玖五牛肉麵 (已結業)

據知玖五牛肉麵是何超蓮由台灣引進的品牌，從食品製作至營運管理都親身參與，加上早前鋪天蓋地的明星宣傳效應，叫人蠢蠢欲試。餐廳裝修簡約，沒有多餘擺設裝飾。員工們有禮貌卻欠缺笑容，少了台灣人那股親切及真誠。點餐紙過膠，客人可直接用水筆在上面點餐，做法環保，值得一讚👍🏻紅燒招牌三合一配料有牛腩、牛筋和牛肚，每款份量也不少呢。牛腩稱不上鬆化入味、牛筋太腍失去應有的膠質口感、牛肚則偏薄身。湯色較深但味道沒有想像般濃，清甜不油膩，最欣賞的是爽滑彈牙的拉麵！韌性十足、口感爽彈，很不錯的麵條質感，加上咸酸菜同吃，我更難得地吃光光呢！小食則點了麻辣臭豆腐$32，具麻香而辣度一般，一般人都能接受，臭豆腐隱約透出咸酸臭味，正😝意想不到結賬時店員竟然主動詢問食客意見，雖然價錢偏貴，但細心服務仍然值得支持。…查看更多

玖五牛肉麵本身都已經係香港開咗有一段時間，人流都有輕微下降嘅趨勢✌️所以又係小編準備出動嘅時候喇🤭玖五牛肉麵本身係台灣嗰邊已經開業56年🤔香港店嘅價格就大概貴原本價格一半左右😩店舖裏面除咗有牛肉麵之外仲有啲小食、滷味咁樣，所以食物嘅種類一樣都係好豐富架！🍴紅燒招牌三合一［軟麵］牛肉麵個湯底就有三款選擇，分別有紅燒、麻辣同蕃茄，就算啲湯底唔啱口味，都仲可以揀拌麵。招牌三合一裏面會有齊牛肉、牛筋同牛肚。雖然小編今次就揀咗軟麵，但係麵條入口依然彈牙😯而且唔會過硬，仲好掛湯添👍另外麵條本身都做得比較闊身少少，所以相對亦都會比較有咬口。至於個牛肉同牛筋方面，就煮得非常之淋，而且亦都非常入味😋而個牛肚方面，入口就比較爽口，不過味道就稍為唔係太足夠。至於個紅燒湯底方面，入口有好輕微嘅香辣😚不過味道都唔算話好鹹，適中啦！食晒成碗面之後個口都唔會覺得特別口渴☺️🍴土鳯梨珍珠茶呢杯飲品由於係季節限定飲品，所以喺恆常Menu度係冇㗎🤭飲品雖然影相出嚟就好似有兩隻色咁樣，但其實飲落都係得一隻味😂飲品個土鳳梨味道真係好突出，而且裏面有一絲絲嘅土鳳梨肉添，不過飲品個味道就甜左少少😖所以整體來講都係偏甜😞另外飲品裏面本身都有啲珍珠喺度，珍珠就係普通嘅白色珍珠，所以入口基本上唔會食到有額外其他嘅味道。另外珍珠本身個口感都幾Q彈☺️而且份量都算適中，整體來講都唔錯。另外店舖用嘅飲管係不鏽鋼嘅環保飲管，確實值得一讚😎…查看更多

作為一個標準香港遊客，每次到台灣必定會食地道正宗的牛肉麵；始終旅遊時間有限，又想盡量品嚐其他美食，所以每次也只能去一至兩間台灣牛肉麵小店。只知道每間牛肉麵店的湯底、麵條，甚至牛肉、牛肚、牛筋的味道及質感都有所不同，通常旅遊雜誌介紹的牛肉麵店都不會差到哪裡去，但到底哪間才是最好味就真的很難說了，因為總會與個人口味有所關連。最近兩個月，台灣牛肉麵再次掀起城中熱話，全因城中名媛何家小姐「隨意地」花了二百多萬元踩入飲食界，引入台北「玖五牛肉麵」於香港開設第一間海外分店。可能已有兩年沒有去過台北吧，真的沒有聽說過「玖五」的大名，到底是否非常美味或者有什麼特色之處，所以吸引了何家小姐小試牛刀？不清楚「玖五」在台北的路線如何，但在香港經營過江龍餐廳，裝修總要有一點特色；所以，香港分店並不是最傳統地道、街坊地踎格局的老派台灣牛肉麵店，而是走乾淨企理、簡約年輕的摩登牛肉麵店裝修風格。牆壁上的裝飾就只有一組對聯（其實都幾老土，不過總算配合室內裝修色調，並不顯得突兀）、十多張牛肉麵及台灣滷水小食照片、以及幾幅蠻有風格的黑白插畫。牛肉麵有三款口味；紅燒、麻辣、拌麵；只喜歡清燉原味的話「玖五」就不是你的那杯茶了。香港分店定價進取，差不多是台北總店的一倍，到底是香港人工高、租金貴、成本高，抑或食水深？比較起招牌牛肉麵要差不多100元一碗，滷水雙拼（豬大腸拼豬耳）($38) 相對抵食很多。豬大腸及豬耳隨意放在碟上，沒有非常明顯地分成兩堆，食起來唔係好方便。滷水味道濃淡適中，與廣東潮州滷水粗略比較，最大分別在於台式滷水的香料比較重手、味道較香濃，潮式滷水則較為着重餘韻、入口味道較輕。豬大腸的牆壁較薄，好處是容易烹調；咀嚼起來夠軟身兼可以保留少少咬口，又完全沒有渣滓。當然，如果採用厚身大腸肯定會更加美味，但就很難保證穩定的出品質素，烹調失準的話滷水大腸會變得很韌、甚至有渣。相信廚師為了確保水準穩定，刻意選用薄身豬大腸。滷水豬耳切成幼條，咬下去先品嚐到外層膠質，之後就是中間夾層的爽脆軟骨。外層膠質又吸收了滷水的鹹香，夠味道；好食過豬大腸。無論是紅燒或清燉湯底，要比較台灣牛肉麵的高低就一定要試齊牛肉、牛筋及牛肚，所以叫了紅燒招牌三合一（$95）。鋪在表面的全部都是牛肉、牛筋及牛肚，雖然份量唔算很多，但賣相就非常吸引，望落去好似食材多過麵條。湯底呈深褐色，典型的紅燒牛肉湯底，難得並不算很肥膩。湯底味道微微香辣、並不算很鹹，較其他台灣牛肉麵店的湯底清淡一些，不過牛味並不特別濃郁，唔見得優勝過其他過江龍台灣牛肉麵。採用扁身闊麵，落單時並沒有特別剔選軟身或硬身，但其實已經算偏硬；咬落充滿嚼勁，但略為欠缺彈性。牛肉夠鬆化、亦充滿牛味。唔肯定到底今日好彩抑或選材用料真的如此優質，每件牛肉都黏連著一些軟身筋膜，所以更加軟滑，不會是全瘦牛肉的略帶粗嚡。牛筋質素更加好，軟滑、膠質豐富、兼有少少黏口，還要盡吸紅燒湯底的美味。唔想食麻辣，認為蓋過了牛肉麵精華所在的湯底或湯汁，另一碗就揀了招牌三合一拌麵（$95）。同樣有齊牛肉、牛筋及牛肚，相信都是來自同一鍋的炆牛肉及牛筋、及同一盤滷水牛肚。麵條同樣是扁身闊麵，與紅燒湯麵的分別在於只拌了炆煮牛肉及牛筋的濃厚湯汁。由於麵條偏硬，吸收紅燒湯底的能力有限，所以拌麵沾上濃汁之後，食起來味道沒有太大分別，不會顯得特別乾身。反而牛肉及牛筋因為缺少了紅燒湯底浸泡，就顯得不夠濕潤，味道變得稍差。牛肚切成長條，好處是方便咀嚼，而且又的確夠軟身、彈牙、爽口，完全唔韌。由於牛肚本身吸收湯汁能力有限，味道與紅燒湯麵的牛肚沒有分別。食完兩款牛肉麵，結論是：牛肉、牛筋及牛肚三款食材質素皆相當高、而且每一塊的水準夠穩定，至於麵條及紅燒牛肉湯底的質素則較為一般。只不過，定價方面似乎過分進取，加上所採用的又並非什麼高級牛肉（餐牌上面並沒有註明），一碗台灣牛肉麵並不值這個價錢。如果好鍾意食台灣牛肉麵又或者要順應熱潮，不妨一試，但卻並不是非試不可。…查看更多

※本文以用餐當日的環境、服務和食物質素為準，口味亦因人而異，文章只作參考之用。-「超蓮牛肉麵」初時友人誤以為呢間新開既台式餐廳真係叫呢個名（笑），其實真名為「玖五牛肉麵」，由台灣開黎的過江龍，老闆娘正是何家千金何超蓮。據說超蓮愛其的牛肉麵，便決意要將它帶來香港，香港店就這樣誕生！開業初期見到不少網民都話其口碑一般，愛吃台灣菜的小妹都無特別諗住去試；不過始終食物口味人人唔同，最真實都係自己親身去試先知岩唔岩自己，就係麵的價錢確實略貴。餐廳的位置對於小妹來說不算就腳，大熱天時走著走著都出晒汗。幸好餐廳環境不會太過迫狹，冷氣夠，坐得都頗舒適。餐牌上的牛肉湯麵分為紅燒、麻辣和蕃茄三款口味，另外仲有滷味、拌麵、小食、鴨血和臭豆腐等，小食款式貴精不貴多。先來一碟小小的酸菜來開胃。紅燒招牌三合一 $95三合一包括左有牛腩、牛肚同牛筋，每一件都燘得幾入味，牛腩部份夠腍又唔會完全無咬口同痴牙，牛肚側咬落爽口；深色的湯底據說用左大量牛骨同藥材熬煮左八個鐘，牛骨湯飲落幾濃味，帶甘甜既味道，藥材味唔明顯，入口會較為溫和；選擇左硬質麵條口感，麵質咬落爽滑，整體味道不錯的！麻辣鴨血 $32、麻辣臭豆腐 $32在香港比較少見到有得食鴨血同台式臭豆腐，麻辣鴨血食落唔會太辣，鴨血入口滑溜，但爽滑口感，比想像中討好；臭豆腐食落真係有個種較為紮實的質感，食得出有臭豆腐個隻味，不過可以再臭少少。滷味 （三款）$28可以揀三款小食先$28，揀左滷花干、滷百頁同滷蘿蔔。一碟上黎份量都唔少，真係好抵食！三款滷味仲加入左醬油膏，所以味道都很夠！尤其喜歡入口無渣又甜既白蘿蔔，入味之餘又夠腍；另外花干（炸豆干）同百頁豆腐都唔錯，很喜歡百頁豆腐的質感。凍蜂蜜檸檬珍珠紅茶 $31、凍珍珠奶茶 $29飲品方面本身小妹係想試珍奶的，可惜無論茶味同奶味的味道都較淡，反而蜂蜜檸檬紅茶飲落比較清甜解渴。…查看更多

講真去試都係因為老闆娘何千金的名氣帶動仲有秋生哥都試過！所以星期日同老公行完Sogo夜晚未夠7點去，前面已經排咗四五張，我哋等十幾分鐘左右就有位！排隊時門口的姐姐已經俾定餐牌我哋填嘢食，所以一有位入到去就可以直接交order！其實order 入機前可以同客人Confirm一次先，因為我哋落漏咗兩樣嘢，不過上菜速度都幾快手！不過呢頭話無珍珠奶茶，因為珍珠賣哂但轉個頭隔離枱入新客嚟叫又即有總結個人覺得係可以一試，但未必會有第二次囉！…查看更多

今日終於夠膽去食玖五牛肉麵！成日都驚要排好耐隊，今日6點半去到剛剛好唔洗等位，真係好好彩！裝修明亮大方；店員十分友善，雖然係牛肉麵，但始終花多眼亂，問服務員都好樂意問番我偏好推介番食邊款！我喜歡濃味一點，又心思思想試哂三款送，店員就推薦我試下紅燒三合一！另外佢又推介我試下夏日限定既特飲土鳳梨珍珠。牛肉麵一上台就好大陣牛肉燒飄過來，牛肉結實又有肉汁，牛肚切成一條條食上黎都好方便。因為佢得軟同硬麵選擇，如果平時拉麵軟硬食開係中既朋友我會建議麵簡硬麵，有口感得來又唔似未煮熟咁。而最特別係佢既湯，真係好濃好好飲！而且飲完都唔覺得頸渴，真材實料！睇電視連謝霆鋒都話好味既牛肉麵果然好味！依杯土鳳梨好得意，出面都未飲過！第一啖飲落口好香土鳳梨味，就好似渣住左個鳳梨酥係到飲咁鍾意食鳳梨酥既朋友記住試下！點菜紙十分環保！用白板筆落單，可以遁還再用，心思加分！下次我要試下佢既絆麵先！…查看更多

話說，我哋每次經過銅鑼灣新開嘅玖五牛肉麵，都見到人係度排隊，點知原來係名人何超蓮開嘅！點知今日A姐喺Sogo Thankful Week血拼，排完五個鐘之後，排隊排上癮，話去排玖五牛肉麵，唔係咁癲呀嘛！好嘢，終於排到啦！紅燒招牌三合一一次過試晒牛展牛筋同牛肚，非常足料。麵質爽口彈牙，湯底有少少辣，仲有淡淡嘅花椒八角味，好香濃！牛展厚切，帶有少少筋位，口感豐富，牛味香濃；牛筋煮到腍身，膠口感強；牛肚爽口入味，十分滿足！麻辣鴨血好開心呢到有麻辣鴨血，真係好似去咗台灣咁！麻辣味唔算好濃，有微微嘅發麻感，鴨血入晒味，正！肉燥燙青菜原本以為係A菜，點知係菠菜，有驚喜！除咗肉燥，仲有醬油，味道香濃。小黃瓜小黃瓜有淡淡麻油香味，爽口清甜，十分開胃！滷豬耳豬耳有淡淡嘅滷水味，入口爽脆，好香麻油味！滷蘿蔔 + 滷豆干 + 甜不辣滷蘿蔔清甜入味，豆干滷水味濃，甜不辣QQ彈牙！台式珍珠奶茶食台灣嘢就梗係要飲珍珠奶茶啦！茶味較淡，呢到用香港比較少見嘅白珍珠，係用番薯粉搓成，較加工過嘅黑珍珠天然，口感依然非常QQ。（記住Like同Share畀朋友）By A姐M佬 玩樂日記…查看更多

星期日去試最近超蓮BB 新開嘅玖五牛肉麵下午四點左右去到 剛好重有兩個位可以即刻入座店舖環境很好 乾淨衛生 坐得舒服侍應服務不錯 有禮貌未到晚飯時間未係好肚餓 所以只係叫咗個紅燒三合一牛肉麵 ($95) 揀咗辣, 有牛肉,牛筋,牛肚牛肉同牛筋好好味又腍又入味 口感很好麵和湯底都唔錯 叫咗一杯珍珠奶茶 珍珠煙韌 但奶茶略淡老闆娘說已經正在改良~餐牌上重有好多其他小食好似都好吸引 下次再試吧~~(很多明星幫襯,嗰日已經見到一個)…查看更多