魚眾不同酸菜魚 (冠美樓)

天氣轉涼，食下辣野都好呀，收工去左駱克道魚眾不同酸菜魚。餐牌有餐前小食，招牌菜，水煮系列，一人份系列，一人專享，炒飯，煲仔飯，飲品。呢度餐牌有一人份系列，主題配搭7選一，風味湯底8選1，有辣有唔辣。送美食兩款12選2，或者加錢升級。精選主食3選一。都可以加錢追加。番茄濃湯鱸魚片生菜大豆芽 $78一人份系列一大碗，熱辣辣上枱。個番茄濃湯好香，入面仲有番茄，洋蔥。大概有幾片連皮鱸魚片。我叫咗生菜同大豆芽，都算多菜食。花膠濃湯雞煲 $80花膠一大兩小，唔會太薄身。雞件有4件左右，有兩件雞髀肉，肉質嫩滑有雞味，雞皮滑溜。仲有一大條娃娃菜。個湯好濃雞味，又少油，冬天飲好正。手打薯粉我地都揀咗手打薯粉。居然可以揀多薯粉而唔洗加錢。手打薯粉份量大大碗，滑溜又煙煙韌韌，撈雞湯好食。飲品有多款選擇。紅豆冰 跟餐 $12紅豆冰可以揀多奶少甜同少冰，飲落果然係唔甜，味道較淡。餐廳裝修都幾新，今日坐到二人卡位，都好舒服。價錢都唔算貴。…查看更多

一人份嘅酸菜魚！真係🐟魚眾不同啊！🌶 @extraordinaryfish_hk一人份嘅size 可以比愛辣之人隨時隨地都可以食到酸菜魚！唔怕食唔曬！ 🐟老檀酸菜鯛魚片 $78 🍲 配萵筍 豆腐皮 薯粉一人份量都好大份，魚肉同酸菜份量都多！老檀酸菜湯 少少辣，魚片好滑又冇咩骨！仲包咗2款配菜自己任選！我再配埋薯粉索埋d湯！！超正！ 一個人食 好飽啊😋花膠濃湯雞煲 $80真係一人份啊？成煲wor！超濃香嘅雞湯 花膠嘅膠質都熬曬出黎！花膠 唔係細細舊 都有3-4塊wor！雞肉 都好多件，件件都幾滑！用餐配嘅米飯 撈埋d湯，真係養生養顏到呢！！ 🥤仲可以跟餐價 叫野飲（食辣野 當然要飲野la）▫️凍檸茶 +$7▫️紅豆冰 +$12魚眾不同（灣仔店）  📍灣仔駱克道127號 冠美樓地下#hkfood #hkfoodie #hkfoodblogger #美食推介 #酸菜魚  #魚眾不同酸菜魚 #魚眾不同酸菜魚 #魚眾不同 #灣仔美食地圖 #灣仔foodie #foodiehk#灣仔 #灣仔美食…查看更多

抗疫咁耐，今日終於有機會出城（灣仔）啦😆好掛住酸菜魚，所以試咗呢間新開嘅酸菜魚店。聽聞佢係好多地方已經有分店，灣仔呢間係新開嘅。*****環境*****室內設計行嘅係現代清新風，採用咗兩種少有嘅對比色：粉橙色同粉綠色。呢兩種顏色拼合起嚟，營造左一種輕盈但又不失高雅嘅效果。呢款室內設計有別於附近其他店舖嘅氛圍，可以話係鬧市中嘅小清新。係呢種環境食酸菜魚又真係幾「魚（與）眾不同」☺️呢度嘅酸菜魚可以係以一人餐形式點，仲可以根據自己嘅口味選擇唔同嘅配搭，好似車仔麵咁，自己口味自己揀。首先點主題菜，例如可以選擇唔同嘅魚，另外亦有牛肉同埋毛血旺。之後再選擇湯底。呢度嘅湯底有成8種咁多，其中亦有「蕃茄濃湯底」同埋「唔辣老壇酸菜湯」，啱晒唔想食辣嘅朋友。套餐包兩款配菜同埋主食。主食可以揀白飯，番薯粉同埋米線。**************LadyB 精選**************🐠鱸魚青花椒酸菜湯底配海帶同埋金菇：第一次食青花椒酸菜湯底，好特別喎。有別於其他酸菜魚湯底，佢多咗一種清新麻辣嘅風味，將酸菜湯嘅酸辣味道提升至另一個層次。整個湯底都比較濃味，啱晒鍾意重口味嘅朋友。鱸魚新鮮嫩口，料足👍🏻🐥花膠濃湯雞煲套餐：有驚喜🤩見到碗湯金黃色，以為好濃味同油膩。試咗第一啖，口感竟然清甜順骨，一啲都唔油膩。creamy 嘅口感，應該係加咗牛奶。雞肉嫩滑鮮甜，花膠又厚身足料。食完呢個套餐，感覺非常之滋潤,啱晒啲貪靚嘅人士☺️係滋補之選。🍹紅豆冰：紅豆軟糯，唔會太甜，啱晒解辣😆簡簡單單嘅酸菜魚，滿足咗我對酸、辣、麻、鮮嘅慾望，正！…查看更多