椰小盅燉湯專門店 (太古城中心)

呢間餐廳以原盅椰子燉湯聞名🥥全店湯品新鮮無添加，皆「零味精、零鹽、零糖」，更連續兩年蟬聯米芝蓮推介街頭小吃👍🏼💗織金竹笙烏雞椰小盅（$72）選用南海椰子，加入烏雞、杞子、淮山、紅棗、大竹笙、椰子水燉足四個鐘，夠哂火候，湯色金黃清澈，飲落除咗有椰子嘅清甜，仲有烏雞嘅肉鮮，最正係竹笙大大塊爽口🍲呢款湯特別適合女士，有益氣養血、美容養顏功效👸🏻💗脆皮燒腩仔配紫薯飯跟鮮榨椰汁+啫喱 (+$40)燒腩仔肥瘦相間，味道鹹香，充滿肉汁同油脂香，塊皮夠哂酥脆🐖紫薯飯軟為濕軟，加入粒粒紫薯同粟米，更有營養高纖🍚跟餐送一杯鮮榨椰汁同花奶啫喱🍮💗蟲草花幹貝土雞燉鮮鮑椰小盅（$90）原個椰子加入新鮮鮑魚、土雞、蟲草花、鮮乾貝、芡實、椰子水等材料燉製，味道更加甘甜濃郁，最驚喜係隻鮑魚大大隻又爽嫩，真係夠哂足料🐚呢款湯有平肝固腎，提升免疫力嘅功效，飲完成個人暖笠笠♨️💗撈公仔麵+祕製雞翼1隻 (+$12)撈公仔麵彈牙有嚼勁，配搭一隻滷水雞翼🍜💗桂花酸梅湯 (+$6)桂花酸梅湯酸甜冰涼，有助解膩消滯🌼💗糖醋排骨（$45）糖醋排骨炆得軟腍入味，瘦肉多唔會淨係得骨同肥肉，味道甜酸好送飯🍖…查看更多

🥥清甜椰香。$119食到飽米芝蓮燉湯套餐🤡🍴 椰小盅燉湯專門店📍太古太古城道18號太古城中心1樓誠品生活L106號舖最近天氣咁乾燥，都真係要養生補補身。於是我今日就專登過咗嚟太古，慕名一試米芝蓮推薦餐廳: 椰子燉湯小店「椰小盅」🥥。餐廳標榜選用越南🇻🇳老椰子，每款湯都以原個椰子去燉，每日新鮮燉製，不加味精，燉足4️⃣小時😱店中湯品的選擇有9款，可單點，亦有兩個配飯套餐供選擇，分別是$99同$119，分別在於花倫啫喱/ 蠔油菜心+雲海紅豆燒仙草。咁我一場慕名而來，梗係要叫個最豐富嘅套餐啦😋😋🍚燉湯配飯套餐🫕$119包括織金竹笙烏雞椰小盅+肉燥紫薯飯+焦糖醋香排骨+日式玄米茶+蠔油菜心+雲海紅豆燒仙草🥥織金竹笙烏雞椰小盅味道較淡，但非常清甜、足料 (有成隻烏雞脾🐔 ，而竹笙仲係用竹笙之王- 貴州織金竹笙❗️)。椰水的幽香襯托烏雞的鮮甜，混着不同乾料的甘香，真令人回味無窮😋後來上網睇先知，原來椰小盅勻以新鮮椰水做湯水，百分百從椰子裏取出，絕無添加 (連清水也沒有) ，原汁原味，真係超有誠意喔！🤩🍚肉燥紫薯飯🍚肉燥比較鞋，無乜肉味。紫薯飯如果有粒粒紫薯就更好啦🍠🐽焦糖醋香排骨🐽雖然唔係正宗焦糖味，但係排骨食落去有甜香，軟骨勁腍，很足火侯🔥雖然味道較濃，但食完都唔口渴👍🏻🧉雲海紅豆燒仙草🧉唔知道咩是”雲海”，不過燒仙草比起出面味道較淡、也較黏，唔知係咪因為冇添加糖呢？🤔🐷🐷整體評價: 以原個椰子🥥燉湯有誠意，真係$119食到飽，可以一戰🙆🏻‍♀️ 好大可能會encore，但我張試食List咁長，佢都係慢慢排下隊先、又或者經過先會再食囉🤪…查看更多

【椰小盅燉湯專門店】由3位相識於大學時代的90後創立，太子白楊街總店開業短短一年半，便兩度蟬聯兩年米芝蓮街頭小吃推介，聲名大噪，現於太古及港城都有分店。太古店位於誠品內，裝潢以中式木系為主，簡單中不失文藝氣息。點了5道菜的燉湯配飯套餐 ($99)， 可從9款燉湯及12款餸菜中各選一樣，加上肉燥白飯或紫薯飯、飲品及甜品，比起單點實惠很多。"織金竹笙烏雞椰小盅"是鎮店之寶，當然要試試。燉湯用原隻椰子盛載，以椰子水作為湯底，無添加水或味精。配料有烏雞、竹笙、杞子、淮山，非常足料。湯頭清甜滋潤不油膩，烏雞肉質軟腍，單吃湯料也半飽。"焦糖醋香排骨"色水對版，排骨燜得入味，吃下酸甜中帶焦香，非常下飯。"肉燥紫薯飯"以紫薯混合後煮成糙米金黑米、小米混合煮成，加入肉鬆、南瓜仁、粟米粒，既好看也口感也很豐富。是日甜品是黑加侖子味"花倫啫喱"，免費餐飲括"日式玄米茶"及山楂茶，或可加錢轉成豆漿、酸梅湯、鮮榨椰汁或罐裝汽水。小食點了"地道臺式烤腸" ($13@)，有原味、蜜味、黑椒味供應。黑椒烤腸腸衣香脆，肥瘦比例適中，嚼勁甚佳。咬下滿滿肉汁中帶辛香，令人回味。…查看更多

星期六嚟太古城買嘢，經過誠品見到椰小盅係賣燉湯幾吸引所以坐低試下。椰小盅係主打燉湯，用椰子做燉盅，而且用純椰子水作為原湯水，聽到都覺得好味。餐牌有八款燉湯，另外可以加錢揀飯餐，亦有多款小食可供選擇。由於我唔太肚餓所以就只叫咗一個燉湯加$9飯餐。燉湯揀咗織金竹笙烏雞椰小盅，一打開個椰盅就好香椰子味，本身以為用椰子水做湯水飲落會太甜，但其實唔會太甜，係清甜味唔好睇個椰子好細，入面都好多湯料，烏雞同竹笙都有幾件，好足料。平時食椰皇燉蛋白或者飲椰青都一定會用匙羹刮埋啲椰子肉食，但燉湯要用老椰子，所以啲肉係硬到食唔到。加$9加配嘅椰小飯係雜穀飯，米飯煙韌有咬口食落唔會硬。配菜菜脯好好味送飯一流。雞翼好入味肉好腍，如果可以散嗌雞翼就好喇。價錢雖然有少少貴，但食物質素高，燉湯用料靚又足料，值呢個價錢…查看更多

行誠品誠品經過呢度見到有燉湯飲，見佢標榜冇味精，就諗住試下，叫咗一個竹笙烏雞小盅，的確好好飲！湯十分鮮甜，完全無味精，又非常足料，食極都仲有，小盅用椰子殼🥥去當碗，十分有創意。下次應該會再幫襯！…查看更多