麥田廚房

羅宋湯真材實料，鮮牛肉味濃郁，飲到係用心製作前菜恰如其分，咸牛脷輕食配酸菜沙律，喚醒個胃，準備享受晚餐羊架嘅肉處理得很幼嫩，有我喜歡嘅羊酥味，同介辣薄荷醬極襯。可惜係又係酸菜+沙律菜，如果係薯角或者薯茸，作為主菜比較合適。俄國牛柳絲飯，係最無特色之選，$138大家唔好試嘞聯想唔到有咩俄國味道 環境可以，未full book，可以傾到計食完整餐，完全無俄feel，真係失望啊不過，當一般餐廳咁去試吓還可以。…查看更多

上海俄菜@銅鑼灣因為以前俄羅斯戰亂嗰陣，有好多貴族帶埋自己嘅廚師走到上海，所以就衍生咗上海派嘅俄國菜，個背景好傳奇呀 呢度嘅羅宋湯係招牌菜，果然係我飲過最好飲嘅羅宋湯！湯料好足，加咗大量牛肉同蔬菜去煮，同一般罐頭羅宋湯完全無得比。而上海人唔鍾意羅宋湯原本嘅酸味，所以上海派嘅羅宋湯係比較甜㗎Appetizers 有四款，我覺得俄式酸凍魚同俄式雜肉拼盤都特別有異國風情 俄式酸凍魚係開胃嘅冷盤小食，魚柳上鋪滿醃咗嘅蔬菜絲，酸酸哋又有啲蔬菜絲嘅甘甜味道。俄式羊肉串燒配咗好多唔同嘅蔬菜，賣相好 colourful 同健康。一上菜覺得羊肉份量好似唔多，但食落都算大件，而且質素真係好好！羊肉一切開就見到有幾粉嫩，肉味濃郁但完全唔膻！羅勒香草醬帶子炒意粉，簡簡單單已經好好味。帶子煎得恰到好處，個面煎香咗，入面仲係好鮮嫩。意粉有彈性，pesto sauce 拌得好勻循 …查看更多

約了一個成幾年冇見嘅老友聚舊，記得他是一個潮人，於是就找了一家比較特別的餐廳同佢食了~俄國菜在香港是比較少見的，大家也懷著好奇和期待的心去食呢餐~~~在邊寧頓街的一間樓上鋪，2F就是了~甫進店就見到ICONIC的俄羅斯套娃~入到去仲見到好多唔同造型嘅潮熊BE@RBRICK我黎得比較早，6點左右就到，所以人唔多，坐得好舒服~ 入面D牆都畫都好靚, 好有俄國特式。坐低就見到張枱墊都係講呢俄國菜嘅由來，原來上海當年有好多俄國菜的高手，所以有今旳今日的海派俄菜~MENU入面都有好多似曾相識的西餐，就是間中有一兩樣比較有俄國特式的，所以不用怕樣樣都未食過唔知食咩好咁~~睇MENU見到呢個雞卷好正呀!睇完呢頁關於羅宋湯的介紹，我覺得一定要試呀!!登登登登~~~!海派羅宋湯~~ 望落好似同平時飲的差唔多，是冇咁杰同埋多料D~~入面好多肉粒呀~~飲落是好香濃的蔬菜同蕃茄味~~由於佢落得都幾多肉，所以個湯嘅味道係好豐富的~!之後就係俄式薄餅了，原來俄羅斯人係好經常食薄餅的，佢地好簡單咁點少少醬落個BLINI就係一餐我地呢個紅魚子醬薄餅就一D都唔簡單，又夠貴氣，又滋味養顏~~\(^o^)/~~然後當然要有個主食湊下米氣, 想試下地道正宗的俄國牛柳絲飯，睇落個汁的色水好靚呀~~濃度亦適中, 一點都不覺得肥膩呀~呢個汁超好味, 肉味夠，而且一啲都唔覺得有落味精，應該是用幾種香料和醬汁煮成，至於是邊種材料，我真的唔係太估到，我只能說，真係同出面餐廳食的『俄國牛柳絲』唔同~~呢個牛柳都好鮮嫩可口~之後就是好期待的芝士熔岩雞卷~~呢個真係一定要試，又特別又超好味!!食落好有層次，除了入面的邪惡流心芝士外，雞卷肉汁超多，同埋好香牛油味~~…查看更多

愛羅宋湯的人有福了。以前什麼也好味，現在什麼也變了味。 80-90年代，求其一間西餐廳都做到濃郁的羅宋湯，現在的西餐廳只有蕃茄雜菜湯，而不是真正的羅宋湯。今晚終於嚐回以前的羅宋湯，不是看到餐桌上的簡介也不知道，原來一直認為最正宗的羅宋湯，屬於「上海派羅宋湯」，由落難俄羅斯貴族帶到上海發揚光大，再傳入香港。其他食物也很好，看得出餐廳有用心。蝦多士比炸魷魚圈好味，魷魚圈的外皮稍為硬了。帶子沙律新鮮，醬料味道也好。雞卷外脆內juicy, 推介菜式之一。最後還叫了俄式牛柳飯，味道很住家。餐廳招呼十分周到一流。我會為了這羅宋湯再回來。…查看更多

終於來到十二月這個月份，今年是我第一次在香港分公司跟同事過聖誕節，這次安排在銅鑼灣一家好出名喝羅宋湯的餐廳慶祝！我們先到餐廳，餐廳氣氛挺好，十二月頭己有佈置，聖誕節還有喜慶聖誕歌呢？在餐廳進口位置有很好剪報，大概介紹這餐廳的背景，原來它是由一位入廚多年的上海西餐廚子跟他兒子一起開的。廚子年紀大了，孝順兒子為了父親夢想，希望他主理多年的海派羅宋湯能夠承傳下去，令香港人認識何為海派俄羅斯餐，何為海派羅宋湯而開的！餐廳背景確實有意思，現在就讓我開始介紹今晚的菜式吧！我所選的湯當然是羅宋湯！嘩！我只喝一口，我就感受到師傅的誠意，那湯頭是濃濃的牛腩湯底，加上各種當做的蔬菜例如大白菜，蕃茄，甘筍，西芹，洋蔥等等……一串燒牛柳燒得好香，裏面好嫩，我一口一口好快就把這份8安士多的牛柳份量吃掉了！甜品有: Chocolate Brownie 因為冰淇淋快溶掉，我趕緊把它吃完，沒有拍照！這甜品確實好吃，我一定會帶我的男朋友來試！整體來說這家餐廳是我這一年光顧的，最用心製作食物的，服務態度最親切的！走的時候，我看了他們的餐牌，感覺價格相當相宜，在銅鑼灣這種地方，難得找到環境舒適，食物有誠意的！我想我以後會多多支持他們！…查看更多

歷史悠久的俄國，自然沉澱著豐厚的飲食文化，而這幾年海派俄國菜也受港人的喜愛，麥田廚房當屬其中佼佼者。如故事般的麥田廚房，演繹兩代人為俄國菜的傳承而精益求精。父親做了幾十年的俄國菜，廚藝了得，今生最大的願望就是開間屬於自己的俄國餐廳，兒子為圓父夢，辭去白領職位，開餐廳前，父子倆還特意去俄國嘗遍俄國菜式，領略正宗味道。麥田廚房，在傳統的俄國菜融入海派做法，為的就是迎合港人的口味。餐廳牆上葉師傅父子的海報餐牌羅宋湯，吃俄國菜必然少不了點份羅宋湯，色澤誘人，濃濃的香味立刻四溢，濃縮的湯汁酸中帶甜，甜中飄香，鮮滑爽口，味道獨道醇厚， 很有層次的口感，的確是一道經典名湯，再配上一片香脆的多士，簡直係完美搭配招牌烤羊架，用特制的秘方佐料，均勻撒入羊架上，保證每一塊羊肉都能吸引烤料的精華，鮮嫩的羊肉絲絲入味，肉嫩鮮香，汁多味美，不膻不膩，越嚼越香。俄式凍魚，雖然係涼菜，但入口酸甜可口，肉質很嫩，醬汁包裹得厚度也適中，在嘴裡混合的香氣濃郁。凍檸茶Chocolate brownie with ice-cream，雪糕香滑，蛋糕就比較乾身D，食落似曲奇，但朱古力味濃郁！呢間餐廳背後的故事令人感動，服务態度親切，用餐氣氛很好。每樣食物也令人感受到大廚的用心製作，值得推介…查看更多

啱啱出完trip返黎～ 真係好掛住香港的美食～特別係公司附近果間 以家庭式經營的上海西餐～“麥田廚房” 唔單止食物好味 店員仲個個都好nice 每次去都令人有賓至如歸的感覺～聽同事介紹下 先知道餐廳最近轉用咗新menu 食物款式大眾化 除保留特式俄菜外 亦加多咗大眾喜歡的食物～一入門口 躍入眼簾的是各式各樣 手工精緻的俄羅斯套娃～麥田廚房餐牌 我點左份“大蝦薯仔沙律” ，配羅宋湯，仲有杯餐飲～檸茶俄羅斯薯仔沙律，有薯仔、雞蛋、青瓜、青豆、甘筍等，自製沙律醬好香濃，非常好食～蝦好大隻，啖啖肉，蝦肉爽脆，味道鮮甜 最令我念念不忘的就係羅宋湯～師傅將牛肉、紅菜頭、椰菜、洋蔥等共冶一爐  慢火熬煮超過25小時飲落味道酸中帶甜、甜中飄香，既香濃又鮮滑 同事果份“煎紐西蘭肉眼扒配薯條”～賣相唔錯下次都會試下 …查看更多

今晚我哋要OT，就同個同事去左食俄國菜，當係慰勞下自己。我哋就喺網上search到公司附近呢間俄式餐廳！於是我地就黎到位於邊寧頓街的"麥田廚房”。喺店員的安排下，坐左近窗的位置，幾舒 適，餐廳以溫暖的色調佈置為主，燈光柔和，氣氛唔錯! 打開餐牌，卻睇到哩間餐廳背後的故事，原來係個仔為父圓夢所開！話說在俄羅斯內戰其間，部分皇室成員連同家中廚子和家僕逃亡到上海定居，後來其食譜流入民間， 當中味道融入了很多上海風味，漸漸的演變成上海派俄國菜，又稱“上海西餐”。而店主的爸爸葉師 傅，就是上世紀五、六十年代著名羅宋大菜餐館的大廚呢！因時代變更，今時今日喺香港都好難再搵到傳統羅宋大菜的西餐館，店主為咗幫父親實現夢想，一起開咗呢間俄羅斯菜餐廳～睇黎今晚我哋有口福啦! 落單先，我點咗份set dinner，“基輔炸雞卷”，跟餐有湯有飲品 😋；同事話屋企有湯飲，就點咗個“俄國牛柳絲飯”，另外加咗杯凍檸茶！先黎嘅係羅宋湯，本以為就係跟餐的普通配湯，但呢度D湯，材料好足，有好多蔬菜，主角紅菜頭更是清甜美味，而且仲睇到D肉，飲落有好香濃嘅牛肉味，酸酸甜甜好正👍。 “基輔炸雞卷”，上枱店員細心地叫我哋趁熱食，仲一路講解製作遇程及所用材料，餐廳所用的免治雞肉 是人手剁碎，加入牛油搓勻，卷到好似個署仔咁，然後醮上燕麥及麺包糠炸熟。聽她娓娓道來，令我對雞卷更增添了期待，急不及待地切開，嘩😄，香氣撲鼻，令人垂涎欲滴，入口滿滿肉汁，啖啖香甜，人手剁果然係口感豐富及有嚼勁，雞肉越嚼越香，最後係雞肉汁滲落薯蓉度，令薯蓉食落更香甜惹味  👍！食到差唔多時，跟餐杯latte亦黎理  ，飲落味道好滑好香濃，應該係靚豆黎! 同事嘅“俄國牛柳絲飯”，佢話D牛肉好嫩滑好有牛味，配菜亦好足好好食，我見佢最後連汁都撈埋! 嘩，係新鮮青檸！食完野返到公司，都仲回味緊，大贊呢間餐廳的食物有水準！侍應服務好周到，除左食物帶給我美味享受外，餐廳背後的故事亦令我有得著，下次會再黎!…查看更多

羅宋湯正如很多的評語一樣，此湯顏色，質感，口味都感覺到是豐料十足！味道有濃濃的牛肉，豐足香甜的菜蔬，還有微微的辛辣。喝完的確還會回味，想再來多一碗！不過可惜就此而已 。。。我們還叫了蝦多士，魚子醬薄餅，加拿大有骨牛扒(1.8lb)蝦多士 -- 炸得還好，不過完全沒有味道！沒有蝦味；有些好像蔥的東西，不過沒有味道or香味，所以不知是什麼？魚子醬薄餅 -- 應該是俄羅斯地道食物吧，不過魚子只是像很普通的日本壽司魚子，味道很普通。加拿大有骨牛扒(1.8lb) -- 端出來時也有香味，一刀切下放入口就想以此價錢，我只覺得是被騙了！…查看更多

 可能平日晚上用膳 餐廳裡唔太多人 所以感到好舒服 兩個人叫左羅宋湯 雞肉卷 黑毛豬 芝士肉醬薯角 布朗尼 每樣食物都好好味 好滿足 羅宋湯 好濃味 黑毛豬好冧 芝士內醬薯角唔會好油膩 布朗尼都好好味 😄👍…查看更多

為了一碗羅宋湯而來，結果沒有令人失望，湯底濃郁，每口都是啖啖蔬菜，湯中的牛肉沒有煮得過熟而變硬，每塊肉都可以輕易咬開，且充滿牛肉味道，作為點綴的紅菜頭，更起了畫龍點精之作用，非常精采，喝出廚師所花的心思。主菜點了餐牌上沒有的芝士焗釀蟹蓋，用料十足，蟹肉與芝士、磨菇及洋蔥結合得很好，惟吃完後有點過膩，適合與朋友分享。家人點了煎豬扒，上桌後不禁嘩了一聲，因為豬扒不只面積大而且非常厚身，換了在學藝不精的廚師手中，這豬扒可能落得被煎成又乾又柴口的下場，但在這裡卻沒有這個問題，家人表示帶肥肉的部位煎得又香又嫩，即使是中心位置也沒有柴口感覺，清甜的蘋果醬汁有解膩作用，兩者配搭在一起，感覺很不錯。順帶一提，大部分主菜都配上粗身薯條，薯條炸得非常香脆，攤涼了也好吃，薯條痴一定喜歡。向侍應查問午餐餐單，套餐價錢比晚市便宜超過一半，且有羅宋湯附送，為了這碗可能是全港最好喝的羅宋湯，一定會再來。…查看更多

早前在某一份報紙上見到銅鑼灣新開一間俄羅斯菜餐廳,睇到相片影得唔錯,就跟住報章上打電話預約,一位親切的小姐幫我BOOK左愚人節當晚19:30,我同男友及友人一行四人當晚準時到達,餐廳位於一座Apartment內的二樓,一入門口印象最深刻就係大量的俄羅斯土娃公仔,一位男侍應帶我地去窗口位置就坐,我地對俄羅斯菜冇乜概念,所以就跟住報紙介紹,叫左極力推介的羅宋湯,俄式沙律,豬扒伴蘋果汁,串燒牛,牛油雞卷,首先一定要介紹下羅宋湯,確實係值得推介食到差不多了,再來就係甜品時間,我地好聽話地叫左侍應小姐介紹俾我地既柚子蛋糕及Chocolate brownie.呀....溜左個小食同飲品…查看更多