Beeger

聽過Beeger呢個名好多次，以前夜晚嚟到成日都好多人排隊食，最近終於食到啦😝😋 雙層牛肉手打漢堡 $138😋 經典手打羊肉漢堡 $108😋 南瓜薯餅奄列漢堡 $78
呢度嘅漢堡包都係用菠蘿包做，佢哋將菠蘿包切開上下兩半，一半擺面一半擺底。淨係講個菠蘿包嘅話都好高質，菠蘿包面甜嗰層唔會碎到周圍都係。先講嚿牛肉，係用咗Prime grade嘅美國肉眼扒，買返嚟再自己處理同挑走啲筋，嚿肉真係超多汁超juicy，好香甜😆菠蘿包同羊肉漢堡真心好夾🥰 一般嚟講羊味比較香濃，菠蘿包嘅甜味中和返羊肉嘅香濃味～ 佢哋用咗紐西蘭羊扒，食落係好香嘅羊味而唔係騷味，呢塊羊一樣係爆多肉汁，咬落食到有啲位韌啲有啲位無咁韌，就係鍾意呢種羊肉嘅層次同口感😁 btw再建議大家食肉類漢堡嘅話可以加多塊菠蘿片，咁樣會仲juicy仲好味呀😝佢哋menu有啲素食漢堡選擇，啱晒食素嘅朋友！配料比較簡單，有西生菜、蕃茄、紫洋蔥同埋車打芝士，簡單配料嘅好處係唔會搶塊肉fo，另外會跟埋秘製千島醬沙律～😋 炸魷魚 $78😋 炸珍寶蘑菇配黑松露醬 $98跟住到小食！炸魷魚份量唔太多，但即炸食落幾新鮮😗 珍寶蘑菇就真係好surprise，本身食完魷魚再叫呢個，以為會係一嚿菇切開細細粒再炸，點知份量係勁多，仲要每件都好大件！炸菇最怕就係啲菇炸到出晒水，然後層炸粉索咗水之後溶晒勁難食。呢度嘅菇鎖得住啲汁之餘仲無出水，keep得住層炸粉，但食完真係會有啲飽🤣Btw個老闆好吹得，歡迎同佢嗲返兩咀🤪…查看更多

有野做去開港島，就搵搵有冇正嘅餐廳😋俾我搵到呢係西環嘅香港人cafe鋪面唔算好大，但裝修唔錯，有吧枱可以望住個開放式廚房，期待我嘅餐 😋佢地嘅ʙᴜʀɢᴇʀ好特別，係充滿香港🇭🇰嘅特別嘅菠蘿包 🤣 但出奇地夾，一啲違和感都冇，反而多左香甜鬆化嘅口感 👍🏻羊肉漢堡扒super juicy，一咬啲肉汁就係口入爆發，好正 🤤 ＯＭＧ 蟹餅太好食啦！😍 炸到香脆嘅外皮裡面充滿住鮮甜嘅蟹肉絲，太好味啦～ 😋牛油果醬嘅配搭，好fresh，解膩一流👍🏻ʙᴜʀɢᴇʀ +$30 就變Combo：炸薯條 & 汽水有讚一讚，罐裝汽水會配埋一個冰杯，夠凍嘅汽水至好飲😜薯條係即叫即炸，新鮮熱辣，非常香脆 🤤…查看更多

夜晚約左兩個朋友去飲下野、chill下，所以揀左呢間喺西灣嘅burger shop。入到去座位有高枱同普通枱揀，冇人帶位，係外國free seating 風格，可以自由揀位坐。餐廳有5-7張枱左右，枱與枱之間都隔得算疏，所以可以放心同朋友傾計唔怕比人聽到晒。我當時7點左右入左去，都係得2枱人，所以感覺可以放鬆慢慢食，唔洗驚比人催埋單。餐廳選擇都幾多，漢堡有豬、牛、羊、雞、海鮮、素食揀。唔想食漢堡仲有all day breakfast同沙律可以選擇，成個menu可以滿足晒食肉獸同健康人士～至於小食方面，大部份都係炸物，岩晒做下酒菜個menu樣樣都好好食咁，我淨係揀burger都要諗左十分鐘到最後我地三個人叫左個經典手打羊肉漢堡、流心芝士手打牛肉漢堡（另加鵝肝）、墨西哥粟米片同埋芝士焗珍寶菇。落單係自助型式，要自己行去收銀處落單比錢，之後食物做好左會送去位度。由於係開放式廚房嘅關係，比完錢之後就見到廚師係度搓個burger舊肉，都幾盞鬼。我諗一定係對自己個廚房整潔好有自信先會敢整開放式廚房由於係即時手搓、煎同烘嘅關係，所有burger都要等大約20分鐘左右。但我覺得係完全值得嘅，因為2個burger都真係好好好好好食。首先講個經典手打羊肉漢堡，呢個真係充滿驚喜。香港地好少見有羊肉burger，所以一見到都即刻叫左。個包充滿牛油香得黎有少少外脆內軟，入面舊羊肉扒勁多汁之餘仲好有羊味，佢唔係好臭嘅騷味，而係好香嘅羊肉鮮味。配搭埋個辣辣地嘅醬，真係令人食指大動我個人覺得呢個漢堡真係好食到會令人一直都記得。香港第一經典手打羊肉漢堡之後就係流心芝士手打牛肉漢堡，由於我太中意食鵝肝，所以另外加左追加。呢個都好食，但相對黎講冇羊肉漢堡咁惹味，個牛扒都係好多汁，仲好重牛味。一咬開，入面就有芝士流出黎，非常邪惡。成個包勁大個，一個人食的話真係會飽到傻我覺得加左鵝肝令到成個burger膩左d，所以如果有機會再食都唔會加toppings。足料流心芝士手打牛肉漢堡小食方面，兩樣都好味（個芝士焗珍寶菇掛住食唔記得影相）。先講墨西哥粟米片，佢好香脆之餘，配埋個秘製牛油果醬真係冇得頂。完全食到停唔到口，我地三個一路飲野一路食，真係好滋味。食完一塊又一塊嘅墨西哥粟米片個芝士焗珍寶菇就要等耐少少，因為係即刻焗製。隻菇真係都幾大，有手板咁大隻，上面全部都係芝士，趁熱食果時係可以拉到絲。仲要一切d汁係咁流，流到成隻碟都係，真係好正。記得要等一等先好食，如果唔係真係熱到個咀架會呢度除左野食之外，其實都仲有酒飲（啤酒、cocktail、liquor都有)。價錢都好抵，cocktail大約60蚊左右一杯。仲要廚師好慷慨，d酒真係倒得好足份量，飲落真係有酒味而唔係好似飲汽水咁我地3個人一共飲左6杯cocktail，加埋d野食先900蚊左右，真係好抵…查看更多