大漠

每次經過都有長長的人龍，以為一定好食啦今日見冇人龍，就試下一坐低就會放下前菜，呢樣好好食，紫椰菜炒得好香濃羊肉粉絲湯見個個都叫，諗住實冇死。黎到只係見到細細舊羊，同好多菇，飲落去根本冇羊味，得D芫荽味，粉絲更係小得可憐羊肉夾餅，擺得好靚！碎羊肉食落去又係冇羊味，反而似D湯渣入面既肉反而個夾餅幾特式，單食厚厚的，香草味都幾濃，口感有D似 牛脷酥…查看更多

喜歡食羊既我，朋友介紹我，點都要黎一次大漠！一入去，成間店都充滿住羊既味道，超正！同埋暗暗地，加埋d裝飾品，好有異國風情！今日係星期四，唔太多人，靜靜地幾好！因為得兩個人，本身想叫二人餐，但又好似太多，最後就散叫。羊肉粉絲湯，好濃既羊肉味！極力推介！叫左一碗大，兩個人飲都有d多。酥炸小羊排，酥酥脆脆，不過放左陣就凍左lu.羊肉串，羊肉有d韌，好似西環間巴依好食d。最後要左個紫椰菜，好好味，佢加左花生同提子乾，好有咬口！食完，超飽！下次要再黎呀！…查看更多

呢晚同朋友黎食晚餐。以前只係食過大漠好抵食的 set lunch, 味道不差，但說不上大驚喜。今次特意黎試晚市，菜式比起 set lunch 更精彩同有特色！大約七點三到，因而訂左位所以唔使等。我地叫左酸奶，羊肉粉絲湯，燒羊鞍和羊肉炒飯。每張枱都有一個餐前小食。是一小碟白菜仔，用芝麻和麻油醃過，蔬菜爽口，麻油香剛好不會「醃過龍」。我一向唔鐘意食餐廳的醃製小食，但呢個我就幾鐘意，因為感覺清新健康唔會過鹹  之後到酸奶。本來以為好似印度餐廳個 d 乳酪飲品咁，但佢係一碗上的，好細碗。  不過佢比較稠身，入面加左好多提子乾和 nuts，食一口已經有滿足的感覺   兩個人分住食其實都夠呢~羊肉粉絲湯的羊羶味最重，可能因為羊的精華都濃縮哂係湯入面啦~羊肉粉絲蘿蔔蔔絲芫茜，口感好豐富 最好食係燒羊鞍。羊肉外層燒得好香脆，肉汁仍然鎖係羊肉入面，夠 juicy   侍應會送上黃薑粉和一種辣粉畀你自己調味，不過我地都係鍾意齋食多 d ~羊肉飯除左紅黃椒同羊肉外，重落左提子乾。飯粒夠乾夠分明。有時食食下食到甜味感覺跟在吃菠蘿炒飯差不多呢~計埋加一，呢餐總共食左 $357。雖說不上便宜，但味道不錯，雖然份量不大但都夠飽~…查看更多

之前已經試過一次大漠, 覺得唔錯...今次友人們提議再遊此店, 二話不說, 舉腳讚成~!全店都是羊羊羊... 咩..... 不過若然不是太好羊肉的話, 最好對此鋪遠離一點... 因為真係好.........羶......架.....全羊宴~~ 要將所有餸菜都選用羊的不同部位來作的話, 真是少點信心也不行... 雖然是有少許油的感覺, 但羊味濃之外, 材料足...裡面的材料平衡了羊肉多出來的羶味!!皮, 厚厚的!! 內裡的羊鬆既香又可口... 更多了一份新彊感... 它是大小不一的羊柳粒, 但它比想像的更好吃... 撲鼻的香味加上香料, 併上口感鬆軟的羊肉, 滿分!! 吃完羊肉串, 心情已高興得在半空, 再來這道羊西冷... 上天了.... 軟硬度和生熟度拿攝得十分好, 真的有在口中溶化的感覺, 再次滿分!! 如不是大愛羊肉的朋友們, 到了這道菜, 可能已經會有膩的感覺出來了...但屬Lamb lover的我們, 再轉戰這羊排, 相信是想試著用大量蔬菜來把羶味跟油膩感減低,但肉質同時也有很多油脂的部份, 真的有油膩膩~ 但清湯有幫助沖淡一些啦~ 出色的地方是油脂地方分佈平均, 因此口感不會太乾...羊鞍中間的地方是7成熟, 而旁邊的地方就燒到4-5成熟左右... 難度可算高, 但成功的話更美味, 因此就算沒放任何一款香草/調味料, 都已經是極之美味, 再一次滿分~咖哩再加上羊腩是一個很好的配搭, 羊腩軟硬度適中...但煮法+香料特別, 很有風味... 黃飯+羊肉本來感覺蠻重的, 但可能為了豐富口感和最後一道菜不想再帶油膩感,所以有蕃茄出現耶, 總是覺得蕃茄和羊肉不是朋友, 但經過這炒飯, 它們加深認識後, 原來是可以做朋友的~經過一整夜的羊肉洗禮後, 最後在甜品補上這布丁... 羊奶又香又滑, 又不會有膻味, 細膩豐富的布丁...最後也要來個滿分非常出色的全羊宴!!! 誠意推薦!!!…查看更多