椰小盅燉湯專門店 (白楊街)

姊妹們👯‍♀️有福啦，想飲靚湯又同時養顏，這間的確是不錯的選擇🥰。連續兩年蟬聯米芝蓮推介街頭小吃，足見品質卓越。他們主打原個🥥椰子足料燉湯，新鮮無添加，不落鹽，不落糖，不落味精。織金竹笙烏雞椰小盅 $66燉湯伴隨椰子清香，用料十足，小小一盎有紅棗，竹笙，及烏雞，湯味清甜。熱辣辣上枱，不但飲完整個人暖笠笠，還益氣養血，美容養顏❤️❤️叉燒拼燒腩仔、紫薯飯，啫喱 +$25小菜其實好多選擇，但係我忽然好想食燒味，就選擇了叉燒拼燒腩仔。叉燒較乾身有點柴，很一般。但燒腩仔脆皮肉厚，非常不錯。最驚喜的是紫薯飯，用了十足，粒粒紫薯同白飯紫白相間，美感十足而又有豐富嘅纖維，食完都覺得自己健康咗😂。飲品轉鮮榨椰汁 +$12很難得有這樣健康的飲品，果然貫徹這間店的健康有益的作風。新鮮椰汁分量不少，值得一試。整體來說，的確一次過滿足你三個願望，想健康，又想靚，又性價比高，最重要食完冇負擔感 ，姊妹們確實可以book mark一下🤭。@Big_Big_Foodie…Read More

大隻仔今次覓食嘅店舖就係💥 椰小盅燉湯專門店 💥 大隻仔今日終於有機會試食呢間連續兩年蟬聯米芝蓮推介街頭小吃店舖，入到店内得一個客人，心知不妙，燉湯係好飲的，但其他食物，連服務都覺得失望。大隻仔2個人點了3份套餐，應該跟3杯特式茶，追問之下，店舖居然話大隻仔得2個人，所以只俾2杯，特式茶雖然唔係名貴食物，但要加錢跟餐先奉送，邏輯上店舖冇理由俾少一杯吧！至於餐廳環境，可能冇客人關係，店舖冇開冷氣，空氣好混濁唔流通，餐飲體驗、環境唔太舒服。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️⭐️服務 ⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 織金竹笙子排椰小盅 $66+ 焦糖醋香排骨 配紫薯飯、特式茶、啫喱 $25「織金竹笙子排椰小盅」湯有椰香味，真材實料，冇落味精，味道偏淡，可惜嘅係椰子肉唔夠淋，冇辦法食到。「焦糖醋香排骨」好難食，排骨好重雪味，而且好乾好硬，完全唔入味，比叮叮盒裝肉仲要差。「紫薯飯」飯好淡，同食白飯差唔多。「特式茶」甜菊草味，味道不錯。「啫喱」啫喱正常，不會太甜。🔥 蟲草花幹貝土雞燉鮮鮑魚椰小盅 $80+ 玫瑰露豉油大雞髀 配紫薯飯、特式茶、啫喱 $25「蟲草花幹貝土雞燉鮮鮑魚椰小盅」真材實料，鮑魚夠淋，味道鮮甜，可惜嘅係椰子肉唔夠淋，冇辦法食到。「玫瑰露豉油大雞髀」睇相片都應該見到，雞脾肉肉質好乾，反而甜豉油味道可以。🔥 下午茶 - 月牙煎餃 + 凍豆漿 $28餃子皮太乾，餃子餡既肉好糊，一pat pat唔知食緊乜，而且肉冇味道。凍豆漿不會太甜。…Read More

之前喺觀塘叫過外賣，今次就選擇喺度堂食。堂食的湯好熱，會有張錫紙俾你當蓋保熱。湯品選擇有12款，款款都捉料，可以去揀自己喜歡嘅味道。必食推介椰小盅燉湯系列！除咗湯選，仲可以加配紫薯飯或者唔同嘅餸菜，任君選擇，絕對有住家飯嘅味道！…Read More

因為實在好喜歡飲靚湯,所以嚟咗呢間好出名燉湯嘅店。見到一個個椰子盅,就知一定超級正! 點咗兩個燉湯配飯套餐,都幾多嘢食。一個餐89,一個跟菜同紅豆仙草嘅餐就109。嚟到椰小盅,又點可以唔飲椰小盅?呢個蟲草花乾貝土雞燉鮮鮑椰小盅 原個椰子上,一打開蓋已經有滿滿椰香味。小小嘅椰盅入面有滿滿嘅料,有一隻鮑魚仲有好多雞件。咁多料,個湯當然好鮮甜。呢個仲係佢哋嘅得獎燉湯,唔試唔得。呢度唔係個個湯都係椰盅,所以記得睇清楚,而且椰盅通常好早就賣晒!呢個 花膠排骨土雞燉湯都好足料,有幾塊花膠又有雞肉。啲湯都好咁,但同椰盅比,真係會覺得失色,所以要試記得試椰盅呀~ 一向都鍾意食醋香骨,因為煮到啲肉入晒味,感覺完全唔會膩。呢個焦糖醋香排骨紫薯飯份量感覺有啲少,不過成個餐咁多嘢食都夠嘅。因為啲菜式都唔太吸引,所以揀咗呢個叉燒拼燒腩仔紫薯飯。叉燒可以,唔會太肥,但燒腩仔嘅皮腍咗… 至於個甜品,花倫啫喱個表面似啫喱,但中間唔似,因為係一種鬆散嘅感覺,好好奇到底係點整嘅呢?而個紅豆仙草雖然唔係咩特別嘅甜品,但係整體感覺好好味。 一個餐有齊靚湯,主食同甜品,真係一次過滿足晒三個願望。靚湯真係好正,必試椰子盅嘅燉湯,不過主食就有啲失色。…Read More

同朋友嚟咗大角咀呢一間燉湯舖頭食午餐鋪頭專賣無添加（唔落鹽、唔落糖、唔落味精）😍 出街食飯都可以飲到好健康嘅湯見佢哋嘅椰子湯好出名，所以叫咗一個同朋友分，再叫咗兩個飯餐織金竹笙烏雞椰小盅（$66）烏雞肉非常滑，好足料，椰子味好香。飲完之後有好滋潤嘅感覺，啱晒乾燥嘅冬天飲！蜜汁叉燒飯餐（$43）呢個價錢來講好抵食，份量好足夠，叉燒亦都唔會太韌，調味剛剛好。紫色返有一粒粒嘅紫薯喺入邊，令到飯入面有唔同嘅口感！上野慢煮牛筋（$49）牛筋入口即溶，好入味，唔會太肥或者太瘦。…Read More