咖啡弄 (已結業)

今日去開尖沙咀, 途經咖啡弄, 所以上去食個下午茶。總匯三文治 $65總匯三文治即類似公司三文治, 總共有兩層, 第一層是蕃茄生菜青瓜, 第二層是蛋火腿同雞肉。三文治味道正常, 麵包也是正常麵包烤起來的質感, 沒有很好吃, 也沒有很難吃。三文治另配蔬菜粟米片, 粟米味道有d怪, 係類似好重芝士味的粟米片。我平時都鐘意食芝士, 但佢果種芝士味就近乎唔太好聞的芝士味。蘋果檸香茶 $48上茶時是一碟生果, 茶, 同有蘋果肉咁黎, 都幾靚。而且真係有生果比我放落d茶度, 擺盤幾靚, 幾有心思。味道都幾好飲, 有茶香味再可以隨自己喜好放入水果添~冰維也納咖啡 $48有成舊cream放在咖啡上, 我朋友好鐘意食cream, 所以岩哂~塊餅朋友就唔係好鐘意, 因為佢以為係碎碎的, 但實際卻是硬同軟軟地。咖啡我朋友話味道係偏苦的, 不過有cream中和, 所以都幾好飲。今次沒有試他的皇牌窩夫, 但我之前試過已經無第一次食果陣咁好食。咖啡弄初到香港時, 的確掀起一道熱潮。但時間過去, 現場裝修已變舊, 玻璃滿佈著花痕。雖然他的飲品不錯, 但價錢不算便宜, 食物正常沒有很大的驚喜, 而且還有最低消費 - 每人一杯飲品, 無疑是令人卻步的原因。…Read More

好耐無黎咖啡弄啦！原本滿心期待食個豐富既午餐，點知一上到黎個staff就黑口黑面話限時個半個鐘，以前好親切既感覺無嚕。點完餐後，明明已經講左甜品遲啲先上，點知都係一黎就上甜品，店員仲要任何野都無講就擺低甜品。甜品既雪糕，上到時已經半溶，點解以前覺得好好味既草莓冰淇淋鬆餅，而加竟然覺得唔好味🤷🏽‍♀️平時總係飲品最早到，我地等到甜品都食完，飲品先到🤦🏽‍♀️店員就咁放低飲品，完全無講到飲品係咩同問飲品係邊位😑😑😑再黎個總匯三文治，唔知點解只覺得好普通🙈店員服務態度.........有待改善。…Read More

想同舊同學揾個地方傾下計，又唔諗住食得太heavy ,所以就選擇左咖啡弄。 由於番港成日要排長長嘅人龍， 所以無喺香港食過， 反而台灣嗰間就食過幾次。 台灣咖啡弄俾人嘅感覺係年輕有活力， 雖然香港嘅侍應都好後生但個感覺有少少hea ，無咩禮貌。食物方面叫左個waffle , toast ，三文治同三杯飲品食物同台灣一樣大大件， 不過味道麻麻，用黎影相打卡就唔錯，但係唔會想再黎食囉！ 飲品就幾特別， 叫左蜜桃冰茶同埋咖啡。 咖啡同個cream 分開， 個cream 幾香同滑！…Read More

今日約左幾個朋友食飯, 大家都想食D輕食, 有人推介左咖啡弄. 對上一次食都已經1-2年前, 果陣食咖啡弄至少要排45分鐘隊, 今次去到, 發現原來訂位服務, 朋友話已經實行左好一段時間. 雖然我地7.15去到, 但可能落大雨關係, 冇乜人等位. 可是用餐時間只限1.5小時, 於是同朋友等齊人先入去.我地叫左鴨胸沙律, 一如以往既幾味道, 菜同青/紅/黃椒好爽脆, 夠新鮮, 鴨胸肉鹹香幾入味, 肉好實淨, 有少少咬唔開, 不過都OK! 另外叫左總匯三文治, 原本以為會好似茶餐廳公司三文治咁, 但比我想像中足料, 蛋, 火腿, 肉, 青瓜, 蕃茄, 要有既都有齊, 仲有少少沙律同粟米片(味道似係超市買倒既DORITOS)伴碟, 特別要讚下個蛋, 煎得又滑又鬆軟, 加埋個烘得脆脆既麵包一齊食, 一流! 身為甜品FANS, 特地叫左兩個waffle, 草莓冰淇淋鬆餅同埋葵瓜子芝麻冰淇淋鬆餅, 草莓雪糕OK, 雖然唔似有真草莓係裡面, 但味道OK, 旁邊既草莓伴碟大大粒, 微甜, 質地都實淨, 幾好, 窩夫熱辣辣, 外脆內軟, 加埋配料一齊食幾好味! 葵瓜子芝麻冰淇淋鬆餅, 有驚喜! 雪糕好有芝麻味, 感覺好似芝麻糊, 而且唔太甜, 旁邊有一杯仔芝麻醬, 非常之香, 感覺似係有真芝麻係裡面, 有誠意! 另外有個黃色好似雪糕既物體, 一食之下先知原來唔係雪糕, 類似栗子溶, 食倒有少少夥粒, 似係新鮮製, 這個配搭幾有新意, 而且同平時食開蛋糕上既完全唔同層次, 好味, 加埋窩夫一齊食味道非常之夾, 好似吉士醬咁, 但絕對唔油膩, 推介! 另外因為最低消費, 每人叫左杯野飲, 我叫左熱既洋甘菊果茶, 茶冇乜特別, 係平時茶包沖出黎既味, 要讚既係佢生果分開上, 唔似部份餐廳會將生果放入個茶壺裡面, 焗到林晒, 沖出黎會有渣, 我食左佢D生果片, 幾脆口幾新鮮, 中意飲果茶既可以試下!真係要一讚咖啡弄既質素同我1-2年前食既一樣, 幾好味又抵食, 想係尖沙咀搵倒呢個質素, 真係好難. 值得推介, 我一定會再黎!…Read More

咖啡弄食過幾次了，有時間寫食評。地點位於尖沙咀，位置不難找；聽說十分多人要排長龍，而我只是排了15分鐘，可以接受。排隊時職員提供餐牌比我們先點餐。我們兩個女生點了水果茶，三文治和士多啤梨waffle。座位不算窄，坐得很舒服，很岩想搵地方傾計的人食。因為排隊已點餐的關係，所以一坐低不久就上菜了。水果茶 （本生水果有適當甜味，不會過甜好味）三文治 （份量超級多！材料好多，蕃茄雞肉生茶火腿，一啖咬唔哂，食唔哂）Stw waffle (waffle 是外脆內軟整得非常好，而草莓的酸味夾甜甜雪糕剛剛好中和，很好食！）總結：份量十分多，而烹調很好！…Read More

好耐冇來咖啡弄，估唔到現在都晤洗排隊了，冷清左好多，原本的排隊位不存在了。上到樓，都有三三兩兩的人在等位。餐牌依舊系以前的那份，有冇加價？唔記得了，真系好多年冇來了。一切如故，我們被安排到之前最常坐的大長枱，同好多人一齊搭枱。每人限定最低消費系至少點一杯野飲，我地點左玫瑰歐雷，即系玫瑰奶茶。另一杯系冰鮮果茶。玫瑰奶茶好滑，有玫瑰的香味，舒緩緊張的情緒。很贊冰鮮果茶好fresh,有粒檸檬冰塊，令到冰果茶口感再好d總匯三文治：有薯片食哦份量都幾多，夠兩個人share.面包烘焙得幾香囗，口感好豐富。沙津蛋都好好味。…Read More

2017/09/01今日同朋友去左咖啡弄食晩飯🍽一上到去，好采我同我朋友早左上去，大約18:45左右就上左去（但我地其實都有book枱），其實都已經差唔多full場。最推薦食嘅係總匯三明治，吾會好膩好正👍🏻有啲青瓜、生菜同蕃茄夾系三文治裏面，感覺好清新，就算有燒汁豬扒都不油膩，真係自己一個食一份都吾覺厭鹽酥雞嘅味道吾錯，好味過繼光xx雞，吾會淨係一味好多炸粉。仲有去到咖啡弄一定會試嘅士多啤梨鬆餅，味道係吾錯嘅，但份量真係好多，最好同朋友share，因為食左第一件就飽飽地啦，因為真係好厚好大舊👀整體黎講都算吾錯，所以值得一試。但要早一至兩個星期book定枱，甘樣吾洗專燈等甘耐🤔…Read More

咖啡弄咖啡弄永遠是一個最放鬆和性價比很高的地方來享用美食，咖啡弄來自台灣，有裝修與食物上都有著台灣注重的小清新，例如店內的Menu就好像一本雜誌‧報紙，十分吸引首先，我選了一個總匯三文治，材料十分多，有蛋，火腿，雞，生菜等等，麵包亦有烘過，所以吃起來脆脆的。旁邊也配有蛋沙律，因為我最喜歡就是蛋沙律，所以我一定會說好吃也點了一份草莓冰淇淋鬆餅，有四份鬆餅及幾粒真真正正的士多啤梨，鬆餅也是超級厚實的所以沒有欺場。而且拍照起來真的很漂亮，咖啡弄最出名的鬆餅果然沒有令我失望，大家也可以一試呢…Read More

人所共知，咖啡弄係CWB一開就已經要排隊排好耐，今次就去左TST店，等左一陣就有位，今次食左d咩呢，睇下先:飲品大大杯，味道又正三文治好大份，旁邊既蛋沙律都好好味呢個牛角包已食過2次，依然覺得好好味果汁茶，本人就一般般，但朋友覺得好飲呢個招牌菜，暫時食過其他，都係覺得咖啡弄最好味…Read More

去完崇光血拼之后梗係要食番餐好㗎啦，所以諗起呢間，之前都來過食lunch。但成日行過都見到好多人排隊，所以都驚要等得耐。去到見到條隊無乜人喎，排第二咋喎，諗住等一陣子姐，就食呢間啦。點知，等呀等呀，唔記得左上面原來仲有條隊.....以為等兩張枱，因為係樓下排第二，最后等左N張...😓由於血拼完攞住太多野，share枱又座得迫，最後等咗成個幾鈡先有二人枱，早知唔食呢間😂好在佢的野食都無令人失望，叫咗總匯三文治，好多料，材料又夠新鮮，仲有沙拉蛋配菜。之後相公叫咗個鹽酥雞，勁juicy ,又夠香脆最後加埋個士多啤梨鬆餅不過士多啤梨較酸，下面是大大球吉士，我地不是太愛吃吉士，所以覺得一般飲品方面我就要咗熱可可亞，本身都係普通朱古力一杯，不過加咗的棉花又好好味喎相公就叫咗杯茉香蜜桃冰茶，水果令茶味變得複雜，但酸甜的果香中又帶點茶的甘香…Read More

跟朋友們放了半天假去尖沙咀的4D館, 玩完一輪再去吃美食, 雖然平日但都要等大半個鐘, 四個人玩完有點肚餓所以叫了不少東西, 哈哈!!玉米里肌起士可頌 ($62)~~~每次都會想吃的一款, 因為牛角包好鬆軟, 裡邊夾了火腿、芝士及蔬菜, 再加上不能少的車打芝士醬及煎得很香的煙肉碎, 實在是十分香口又飽肚的一款, yummy之選!!冰奶朱古力~~~朋友飲的一款, 個款幾特別, 朱古力奶是暖暖的, 而冰條就是牛奶弄成的, 所以味道不會淡,, 會keep住有牛奶的香氣及滑滑的質感, 冷與熱的匯合啊…….總匯三文治 ($65)~~~這個就是大份的公司治, 見到個樣已經覺得好吸引, 加埋上面的薯片, 真係當正餐同小食都得!! 話明係豐富的三文治, 就是包羅萬有什麼也有, 如蛋、火腿、芝士、烤豬仔、菜及蕃茄等等, 每次咬入口都覺得能澎拜地充斥口腔之感!!菠蘿特飲冰沙~~~這個是summer限定的新款, 只係個賣相已經又靚又吸引, 難怪差不多每枱都有一杯, 朋友覺得這個很fresh很解渴, 真是很適合夏天的飲品!!水果茶~~~這個是適合養生唔飲凍野的朋友, 水果茶綜合不同水果的香氣及甜味, 所以愈飲到底其實會覺得愈濃同甜的, 但就是飲極都仲有的感覺!!鹽酥雞~~~好耐無食了, 好懷念台灣小吃啊!!! 這裡的也蠻不錯, 炸得酥脆, 但略覺得肉質稍為老了少少, 沒太多汁, 炸過多了…….OREO冰沙~~~每次來都好想吃, 因為很喜歡朱古力味及曲奇餅的東西, 但唔可以成日飲凍野, 今日太熱同玩了大半日的行程, 所以就叫了!! 飲落好清涼, 而且每啖都吃到OREO碎及奶沙冰的味, 其實飲晒一杯都幾full, 但又會想飲~~~鹽味焦糖冰淇淋鬆餅 ($58)~~~又到左甜品時間, 好有質感同飽肚感的鬆餅, 還好是我們有四個人能每人一塊, 配上雪糕及焦糖醬, 朋友十分喜歡焦糖, 所以她十分喜歡, 我就較為喜歡吃些無咁飽肚的窩夫, 不過我好鍾意吃個cream,  滑滑的……又跟朋友們玩完吃完一輪, 每次都是開心的時光, 雖然有時食物不重要, 最重要是跟誰一起吃, 但如果食物美味, 歡樂便能加倍, 就好似這晚一樣呢~~…Read More

今日嘅下晝約咗一班舊同學一齊去咖啡農食下午茶,相信有聽過咖啡農嘅朋友都知道二一間餐廳經常都要排隊,今次我哋去到唔算太多人排咗15分鐘左右就有位啦,不過都要搭台如果唔介意搭台嘅朋友都可以考慮慳返一啲時間。係繁忙時間多數都會限制90分鐘用餐。第一樣叫嘅食物就係呢個玉米里肌起司可頌,係餐牌見到圖片都覺得好吸引,而且都聽過唔少朋友推介以一個食物所以都特登叫黎食下,果然圖片同實物都冇好大分別係一個牛角包裏面加咗芝士粟米火腿蕃茄等等嘅食物,仲有沙律,味道都幾特別而且我覺得都幾好味。總匯三文治都係必食既食物,三文治入面嘅材料都非常之豐富又生菜蕃茄雞肉等等嘅食物,另外三文治仲配搭左少少脆片食落其實都幾飽,如果第一次過嚟食嘅話我都會推介以上嘅兩款食物,其實其他嘅食物都好想試不過實在真係食唔到咁多野啦,下次過來都會想試下其他嘅食物。黎到依一間餐廳要提嘅就係每一個人都要叫一杯飲品,雖然係必定要叫，但係我覺得呢度嘅飲品都真係幾值得試,我今次叫咗嘅係雜果茶,最估唔到嘅就係雜果茶真係比咗好多唔同嘅水果我自己控制味道,然後仲配左一杯紅茶,有得玩又有得似，認真唔錯！原來用唔同嘅水果配搭紅茶都會有唔同嘅味道,我個人認為以一個雜果茶真係好特別,非常之介紹大家可以試下。…Read More

一向怕排長龍等位的海倫終於有機會一試咖啡弄~店面不算太大~但真的有用心打造閒適文青風的感覺~餐牌也做得精緻~不知道要點甚麼?總有圖片會吸引到你~海倫也最喜歡多圖片的餐牌~正所謂看圖識字嘛~一行六人,每人點一款食品~海倫見到有鹽酥杏鮑菇就即點了~這可是每次去台灣必吃的夜市食物!!!這裏也有做到台灣夜市風味~椒鹽香口,脆脆外皮,還有爆汁杏鮑菇~不過,真的要小心燙到喔!!!還附有檸檬,九層塔等配料讓你配搭最愛口味~因為這裏的餐點都是麵包類多~所以,以下就是各種不同的包類~先有玉米里肌起士可頌~芝士口味十分濃郁呢!!而這個BBQ豬排三文治裏的豬排比較像厚切火腿~但鹹鹹香香的很好吃~麵包稍為烘脆了,上桌也還沒軟掉~另外還有北極蝦沙拉吐司佐馬鈴薯~其實就是蝦沙律配多士~個人對蝦沙律沒有特別喜好~(特別海倫不喜歡沙律醬...)所以,一般般吧~然後有總匯三文治~顧名思義,就是甚麼都放進去~生菜呀,肉片的~沒有甚麼特色~個人最喜愛的除了鹽酥杏鮑菇就是這個燻雞吐司披薩了~芝士烤得焦香的,味道特別香濃~而且餅底非常香脆!旁邊的蛋沙律味道也不錯~因為店舖規定每人必需點一杯飲品~而且還會溫馨提示你尚欠多少杯~所以,以下有飲品特集~一行6人最推介的是菠蘿冰沙~除了菠蘿味又香又濃外~冰沙裏面還混有粒粒菠蘿肉~而且份量超大!!!​另外也點了一個野莓冰沙~這個就不是人人喜歡了~畢竟莓子口味的東西有時候就像藥水味...下次還是點菠蘿冰沙好了~另亦有很多客人都有點的凍鮮果茶~裏面的鮮果份量也很多~果味配上茶味,清新好喝~最後點了一個茉香蜜桃冰茶~感覺跟凍鮮果茶分別不大~就是上面有很多蜜桃而已~所以,個人還是軟喜愛凍鮮果茶吧~海倫覺得這家店的食物也不錯~但是比較適合假日來閒坐看看書的~不過這裏的餐點份量都很大~飲品也是毫不吝嗇的超大一杯~所以,大家點餐時可以斟酌一下份量喔~因為反正每人必點一杯飲品~包類可以點少一些~…Read More

呢間「咖啡弄」出名多人排隊仍然有好多人黎，一直都想試，所以就決定係除夕夜黎試下啦。等位等左15分鐘到已經有位，不過就要搭檯，不過唔緊要啦，唔係有排等呀。兩個女仔唔食得好多野，決定叫一份三文治同一個甜品share食，最後點左總匯三文治同埋黃金拿破崙千層派。總匯三文治: 總匯三文治就係我地俗稱既club sandwich，賣相一流，麵包香脆鬆軟仲被烘過，塗左少少牛油，三文治裡面有煙肉，燻牛肉，火腿，生菜，蕃茄等等既材料，配搭得不錯，份量相當多。伴菜方面有我至愛既蛋沙律，青瓜，生菜同埋脆片。蛋沙律蛋味濃郁，蛋黃醬汁更令人食到停唔到口。黃金拿破崙千層派:  睇落有少少似檸檬夾心餅，派皮香脆鬆化，帶有少少檸檬既酸甜，中間仲夾住Cream，但係都唔係太漏，焗得都算酥脆。熱抹茶歐蕾: 係落完Order之後侍應同我地講，先知道原來呢到每人最低消費一杯飲品，餐點金額恕不併入計算，即係話不論你食物叫左幾多幾錢都好，都要每人叫一杯飲品，咁既限制我真係第一次聽。無辦法啦，唯有叫啦，最後叫左杯抹茶歐蕾。抹茶歐蕾賣相非常吸引，抹茶味好香濃，不過就係甜左少少，如果加返少D糖，可能會更加好味更加健康。…Read More

到尖沙咀不得不到的台式餐廳，幸好早到，不用等位，每次光顧也是大排長龍餐廳食物質素挺高的，只是用餐比較擠迫，限定用餐時間，和普通cafe休閒格調有點不同嗌左絲路花茶同總匯三文治，花茶很快就端上，飲住花茶等食，茶杯幾特別，擺放都有特色，不同的花調配而成的花茶，飲落清香，隨意加少許糖，花茶更是清甜總匯三文治份量挺多，也很足料，蔬菜用料新鮮，面包烘得很脆，但欠缺特色整體食物質素好高，偶爾來一個這樣高質的晚餐，令人享受:):):)如果要到此用餐，建議早點去到，真的挺多人，排隊也需要多一點時間…Read More