SENSU (荃新天地)

餐廳以藍色森林及螢火蟲為主題，營造出夢幻既氣氛。餐廳周圍都懸掛著藍色花草裝飾，店中間還有一大棵藍色大樹，令人彷彿置身於童話國度般既森林。餐廳仲特設了一個藍色螢火蟲洞打卡位～除左環境靚，依間仲提供好抵食既afternoon tea set，中午開始已經有人開始排隊，建議想食tea既你要提早訂位。✨綠野仙蹤 𝕒𝕗𝕥𝕖𝕣𝕟𝕠𝕠𝕟 𝕥𝕖𝕒 Tea set包括8款鹹甜點，另外可以以$58加配3款或者$88加配6款鹹甜點，非常客製化，而今次我地就加左6款甜品小食。上枱時店員會在底部放上乾冰，營造出仙氣既效果。♡ 甜點❀ 香芋雲卷❀ 蘋果撻❀ 朱古力布朗尼❀ 法式檸檬撻❀ 鬆餅❀ 士多啤梨乳酪杯 (另加)❀ 紅豆抹茶布甸 (另加)❀ 日式蕨餅 (另加)Tea set內既甜點份量較多，但每件都係細細件，所以唔驚會食到好膩。甜點中最鐘意食香芋雲卷～香芋雲卷包住忌廉及芋泥，芋泥好綿滑又唔會太膩，而且蛋糕都好鬆軟，可惜只有一小件。蘋果撻及法式檸檬撻味道清新，前者入面有玉桂味蘋果粒粒，後者就有好濃檸檬醬配蛋白餅，但撻皮就唔夠香脆。朱古力布朗尼質感厚實，入面仲有果仁碎，有濃濃既朱古力味。鬆餅就略為乾身，唔夠牛油香，味道一般。士多啤梨乳酪杯就味道偏酸。紅豆抹茶布甸質地幾滑溜，但抹茶味唔夠突出。而日式蕨餅有黃豆及抹茶味，亦配上忌廉及紅豆蓉，蕨餅都幾煙韌軟糯。♡ 鹹點❀ 意式蕃茄蝦多士❀ 明太子玉子燒❀ 芝士年糕❀ 炸雞 (另加)❀ 炸蝦 (另加)相對甜點，鹹點既款式比較簡單。蝦多士幾香脆，配埋爽口既蝦及蕃茄洋蔥粒，味道唔錯。明太子玉子燒，質感厚實，味道鮮甜。芝士年糕炸得外脆內軟，裏面既芝士有流心效果。而炸雞肉質滑嫩，炸蝦味道都唔錯。❀ Marble Florals (半價加配)❀ Ginger & Orange Fruit Tea (半價加配)Marble Florals賣相超吸引，係用蕃茄、紅菜頭、桃、椰子水及熱情果糖漿來調配，平時好少見依個配搭，酸酸甜甜，味道幾特別又清新。而水果茶有淡淡既薑味，同香橙味幾夾，味道唔錯⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️💫📸環境：⭐️⭐️⭐️⭐️💫🤵服務：⭐️⭐️⭐️💫💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆…查看更多

荃灣愈來愈多打卡餐廳，呢間餐廳地點好方便，就係荃新天地，下午茶只需$188/2人，+$58可加配3款小食，重可以半價升級無酒精飲品，價錢黎講真係好抵！— — — — — — — — — — — — — — — — — — —環境方面，餐廳以藍色森林為主題，座位同餐枱以木系同藍色為主，可惜果日太多人，唔太方便影個環境。不過座位非常寬敞，地方亦幾大，坐得幾舒服。— — — — — — — — — — — — — — — — — — —🍱鹹點：【明太子玉子燒】【意式蕃茄蝦多士】【芝士年糕】我另外加左個【春卷】鹹點每樣都整得幾好食，蝦多士夠脆，又有好勁嘅蕃茄洋蔥味。芝士年糕夠哂流心，春卷味道唔錯，不過兩樣炸物就油左少少。— — — — — — — — — — — — — — — — — — —🧁甜點：【法式檸檬撻】【蘋果撻】【朱古力布朗尼】【鬆餅】【香芋雲卷】另外加左【紅豆抹茶布甸】檸檬撻味道最突出，有檸檬嘅酸酸甜甜。朱古力布朗尼最好食，唔乾，朱古力味濃。香芋雲卷都推介，夠軟綿。— — — — — — — — — — — — — — — — — — —🍹飲品：【Marble Floral 】+$44【Golden Mist】+$44我係飲【Golden Mist】，好欣賞有菠蘿、芒果、熱情果嘅酸同清新，同時又飲到茉利花香，好特別☺️— — — — — — — — — — — — — — — — — — —整體而言，係性價比極高嘅下午茶，埋單每人$167，又可以打卡，又幾好食，又食得飽，好抵😆…查看更多

有次經過餐廳見個tea set好靚咁wo! 即刻bookmark下轉黎食, 呢間餐廳無得預先booking唯有黎碰碰運氣, 店員非常有禮貌好nice幫忙留電話通知等候安排入座👍🏻呢個tea set 包左8款美食&2杯冷泡茶, 重可以以半價升級其他靚靚無酒精飲品, 唔夠食重可以+$58多3款美食or +$88多6款美食😋8款美食分別有芝士年糕, 明太子玉子燒, 意式蕃茄蝦多士, 鬆餅, 朱古力布朗尼, 香芋雲卷, 法式檸檬撻, 蘋果撻, 我都係咸點既fans喜歡食咸點多啲, 但佢個朱古力布朗尼好好食, 我再加多份✌🏻另外+$88美食分別有炸雞x2,炸蝦, 朱古力布朗尼, 士多啤梨乳酪杯紅豆抹茶布甸甜品味道都唔錯, 唔係死甜, 唔洗食到我被迫要浪費放手同佢say bye飲品方面升級左靚靚無酒精飲品Marble Florals 蕃茄汁味重mix左啲蜜桃汁&椰子水, 感覺開胃, 有啲似蔬果汁既味道Golden Mist係菠蘿芒果汁mix Jasmine Tea既味道, 清清地既茶香帶小小果汁所以唔太甜👍🏻相比起外面的下午茶, 呢間餐廳既價錢相對吸引, 又有打卡位難怪吸引咁多人la~食物方面ok, 好難會唔好食, 佢既飲品&服務絕對值得再黎翻單旁邊重有個靚靚打卡位綠野仙蹤下午茶 $188 for 2…查看更多

❀ SENSU #荃灣 ❀❗️可能係最平嘅下午茶 內有夢幻藍色大樹❗️——————————————————位於銅鑼灣嘅人氣Sensu終於開到嚟荃灣😆以精靈之森為題，餐廳嘅正中間有棵超大嘅藍色大樹，四週亦懸掛住藍樹葉藍吊燈，影相打卡一流💙食物方面價錢相對親民，主打日本輕食、日式西餐等，最出名莫過於佢哋嘅「綠野仙蹤」下午茶，人均唔使$100就食到，經常坐滿人！.✷𝑀𝑒𝓃𝓊✷☞ 綠野仙蹤 $188 (3/5)♥ 鹹點✦ 日式炸豆腐 ✦ 芝士年糕✦ 蝦多士算幾平，所以佢哋嘅鹹點款式係相對簡單，全部都係炸物，較啱愛好香脆食物嘅人🙈。因為都係啲邪惡小食，所以都好難唔好食。日式炸豆腐有啲似椒鹽豆腐，都幾香嘅。芝士年糕亦煙韌唔會太膩。不過略嫌蝦多士太油、而且有啲硬，相對稍遜🙈。.♥ 甜點✦ 鬆餅✦ 布朗尼 ✦ 香桃奇亞籽乳酪杯✦ 雲卷✦ 玫瑰蘋果撻甜品方面，同樣地可能始終都係比較平，款式就唔算好特別，味道都係較為正常😶。而且因為佢哋嘅下午茶都幾受歡迎，即使三點幾去到布朗尼都已經賣晒，所以就轉左日式蕨餅，建議大家想食原本個set就要早啲到。咁多款當中，雲卷相對突出，個蛋糕非常濕潤，有種入口即溶嘅感覺，內裏嘅忌廉都奶香十足，加埋酸酸地嘅士多啤梨幾唔錯💖。至於其餘幾款就唔算太特別，蕨餅有少少未夠煙韌。另外鬆餅就有啲失望🙈兩款同樣係提子乾鬆餅，但係一望就覺得發唔夠，口感比較乾，亦冇乜牛油香。但後來聽到店員解釋當日咁岩轉左另一個供應商提供，平時係自己製作，可能影響咗個水準。.♥ 加配三款 $58✦ 紅豆白玉抹茶布甸✦ 雲卷✦ 炸蝦因為本身下午茶嘅份量唔算好多，所以我哋額外再加配三款。另外想食多啲嘅可以+6款$88，依然都算幾平。當中有三款係本身下午茶冇包到，不過好可惜當日某啲款式又係賣晒，所以我哋就再揀多咗個雲卷。抹茶布甸相對出色😆雖然抹茶味都唔濃，但係牛奶味好rich，非常順滑。另外炸蝦就正常水準。.♥ 兩杯冷泡茶/ 半價升級至無酒精飲品✦ So good +$29 ($58) ✦ Marble Florals +$44 ($88)飲品相對較為有特色，今次嗌嘅呢兩杯都唔錯☺️！前者有非常夢幻嘅粉藍色，影相一流。包括椰子水、青檸、乳酪、檸檬糖漿、荔枝糖漿、blue sky syrup。飲落去就主要係乳酸味，酸酸地，唔算好甜，都唔錯。後者更加特別，亦係我第二次再飲😆包括蕃茄、紅菜頭、桃、椰子水、熱情果糖漿，組合好似好奇怪，但係咁我去酸酸甜甜好特別，幾唔錯！——————————————————✨整體味道: 3/5 ✨環境裝修: 4.3/5✨服務態度: 4/5✨性價比: 4/5✨再訪興趣: 3/5 .💞整體來講環境裝修設計得好好💙餐廳嘅中央嘅藍色大樹製造左夢幻嘅氣氛，想平平哋同閨蜜一齊嘆番個下午茶都可以考慮，不過就要預咗食物質素的確較為普通(唔排除因為當日某啲甜品已經賣曬/鬆餅咁啱轉左供應商)，始終價錢較平。佢哋嘅特色飲品反而根據吸引力！…查看更多

綠野仙蹤 ($188) +1本身TeaSet包左👇🏻日式芝士年糕、意式蕃茄蝦多士、蘋果撻、法式檸檬撻、明太子玉子燒、鬆餅、布朗尼、香芋雲卷皮&兩杯冷泡茶或半價升級至無酒精飲品😌.唔夠食可以加($58/三款;$88/六款食物)日式蕨餅、炸雞、炸蝦、春卷、士多啤梨乳酪杯、紅豆抹茶布甸💁🏻‍♂️.想講明明已經平日去食下午茶，都好多人排隊lol🤧不過佢旁邊有間藍色有燈泡嘅打卡房仔可以消磨下時間幾好😆.講返D嘢食，我幾欣賞佢D炸物唔會太厚粉，剛好薄薄嘅一層炸皮🥰朱古力布朗尼味濃又唔會太過膩&日式芝士年糕口感一流，一樣唔膩~我喺幾欣賞個point👏🏻鬆餅就放左提子乾(不過我唔太鍾意提子乾所以比左個fd)鬆餅幾大個但口感略爲硬身左少少😌如果鍾意甜可能會鍾意紅豆抹茶布甸，我就覺得佢紅豆略爲偏甜蓋過左抹茶之後嘅回甘味🤫.佢嘅嘢飲喺調得靚同埋唔會死甜👍🏻本身想叫Fluffy Cloud因為睇相好靚，但因為有酒精所以最後叫左兩杯冇酒精飲品💁🏻‍♂️So Good (椰子水,酸橙,酸奶,檸檬汁,荔枝糖漿,藍天糖漿) 有荔枝又帶點少少酸中和返隻甜味~Mainpoint 喺佢喺藍色㗎😆Golden Mist (玉米泥,桂花,茉莉花茶,糙米茶,菠蘿汁,酸橙汁,芒果汁,百香果糖漿)杯因為用菠蘿&芒果&橙汁再加埋茶，所以味道比較清新D🥰.Taste: 7.5/10…查看更多

之前食完SENSU嘅銅鑼灣分店好滿意，竟然之後就有新岀tea set ! 約埋  一齊試試佢！ 新分店裝修好靚啊！以藍色花花世界做theme, 而且仲有一間藍色森林嘅房比人影相添！打卡friendly(*ﾟ∀ﾟ*)Food /Dessert : 📸📸📸📸/5Environment :📸📸📸📸/5 (店面好靚❤️)Price 💰綠野仙蹤 Tea Set $188 +$58 @ 加配3種甜鹹品嘅分配好剛好，無一樣嘢係伏，仲有個好match 店面嘅木Tea Set架~~ 而且加多$58就有多三種小食，食完好飽啊~Marble Florals —— +$44Golden Mist —— +$44Sensu 嘅嘢飲都好iconic架！上次推薦嘅菠蘿特飲同新試嘅蕃茄特飲都好值得叫架~~推薦值 : ⚜️⚜️⚜️⚜️/5…查看更多

難得有個空閒既星期三🤣黎荃灣行陣街同朋友仔High Tea一下啦☺️☕️綠野仙蹤The Wizard of Oz呢個特色Tea Set有分上中下兩層😋盡顯豐富之餘款款都獨當一面各有千秋😆上層先有雲卷、玫瑰蘋果撻同埋布朗尼打頭陣🙇🏻‍♂️啖啖莓香既粉紅雲卷🤤🍓口感鬆軟每口Creamy果然滋味🤩賣相靚靚藍色玫瑰蘋果撻🤤濃厚朱古力香既布朗尼更是友人大愛😜🍫到左中層既英式鬆餅😋一樣的鬆餅口感 不一樣的鬆餅味覺☺️經典帶出微微甜蛋香配果醬乃絕佳配搭😋壓軸下層既日式炸豆腐、芝士年糕、蝦多士以及香桃奇亞籽乳酪杯🤤🤤外酥脆內嫩滑既日式炸豆腐🤩Q軟麻糬濃厚芝香內餡既年糕🤤🧀脆口多士配鮮香蝦肉既蝦多士🍞🦐仲有清新口感滿滿既乳酪杯😋而加配既士多啤梨乳酪杯、紅豆白玉抹茶布甸、以及鹹點炸雞🍗🤤🤤食得又睇得夠哂滿足呢🥳🥳🙏🏻…查看更多