都食到蝦同蟹肉嘅香，留意橙色嗰隻應該係酸菜魚蝦餃，所以會有啲辣。肉鬆馬拉糕好特別，平時一般食嘅馬拉糕都淨係甜嘅，加咗肉鬆會係鹹食嘅馬拉糕，店員好細心已經幫我哋切好可以即刻返嚟食，而且佢平時傳統酒樓馬拉糕嘅咁甜好適合香港人嘅最高評價！叉燒包都算幾大個，皮薄餡靚，叉燒包嘅皮唔會好甜，叉燒汁就唔算好多。我哋食完都唔知個皮其實係乜嘢做㗎，但係佢嘅做法好特別，因為鹹香味好重，作為香港人好鍾意朋友們一致都好鍾意食。呢個芋角酥都係新鮮炸起，放落口要小心啲。炸皮唔會好厚，餡料同埋皮嘅比例都啱啱好。我哋估唔到鰻魚飯上面都會有金箔個飯入面仲有蛋碎，食嘅時候仲充滿荷葉香味，鰻魚亦都好入味撈埋一齊好好食，但入面仲有啲肉碎同埋醬汁，非常足料！由於我冇食呢個，所以唔能夠作太多評論，注意呢個都有少少辣，平時鳳爪下面花生佢就用咗健康嘅紅腰豆。我哋最後唔夠喉，都係嗌咗個燒賣。記住攤檔先食，因為佢有少少爆漿，如果唔係會辣到口，點心都係好有心思個皮唔會好厚！雖然平時好多人排隊，但係佢喺各樣嘅點心，Fusion 都好好食，希望下次有機會可以食到其他分別！…Read More

年廿八到維園行年宵，先祭五臟廟，今晚在新店舖「龍店心」嘗味，麵飯與傳承&創新點心共融，的確令視覺與味覺共贏。鮮蝦蝦子撈麵~鮮蝦與麵同屬爽脆可口，蝦子味道甘香，上湯清甜，整體口感清而不淡，也完全沒有油膩感。 一龍大滿足~筍尖蝦餃皇-皮薄透餡，蝦肉鮮彈。松露野菌晶瑩餃-滿滿清新口味的松露野菌餃。斑蘭麻蓉桃子-壽桃又多一位新貴了！粉菠菜香蝦餃~以三文魚籽作點綴，鮮味滿載。鹹蛋黃墨魚燒賣~墨魚肉夠彈牙，中間有鹹蛋黃醬，一剛一柔配搭獨特。酸菜魚鳳眼餃~餃子有酸菜魚，到底我吃著餃子？或是酸菜魚？哈哈！原來是餃子與酸菜魚，兩者兼得！黑金流沙包~很流！好吃！ 鹹蛋黃墨魚燒賣~家人愛吃，多點選一籠。肉鬆馬拉糕~很特別的配搭，還可選擇沙律醬佐吃，但我還是第一次嘗試佐肉鬆吃。厚切叉燒腸粉~很豐厚的叉燒配爽滑腸粉，很有飽肚感。翡翠響鈴腸粉~響鈴和紫菜很香脆，還夾有蝦滑，味道鮮爽。鳳爪排骨飯~鳳爪有少少辣，排骨很嫩滑。店鋪入口處有個小賣部都是港產品牌食品，我選購潤腸一盒$99，有九折$88。…Read More

今日久違地來訪位於灣仔，點心裝修同樣出色嘅龍點心❤️🥰 裡面裝橫依舊色彩繽紛，富有濃厚嘅中國特色🥰 採用Q 版可愛嘅龍公仔作為餐廳吉祥物😍 打卡好啱😘 首先梗係要試非常熱門嘅脆脆富貴紅米腸😋 紅米腸大大盤一共有六條之多，超級落本👍 米香味濃嘅紅米腸粉中，夾著超級惹味嘅脆脆夾心，食落卜卜脆口感極佳😋 加點埋附上嘅三款調味醬料，滋味更上一層樓👍 誠意必食推介❤️ 之後㨂咗別具特色嘅一口鹹水角✅ 同常見嘅外觀唔同，鹹水角一口大小，色澤鮮豔尤如水果粒，賣相好靚靚❣️ 鹹水角食落外層酥脆，內裡煙韌軟糯，帶有濃郁嘅鹹肉香，超正🥰 炸物仲㨂咗大澳蝦醬鮮魷卷😙 個配搭幾新鮮，食落魷魚好彈牙，鹹香嘅蝦醬令魷魚嘅鮮味更出眾🤤 好出色👍 另選了飲茶必食嘅燒賣😚 燒賣勁大粒一啖咬唔曬🤣 食落肉感滿滿，軟嫩又富實感，內含原粒蝦肉，真材實料😋 最後㨂咗個飽足度滿分嘅肉鬆馬拉糕🫶 馬拉糕鬆軟可口，微微嘅甘甜滋味，配上鬆脆鹹香嘅肉鬆粒，組合出奇地合拍，令人食不停口😚 㨂咗兩款賣相勁靚嘅中式甜點❣️ 桂花糕晶瑩剔透，造型仿效玫瑰花，十分精緻❤️ 入口清新甘甜，唔會過膩過俗，好啱夏天食😋 荷花酥同樣造型美侖美奐😘 名副其實，猶如一朵盛放嘅荷花🌟 食落外層酥脆鬆化，內餡甜美無比，好有特色嘅一款甜品❣️ …Read More

飲茶再不只與「老土」扣上關係，新派點心顛覆傳統印象，今次我就來到新式點心專門店 - 龍點心灣仔分店，品嚐新舊交替的手工美點。內裡面積雖不大，但裝潢採用卡通化的古代茶居設計，用色鮮明，洋溢著時尚復古氣息。風格有別於一般傳統點心店，牆身特意採用了馬賽克磚、霓虹招牌等，營造年輕化的朝氣氛圍。餐牌以新鮮即製的中式點心作招徠，保留了製作茶點的手藝，透過賣相、食材、味道注入新元素。茶錢每位收費 $10。新派創意展現粵式點心無限的可塑性，不走尋常路，突破固有框框。龍餃子 $46一籠就有四款不同口味的蒸餃：筍尖蝦餃皇，蟹粉菠菜香蝦餃，酸菜魚鳳眼餃及松露野菌晶瑩餃，色彩繽紛，帶來悅目的視覺效果。餃皮口感柔韌，筍尖蝦餃是經典款式，蟹粉菠菜香蝦餃粒粒脆感爆開鹹鮮滋味，酸菜魚鳳眼餃酸辣醒胃，素食的松露野菌晶瑩餃散發馥郁菌香。懷舊燒賣 $38燒賣用鮮蝦、豬肉手打成餡料，質地扎實富含肉汁。蝦肉與豬肉比例掌握得宜，嘗得到肉餡的香和蝦肉的鮮。炸饅頭豬柳漢堡 $46以美國豬柳漢堡為藍本，轉用中式炸饅頭代替，mini burger 吃得更衛生方便。饅頭炸得金黃酥脆，夾著豬柳扒、芝士、洋葱和特製醬汁，中西合璧卻完全不帶半點違和感。脆脆富貴紅米腸粉 $48紅米腸粉顏色鮮艷搶眼，即點即蒸熱辣辣，入口滑溜。內裡包裹著蝦仁和脆脆，香脆之餘又爽彈，一口就有多重層次。肉鬆馬拉糕 $36 馬拉糕是傳統舊式做法，表面撒滿蓬鬆鹹香的豬肉鬆，口感鬆軟香綿富空氣感。拉絲菠蘿包 $36菠蘿包可說是港式麵包中的經典表表者，外皮脆口，麵包質地軟糯。鹹食菠蘿包甚有新鮮感，中間注入軟滑的牽絲芝士。就連甜品賣相都緊貼相機先食的潮流，尤其適合打卡。豆腐布丁 $26皇牌自家製甜品外型精緻，豆香味濃的幼滑豆腐揉合西式布丁，甜度不高。紅豆沙奶蓋 $28以楓葉點綴造型優雅，清甜的紅豆沙中滲出一股淡淡的果皮香，頂層的奶蓋令口感更綿密順滑。聖誕剛過不久，轉眼間農曆新年又將至，龍點心推出手工製作應節賀年糕點，門市訂購更享有早鳥優惠價。金玉滿堂馬蹄糕軟、滑、爽、韌兼備，如意吉祥蘿蔔糕煎得香口，足料有口感。…Read More

睇openrice見到人有荷花酥食，一直都想試，所以專程黎灣仔食🤪不過原來餐牌冇荷花酥🥹希望遲啲有得揀茶位$10/位🥢龍餃子🥟$46 一籠有齊四款餃，筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃比較特別嘅酸菜魚餃味道較辣，好似真係食緊酸菜魚咁🤣藍色嘅松露餃入面包左幾種菇類，出面少見🥢龍燒賣🥡$42 見鋪頭都推介，同樣一籠有四款，包括懷舊燒賣、麻辣牛肉燒賣、龍蝦汁墨魚燒賣、滷水鵪鶉蛋燒賣，出面一定食唔到咁多特色野，滷水蛋燒賣直頭將普通鵪鶉蛋燒賣升左lv，味道更加濃郁；麻辣牛肉燒賣味道就係辣嘅牛肉球，唔算太辣，OK🥢脆脆富貴紅米腸粉🦐$48 份量有6件，都幾多，仲配有豉油、甜辣醬同麻醬三款，三款都有唔同風味，腸粉特別用左紅米整，顏色吸引，入面包住脆脆嘅蝦肉卷，食得出好有心思🥢炸饅頭豬柳漢堡🍔$46 呢個簡直係極邪惡，饅頭開左邊先炸，兩邊都炸到金黃香脆，入面包住豬柳同芝士，幾有gimmick，特別🥢一口鹹水角🧆$36圓碌碌好似魚蛋咁🤣一啖一件，又橙又綠，賣相已經好colouful即刻相機食先，同平時嘅咸水角差唔多，仲有啲炸豆伴碟👍👍🥢大澳蝦醬鮮魷卷🦑$52外面炸左一層蜂巢脆皮，口感薄脆，鮮魷大大粒，蝦醬味就唔算大突出，不過夠香口🥢肉鬆馬拉糕🥧$36一黎到已經聞到勁香，馬拉糕口感鬆軟，表面鋪滿咸香嘅肉鬆，咪道出奇地夾，推介🌟主打都係一啲新派特色點心，造型同設計都幾有心思，聽到隔離枱食完都不停大讚，可以帶屋企人黎試下！…Read More

環境餐廳主打fusion點心，佢嘅裝修見到佢有fusion。部分燈飾同磚都用咗懷舊風，似傳統酒樓會見到嘅element。裝修亦會現代化啲嘅pattern同材料，幾有心思。點心麻辣牛肉燒賣 4隻（辣）佢有塊薄得通透嘅皮包住牛肉餡，所以咬落去唔會好似平時啲燒賣咁feel到塊皮。粒燒賣食落去有淡淡嘅花椒味，麻味會慢慢滲出嚟，愈食愈麻，幾過癮。本身有擔心過食麻辣嘢會太咸，不過佢味道適中，係幾pleasant。酸菜魚鳳眼餃 4隻（辣）每粒燒賣上面都有一塊唔薄又幾滑身嘅魚肉，食落有酸菜魚嘅味道，略嫌淡咗啲。佢整得幾辣，可能因為咁而蓋過咗啲酸菜魚味。每粒燒賣都好足料，入面有肉碎同菜粒，幾好嚼勁。蘿蔔絲酥酥皮鬆化得嚟唔軟身，包住啲好juicy好熱嘅蘿蔔餡，食落去幾pleasant。有啲地方嘅蘿蔔絲酥會加好多胡椒粉，但呢個唔會，味道剛剛好。拉絲菠蘿包佢嘅芝士餡有少少似食pizza芝心批，不過好軟身，會拉到絲。成個包仔外脆內軟，食一個唔夠喉，兩個又會多咗啲，建議同人share，食1.5個。肉鬆馬拉糕本身嘅馬拉糕食落有花生醬味，配肉鬆食嘅話又有另一風味，有少少nutty嘅味，唔會太甜。亦可能因為咁，唔經唔覺食咗半份馬拉糕。燉湯雪梨海底椰燉瘦肉 & 淮杞螺片燉竹絲雞兩個湯都好足料，飲落去好足味，清清哋又好暖身。上菜嘅時候非常熱，覺得佢幾用心。…Read More