美國肥牛

與朋友來到久違的雞煲地方，再次到訪，勾起很多的學生回憶。平日光顧但幸好朋友早已訂位，不然即時取飛需等一至一個半小時。餐廳為16樓全樓，採用半開放設計煙霧也沒有四散，九成座位為卡位，二、四及六人卡位也有提供，而且隔板數目甚多，坐得舒適又放心。雖則疫情期間等候區不似以前光顧有人頭湧湧的情況，但晚市仍接近滿座，喧鬧聲中特別熱鬧。座位闊落，有位置就座同時有足夠空間擺放自攜物品，枱面也有足夠位置擺放接踵而來一碟碟的食材，有提供鐵篩、公筷及口罩袋，衛生設備淨潔企理做足，更窩心提供大樽清湯湯底先行添加，十分方便！餐廳設有小食區，提供了三款小食包括泡椒雞腳、涼伴雲耳及麻辣拍青瓜。而自助醬料調配則在小食旁，提供基本調味料如豉油、辣椒、蔥花及蒜蓉餐廳另一端擺放了多個飲品雪櫃，涵蓋多達20款飲品！可說是歷來光顧多間任食餐廳中飲品款式最多的一間，但我還是忠於無糖茶飲雞件大小適中分明，能分清不同部位並不是過碎雞塊，雞肉尚算嫩滑，略嫌雞鮮味不足。秘製醬汁味道仍然保持著其獨特惹味，小辣屬輕微不察覺之辣帶小甜，醬汁杰度較高能掛在每件雞肉上，而且入味十分，令每口肉也嚐到秘製醬汁的滋味吃過雞件後便自行加清湯湯底，整餐邊爐大約添加了3-4次湯底，秘製醬汁仍保留到香濃程度，而且不算油膩，非常適合作打邊爐湯底之用，但雞件肉質會隨滾燙時間而變得老韌，還是吃光雞件才開始打邊爐比較合適。手機掃QR code下單方便快捷，食物款式一覽無遺，雖然款式不算多，但基本款式總算齊全，點選食材中較喜歡以下數款：響鈴 - 完全吸收秘製醬汁湯底，咬下時灼熱湯底洶湧傾出，非常適合此雞煲邊爐.廚師腸：「廚師腸」已經不再面世，但這款香腸彷彿就不能擺脫貫上「廚師腸」的名字，雖然已經再也吃不回那獨有回憶的味道，但這款香腸比心入民心的味道來得淡咸，正正適合濃味的雞煲湯底.芋絲：味道清淡，最適合襯托香濃湯底，而且質感爽口減低飽溜感雖然脂肪分布不算太平均，但肥牛切割超薄，可大大減低煙韌及飽肚感，更可大快朵頤點選品嚐，帶淡然牛肉味，不用沾豉油只掛上湯醬也十分惹味每次來到必點蜂巢豆腐，鬆化的質感有如海綿，大大力吸收湯汁精華，吸收能力與響鈴可相比！但略嫌雪藏較長時間令質感較紮實第二款必吃食材便是自製水餃，隱蔽地放在小食吧一角自取，良久沒到訪也記得它的存在，全因新鮮包製，餡料豐富，今次提供兩款水餃有洋蔥牛肉餃及韭菜豬肉餃。香甜洋蔥配上牛肉份外惹味，而且洋惹切割細小，與牛肉碎一同進食全無違和感，滾燙後牛肉味流出增加牛鮮味，韭菜豬肉那傳統配搭無得輸，豬肉新鮮彈牙，配上切割小片的韭菜容易入口——整體評語：食物-雞煲醬汁獨特惹味，掛汁程度高，令每件雞肉也沾有豐富醬汁，品嚐雞件期間神奇地沒有發現醬汁燒焦，不用忙著撈拌。打邊爐的食物款式不算多，基本食材尚算齊全，但新鮮程度有所保留，部分食材帶有雪藏味或輕微乾硬質感，唯水餃新鮮餡料飽滿，多年不忘.服務-服務員主要提供送餐服務，雖然場面廣闊人手拮据，但也盡力留意客人需要，提供適切的服務.衛生-所有餐具都乾爽整潔，碗筷碟也沒有崩瓦的情況，公用用品也淨潔企理，沒有黏立.環境-卡位設計舒適，有足夠私隱度，加上多塊擋板相隔，有效與鄰坐保持空間，食得更放心。但餐廳空曠，時常也能到那熱鬧的地方.抵食-價錢合理，若花點心機於食材上性價比會更高，畢竟雞煲邊爐愈趨普及，總有一間在左近，要提升競爭力必定從食品質素開始…查看更多

誰說夏天不能吃雞煲？雞煲這回事是四季皆宜的！就像這家老字號: 至尊，不訂位的話，可能一位難求啊！一早訂位又早到的我們有最舒適的沙發卡座，近眺旺角街景星期六晚的價錢是168一位，超平！飲品任喝，汽水果汁啤酒，甚至自家製涼茶都有！火鍋料就在這裡點，有點像小時侯學能測驗的填法。(欸，暴露年齡了)今，日叫了完全不辣的原味雞煲，起初害怕會沒甚麼味道，但是它傳出陣陣香氣，又看到深色的醬汁就安心了。煮20分鐘左右雞就熟了，醬汁可是緊緊包裹著肉，味道超級香濃，雞件又大又多肉又嫩滑，也不會出現一個雞煲兩個雞頭的情況，誠意十足。牛魔王表示要吃大量的牛，所以就這樣了，雖說是肥牛，店家卻沒有給我們肥膏多過肉的牛給我們！看，這些肥牛質素不錯，比我們期望的好讓姐教你們重口味食法吧。每次加湯只加一點，保持醬汁的濃度，火力不用調那麼高，再放肥牛下去慢煮。這樣的話，煮熟後的肉會好嫩滑，又充滿醬汁喔我們用同樣方法煮烏冬，雪白的烏冬變得那麼深色，可見有多入味喜歡重口味的你可以一試其他生料的份量按人數配給，不會太多。店家推介大家汁煮花膠，牛栢葉和水魷，也是相當濃味！看，直到最後我們還是保持汁煮的狀態繁忙時段最貴都只是一人168元，其他時段會更平！真的超抵食！一大班朋友來就對了！…查看更多

難得與友人共聚，大班人當然要打邊爐啦！ 剛好有人提意要食雞煲，便選上了至尊重慶雞煲。大辣雞煲， 非常惹味。 雞件甚多， 醬汁非常濃郁， 但大辣還是覺得可以再辣一點😁食光雞件，便可以先加入花膠、牛柏葉吸收醬汁， 再加多點湯打邊爐。 肥牛用上安格斯，質素甚高，還有點雪花， 美味啊！另外，加薯仔、薯粉、公仔麵和烏冬，吸味之選， 辣得很爽！朋友另外又加了木耳、冬菇、粉膠這些爽口食物， 掛汁也不錯啊！想要食到最辣，當然就加唐生菜/油麥菜啦！ …查看更多

由於上載相片有限，上篇提及環境、收費，同埋重點分享咗兩款雞煲：至尊重慶蜑家雞煲和至尊千芪米酒雞煲，跟住再講就喺我哋食咗咩火鍋配料。 花膠 跟番個食雞3步曲，花膠加落個雞煲煮煮，爽口入味，極之好食，真喺意外驚喜 ，何況花膠膠質豐富，營養又高，養顏滋補佳品，實在喺必點項目 。 牛柏葉、鮮鵝腸 牛柏葉索晒雞煲醬汁，亦都好食，而且亦都爽口，果然3步曲加入花膠及牛栢葉都喺好策略 。不過水魷魚就無叫，改試鮮鵝腸，雖然鵝腸入口都同樣爽脆，但就唔及花膠、牛柏葉入味。 美國肥牛晌度主要食雞煲，所以牛肉唔多，獨沽一味：美國肥牛。外表睇落肥膏頗多，質素個人覺得一般。肉類仲有黑豚腩片及滑雞片，有機會下次要試試先得。 新鮮即包餃子 另一誠意表現，餃子唔用來貨，無花無假，由阿姐現場親自即包，仲要有成3款餃子供應：京蒽羊肉餃、洋蒽牛肉餃及西洋菜豬肉餃，我哋3款都試勻，一致推選西洋菜豬肉餃最好，豬肉口感好，西洋菜清爽 ；京蒽羊肉餃都唔錯，羊肉好味濃，夠晒羶 ；而洋蔥牛肉屬自創，不過當日食落唔知點解個餃皮好溶，味道亦未見特出。 午餐肉、炸枝竹午餐肉都點？唔好問點解，情意結。炸枝竹煮腍之後，沾滿醬汁，都好食架。 淮陽凍豆腐、鯪魚滑、豬肚片、貢丸 經一晚雪過成蜂巢形嘅凍豆腐，可以講喺「湯汁海綿」，索滿湯汁嘅凍豆腐柔韌惹味，值得推介 ；鯪魚滑亦有水準，如果加多啲蔥就更啱小弟口味；丸類都有幾多選擇，如蟹籽丸、豬肉丸、白魚蛋、皇庭貢丸、鱈魚飽丸、鮑魚蝦丸、花枝丸、松花丸、牛根丸，可惜胃納有限，真想試勻晒佢哋 。 炸魚皮 大家都將炸魚皮放入湯內灼一灼先食，哈哈，小弟都喺鍾意當佢喺脆卜卜小食。炸魚皮餸Jolly Sandy，都夾喎，最緊要唔油膩又無油膉味。 菜蔬菜蔬類、菇菌類夾埋有成十多款，雖然未必晚晚都款款有齊，但就不愁無選擇。 香甜粟米、芋頭片 本來都食得夠晒皮，但店方嘅自信捱介，就一於食飽啲頂埋佢。栗米果然超甜，不愧重本少少嘅超甜粟；芋頭片入口十分之粉糯，好重芋頭味，而且咬落唔鬆散，原來芋頭片輕炸過，認真有心思呀 。 公仔麵、紅薯粉、日本烏冬 臨尾唔好嘥啲湯準，淥啲粉麵又喺食火鍋嘅情懷。家下出面好多火鍋店都已經俾出前一丁，但晌度估佢唔到公仔麵竟然喺韓國貨嚟 ，質感不俗，食落有韌勁，唔會「腍糍糍」，值得一試；此外，紅薯粉亦都唔好錯過，煮透嘅紅薯粉滑溜煙韌，掛上湯汁，的確好味 ；除非你唔喜歡前兩者，否則烏冬都只喺無選擇中嘅選擇。 雀巢雪糕近門口有一大櫃雀巢雪糕任揀，但就唔喺任食，每人限取一杯，讓大家火鍋過後嘆杯雪糕涼快一下，所以，品牌、數量都唔喺重點，只喺店方小小心思 。是晚所見，味道有芝麻、雲呢嗱、紅豆、芒果，雀巢紅豆雪糕，久遺嘅味道 ！最後想講少少服務，雖然咁旺場，但上配料甩漏未算大，有漏嘅阿姐都有求必應好快補上。此外，有時侍應都會主動加湯，唯一喺收拾碗碟慢咗啲，始終人客多兼流量快，都屬情有可原。要挑剔，抽風方面確需改善一下，人哋就話唔食羊肉一身羶，我哋就食完雞煲一身臊，唔止衫褲，小弟連個背囊都一陣嘢強烈食味 。同班「死佬們」老友一年幾次飯局，都喺鍾意烚吓烚吓，仲要揀任食，因為佢哋大飲大食，散叫真喺控制唔到「成本」。好多時都喺就方便，去咗長沙灣新星，睇嚟依家又多個選擇嘞，因為至尊重慶雞煲定價親民，雞煲有其特色，火鍋料配套足，飲品又多選擇，值得幫襯 。…查看更多

前幾天, 友人send左張圖片黎, 係某雜誌介紹的至尊重慶雞煲!佢話想去試試, 所以今天放工後一於去試下! 可能由於閒日關係, 7點半上到去人流唔多, 仲有好多位置,本身佢比左兩個普通坐位我地, 但後尾我地問可唔可以要car位, 佢都話ok!每人$118蚊任飲任食 (任食2小時), 雞煲每1~2位半隻, 3~5位1隻! 我地叫左唔辣,不過個度既哥仔話事後想食辣佢地都有辦法! 哈哈~好快就上左雞煲, 原來半隻雞份量都唔少! 食落有少許酒香, 而且落了磨豉醬味道很濃呢。食完呢半隻雞, 已經開始飽飽地。呢個時候可以叫佢加湯, 可以開始叫料打邊爐!材料約有50款, 一般大路的肥牛, 豚肉片, 丸類, 粉麵類, 菜都有提供~~由於太飽的關係, 都係試左叫左紅薯粉/米粉/美國肥牛/炸枝竹/魚皮餃/油麥菜等~~炸枝竹放落雞煲度煮完好好味呢...忍唔住叫了兩碟!再加埋可以飲任汽水, 啤酒, $118已經全包晒, 真係幾抵食!…查看更多