養心殿台式養生鍋

放工後就來到養心殿台式養生火鍋打邊爐。和美女朋友選了馳名的美人鍋，美人鍋以桃膠、原隻烏雞、南棗、杞子等熬製而成，將養顏聖品集成一鍋，猶如老火湯般味濃滋補，烏雞肉質緊密而油脂較少，具有益氣血，退虛熱的功效，桃膠滋陰養顏，富含豐富的植物蛋白，感覺就像吃了一整碗的膠原蛋白。另外點了鵝肝墨魚丸，黑松露蝦丸，雪花肥牛，油麥菜和闊條麵。丸類非常非常新鮮，配搭非常新穎並且非常配合，口感彈牙，一直回味。雪花肥牛肉質非常鮮味，粉紅色鮮嫩外型令你不能低檔。…查看更多

我和媽咪也愛到這間火鍋店，喜歡她真材實料，用料上等，除便叫一樣都很好味道，最主要她的湯底，當湯飲也很滋補。今次也叫了那美人鍋，沒有雙拼，一個味道便夠，因大家也愛作美人吧！美人鍋材料十足，今晚再吃也保持水準，但今次我們未開始火鍋便先喝下兩大碗湯，湯中的桃膠多又滑，還夾著清甜的龍眼，感覺十分清潤，膠原蛋白豐富。喝過湯，便要吃火鍋料，首先當然是牛柳粒，粒粒牛肉幼嫩多汁，脂肪比肉量平均，好有牛味。韮菜餃·一份4隻，韮菜味香鮮甜，鮮蝦肉也很鮮甜。鮮蝦水餃·一份4隻，鮮蝦大大隻，全隻餃都係蝦，蝦又甜又彈口，正！蝦丸·一份4粒，由鮮蝦肉打至起膠，粒粒鮮甜彈牙！豆腐·一大磚百福山水豆腐，滑滑溜，品質保證。鮮淮山·鮮淮山4大件，鮮嫩多汁，清潔乾淨。玉米·4大件超甜玉米，不用煮很久，3-4分鐘，剛熟，爽甜多汁，美味！秋葵·4大條鮮嫩秋葵，也是不用煮久，1-2分鐘的烹調已夠熟了，又爽又甜，十分健康。芋圓湯·吃飽了，餐廳送上甜湯，非一般的，是台灣的芋圓，有台北的口味，讚！…查看更多

呢排勁OT，同事推介養心殿台式養生火鍋。平時睇廣告睇得多，趁今日收到工，一於同班同事試下個美人鍋，睇下可唔可以變回美人。養心殿裝修都幾台式，坐嘅位置幾寬敞。有別於一般台灣任食火鍋，呢到嘅鍋底，配料都係散叫嘅。見到menu 款款都想試，而且菜類方面，有幾款台灣菜係每日飛機直送。點好食物，我地去醬料區揀選醬料，有芫茜，紅辣椒，香蔥，香醋，蒜泥汁同豉油。美人鍋 $188 滋陰養顏嘅湯底，材料有桃膠，烏雞，杞子，南棗，金華火腿，老火肴制，一定要飲多碗先得。自家製極品水餃（半份）$42 水餃皮薄，蝦肉爽口。自家製韭菜餃（半份）$42 韭菜味重，菜同肉釀入粉量都好均勻。手工丸類拼盤（12粒）$108 有鵝肝墨魚丸，黑松露蝦丸，芝士牛肉丸，墨魚丸，蝦丸，梅菜豬肉丸，每款兩粒，4個人份量岩岩好，粒粒丸好彈牙。極上雪花肥牛 $188 叫左個中位價試下，牛肉有明顯雪花紋，好有牛味，食落好淋。鴨血$48 食台式火鍋怎可以唔試鴨血，同平時食嘅豬紅係兩回事，而且唔容易碎，食得出鴨血有少少騷味。台灣水晶冰菜$78 平時喺街市都好少見到，仲要飛機直送，緊係試下。萵荀$48 好新鮮，不過唔好放入鍋太耐，爽會更加好味。一分錢，一分貨。不過臨走時見到，8:30前離座，9:30後入座，有7折，下次會再去試下。…查看更多

上一次去台灣時巳經想食這家火鍋店，今天就約齊腳食下。三個女人叫了一個美人鍋，這個湯㡳十分有驚喜，有雞、圓肉、淮山、小人參、杞子和陶膠等等，味道香濃夠灑養生其實當湯飲到得，除了湯底，我們點了健康一點既鮮甜三疏包括有秋葵，粟米及山藥！火鍋配料唔算話好多選擇，但個人認為都足夠既因為算是有質同埋等別既材料！我們點了黑松露蝦丸這個黑松露味偏濃的、鵝肝墨魚丸、極上雪花肥牛、厚脂黑毛豬梅花肉、鴨血、即炸響鈴、千層凍豆腐、最值得推介是員工推介的空運到港水晶冰菜很特別，滑滑的有點像湯hold菜！…查看更多

想起那兒就去那兒😍😋，原來已經兩個月無黎。前日食左#sogo #supermarket 既🇯🇵#沖繩 #梅肉 就決定要黎喚醒記憶比併下。兩者都濃肉味又唔腥，不過#養心殿 既#厚脂黑毛豬梅花肉 會軟身啲，咬感較好。要係出面買同質素既豬梅肉大概100蚊100克，養心殿係#幾抵食 既。當然唔小得每次例叫#蟶子皇 ，即叫即劏，質素唔駛講😂。鱸魚唔錯，有鱸魚味、唔腥、夠新鮮，入鋪頭個時佢仲係魚缸游緊水。唯一敗北係賣相，似足#奇異種子 #青蛙 ，懷疑經理認得我依個次次#相機食先 既麻煩友所以專登搞創作😌。總括黎講佢近排係咁開分店都仲keep到水準，希望唔會小個#食好西 既#聚腳地 啦🤔。…查看更多

8:30 前離座7 折 正！3 個女仔 7:00 入座 ，8:30 埋單 超飽好滿足。我地每人300 ， 如果冇折就較肉痛 所以記我8:30 前ko 哂呀. 埋完坐多陣都ok, 暫時冇俾人趕 我地叫左芝士牛丸 梅菜肉丸 幾好 . 牛肉是肉眼 大塊幾好 ， 但比較小份 有d 唔夠叫左午餐肉 平時唔多食 叫人介紹 試吓 不錯 佢又唔係幾油 幾香口. 超厚切 一定要多人食。我地食唔哂浪費左sori. 我覺得可以試下， 個湯確真不錯 . 不過食完有小小口喝。位置都大 傾計不錯. …查看更多

剛去完旅行，相約三五知己出來交換手信，加上天氣有點清涼，今次選了旺角養心殿吃個滋補火鍋。今次點了美人鍋，貪其清清地，不會太溫補，受不了。小食鹽酥蚵仔，即炸熱烘烘的，好滋味。朋友是牛痴，所以點了兩款牛肉，手切牛肉，入口軟棉滑，好有牛肉味。極上雪花肥牛，肉質好滑身，脂肪比例平均。自家製麻辣牛肉餃，鵝肝墨魚丸，都是上次吃過，梅菜豬肉丸，真的好好食，好過癮，味道調教得超準確。還有餃子拼盤，可以吃過飽。打火鍋點少得脆響鈴，熱騰騰的，炸午餐肉，厚切的，外脆內軟，炸過會香口些。切片年糕，若是大塊些，就會好吃煙韌些。 我們吃飽離開時，見到好多人光顧，果然是有質素的火鍋店。…查看更多

到了冬季時侯,心癢癢想打邊爐，今晚在旺角附近收工後來到打正養心鍋為主打的養心殿與友人打邊爐。由服務生帶入座，我們坐在二人枱座位，裝潢都富有中國古典的色彩，木質的屏風可以增加了私隱度，窗外掛上了大大的紅燈籠，讓整間火鍋店帶出古色古香且典雅感覺在facebook 讚好及打卡，每人可以免費送一杯冇酒精飲品，打邊爐怎可以缺少滋潤飲品，我選擇了一杯自家製杞子菊花圓肉露，味道都好清甜,又可以清熱湯底方面一共有六款選擇，每款都各有千秋，幸好可以選擇了鴛鴦鍋，可以一次過品嚐兩款湯底，以較高價錢湯底收費，朋友仔鐘情於美人鍋（$188），而我點了個寧神養心鍋（$168）,美人鍋中有原隻烏雞,再配以金華金腿及藥材（杞子、沙蔘、淮山、南棗）等......淆成湯底，當中加入了有平民燕窩之稱的“桃膠”，桃膠富有多膠原蛋白，口感綿滑,更是女士們的恩物加上採用黑烏雞淆湯，便有滋陰、補虛的功效，讓湯底味道非常濃郁，建議開餐前先飲番碗及用湯舀隔下油份先飲免太膩口，另外本人較鐘情寧神養心鍋，一滾起已經散發強烈的藥材香，加入的藥材有川芎、白芷、天麻、當歸、黑烏雞、豬肉淆成,再加上20斤鮮魚經4小時精淆湯底，的確是精心製作又足料,先呷一啖湯底，沒有魚腥味，而且味道夠晒鮮甜及藥材的香味除此以外，寧神養心鍋湯底中加入大量淮山、圓肉、杞子等，令湯底更加豐富，經過香煎過的魚頭，令湯底沒有留下魚腥，吃起來的魚肉都好滑溜先來一份厚脂黑毛豬梅花肉$168，燙一陣都好快熟，肉質軟滑爽口，也有入口即融，吃起又晤肥膩，令人不經意一片又一片把它吃掉再來一份香菇頁丸$48，一共有6粒，口感佳且彈牙有嚼勁，味道醇香鮮甜，加入了一些香菇，吃出陣陣撲鼻濃郁的香菇滋味嘗試下新鮮手打的鵝肝墨魚丸（半份）$48，墨魚味道好濃厚的，口感爽彈，內有鵝肝的香味都幾突出，也有驚喜入到冬季，美食就非日本牡蠣莫屬，一共有6隻$138，蠔肉肉質飽滿，煮熟了牡蠣味道仍是鮮甜，肉質肥美大粒，沒有絲毫腥味服務員主動幫客人加火鍋湯水，服務殷勤有禮，最後我們都感到很滿足，價錢都合理，環境又舒適又晤會坐得太迫，最讚是足料養生火鍋湯底，真是富有特色，下次都會再來光顧茶芥每位$20,八時半前埋單有7折，同時讚好facebook 專頁及簽到，更可以每人都獲送無酒精飲品一杯，真是抵食…查看更多

養心殿，讓你忘卻煩憂，養尊處優的地方。蒲一入門，便放了幾個大碗，就看以為是擺設，原來是火鍋醬汁自取的地方。果然是養生之道，選取上等的食材，泡製優質的美人鍋，當中有桃膠、原隻烏雞、杞子、南棗、淮山、北祈、黨蔘等藥材及金華火腿老火肴制湯底，養顏至寶。除了美人鍋，還有另外五款湯底以供選擇，你想多試幾款口味，可以點鴛鴦鍋，一次試齊兩款味道，不另外收費。其實隻雞要食完都好飽，所以只吃了雞腿和雞翼，但貪吃的我當然會試其他食物，想每樣都試過又不可吃太多，最好是點拼盤，她有手工丸類拼盤、餃子拼盤、雜錦蔬菜盤，連小食都有招牌鹵味拼盤，當然不會樣樣來點，便嚴選了餃子拼盤。餃子拼盤共有12粒，包括自家製極品水餃、自家製鮮蝦雲吞、自家製韮菜餃、自家製麻辣牛肉餃、魚皮餃及自家製水蓮餃。自家製麻辣牛肉餃給予很大驚喜，厚實的牛肉饀料帶有陣陣麻辣，滿有層次，其他餃子都很香很足料，值得一試再試，但下次想試丸類拼盤，相信驚喜不斷。另外雜錦蔬菜盤也值得一題，全是新鮮的蔬菜，有唐生菜、娃娃菜、有機玉米、日本金菇和野菌，全都非常鮮甜，最愛玉米，超甜！沒有點肉類，因只有兩人，吃不下，但被海鮮中的大聖子吸引，每隻只售$48，便點了兩隻。真的不用後悔，厚肉彈牙，鮮味十足，這個價錢實在太低食！整個湯肴了一個多小時，味道更濃更甜，野菌更鮮甜多汁。最後一定要讚賞那些服務員，細心的服務，禮貌的招待，熱情的款待，都讓我們舒暢的進食，享受著養生之道。…查看更多

朋友生日，話想食火鍋，我即時想起養心殿，一來她未食過，二來養心殿出名養生湯底，啱晒女士之餘，連湯都飲得，火鍋料亦新鮮，所以我們就決定食養心殿。＊＊＊＊＊＊＊＊＊＊＊＊＊養心殿有多間分店，今次我們預訂了旺角分店，貪佢中間點夠就腳。平日晚上都坐滿人，幸好預早訂座。茶芥及醬料每位$20，醬料可以在出面自助醬料區拿取，不過因為湯底都很夠味，基本上全晚我們都不用蘸醬。湯底雖然只有六款選擇，款式不算多，但除了麻辣鍋和酸菜白肉鍋，其餘四款都是藥膳鍋。今次我們選了麻辣鍋($128)和美人鍋($188)，鴛鴦鍋以較高湯底價錢收費。麻辣鍋內有多種香料、鴨血和凍豆腐，其中鴨血還可以免費追加多一份。我們點了中辣，辣度剛剛好，火鍋料如非泡得太久，都不會太辣。鴨血很大片，食落帶點彈口，幾好食。凍豆腐吸收了麻辣鍋的辣味，麻麻辣辣很惹味！美人鍋材料更豐富，入面有原隻烏雞、桃膠、南棗和金華火腿，滋陰養顏，最啱女士。湯底滾起時，在落火鍋料前可先飲湯，可能因為剛滾起不久，所以只有雞味，但都已經幾好飲。吃到中段，我們再試湯底，其他藥材的味道終於慢慢出來，湯亦變得更清甜好味。最後我們連烏雞都食埋，真是成煲飲光！食火鍋點可以唔飲凍飲？晚市時間食客只要在養心殿的Facebook專頁打卡，即可免費獲贈一杯咸檸七或無酒精飲料一杯。左: 沖繩黑糖烏梅汁烏梅汁酸酸甜甜，配火鍋最適合。右: 咸檸七咸檸七夠大杯，一杯都夠飲，很抵飲！鹽酥蚵仔($78)鹽酥蚵仔很惹味，炸漿夠薄又酥脆，蚵仔很鮮嫩不會過乾。霜降肉眼肥牛($178)霜降肉眼肥牛脂肪紋都平均，輕灼數秒就食得，入口非常嫩滑，個人覺得配麻辣鍋最正！自家製麻辣牛肉餃－半份($42)麻辣牛肉餃餃皮夠薄，牛肉餡很嫩滑，食得出淡淡麻辣味。水耕菜($58)水耕菜很新鮮翠綠，輕灼數秒就吃得，還帶點爽脆很好吃。寬粉條($38)寬粉條飽肚之餘又Q彈，灼至半透明即可食用，放在美人鍋內最好，可以吸收湯底的清甜味。芋圓糖水(免費)埋單前還有芋圓糖水，糖水是馬蹄露，馬蹄很爽口，甜度亦適中，芋圓夠軟腍，不過就不夠Q彈，但免費都不能要求太多了。雪糕(免費)除了芋圓糖水，原來每人還有一個雪糕球，雪糕是曲奇味，味道都可以。總結，湯底雖然要百多元，但非常足料，食得又飲得，火鍋料亦很新鮮，最後還有糖水和雪糕送，人均三百元能有此質素，性價比算高。…查看更多

一星期黎2⃣️次，再黎養身先，養心殿台式養生火鍋，今次黎旺角分店，今次叫美人鍋，見到個名已經好吸引，有好多桃膠，成隻烏雞添，女人養顏至寶，食完變靚啲霜降肉眼肥牛$178，有牛味冇渣即炸響玲$68，入口鬆化脆口無油益味，推介之一，好好味。千層凍豆腐$48，吸曬湯底，正，口感特別，推介推介寛粉條$38，好似食緊軟軟薯粉甘，吸曬湯底自家製水蓮餃半份$42，水蓮味道清新，而墨魚丸一份$78，彈牙，食到有墨魚丸粒，系Fb like可以每人送一杯冇酒精飲味，我叫左黑糖烏梅汁及杞子菊花圓肉露，兩杯都吾系好甜，正，今次甜品送豆腐雪糕🍦，正，溫馨提示，記得訂位呀，好爆場…查看更多

養心殿嘅湯底真係一流，我哋揀咗個美人鍋，湯底用料十足，入面有大量桃膠，原隻烏雞，杞子，圓桂，紅棗，淮山「唔肯定」， 一開始湯底十分清甜，到我哋打完邊爐之後再飲，湯底完全飲到烏雞同藥材融合喺一齊嘅味道，完全飲唔停,食材新鮮， 醬料選擇唔多， 只有豉油，辣椒，蔥，芫茜，麻油，全部自助~服務請唔好有任何期望，我哋入座嘅時候仲見reception同另外一個員工嗌緊交，任何優惠都唔會主動告知，係我哋見到隔離枱有折，一問先至知道原來有分時段優惠，七點半前離座半價，八點半前離座7折，九點後入座都好似有折，有個app可以下載儲分~為咗個湯底我之後會再帶朋友嚟㗎！！！…查看更多

碰上朋友老婆同場打邊爐，有緣到不得了。養金殿，個名真係十分有詩意呢。初到貴境當然要做下功課先，慢慢刨下菜單再飲返幾啖冰凍啤酒。最大目標係麻辣鴨血，但其他都好多野想食呢 ﹗叫多點叫多點，我會打包返屋企，不浪費的。款款鍋底都想試，麻辣、酸菜、寧神、薑母、美人、養生，教我如何是好呢，擲骰仔決定？麻辣鍋小辣，麻辣鍋其實我愛食中辣的呢。小辣也不錯，微辣帶著香料甜甜的餘韻，豐富的香料，溫和的刺激。美人鍋有桃膠，我以前成日以為係花膠溶到黐埋一舊舊囉，真係大鄉里孤陋寡聞啊，要進修一下。仲有烏雞、杞子、南棗、金華火腿、等等。滾開急不及待飲碗，夠香夠濃，有燉湯的影子，厚厚黏黏的湯汁特別美味。養生鍋，美女稱好怕人蔘既甘苦味道都願意捨命陪我一試，感激不盡。用藥材、人蔘、火腿、老雞、瘦肉餚製而成，甘甜蔘味強烈，加上清香藥材味道，美味絕倫，我非常喜歡。但美女完全受不了，食唔到養生鍋，只能食麻辣鍋，真係十分抱歉啊。滷水鴨舌，乾乾瘦瘦欠肥美欠爽彈欠嫩滑，感覺似雪死左不夠新鮮，滷水味都較平凡。我要食新鮮雞子架，為何來了鴨舌？可能侍應姐姐入錯單咯，雞子叫做雞佛？第一次聽，有趣喎。鹽酥蚵仔，鹽香炸瘦猛猛蠔仔，乾爭爭不鮮不甜無蠔汁，掉落火鍋烚一烚、吸吸湯，變得好食左喎，哈哈。雷式混醬，只需要青蔥、生蒜、指天椒較晒，簡單就是美，最衰無炸蒜啦 ﹗對我來說食火鍋最最最緊要就係指天椒，如果無指天椒，我真係連火鍋都唔想食呢。翠絲水蓮，繼早前食過羽衣甘藍後又一有趣台菜，十分新奇啊。真係唔用絞剪唔得，試過想用手撕斷，估您唔到會完全唔成功，好得意喎。長食長有，長到藤蔓一樣，顏色翠綠如寶石一般，大束大束地入口，爽脆又多汁，清新的菜味非常特別，比羽衣甘藍好味道。手切牛肉細，拖兩拖粉紅滑溜溜品嚐，牛味突出，香甜肉汁輕滲，Good ﹗可以再厚多兩公分，更有咬口又更多肉汁。餃子併盤，極品水餃、韮菜餃、魚皮餃、鮮蝦雲吞、麻辣牛肉餃，水蓮餃，每款兩粒最適合我這類貪食鬼 ﹗排得骨子整齊，靚靚仔仔送上。韮菜餃、水蓮餃，菜多多塞到脹卜卜，滑滑的餃皮包著爽爽嫩菜，菜汁澎湃鮮甜到拍爛手掌，無得輸。極品水餃、鮮蝦雲吞，頂上靚餃渾圓肥嘟嘟，超足料無搵笨。大大粒塞入口，蝦仁又爽又甜，豬肉彈滑不腥，整粒結實不散，質地一流。魚皮餃、麻辣牛肉餃，相比下較平凡普通，不過不失。手功丸類併盤，鵝肝墨魚丸、黑松露蝦丸、芝士牛肉丸、墨魚丸、蝦丸、梅菜豬肉丸， 兩行一字排開讓我檢閱一下，粒粒大細平均，水潤閃令令，嗅得到的新鮮。您好野粒粒彈牙鮮味出眾無可挑剔，唯獨梅菜豬肉丸既餡可以多一點。最搞笑係掉晒落麻辣湯染到全部深紅色，完全分唔開那款打那款，不知道遇上什麼丸，食既時候驚喜萬分 ﹗蟹子墨魚滑，跟手打墨丸一樣，鮮味非凡，彈滑無比，肉多粉少勁足料。野生竹笙，爽脆大條又完整。味道淡淡的，索湯高手，全部味道靠晒湯底。幾乎每次火鍋都必食，比山根、魚皮、響鈴更愛。鴨血，一定梗係要配麻辣湯啦 ﹗不要急，要耐心等候，烚到麻辣湯完全滲透其中，嫩滑無比，一咬瀑汁﹗豬紅跟她完全無得比，鮮甜滑嘟嘟香噴噴，散發一絲的麻辣味道，熱騰騰出晒煙地咬，越食就越想食，不能自拔，實在太美味喇﹗千層凍豆腐，潛藏在麻辣鍋底下，鬆軟的豆皮似海棉似蛋糕，吸盡麻辣湯汁，湯汁邊食邊噴，可口刺激。烏雞，從美人鍋裡救上來的 ﹗幾萬個為什麼？何解煲湯雞能如此彈滑香甜，鮮嫩美味？滑嘟嘟的漆黑雞皮，藏著緊緻雞肉，滲出肉汁跟湯汁，點解呢？全部被我消滅，連骨頭都損得乾乾淨淨﹗鮮冬菇，out of menu 特別 order 淨冬菇。雖然菇菌類快熟，但我喜歡烚到廿十倍熟，吸盡湯汁彈彈滑潺潺，成粒滾熱辣啪入，爆開全是湯汁，菇味濃郁而清爽，感覺非常暢快﹗七星鱸魚，只得一款厚條，無得揀就照食啦。立即聯想到我打緊既 PS4 game 太空戰士，係海邊狂釣巨形七星鱸好鬼興奮呢﹗背脊肉微微結實，有點偏腍。薄薄魚肚肉少少滑少少膠，不苦不澀。魚味淡而陰沉欠鮮甜欠魚甜，味道非常單調，不喜歡。蟶子皇，呎碼大大碌都唔細條喎，洗得乾淨白雪雪，一氣呵成掉晒落去，食左先講。必須全神貫注，睇準時機，一脫殼即起，否則太熟變硬似食橡膠。烚得剛剛好，海鮮甜味橫掃所有食材，爽彈的肉質不容置疑，頂級享受。新鮮雞佛，有緣自然食到您喇 ﹗小心翼翼地烚，不要烚過火，不能烚到穿，如果烚爆使到所有肉汁流失變得乾爭爭就唔好食架。靜候片刻，得左﹗完整沒有破損又彈力十足的鮮雞子呀，閃令令發晒光﹗咬破脆皮，燙燙的汁液飛射，鮮甜到震，蛋香吸引，質地膶膶幼滑，食到停不了呀﹗紫淮山麵，最怕腍劈劈的麵條，淮山味道怪的，不是我杯茶，試一次便夠。非常富豐的晚餐，預左食唔晒，打包返屋企無問題，之後幾晚都靠晒佢喇。高水準的演繹實在難得，服務及環境都合格，讚。…查看更多

早前豬去左打邊爐，挑起左老公嘅打邊爐癮，所以今晚再打過，但去嘅地方有d特別。上到去環境唔錯,係用左中國風黎設計,冷氣非常大，喺34度大街行完，上到黎真係爽到不得了。呢度唔係飲任飲任食嘅火鍋放題，而係叫一個窩做湯底，再點配料，逐碟計錢，湯底有美人鍋，麻辣鍋，寧神養心鍋，養生鍋，秘製薑母鴨鍋。雖然同其他相比好似貴好多，但食物質素好都值得嘅。呢個美人鍋，係用烏雞，桃膠及唔同嘅藥材一齊煲，湯中嘅烏雞好大隻，但可以放到最後先食，而桃膠份量亦好多，好軟好滑。個湯一黎到，豬已經急不及待試下啖湯，初初飲有d鹹，但加入新鮮蔬菜，再加上d桃膠煮耐左，變得非常清甜，忍唔住狂飲，好好味。什錦蔬菜盆，有生菜，娃娃菜，粟米，冬菇，非常新鮮，蔬菜吸收晒湯嘅精華，以娃娃菜最為好食。手工丸類拼盤，有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，相當彈牙，手打丸果然係好食好多，其中蝦丸味道比想像之中突出，再加上黑松露，兩者非常配。另外值得試嘅係梅菜豬肉丸，好juicy,味道岩岩好，唔會鹹。芝士牛肉丸，愛好芝士嘅豬對呢個非常期望，可惜芝士味唔係好出，同牛肉丸唔係好夾。餃子拼盤，有自家製水餃，鮮蝦雲吞，麻辣牛肉餃，韭菜餃， 水蓮餃， 魚皮餃。鮮蝦雲吞，蝦肉新鮮，好大粒，同豬肉嘅比例恰當。而各款嘅自家製餃子咬落都係皮薄餡靚，滑溜彈牙。麻辣牛肉餃創意十足, 有麻辣嘅香，但又唔會太辣，好惹味。韭菜餃好香好多汁，一咬落去有爆汁嘅情況，又有濃濃嘅韮菜味紫准山麵，其實都唔知係乜嘢嚟，所以都想試下，就叫咗呢一個紫色嘅淮山麵😂 估唔到個淮山麵嘅麵質都幾彈牙，口感特別 ，放入美人鍋，吸收左湯底嘅精華，唔錯。 台灣炸豆皮，食起黎其實同響鈴，炸腐竹差唔多，脆脆地，吸晒湯嘅精華，不過下次再揀嘅話， 我會揀返響鈴食。最後要讚下服務質素，有禮貌又貼心，見到 隔離枱叫咗一個炸午餐肉，佢會叫人小心辣咀，又會話慢慢享用…查看更多

這個冬天真太冷! 對我這個怕冷的人來說，每天都要把自己包得像糉一樣才能出門，很不是味兒。但冬天唯一的好處，就是吃火爐時會特別的津津有味。在這漫長的寒冬，既要暖身更要養生。甜不辣 $48朋友未到齊，先點個台式美食甜不辣頂肚。外層酥香，魚肉軟彈，沾上甜中帶微辣的醬汁，開胃惹味！美人鍋／麻辣鍋 $188美人鍋是必選的湯底，雙拼鍋都有半隻烏雞，還有桃膠，龍眼，杞子等湯料，十分滋補。點這湯底主要是要喝的，建議先喝碗潤甜的湯，吃過入味肉嫩的烏雞肉，才開始打邊爐。另一邊的麻辣湯底，滾起來已散發出陣陣麻辣香，可先吃湯底中的鴨血及豆腐，鴨血軟彈嫩滑，而且還另外加送一份！黑松露蝦丸 $48 / 鵝肝墨魚丸 $48 / 芝士牛肉丸 $48養心殿的手打丸是必吃的，粒粒都軟實彈牙。黑松露醬溝入蝦滑，濃郁的黑松露味沒有蓋住蝦的鮮甜，而是互相帶起味道，令味道提升。而牛肉配芝士，芝味之餘不失肉味，增加味道層次感。還有鵝肝墨魚丸，充足鵝油香。大腸頭 $88大腸軟彈不韌，建議落麻辣湯底，味道夾而且突出。紫淮山面 $38以淮山作火鍋配料都能經常吃到，但紫淮山面倒是第一次吃。紫白色的面線，外型似紫色的稻庭烏冬般扁身，但厚身一點。面質幼滑軟彈，落麻辣的話，煮一會就可吃，面條吸收湯底力強，已經充滿麻辣香。…查看更多