陳生陳太 (已結業)

第一次幫襯呢間，想試下佢隻奶蓋。叫左中杯紅茶芝芝+珍珠，因為我買親台式飲品都走冰，但今次店員話本身就冇冰，雖然係凍飲。相比出面果啲不能走冰，杯野飲耐左都唔會變淡，不過製作過程等左都幾耐，效率有啲慢。因為加左4蚊珍珠，竟然比左大杯我，相比其他店呢間係真正既「加」珍珠！而且加左好多，見到當堂覺得好足料老細陳生仲同我地講選用既係頂級芝士，要趁早飲，都幾客氣。味道評價：叫得做頂級芝士，真係唔差。可以話係暫時最好飲既奶蓋之一，芝士味好出好好味，所以綠茶定紅茶其實分別不大。珍珠都好嚼，但有某啲林左少少。整體好好味，食到好飽既我都飲得哂。會翻撻。