飯意主題餐廳

飯意最初就係以平價芝士熔岩飯而廣為聞名，估唔到而家芝士再度升級╴用埋瑞士Raclette芝士草根姐妹都係睇👀到其他人post呢個超級拉絲🧀熔岩蛋漿飯先知飯意出左新野🤩。作為飯堂之選，當然要盡快去試一試!!安格斯牛漢堡熔岩蛋漿飯 ($108)餐牌上寫用了瑞士Raclette芝士🧀，當然草根姐妹係食唔出係咪瑞士芝士，但呢隻芝士同飯意一向用開嘅有所不同，🧀比較軟身，比較細滑，感覺上質數較高🙌🏻。倒落個飯後真係好似熔岩甘🤤！另外，草根姐妹👭要表揚下🐮🐮漢堡，肉質可以用細嫩多汁去形容😋👍🏻，牛肉軟滑又有牛味，估唔到會係飯意食到咁正嘅漢堡扒！真係食過好多漢堡扒都又粗糙又鞋烚烚又乾真真，食到呢個咁出符預期地Juicy嘅牛肉，令草根妹妹好感動❤️。其實牛肉才是重點吧🐃😏～最後，個飯底加左咗午餐肉、泡菜、蛋漿等等，夠哂惹味呀🤤！黑松露鮮帶子野菌意大利粉 ($73)Mushroom Spaghetti with Perigord Truffle & Scallop一向覺得飯意嘅飯比意粉好吃，但由於唔想食2個飯，所以點左個芝士飯後唯有叫個意粉🤷🏻‍♀️。黑松露份量真係幾多，今次真係食到有Truffle味啦🙌🏻，雖然味道唔係好濃烈，醬汁唔係好濃厚個種，不過味道幾好😋。好多時係餐廳食明明餐牌寫黑松露，但實際上係冇味嘅👀。配菜嘅野菌非常多，帶子先香煎表面，所以食帶焦香，🍝意大利粉煮得唔錯，帶點煙煙韌韌，有咬口，呢個意粉比想像中好食😊。主題小食拼盤 ($57)Snacks Platter草根仲點咗個小食拼盤，其實己經之前食過。拼盤有香辣米米腸、沙律菜、水牛城雞翼、香脆薯角、芝士烤大菇同日式煎餃子。芝士烤大菇比較突出，薯角有點乾，其他都不過不失。綜合水果茶 (跟餐+$20)Mix Fruit Tea又係每次必點嘅水果茶，今次好濃郁，有d似芒果汁🍹，每次濃度都有少少不一樣，今次好濃好正👍🏻。唔知過一排又有咩新野推出呢~…查看更多

作為女漢子😌，草根食佬飯嘅時間絕對係以每日做單位，今次係寵幸嘅係草根嘅飯堂「飯意」。今次試試一個未試過嘅先!招牌芝士牛肉塔咖哩（$76)草妹佬飯頭號最愛係咖哩牛腩飯❤️，呢到雖然冇，但點左個差唔多嘅。咖哩帶點香料，食落味道接近東南亞口味🏝，少辣🔥，味道都唔錯，唔係Hea Hea咁用d得隻色嘅咖哩。雖然表面見到唔少芝士🧀，但與咖哩伴勻後，老實講芝士味俾咖哩蓋過。牛肉份量好多又大片🐂，大約都有6塊，不過質感就乾身左d，唔夠軟腍。最正應該係薯仔炆得入味又夠腍🥔，加埋咖哩汁送飯一流🍛。 帶子。海鮮芝土熔岩蛋醬飯 ($98)之前食過配菜係鰻魚蟹籽嘅熔岩蛋醬飯🐣，今次試埋帶子。食落幾驚喜，感覺似刺身帶子，口感軟腍。配菜仲有蟹籽、魷魚同蜆。🦑魷魚仔算鮮味，加埋大量蟹籽脆卜卜口感好好，然後倒入勁惹味嘅泡菜、紫菜、芝士🧀同蛋一齊去炒個飯，呢個組合冇得輸，好難唔好食呢😌可惜價錢貴，唔抵食，平日平平地都係叫個冇海鮮嘅，平一大截😝✌🏻綜合水果茶 (跟餐+$20)Mix Fruit Tea每次嚟都叫呢個，夠大杯又唔係死甜，飯意嘅水果茶的確幾岩草根口味🍹👍🏻…查看更多

(非廣告，真心話）小編係飯意迷，因為價錢貼地，食物創新，尤其是有我最喜歡的芝士鐵板系列🤤🤤🤤-吉列大蝦·菠蘿·蟹子咖哩芝士鐵板飯 $68有3隻大蝦蝦蝦🍤雖然係大大件炸物，但炸粉唔會好多；芝士同咖哩平衡得好好，唔會淨係有芝士無咖哩/有咖哩無芝士，兩隻味都恰到好處，加埋蟹子，仲有啲鮮味🤤另外，夏日水果～菠蘿減輕咗肥膩感🍍食之前，記得撈勻芝士同飯，係拉絲丫~招牌芝士熔岩漿蛋飯 $56呢個就要視乎個人口味去落芝士，怕辣嘅朋友唔洗驚，因為完全唔辣，泡菜味唔會好濃（小編唔鐘意食濃味泡菜，所以呢款正合我心意xd）蛋係即場加既，所以又滑又好食綜合水果茶 $33 (跟餐升級$20)大大杯凍飲，仲有水果粒- 小編至愛嘅- 火。龍。果😍同埋桃味茶，心理上食幾肥膩都無咁驚😂飲嘅時候記得督下塊檸檬，又多一種水果味，夾夾埋埋好fresh，最重要唔似出面果啲加勁多糖精嘅飲品😪基本上2個人叫2個鐵板開心share就剛剛好啦😌…查看更多

我個fd之前試過呢間野話好抵食所以就帶我泥試下可能係平日加埋8點鐘後泥無乜人 所以吾洗等位環境都算吾錯 岩晒同朋友吹水我地叫既係晚市二人B餐 因為我想食蝦 首先就上左兩個湯先啦。有趣既係佢另外一款湯係牛肝菌湯 當我同朋友犹豫左好耐決定試下果隻湯。點知佢上左兩個栗米湯甘無辦法 天意 下次再試果款湯啦。講返個湯先。不過不失啦 吾會淡到似水咁樣 但係都無乜忌廉味跟住就上左呢個長洲魚蛋。就咁睇仲以為係小丸子不過都幾有新意既 加埋下面果層蛋 可惜我唔中意食蛋haha。味道方面 就無咩特別 普普通通咁。之後到蒜蓉包啦。我個人好中意食蒜蓉包 佢個蒜蓉包真係好香 蒜蓉果層係脆既 之後個包身係軟既真係好好味 同埋個包夠大 吾會食兩啖就無點湯都好味 可以食多兩個就好之後到個沙律啦 第一時間食左個蝦先啦熱辣辣 點埋沙律醬 好味佢啲栗米係罐頭甜栗米 無咩特別沙律菜亦算新鮮 加埋菠蘿就可以解下食炸蝦既油膩。前菜小合照其實食到呢個位 已經feel到飽！實在太多前菜啦！終於到主菜啦 無錯 又係炸蝦個牛肋條不過不失啦 出面有少少老蛋包飯就係搵層蛋包住入面啲米 值得一提既米係糙米 健康我地叫既醬汁係黑椒汁。但我覺得汁偏少所以淨左一半飯吾想食到第二樣主菜喇！雞脾真係好大 可能大過我塊面雞脾下面有啲薯角條咖！收埋左佢出面層皮就唔食得喇！焦味個雞脾入面。可能佢係油炸過 所以吾會乾 食果陣有少少juicy但係食得一半都無 因為真係太飽喇美中不足就係我覺得件雞有啲雪味個芝士鍋 最後食得最少既野食 因為已經飽到上頸入面個年糕無入到味 餃子幾好食 個辛辣麵算係咁。特別既係佢個鍋入面加左青椒所以會有小小辣佢個湯濃唔濃就真係唔知飽到無試到。飲品水果菜 入面有菠蘿 檸檬 火龍果 荔枝肉同埋提子都幾好飲 起碼我飲晒唔知佢飲晒有無得叫人加水呢 因為有個茶包係入面總結以上咁多野食啦。雖然無咩特別好食既 但係都唔係難食。成個餐係208蚊。我感覺到佢地用呢208蚊 盡量去做到好多野食好抵既感覺 我都感受到佢份誠意既 起碼比出面果啲貴餐廳 又貴又唔飽要好 款式多多好滿足二人餐兩個女仔食真係飽到喊都食唔晒 可以三個女仔食呢個餐最後 最特別既係呢間餐廳唔洗收加一服務費！出面啲餐廳 完全係遞個菜比你 其他時間個侍應理都唔理你 咁樣要收加一 條氣真係會唔順咖嘛呢間算好服務 侍應上菜時都有禮貌如果想平平地又食飽 就可以選擇呢間餐廳喇！係甘先喇 第二篇食評 成日唔記得影環境同餐牌…查看更多

次次夜晚經過呢間餐廳都見到大排長龍，一直好想試，但見到條龍已經卻步。今晚八點幾嚟到，見人龍唔太長，終於的起心肝排一次隊！有二人套餐唔駛逐樣野揀叫咗晚市二人套餐B，有甜薯煙鴨胸沙律菜，鴨胸大大片，幾好食牛肝菌湯，幾大碗，好CREAMY鐵板照燒長洲魚蛋串，有四粒，估唔到魚蛋都可以用鐵板上，有創意，熱辣辣。烤大雞扒·濃湯芝士鍋，雞扒大大塊，烤得皮脆肉嫩。下面個芝士鍋有超濃芝士，另外仲有一碗芝士粒俾你添加。綜合水果茶，太多冰，沖淡晒啲水果茶味，有點失色。成個餐有一款湯連蒜蓉包、四款野食同一款野飲，都係＄208，仲要唔駛加一，份量又好大(三個人都夠晒食)，好抵食呀，難怪咁多人排隊啦…查看更多

晚市2人套餐B($208) 每樣野食份量都好多，有種大食夾抵食既感覺，我覺得3個女仔食呢個2人餐都得呀~另外叫多左個芝士肉醬薯角（>∀<） ▼甜薯煙鴨胸沙律菜 份量幾多架，有4片煙鴨胸同4粒甜薯仔，甜薯仔幾甜架，沙律菜用上日式芝麻醬(◕ᴥ◕) ▼牛肝菌湯＋蒜蓉包 餐湯濃郁，蒜蓉包比較軟身，但不夠蒜蓉香味，外形好似香蕉(´౪`) ▼鐵板照燒長洲魚蛋(4粒) 幾特別既食法，平時食開都係沙爹長洲魚蛋，仲要係長洲食架(⊙ᗜ⊙) 今次既做法係長洲魚蛋淋上照燒汁同木魚，下面就有D蛋液，食得快就可以將粒魚蛋碌碌碌，變成蛋包魚蛋～～我就唔夠快喇，雞蛋還雞蛋，魚蛋還魚蛋（◞‸◟） ▼吉列大蝦拼豬肋骨蛋包飯(白汁) 豬肋骨食落都juicy同夠淋，蛋包飯亦都夠味，係茄汁炒飯黎架，白汁就杰左少少～～ ▼烤大雞脾。濃湯芝士鍋(手作意) 勁大隻雞脾，應該大過我塊臉>///<有隻手套比你拆開隻隻雞脾肉，中意既話可以成隻拎住點住芝士湯食。不過芝士鍋味道較淡喔，芝士湯較稀做唔到拉絲既效果架～～ 雞脾底下有幾舊薯角，芝士鍋入面仲有餃子，年糕同青椒，好豐富！ 手作意係類似烏冬既麵條黎，口感彈牙！～但就唔係好掛到芝士湯 ▼綜合水果茶 水果茶大大杯，用茶包沖成，再加上唔同水果顆粒，菠蘿、火龍果、荔枝等等等，幾清新同開胃！ <丶｀∀´>要把水果吃清光 ▼芝士鐵板肉醬薯角($42) 另外再叫的，不在套餐範圍內，幾多肉醬同芝士(≧Д≦)用鐵板上令到Ｄ芝士冇咁快凝固，記住要趁熱食呀！(´﹃｀) 整體大件夾抵食，但D野食黎得好快～餐牌 …查看更多

一入到去環境唔錯 環境好乾淨 員工都面帶笑容 因為天雨關係都拎左傘 入座後都好好服務會問我地洗唔洗幫手拎傘 等既時間都唔係好長 好快就有得食招牌芝士熔岩蛋漿飯 $48因為見呢個係招牌所以叫左黎試下 黎到之後店員會親自幫你整呢個飯 招呼十分周到 蛋同芝士既份量都十分多！整好之後既芝士係拉到絲 就算隔左好耐都好都繼續拉到 唯一一樣麻麻地既就係d泡菜有d酸令到整體跌左 飯加左芝士同蛋之後食完真係飽到上心口燒原條bbq豬助排骨$68一黎到真係唔係講笑 真係超乎我想像 首先望落去個肉既厚度幾厚 咬落去好Jucie mmm味道就好似燒腩仔咁😍 而肉既下面就有薯格係度 薯格就無咩特別同kfc差唔多 但就好脆 就算食完晒所有嘢都仲係好脆則邊有生菜係度等食到溜溜地既時候可以食反d減下油膩感🤓三文魚蜆香草忌廉汁意粉$50呢個煙三文魚其實無咩特別 只係香草味重 d蜆無沙但都幾入味👍🏼💁🏻呢個水果茶味道好豐富 夏熱天時最岩既就係飲呢個水果茶入面有波蘿 龍眼 火龍果 檸檬 士多啤梨 等等既水果而且仲好大杯夠2個人share 而呢個飲品跟餐只係+$18 (就咁就$30)…查看更多

相約「芝士」友人 搵左間用芝士做主調既餐廳 當然唔會反對啦仲要係正旺角區 放工黎就最方便喇晏晝6點幾已經有人排隊 似乎真係幾受歡迎啵我地等左一陣就入去坐低喇 環境上燈光十足 簡潔不花巧的佈置唔會因為不同的擺設搞到眼花唔舒服原來元州街有間總店啵?! 而旺角呢間係分店 由平民地區做起既餐廳 總有意想不到的體驗我地點左4個食品 之後待應就拎左呢SET器具比我地表示係我地其中一個菜要用到 到枱時會教我地點用有手套 都好細心吖!先上枱既係 "日本甜薯沙律菜"甜薯係一樣好得意又好味既小食 成粒林CHICHI咁 但入面好甜好重蕃薯味口感比平時既大隻紫薯或者黃薯都要好而且係香港其實唔係咁多地方可以食到 即使係日本舖頭都賣得一定價錢沙律菜方面都好新鮮爽口 溫度仲好凍証明對食材擺放有一定要求沙律醬我地揀左日式胡麻醬 好香好開胃!!點左杯 "綜合水果茶"因為見隔離枱個杯好吸引 唔叫唔得用上多種新鮮水果 色彩好豐富當中有士多啤梨 菠蘿 檸檬 荔枝 火龍果等等不同類型既水果而且甜度真係唔高 岩晒唔鐘意太甜既我 水果味好重 唔會有個種果酸跟餐加18蚊就有咁大杯 其實真係幾抵飲"招牌芝士熔岩蛋醬飯"黎呢到真係為左食芝士 所以無得唔叫呢個招牌菜一上到枱 用鐵板裝住既飯就由待應幫我地加入蛋醬同埋加埋一大碗既芝士落去 超邪惡!!!!!!!!!!!由待應幫我地搞勻左之後就交返比我地處置佢喇個飯底係泡菜飯 配合埋蛋香同邪惡芝士 成個飯好香好有咬口泡菜飯帶有少許辣味 但唔算好辣 因為有大量芝士可以拉返平均個味道每一啖都係芝士既感覺好滿足!!!!由5種小食加沙律菜揍合而成既拼盤真係好岩我地呢類樣樣想食下既貪心客人香辣米腸 - 講真 呢個真係辣 用米整成既腸仔 比較重米香味同埋林身 但口感唔會好似米膏咁UN水牛城雞翼 - 有辣味 但唔會食到辣既感覺 而且佢既芝士味好出 醬炸既外皮剛剛好脆薯格 - 好細心 咁配埋一包茄汁比我地 脆脆既外皮 熱辣辣新鮮炸起 配茄汁都係最夾芝士烤大菇 - 手掌心大既PROTABALLO 加埋芝士面 中間加入千島醬 令到個菇吸晒精華 好JUICY好香脆炸雞粒 - 外皮鬆脆 炸粉唔會太厚 雞肉多汁嫩滑 一口SIZE岩岩好叫既時候都唔明做咩叫做進擊巨橋 因為見佢係PORK RIBS 所以先點黎到既時候見到條RIBS 變成一條橋咁 先明白 名字既出處!!以烤烘形式去處理既豬仔骨 肉身都算幾林 未至好乾身 可能因為佢用上厚身既醬汁塗面既關係 每條骨之間都好容易切開芝士鍋 本身都已經係芝士鍋底 但仍然會跟上一杯芝士比客人自己添加好濃好杰身既芝士湯 配合埋自家制作既意粉(比較粗身同彈牙) 好似芝士撈面咁完全滿足到芝士控既心理同口福享受!!!!!!!!!!!以每一個菜既價錢 份量同味道 我覺得真係好高性價比唔知會唔會出埋芝士火鍋咁呢??…查看更多

飯意主題餐廳開左係旺角, 之前食過深水埗果間要排隊!今日6點幾黎旺角店試下...唔洗排隊喇掛!點知去到都幾多人下~好采都有少少位! 哩度出名係芝士~我就諗都唔諗叫左個鐵板韓式芝士炒年糕...同埋有個名好得意既[進擊巨橋 濃湯芝士鍋]鐵板韓式芝士炒年糕係非常邪惡!先將芝士放上熱辣辣既鐵板上煮溶...再加入辣炒年糕+辛辣麵...店員撈撈撈！濃濃芝士溶化配上微酸辣既年糕同埋辛辣麵！另外一個係進擊巨橋 濃湯芝士鍋...佢有燒排骨係面, 仲有薯格...佢既燒排骨燒得好味! 唔會[痴牙]又入味!切了一條條細細既方便人客黎食...仲有手套提供...一大條燒排骨份量都多! 帶好輕微既甜味~仲有脆脆薯格!下面有個芝士鍋~鍋入面有餃子, 有年糕...同埋我選擇左辛辣麵落芝士鍋入面~將芝士放入濃湯鍋撈撈撈..哩個湯真係好濃味! 加左CHEESE落去後杰杰咁樣!撈埋佢既麵一齊食真係好好好美味呀!飲品方面我叫左2樣~綜合水果茶同埋蘋果簿荷荔枝綠茶!綜合水果茶滿滿水果係入面~有士多啤梨, 荔枝,火龍果....好清甜~蘋果簿荷荔枝綠茶飲落去涼浸浸~簿荷味比軟重! 芝士控必試呀!.....…查看更多

旺角廣華街一帶, 食肆林立, 真係好多選擇不過最近有間都幾旺, 點解呢?!望過門口既Menu就知道了, 起現今市道, 出街食一餐飯閒閒地都要百多元/set呢度? 去片啦晚市門口有條小人龍, 都屬正常既, 不過都係等一陣就入得去lu餐廳設有wifi, 內裡都有電視位與位之間都唔算太迫狹, 呢度既用餐時間都係為一小時半坐低之後, 立即望望Menu先, 好多野都好抵食囉~叫咩好呢?!先來一d前菜先, 溫泉蛋沙律 $24以為$24好細份, 又唔係囉, 係正常Size 喎, 隻蛋拮落去係有蛋液流出來的, 不是虛名, 沙律菜都係正常新鮮的再來一份香脆雞球配胡麻汁 $38/8件表皮唔係硬脆, 似家鄉雞既口感, 是無骨雞件 蘸少少胡麻汁, 咬落啖啖肉, 不過呢度既雞件係連埋雞皮一齊炸既, 如果走埋皮就會健康d雞肉尚算嫩口有肉汁, 咁既價錢, 去邊度搵呀?!另一個主題小食拼盤 $44, 滿足哂好似我乜都想食既人點入面有薯格, 芝士烤大菇, 水牛雞翼, 沙律, 辣香腸, 炸魷魚圈雖然呢d唔係主食既小食, 但都係新鮮熱辣的, 個芝士烤大菇入面仲加左千島醬, 食落好juicy! 水牛雞翼都幾辣下, 其中辣香腸都幾特別, 咬落入面好似有d雞軟骨咁, 好有趙口仲有呢度要抵讚的, 是佢地會比夠唔同既醬汁如: 包裝茄汁, 千島醬, 辣汁, 胡麻醬等, 鐘意蘸汁既一定愛死呢度推介既水果茶, 跟餐都只係加$18蚊, 仲要係一大杯我環顧隔離檯點的其他飲品, 都會比平日的茶記大杯左邊綠色的是男友點的青蘋果薄荷荔枝綠茶右邊是綜合水果茶綜合水果茶入面有成個茶包, 仲有好多新鮮大粒生果, 火龍果, 士多啤梨, 菠蘿, 檸檬片真係好足料, 對於很怕太甜的我, 呢杯既甜味適中, 飲落又有茶味又有果味, 單叫都係$30但最後我都只係飲到大半杯, 太大杯了~而綠茶那杯入面都有2大粒荔枝肉, 核已走眼看似Mojito, 有好多薄荷葉, 我試過一啖, 都係甜度適中但兩者我會喜歡水果茶多點, 女生嘛吃過幾款小食後, 弊傢伙....已經有點飽啦~仲點咗個主食進擊巨橋.濃湯芝士鍋添 $110因為有"芝士"侍應遞上來, 終於明白點解叫"進擊"啦~哈哈一大份豬仔骨, 必開都有6大件, 下面仲有脆薯格墊底囉下面的石頭鍋裝著的就是濃湯芝士, 入面有煎過的餃子, 年榚各兩件可以配珍珠米/米制通粉/手作意粉/辛辣麵男友揀左手作意粉, 份量都唔少呀!不過怕餃子會浸淋, 建議食佢先!手作意真係比較彈牙煙韌, 雖然都很飽, 但我地都KO哂個粉其實本身個湯都好濃, 鐘意食芝士既一定覺得唔夠味所以呢個set都額外比多一碗仔芝士粒粒仲趁個湯熱辣辣的時候倒進去, 其實很快就會溶, 仲有少少拉絲的效果個湯濃得黎唔會太咸, 真係好好味, 下次要再encore!唔好以為豬仔骨好乾, 因為平時外邊是加埋醬汁一齊上, 呢度係分開上的, 食落去唔會係柴皮, 半肥瘦狀態, 肉質淋身, 好夠肉味, 仲有d豬軟骨連住又係眼闊肚窄, 其實可以叫少2個小食, 我地2個加埋只係食左三條骨, 為免浪費, 決定打包雖然呢度d侍應都很忙, 但佢地都好樂意及做野手腳快…查看更多

廣華街係我眼中係一條甜品街, 甜品糖水店舖四處林立, 但今日經過時就意外見到呢間新開既飯意主題餐廳, 門外仲已經有一條小人龍, 反正未食午餐, 就同朋友係到食個下午茶吧。餐廳又叫「Rice Love」, 代表住會用心創作出各種有心思又特別既米飯及意粉料理。睇完餐牌真係花多眼亂, 好多食物都係我杯茶, 最後唯有叫店員推介之下, 先順利落到單。綜合水果茶 跟餐價$18呢個水果茶入面有好多大大粒既水果, 有士多啤梨、火龍果、菠蘿、檸檬, 飲落好有水果味, 比較甜, 唔太酸。青蘋果薄荷荔枝綠茶 跟餐價$18朋友點的薄荷特飲, 聽佢講唔錯, 好清新。特飲份量頗大, 如果平時我會食埋啲水果, 但今日真係食唔到(睇落去你就知)。溫泉玉子沙津菜 $24沙津菜好新鮮, 食到尾都無菜碎既出現, 而且個胡麻醬好香芝麻味, 比超市買既芝麻醬無甘酸。大大隻既溫泉玉子蛋黃色澤鮮明, 看得出既新鮮, 蛋白伴同沙律一齊食好滑溜。「突發!」店員突然間放低左一對膠手套, 話一陣間食野有用。 進擊巨橋。濃湯芝士鍋 $110原來就係店員推介我地食既燒豬助骨餐。店員拎出黎果陣真係好有氣勢, 個ribs圓拱型地攤放係個碟到, 我終於明點解佢叫巨橋!「驚你唔夠飽亮點一」:份量超級巨大既既豬助骨, 我個電話(iphone6)放係側邊都變得十分渺小。賢淑既我(!?)將所有助骨切開後發現足足有十條甘多, 而且係條條都肉包骨。帶上手套食既感覺真係幾爽歪歪, 拎住條骨食啲肉有種食緊雞脾既滿足感! 肉十分之軟淋, 一咬就離骨, 唔需要花好多力氣, 亦唔會食得好狼狽。 個醬汁有啲似hot sause, 酸酸辣辣, 仲有黑椒味, 同助骨好夾, 而且食多左都唔會膩。「驚你唔夠飽亮點二」就係個濃湯芝士鍋。 石鍋裡面一片奶白, 湯底係睇得出甘濃滑。店員教路, 配送既Morzarella芝士要倒入去石鍋伴食。我地倒完後影左一陣相, 想食既時候芝士已經溶哂喇, 輕易做到拉絲效果。個湯底係車打芝士濃湯, 但芝士味唔係好出, 我覺得食落更似牛奶濃湯, 又香又濃。  麵食方面可以自己揀選, 我地就揀左出面比較少有既米制通粉, 估唔到出奇地夾。米制通粉口感超滑溜, 入口帶點煙韌, 同濃湯一齊食, 口感同味道都好療癒。「驚你唔夠飽亮點三」就係個鍋入面竟然仲有餃子及年糕, 餃子脹卜卜好多餡, 年糕都煮得熟透, 夠哂軟糯。燒菠蘿牛漢堡配烤餅 $54呃...唔記得自己仲有叫一個小食, 兩個人食真係太多喇, 好在呢個係漢堡扒唔係漢堡包渣。漢堡扒十分厚身, 入口有牛肉既顆粒感, 但依然濕潤, 配搭埋上面既芝士同燒菠蘿, 牛味加水果既清新, 味道變得有層次。整餐飯最震撼一定係進擊巨橋, 性價比超高, 個ribs真係好邪惡, 相信未來呢間鋪都要排隊先有得食, 一於襯佢未爆出之前食多幾次!…查看更多

星期六約了朋友看早場，完場已經是午飯時間，便在附近覓食。經過廣華街，看到有間餐廳大排長龍，好奇的我們便想試下新餐廳。一看餐廳的名，就知道主打的都是飯和意粉，而意粉更加是手工制的，很有誠意。餐牌很乾淨企理，用上了黃色為主調，是令食慾增加的顏色。招牌芝士熔岩蛋漿飯所有的飯和意粉都可以加$20轉成餐，跟了蒜蓉包、沙律和特飲，很抵食一般的茶記飲品和特飲都有提供沙律可以自己選醬，有胡麻醬和千島醬幸好除了飯和意粉之外，還有十多種小食類，正好合我兩不太想吃飯的麻煩人；而且也適合一大班朋友來吃無論是西式、日式還是韓式的鐵板飯都可以吃到日式的蛋包飯都有自家製的意粉類連意大利飯都可以吃到日式一點的芝士薯餅X咖哩飯類芝士濃湯鍋，可以自選飯、意粉或是辛辣麵都可以雖然餐廳主打的是芝士熔岩飯，但我是不愛吃飯的，唯有到下一次想吃飯的時候再試一下吧！餐牌真的有很多選擇，實在是眼花撩亂，而且價錢不貴，一般的飯和意粉都是$40-$60。*青蘋果薄荷荔枝綠茶($30)青蘋果綠茶果茶加入了薄荷葉和大大粒的荔枝肉：青蘋果味很清新，雖然冰落得特別多，但飲到最後都沒有沖淡到果茶的甜味；甜味不會蓋過綠茶的甘味。*綜合水果茶($30)朋友點的綜合水果茶加入了不同的水果：士多啤梨、荔枝、火龍果和檸檬。不過我就沒有飲過，她說甜味剛好。*日本甜薯沙律菜($28)配胡麻醬很喜愛這個日本迷你甜薯，很軟很甜，再加上爽脆的沙律，淋上了很香的胡麻醬和芝麻粒，增加了芝麻香，真的和甜薯很夾。*燒菠蘿牛漢堡配烤餅($54)以為是一個漢堡包，原來是一塊漢堡扒上放了菠蘿，再配上印度的薄餅和咖哩汁，件了脆薯格和沙律菜。原以為用上了薄餅用的木板上會很快便冷了，但出奇地，放了一會食物都仍然很熱。薄餅細細片的，是一口size，煎得很香脆；咖哩汁不太辣但咖哩味很香，應該是日式的，偏甜；脆薯格夠熱，炸得很脆；漢堡扒估計是自家製的，約有1CM厚，算是juicy，不會又乾又硬；配上酸酸甜甜的菠蘿，減少了一點油膩感。 *岩漿芝士鐵板肉醬薯條($38)薯條用上了帶有波浪紋的粗薯條，很軟身，不脆；個人對於淋的薯條不抗拒，點了芝士和肉醬後，更加好吃。雖然又有芝士，又有肉醬，但一點都不覺得咸。而且$38可以有那麼多的薯條真的很超值。*進擊巨橋·濃湯芝士鍋配手工意粉($110)一上枱，已經巨形得引起其他人的目光濃湯芝士鍋除了意粉外，配料還有米年糕和炸餃子。湯底很香芝士味，不過湯太水，意粉不太抓得住芝士湯；米年糕的口感很特別，軟得來又煙UN；炸餃子浸了湯很怪，而且皮太厚，建議都是用湯煮就好了；手工意粉很滑，很彈牙，而且很煙UN，不過個人認為這個口感像是烏冬多於意粉。$110除了有一鍋意粉，還有一排約有六件的豬肋骨，在其他的餐廳真的絕對吃不到，所以說這裡也適合一大班朋友來吃。很特別的，這個豬肋骨除了平常一條條的大肋骨，還帶有一點軟骨在中間；豬肋骨夠入味，不點醬吃也可以，略嫌表面煮得太焦和乾，幸好中間的肉仍然保持到應有的咬口和幼嫩。…查看更多