有四款食物每一次我都必點的，蒙式烤羊串🍢肥瘦適中， 特別喜愛孜然粉香料
。薄皮韭菜盒🫔口感鮮嫩美味，韭菜非常香。 快樂吉祥三寶有豬牛羊三款😋， 一次過可以滿足曬三個願望。 另外我每一次都會再點羊羊大拼盤，肉質嫩滑
，羶味唔算好勁。 香港人基本上一年四季都好鍾意打邊爐🫕， 香噴噴的湯底加上各款不同的配料，飽腹又滿足。
🏷️溫馨提示～ 整個用餐體驗均屬個人分享意見， 只作參考😊。 …查看更多
好在一早book咗枱，6:45pm去到已經人頭湧湧，聽到walk in的客要九點先有枱
一進店內的氣味，已經想起當年的小肥羊
我哋揀咗清湯和酸辣，清湯的味道好像藥膳味，湯底濃郁。喺快樂小羊梗係要食羊🐑啦！叫咗碟羊羊大拼盤，樣樣都試下，牛小排👍🏼除咗火鍋還有其他小吃，最嘢味就係蒙式烤串。韭菜盒皮薄香脆，雲吞的蝦夠爽，鬼馬墨魚滑又好好味。只是蔬菜同雜菌的份量比較少配埋2ml的冰凍Asahi正呀…查看更多
好似返咗大陸一樣，地方好大，地下係等位空間，一樓二樓都好大，每層都起碼容納80人，枱與枱嘅空間都好充足，座位都坐得好舒服。服務：
服務質素唔錯，時不時都有服務員主動斟茶加湯，呢度可以用微信點餐，好似返左大陸咁，超方便，激讚! 不過唔知係咪系統仲係開發緊，用落有少少慢，不過都過得去。 如果想上菜速度快啲同埋減少漏單機率，都建議大家盡量用微信點餐，分享一個小故事，第二台用人手點餐比我哋仲早叫，但結果嘢食冇我哋上得咁快同埋仲有漏單，所以，大家都可以試下。食物：羊羊大拼盤 $268見到咁多款羊花多眼亂，所以唔想煩就叫個大拼盤試下，嚟到都唔知邊隻肉打邊隻肉，哈！呢個價錢嚟講，份量都算係咁，我哋兩個人食都淨係叫咗呢一款肉就夠曬。大拼盤主要有三款肉，三款肉嘅肉質口感都有少少分別，整體口感嫩滑，羊味都豐富，食落都唔會太騷，唔係太鍾意食羊嘅都應該接受到，但個人口味反而鍾意食騷啲嘅羊肉， 感覺羊味會更加突出。鬼馬墨魚滑 (半份) $43
半份有四條，顧名思義，其實就係油炸鬼上面有一層墨魚滑，個人口味比較鍾意食辣， 所以放曬落馬辣湯底嗰邊，油炸鬼都幾吸辣，食落都幾特別，不過個人感覺呢個菜有少少貴，墨魚骨嘅份量少之又少，唔講以為淨係食緊油炸鬼。蒙式烤串 $22/串本身都好鍾意食羊肉串，嚟到冇理由唔試下，羊肉串口感唔錯，食落唔會好似坊間咁一層肉夾一層肥膏，而係肥瘦均勻，而且肉串裏面已經同少量子然粉撈埋一齊，同出面燒完再落子然粉截然不同，推介一試。黑松露羊肉丸 $78
呢個羊肉丸真係要一試，肉質好嫩滑，食落唔會死實實，仲好重羊味，丸入面仲加咗少少子然粉同埋黑松露，為一粒普通嘅羊肉丸帶來唔同的味道，從而提升口感層次。鍾意食羊嘅冇可能唔叫來食!…查看更多
成雙鍋($118)，辣味+清湯，湯底夠足料，將食物煮熟進食已好夠味道，餐廳冇提供任何醬料，對自家食物出品好有信心。羊羊大拼盤($228)，哩個主菜，係有不同部位既羊肉片，每片肉質都好軟腍，有濃郁既羊羶味。蒙式羊棒骨($68)，粗壯大碌，啖啖肉又唔乾身，配上秘制籽然粉好惹味。蒙式烤串($22)，帶有羊脂肪，食落會有d油份，更香口。鬼馬墨魚滑($43)，係油炸鬼加墨魚滑加蟹籽，食落口感層次豐富，第一次食打邊爐油炸鬼，口感唔錯。黑松露羊肉滑($78)，份量都幾多，共有3條，結實彈牙，羊羶味濃。鴨血($31)，色澤幾靚，鴨血比豬紅，我覺得鴨血較結實爽口。稻庭烏冬($19)，可以吸收晒鍋既精華，又可以填飽個肚。食得多肉類、油脂類，飲返壼茶解一解膩，亦有消滯功效。…查看更多
成雙鍋 $118我哋揀咗清湯拼辣湯，清湯是有一浸淡淡的藥材味，能帶出食材的鮮味。辣湯是香而不辣，帶一點朮，配羊肉是一絕！兩款湯底的味道已經很足夠，完全不需要用到蘸料！
羊羊大拼盤 $228擺盤超誇張，以冰鎮保持新鮮之餘，還要配上乾冰的煙霧效果！
這個大拼盤可以一次過品嚐三款不同部位的羊肉，包括草原臻選羊肉片、千層肋腹和塔拉上的快樂卷。三款都一樣夠新鮮幼嫩，羊肉味道香且不羶。當中卷成花狀的快樂卷切得夠薄，肉質嫩滑帶油香，涮十幾秒就食得，配辣湯簡直正到爆炸！美國牛肩胛 $188除了有高質的羊肉外，這店的牛肉也不能錯過。油花分佈均勻，厚薄適中，配清湯更能突顯牛肉的原味，不錯！爆醬三寶 $88外皮有點像中式的包點，內裡分別有爆芝嘅芝心丸、爆汁嘅羊肉丸、同埋爆嗆嘅Wasabi蝦丸，Wasabi的份量激多，保證可以舒喉通鼻！綠蔬成蔭 $88份量超多的蔬菜籃，款款都咁新鮮嫩綠！山藥（半份） $18厚切的山藥，烚耐咗都一樣鮮甜爽脆，健康又美味！蓮藕片（半份） $18半份都勁多，仲要係超厚切，由一開始就落，烚到最後先食都仲係甜同埋爽，仲索晒湯底嘅精華！…查看更多
被安排坐在一樓窗邊，明亮開揚樓底好高，空間感十足
剛坐下，店員便送上一壺茶原來除了火鍋，還有蒙古炙烤、串燒等熟食及甜品，羊肉選擇多，但沒有部位說明。火鍋料還有牛、豬、海鮮、蔬菜...等。既然有串燒，怎能錯過，烤羊肉串表面燒至焦香，上面灑滿孜然粉，入口肉質嫩滑，惹味又滋味一口牛以彩椒分隔串燒，入口軟滑，肉汁充盈，牛味被孜然粉搶去不少羊棒骨好大支，末端還帶有筋，外皮濃濃的孜然味，肉質有咬口，鮮香惹味火鍋湯底選了酸辣和蕃茄，據說抽氣系統會從鍋邊的氣孔抽走油煙，客人不會沾染一身氣味。酸辣湯加入大量蒜子，還有紅棗、辣椒乾，辣度適中，。蕃茄湯茄香撲鼻，夠鮮。羊肉拼盤賣相精緻吸睛砌成花朵的叫太陽卷，實際是那個部位呢？總共有3個不同部位，左上是千層肋腹 (腩位)，右上是羔羊勒卷。羊肉均刨成薄片，大約灼幾秒即熟，太陽卷入口綿軟細膩，是最滑的一種。另外兩款嫩滑中帶一點點韌勁。肉質鮮美，連很怕羊羶的我也吃不停
後來得知，因為是用6個月的羊，所以沒甚麼羶味，原來羊隻年歲越大，羶味越重。新鮮蔬菜自然少不了，紫山藥輕煮爽口，新鮮好味鬼馬墨魚滑，見很多蟹籽附在上面，原來蟹籽同油炸鬼之間就是墨魚滑，油炸鬼吸收了湯汁，嚐盡湯汁的味道。土豆即係薯仔(馬鈴薯)，口感QQ煙韌山藥、秋葵都好新鮮最後，當然要食甜品啦。楊枝甘露奶味香濃，好多芒果、柚子肉桂花糕、椰汁糕面均綴有金萡好貴氣。椰汁糕，椰汁味香濃又滑溜桂花味道清新，加上杞子，又靚又好味離開時，雖然店內已然滿坐，卻沒有一點煙霧瀰漫…查看更多
