碧儷苑·精點粵菜 (羅氏商業廣場)

這個外皮厚度口感更像鹹水角。脆而不油，用料扎實，還有一小塊荔枝肉藏在奶黃餡裡頭，有驚喜。燒麥皇用料實打實的扎實，從皮到餡，優勝過現在很多五星級大酒店，以及米其林粵菜。如果碰巧體驗這家，別錯過這個燒麥。…查看更多

廣式點心是糕餅糖品的一種，體型較小！最初是在略有些飢餓時食用的小食品，事至今日已經成為廣東人或香港人，一盅兩件，得閒飲茶的飲食文化！但隨著時間流逝，這種飲食文化慢慢歷史悠久，如何可以再被一些年輕人關注，酒樓可能要花點心思！由入行超過40年，前鴻星集團副行政總裁，布基師傅自立門戶，創辦了一間中菜館。為了吸引更多人的眼球，主打多款精緻點心，還有卡通造型包點，絕對很適合一班人手機食先1）可愛聰明兔 $52卡通造型包點，可愛聰明兔賣相超萌，一上枱第一時間手機食先！包內的餡料是紫薯！淡淡的甜味，令你想但又不捨得地一口把可愛兔子吃掉！2）紅袍荔枝 $44相信是酒樓主打點心，因為我看到每枱都有叫！其實這個「紅袍荔枝」是茘枝奶皇煎堆，口感香脆，內有香濃奶皇及荔枝肉，味道非常地配合其他中式傳統點心亦加了很多新元素！令到你對廣式點心有另一番見解！羊肚菌牛肉球燕麥千絲芋蓉酥松露帶子腸粉只是聽個名字，就知佢咩料啦！…查看更多

今午到了一間較高級的粤菜酒樓，名字有點似樓盤的，叫碧儷苑，我一到，就叫了些點心，然後飲啖壽眉熱茶，慢慢享受一刻的恬靜。究竟我點了什麼? 開估啦，我點了外面少有的干蒸牛肉燒賣及懷舊馬拉糕，外觀及味道均水準之上。隨後有櫻花蝦脆蝦腸粉，外面有很多很脆細少的櫻花蝦鋪在腸粉面上，再加上用腸粉皮包裹住的脆蝦肉，真的令人無法抗拒，並且一試難忘呀。最後，我童真的心又被挑動了，我叫了冰凝小企鵝 (見圖)，牠們外型很可愛呀，上枱時配有乾冰圍繞小企鵝，有冰極涼快的，入口品嚐時，先知道是豆蓉包，我認為小企鵝包的觀賞度是滿分，但味道可再提升，畢竟包是趁熱食呀，看多兩眼就已凍咗，咁就冇咁好食了。另一有趣點真的很想同大家分享的是紅袍荔枝 (見圖)，這點心其實是有荔枝味的奶皇煎堆，外型如真的和荔枝分別不大，而入口是一個小球體的煎堆再配上荔枝味餡料蓉，觀賞和品嚐都有水準呀。多謝碧儷苑廚師們的用心精緻製作，我會再去的。…查看更多

退休後的媽媽閒時多了，想找點事幹的她說的接我放工，便決定帶她到附近開業不久的酒樓晚餐，品嘗她喜歡的中菜。由門外到室內都採用了深色系如黑、啡及深藍色調，再不是傳統酒樓般大紅大紫，整體感覺更高雅，更大方。每席均放好碗筷，就像隨時也歡迎客人的來臨，服務員隨即送上小碟蕎頭及詢問茶種，服務貼心到位。處理柚子皮工序繁複，已經甚少餐廳或酒樓烹製，因此對柚子皮菜式大感興趣，該柚子皮即叫即炸灼熱滾燙，帶輕果甜質感琉璃黏的蜜餞輕輕包裹著炸粉，炸粉仍保持十分香脆，未有受蜜餞糖衣影響而潮腍，內餡柚子皮質感成蓉，咬下時水油迫出，味道鹹中帶油味，加上蜜餞甜得中和，灑在表面的櫻花蝦不但增加層次感，更添上蝦鮮味。一大盅豬肺湯大約可分4碗，湯呈奶白色，質感沙沙帶香濃杏仁及杏霜味，湯料有豬肚、豬肺及雞腳等甚為豐富，豬內臟清新無異味，雞腳更腍得不費吹灰之力可把骨咬碎，猜測應該是以壓力煲烹煮。老抽與生抽比例恰到好處，上色而不過鹹，腸粉煎後帶少許脆口而不硬，加上油份的包裹，令腸粉口感更順滑，滑得口邊掛滿油及有走筷子情況，略嫌油膩感較重，但整體鑊氣是難以抗拒，大蝦蝦味十足，蝦肉尚算爽口。原塊已烹煮的柚子皮質感成蓉帶絲輕爽口，充分吸收雞湯與醃料，咬下時擠出雞湯汁鹹香，放在底層的魚片大小如刺身，魚片非常彈牙，魚肉卻帶點乾身之反差。整碟餸內包括之柚子皮、魚片、雲耳及菜心未得融於一體，有獨立品嘗等情況。原隻鮑魚介面爆炒惹味十分，質感煙韌爽口容易咬開，掌翼切件並與蔥花及芫茜等配料炒至帶鑊氣，切件後大小與配料相符，需在配料中揀選掌翼品嘗，加上切件後體積較小，未能大快朵頤享受😩骨的過程。味道香濃帶微麻辣，既容易入口，又惹味可口。香濃調味糯米飯內配料十足，每一口都品嘗到蠟腸、蔥花及蛋絲，巨有口感與層次感，炒後完全把糯米飯黏立感一掃而空，粒粒分開有鑊氣，每粒糯米的油份使更易入口，在乾身輕巧的質感影響下，不知不覺食光成碗糯米飯，也是第一次！兩款甜點造型頗花心絲，帶出甜點主題，不但外貌貼題，連味道也相當匹配，紅袍荔枝外脆包裹吉士餡料，特別加上少許荔枝肉提鮮之餘減膩，少有地在炸物中找到一份清新感，而該荔枝味又不同蓋過吉士味。黑糖糕質感如白糖糕相似較企身，黑糖味中帶點蜂蜜溫和甜，不覺甜溜感同時不會對飽肚的我倆做成負擔。…查看更多

見到屋企附近開左間好靚既中菜廳，就緊係要去食下啦！一入門口就覺得好精緻，裝修得好大方得體，環境又舒服。而且好多一家大細係度食。Waiters 態度都好好，一坐低就介紹我地飲白桃烏龍。果然好正！好清新特別。第一道菜， 櫻花蝦蜜餞柚皮。我老公係吾食柚皮的，但係他都覺得超級無敵好食，簡直係整到出神入化，完全係驚艷！甜甜地既蜜糖酥炸外皮，入面既柚皮整到好似雪糕甘，再加埋咸咸地既櫻花蝦作點綴。完全係做左一個超好既開頭。如果你吾食，簡直係走寳！第二道，杏汁白肺湯。 一打開個蓋就已經聞到好貨真價實既杏仁味，基本可以肯定絕對吾係溝左粉。而且，d湯好好飲！我同老公都覺得完勝某d高級中餐廳既質素。因爲見到湯渣都知好真材實料，豬肚，豬肺，鷄爪同其他配料係超級多。呢個天氣飲，對身體又有益。正~第三道菜就係虎蝦煎腸粉。 一個字，絕！ 絕對好入味！我地一見到個擺盤就知厨師有花心思，虎蝦好大又脆，腸粉滑又均匀地入味。我地食到lam lam 唎。第四道菜，濃鷄湯鮮班球浸柚皮。我地一致認爲，呢味送係必食必叫，一定要食！吾食係你走寳！我敢講，呢道菜係物超所值！ 班球厚實，魚膠濃稠，每一口都是骨膠原和膠原蛋白。新鮮食得出，高級材料食得出！未完！ 我地見甘好食，再追加左幾個菜！第五道菜，麻辣鮑魚掌翼煲。 鮑魚雖然吾大，但係厨師整到好彈牙，好入味，但又吾會硬邦邦。成個菜好惹味，開胃。一打開個蓋，連隔離台都問我地呢味叫咩，話都要叫一煲。所以，真係群衆的眼睛是雪亮的。香味傳到隔離台都有。第五道菜，生炒辣味糯米飯。我老公一向嘴刁，食開好野。但呢個臘味飯完全係超水平，我地完全估吾到呢度可以整到粒粒均匀，臘味係可以煮到呢個精髓出黎。我平時好少食飯或臘味，但我地兩個清曬成煲。最後，兩個甜品，紅袍荔枝和黑糖蜂蜜糕。造型超級精緻可愛。紅袍荔枝好特別，有奶黃和荔枝肉組成的内陷，外面再包住酥炸的糯米粉，味道特別，絕對要試試！ 黑糖蜂蜜糕，個蜜蜂仔太可愛啦，小朋友一定超喜愛。總結，呢間餐廳絕對係長沙灣最好的餐廳，沒有之一。我幾乎可以肯定，我地屋企將會試曬所有菜式！因爲基本上沒有一個菜係吾好食！我地兩個人食甘多，都係1000有找，仲想點？…查看更多