神戶屋日韓放題

# 【食評】旺角神戶屋日韓放題 —— 用料多款，壽喜燒同燒肉正斗 放工同老婆仔去旺角食飯，揀咗呢間人氣高企嘅 **神戶屋日韓放題**。成間舖頭裝修係濃厚動漫風，好有熱鬧氣氛。食物款式真係好多，基本上每樣叫一轉已經夠飽，難怪見場內好多客都仲會嗌埋酒、龍蝦一齊配。今次我哋主攻壽喜燒牛肉同燒肉小食，以下分享下重點： ---## 🍣 刺身盛合 - 擺盤華麗得嚟仲有乾冰效果； - 三文魚、油甘魚、鯖魚、新鮮蝦同帶子全部厚切上碟； - 鯖魚脂香突出，蝦好鮮甜； - 另有加辣嘅蝦刺身幾特別，味道惹味。 ---## 🍲 日式壽喜燒 - 壽喜燒湯底甜甜咸咸，味道濃郁； - 入面有粟米、菇類、菜，食材吸晒湯汁； - 牛肉切片肥瘦適中，涮一涮就入口滑嫩，好正！ ---## 🦪 蒜蓉粉絲扇貝 - 粉絲吸晒蒜香同汁水； - 扇貝肉新鮮，熱辣辣好爽口。 ---## 🍖 燒肉小食 - **羊架**：外層燒到有焦香，內裏仲保持嫩，灑上調味粉幾惹味； - **牛舌+串燒豬肉**：牛舌厚切彈牙，豬肉串燒刷上燒汁甜香，送酒一流。 ---## 🍟 炸物拼盤 - 炸鮮奶、榴槤炸彈、炸香芋球、炸多春魚，熱辣辣上枱，外脆內軟； - 小食多款，食極唔厭。 ---## 🥗 配角 - **枝豆**：清淡解膩，快手零食。 - **韓式即食麵**：角落頭有個架自己揀想煮嘅泡麵，有辛拉麵、出前一丁等，幾玩味。 ---## 🍦 甜品 - 雪糕櫃多款雪條同杯裝雪糕任拎，包括綠茶雪糕、Paddle Pop、韓國Melona； - 食到飽爆都仲會想拎返枝雪條完個餐。 ---## 💰 價錢 我哋兩個人晚市放題，埋單 **$638（仲有九折，實付$574.2）**，即係人均大約 $319，以旺角放題價位嚟講算係抵食。 ---## ⭐ 總結 **神戶屋日韓放題** 真係樣樣有：刺身、壽喜燒、烤肉、炸物、甜品，選擇多又夠快手。 - 刺身厚切夠鮮； - 壽喜燒牛肉正； - 小食燒物配酒超 fit。 👉 **推介指數：★★★★☆（4/5）** 📌 必試：刺身拼盤、壽喜燒牛肉、羊架、雪糕櫃 ---…查看更多

好一段時間無食放題了，今日難得同媽咪撐檯腳，決定請佢食餐放題放縱一下！講到旺角放題，少不免都會諗到兆萬，係樓下派傳單嘅員工努力推介之下，今次就黎到位於8樓嘅神戶屋。對於樓上放題，我嘅印象都係環境逼夾，但呢度反而座位都幾闊落，由於都比較早嚟到，所以仲可以坐到卡位添。呢度店員服務態度值得一讚，一坐低先係同我地介紹食物分類，落單安排等，主動問我地需唔需要點精選鍋物先，態度好親切首先打頭陣嘅係一盤好精美嘅刺身海膽同生蠔係按人頭比，不過都大大啖！欣賞佢地生蠔好乾淨，望落新鮮，至少外觀都比到食客信心先啦唔洗幾耐即刻上埋個部隊鍋，入面啲料堆到成個鍋都係，有金菇、厚切午餐肉、腸仔、年糕等，仲有好多塊芝士。隨鍋仲附送一包辛辣麵，加埋包辣粉入鍋煮更加惹味雖然哩個咁足料嘅部隊鍋對於食放題黎講，係會霸左肚入面唔少位置，不過係幾好味嘅，媽咪特別喜歡燒物方面推薦嘅有羊架，唔會有騷味，同埋肉質嫩滑。另外炸物同天婦羅都相當出色。熱辣辣唔係一早炸起，天婦羅個皮略嫌厚左少少，不過唔會皮肉分離，炸到卜卜脆，特別喜歡佢嘅天婦羅多春魚，多春魚嘅春無苦味，炸完都食得出幾肥美，唔錯哩度嘅芝麻雞翼都好抵讚，皮薄香脆，唔似出面有啲皮好厚。芝士年糕好煙un，芝士味淡淡的最後仲叫左份韓式炒豬頸肉，肉質彈牙爽口，醬汁甜甜地，好開胃。我同媽咪兩個人清晒以上嘅野食後，已經係飽到食唔落甜品🙈哩一餐當係提早同媽咪慶生，好彩野食好合佢心意，仲讚不絕口！相信下次一定會成家人再黎…查看更多

今日同男朋友黎兆萬中心，大家返屋企都方便，所以經常在這邊食晚餐。我們今日選擇了放縱一下，食日韓放題，可以食不同美食！環境都幾大，又有房間（比訂多的客人有自己空間）食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。(寫好數量、人數、枱子號碼）服務都幾好，服務生好有禮貌又幫忙收碟，而且無漏單、點了的都好齊的送上。飲料有2個冷櫃可以自助領取（包括：汽水、茶、蘋果紙包果汁、酒類等）還有熱的茶或水。坐下來服務生就送上前菜、介紹畫紙的食物種類！刺身好多好豐富！好大碟又吸引壽司細細件，有唔同的款式，都幾美味！燒海蝦：好大隻又爽口！燒菠蘿：多汁又香口！甜甜的！炸物：芝麻雞翼、韓式芥末雞翼、炸芝士、網紙蝦卷等等！最愛榴槤炸彈、芋頭丸、天婦羅等，好好味又香口！好熱辣辣！燒羊扒：好香口好入味、軟腍又美味蔬菜好健康，當然唔少得； 這個避風塘炒通菜及炒芽菜，好香口又微微辣！甜品有雪條、雪糕等，好開心…查看更多

對兆萬中心的放題一向抱有偏見,加上早陣子也曾光顧較底層一放題店,需則未算中伏,但也吃得並不理想。今次又再到兆萬並不是本人意願,而是臨時被動地給訂了2人放題,皆因同行者叫我相信他,今次這裡放題應該會使我滿意,因有朋友試過。皆因訂了5點15分非繁忙時段,所以可安排坐四人卡位,就算叫了刺身及各類壽司和熱食等,亦有位置安放。1.刺身款類多並有蟹拑,新鮮程度🆗2.壽司size正常,味道👍3.炸物味道也🆗,脆道也適中 4.羊架肉質很鮮嫩,味道💯5.炒蜆好味程度💯,全晚order了5次以上6.2人可選取免費生蠔1隻及海膽1份(生蠔)🆗(海膽)鮮甜,但所謂1份是得很少7.每枱可免費煲仔牛肉鍋1份,還可任食某些火鍋配料(不需另外收費)由於任食款式都未能食齊,就算有幾款加推價錢食物我們也沒有upgrade。到埋單2位放題連加一合供380元有找。這個價錢這個放題也算大滿足。至於侍應服務很好。但人手稍為不足,但仍很有效率出食物及收碟。至於漏單並冇,出食物時間也正常。最差只可說是環境並不美觀。…查看更多