春水堂 (新城市廣場三期)

平日去新城市廣場，經過春水堂總見排長長一條龍，在人氣咁旺應該好嘢的心態下，已經心思思想試下。今日同屋企人又行過，見十一點半冇乜人等位，馬上衝入去坐低。叫咗紅燒牛肉麵，珍珠奶茶同黃金香酥雞。牛肉麵真係有料到，真係有台灣味道，牛肉軟硬適中有口感，麵夠彈囗，湯頭唔錯。香酥雞味道正宗，唔似其他地方肉少少全是粉漿。珍珠奶茶正常口味，珍珠有嚼頭。唯一缺點就係食物唔夠熱，牛肉麵湯已經變溫，拉麵已經黐埋一舊。可能係厨房不在舖面，上菜時間耐嘅關係，其實新城市廣場呢邊幾間舖嘅出品都同樣問題，上菜慢同埋餸菜唔熱，天氣冷時更為明顯。下次去其他春水堂再試真啲。…查看更多

今時今日可以唔使坐咁窄的環境都好少有，即使係有水準的餐廳，都可能同隔離枱坐得好近，講嘢傾偈都要就住就住。春水堂雖然唔可以book仲要排隊，排左25分鐘，兩個人坐4人枱，非常舒服，我覺得等都係值得喎，不過排緊隊時睇到人地枱面D食物好正，係會越來越肚餓的😅至於食物，點了兩碗紅燒牛肉麵，有根有肉，最好食係個面，細食的我都食哂，好煙韌彈牙，個湯好濃飲左好多湯，牛根非常林，唔使用牙咬都溶左，好好食最抵食係炸雞翼，38蚊4隻大大隻，可能係炸粉先睇落咁大隻，但係新鮮炸好野味，十分推介再叫左個滷水牛肚，好入味，跟埋個辣油仲好食，唔辣的飲品就叫左朱古力奶茶，未試過可以試下，都好足料好好飲，唔會太甜太多冰，啱哂女仔飲等下係值得嘅，十分推介！…查看更多

難得去沙田搵朋友，去到商場發現全部都係連鎖店，唯有揀間平時好少食既黎食春水堂長期都要排隊啊，我地3個人今次排左30分鐘多啲先有位🙃本身排隊期間已經揀好食咩，點知坐低左先知有另一份詳細嘅menu鹽酥雞。 7/10炸得幾香，但唔係好脆，肉質好腍，朋友唔太鍾意個口感。紅燒牛肉麵。 8/10牛肉數量都多，而且好入味，麵底都好食鹵汁排骨便當。 6.5/10大大個便當盒，但入面既配菜比排骨飯多！得一塊排骨，而且炸得唔好食，腍腍地手工麻香麵線。 7/10麵線粗幼軟硬適中但略嫌麻油味太濃，食落感覺好油珍珠茉香奶茶。 8.5/10好飲過一般茶飲店！珍珠軟硬適中，好好咬！微甜既甜度剛好愛玉鐵觀音檸檬茶。 8/10少甜令飲品既酸度提升，不過朋友喜愛酸，所以飲得舒服…查看更多

若這家店的東主是香港人或是會說廣東話，這店名可能會不一樣吧。最近一至兩年，發現春水堂在香港不斷擴充，疫情回穩可以恢復6點晚市，我特地早點去拿位，很快便有位坐下了，一看餐牌已經很多東西想試吃，這餐牌也做的很精美!(1) 紅燒牛肉麵每次吃台式牛肉麵最期待的是第一口嘗到的湯底，這次沒來錯地方!湯底有香濃的牛骨味和紅蘿蔔味，還有多種香料(e.g. 花椒、八角和黑胡椒, etc.)，牛肉偏瘦，不會太肥，牛筋口感非常有膠質，非常有吃豬軟骨的感覺，份量也很足夠，可能是太美味，覺得麵條不夠吃，哈哈!(2) 麻辣紅燒牛肉麵跟普通的紅燒差不多，多了一種麻香的味道，口感更加刺激感，但不算是很辣，即便不太能吃辣的人也應該能吃到這種麻辣。(3) 鹽酥雞本來是想不點的，可是又好想試，於是馬上追加了最喜愛的台式小吃之一鹽酥雞，非常有喜感的是這鹽酥雞偏淺色，炸的幾乎是金黃色，估計是不是用"萬年油"炸出來的，之前有光顧其他台式餐廳，鹽酥雞是炸的偏黑，所以我就特別記得顏色的差異，炸粉也不太厚，雞肉很熱很滑又不會太咸，真的是高水準之作，強力推介 (4) 珍珠奶茶茶葉味香，點了少少甜(30%)，珍珠是小顆的，超有"咬口"，真的很有在台灣吃到的水平，真的很想去旅行呢…查看更多

之前係台灣無機會食春水堂，咁岩經過沙田終於有機會試下🙆🏻‍♀️當日同屋企人一人一個主食再加個甜品已經好飽，本身想叫埋台式飲品都要留肚試個甜品👍🏻牛肉麵係半肉半筋，湯底都算幾濃味，麵質都唔錯，吃到最後麵質都保持到👍🏻本身有幾款可以選擇，比較少食鯛魚，成個便當都幾健康，有青菜同烚菇，比較清淡，鯛魚調味都甜甜地，感覺有啲似燒汁🤔黎到最期待既甜品，最大特色就係加左珍珠同埋黑糖漿，再加上cream ，整體感覺比較甜，蛋糕就不算太鬆軟，覺得一般…查看更多

朋友介紹話唔錯，所以黎試一試環境唔錯，幾舒服，畢竟新裝修完，而且坐位數目都唔少紅燒牛肉麵(半筋半肉)非常推介，湯底好濃郁，同牛筋牛肉好夾，好惹味❤️❤️慢煮豬手愛豬手者可以一試，自問唔係成日食豬手，不過呢隻好林好入味，朋友食完都話唔錯魯肉飯呢個係今餐相對普通既一味，算係正常既魯肉飯吧珍珠鐵觀音奶茶這絕對要一試茶底香，珍珠都好QQ，好香滑，非常推介🥰食完對牛肉麵同奶茶都好回味絕對會再去幫親👍🏼…查看更多

近區得食見春水堂開到入沙田區渴望多時終於抱著戰戰兢兢帶著口罩的心情全程不15分鐘的用餐冒險一試｡｡｡ 位置其實很集中周邊圍繞完全係食肆,設有堂食與外賣,其實開業之時也有掠過但由於是新春期間與及正正開始疫情所以完全沒有想到置身於內,今次入座不多不少間接由於一田超市要買食品才路經此地,擺位不算太過狹窄但由於疫情所在，如果可以我還是希望與鄰枱之間客人有一段距離,帶位亦深明此理在下午茶時段亦沒有婉拒我的要求~先來是一個紅燒牛肉麵HK$82. 餐牌推介之作上枱極為快速牛肉本身感覺是牛展與及牛筋的所在,軟稔程度實在令無牙的我不亦樂乎，而且亦相當入味,麵條屬於幼身狀口感上只屬一般,身旁的兩條小唐菜更是硬得要命,雖則是小節位但深信廚師應該要為關注~另一個是店內的原味奶茶HK$30.茶,這一點對於我而言由於之前已經在其他分店外賣過,味道上我沒有質疑因為我很喜歡他打在頂頭的奶泡，入口順滑，要來少甜少冰來者剛剛合個人心意~整體來說是不是可以的但價錢若然在這個時勢可以更為大眾化一點應該更為吸引,眼見周邊有一些連鎖店已經因應措施已做出優惠這間過江龍未免太高估自己, 幫襯一次止止痕應該算了。☆店内附加一服務費☆…查看更多