老媽拌麵 (北角匯二期)

自從喺北角返工之後，北角匯附近食肆基本上都俾我試勻晒，老媽拌麵就係其中一間我會回頭嘅餐廳。今日有個舊同學過嚟搵我食飯，我哋叫咗兩個套餐，其實有麵有前菜又有飲品，都算幾豐富。前菜分別係麻醬秋葵同車厘茄，秋葵加咗麻醬之後容易入口得多，而車厘茄仲有淡淡的話梅味，令人非常開胃。溏心蛋肉燥飯充滿台式味道，揀咗秘製微辣，最啱我呢啲鍾意食辣又唔食得辣嘅人。麻辣老鍋湯麵辣度就相對較強，麻辣湯底非常出色，麵質又夠彈牙，基本上配簡單嘅配菜就已經夠晒好味。另外我仲加配咗小食，揀咗澎湖花枝丸，台式嘅花枝丸真係零舍彈牙好味，三粒嘅份量啱啱好。朋友就話想飲珍珠奶茶，呢度嘅老媽黑糖珍珠鮮奶茶都相當有水準，珍珠用黑糖煮過，既Q彈又入味。我就揀杯滋潤啲嘅金羅漢果海底椰熱飲，真係夠晒真材實料。…查看更多

台灣嘅老媽拌麵就聽得多，今次都係第一次試！佢地喺香港有5間分店，今次試嘅係喺北角匯！店內設計以水泥清新感為主，感覺舒服，座位多，仲有打卡位🤩！當日lunch time 12點未算好多人，但食完店內已滿座！川味紅燒三寶牛肉湯麵(HK$82) 紅燒三寶有牛腱、牛筋同牛肚，呢個係店家推介，牛肉湯味道濃郁唔太鹹，食完唔會覺得口渴，湯底唔覺有辣味，牛腱入味唔鞋，軟硬度適中👍🏻，呢到既牛筋比起一般台灣菜牛筋較實有咬口，我就幾鍾意呢個口感🤤，牛肚就非常入味及淋，個人覺得刀削麵本身偏淋一D, 可能揀幼麵會match D。麻辣老鍋麵（HK$84) 麻辣湯底濃郁，有微微藥材味，麻辣麻得黎唔算好辣，依碗同關廟刀削麵就好夾🤣，響鈴雖然浸到淋哂，但估唔到仲好好味！至喜歡鴨血，好入味，可惜得2粒😫，仲有豬肉丸同肥牛作配料，份量好足夠呢！酥炸甜不辣（HK$32) 甜不辣好煙韌，QQ的感覺，好味！老媽黑糖珍珠鮮奶茶（HK$33) 份量比想像中多，黑糖味道出，但又唔會好甜，珍珠煙韌，唔錯👍🏻…查看更多

來自台灣過江龍【 老媽拌麵 】除了賣即食拌麵，亦有開實體餐廳，可以吃到各種台灣風味拌麵湯麵和特色小食，細心一睇餐牌都有素食麵條和自家製豆品，吃素頗多選擇喎！而北角店內充滿小清新風的室內設計，窗邊座位可以看到碼頭海景，吃飯都幾寫意。我們都簡單點了兩款麵食及一款小食連飲品。西紅柿雞蛋拌麵 🍜這個是台式番茄炒蛋撈麵，番茄汁甜甜地配上滑蛋胃口大開，健康素食之選，配上刀削麵食很特別。蔥油嫩雞拌麵 🍜蔥油滿滿油香味蔥粒爽脆，嫩嫩嘅雞絲吸了蔥油嘅精華，再加上有青瓜絲及番茄絲中和一下不會覺得太油膩，拌麵確係不錯的選擇。澎湖花枝丸 🍢大大粒炸得香口，咬落有花枝粒彈牙有口感，而且醬汁酸酸甜甜好開胃老媽黑糖珍珠鮮奶茶🧋黑糖味不重，相對較淡口只係得奶味多🥛，茶味不夠🍵，珍珠甜甜地好咬口只要掛住台灣味道，的確有老媽拌麵為你帶來正式台式關廟麵，配合各種台灣特色小食一次吃過夠本。…查看更多

一包包煮嘅就老媽拌麵就見得多了😆煮就未煮過🍜今次直接黎到實體店試 佢有幾間分店 我就梗係去港島嘅北角匯分店🤣🍜和牛炸醬拌麵 粗麵 $78賣相不錯😍粗麵口感非常彈牙 但係唔會過分林或者過分硬 配菜有青瓜絲🥒同埋蘿蔔絲🥕煎蛋🍳令成件事生色不少 和牛粒醬汁如果更濃郁就好了🌶🍜川味紅燒半筋半肉牛肉麵 $78牛肉手筋都好淋好嫩👍🏻湯底好香 如川味更重會更佳🌶麻辣鴨血 $68最滿意嘅一道菜式 鴨血好滑😍浸上麻辣湯底 非常惹味😋麻辣湯入面另有菜同埋滑lutlut豆腐🧈應該自己一個食晒成碗都得🤣🤣🧆黃QQ (黃地瓜球配花生碎餡🥜) $56從來未食過呢樣嘢 純粹一個搏一搏嘅心態去試😍😍因為呢啲會剩係得我4粒🧆點知一上枱有成8粒😆一咬落去完全係我鍾意嘅嘢🤣同佢個名一樣 超級Q彈！好似食緊年糕咁😋再加上入面包住花生碎🥜甜甜地鹹鹹地 好得意呀😍🧋老媽黑糖珍珠鮮奶茶 $33對珍珠要控制控制控制！ 🧋所以只偷了男朋友的飲2啖🤣超重黑糖味 不過不失…查看更多

老媽拌麵在香港都開了幾間，今日試北角的這一間。餐廳地方整潔及座位夠寬闊， 坐得很舒服，如選擇窗口位的更好，可以望到街景或海景，職員的服務態度都唔錯。門口有幾張枱可比寵物坐的，真正的室內座位👍👍。這幾張枱及窗口位亦有兩張可比寵物坐的。隨意影了2張餐牌😊，都是以麵食為主。試咗清燉三寶牛肉粗麵，粗麵是刀削麵，麵質很滑👍，三寶是牛腱、牛筋、牛肚， 味道很好😋，不過就切得比較薄及碎☹，分量都偏少，有待改善，配菜的蘿蔔很清甜，個湯底亦都覺得很清，如果喜歡濃味的，這款就不啱啦……😬黃QQ(炸黃地瓜球)，口感很煙韌，餡料是花生(花生醬)，花生不太濃味剛剛好，很好食😋，亦沒有油益味👍，值得一試。老媽黑糖珍珠鮮奶茶凍飲，原價是$33跟餐就$28，珍珠很煙韌😋，不過奶味偏重蓋咗啲茶味。而且凍飲的冰亦不夠，上枱時已接近溶晒，要問職員取多些少冰😬…查看更多