茶木‧台式休閒餐廳 (已結業)

今晚同侄仔去旺角朗豪坊睇完玩具，就順便食埋晚飯先返屋企，一路經過好多食店一係坐滿一係等位，最後終於見到一間啱食嘅台灣餐廳，都要排隊等位但唔使等太耐，所以就選呢間等左十分鐘就可以入內坐低，我叫左個：紅燒半根半腩牛肚麵、古早烤香腸肉燥飯、草莓櫻姬和高山蜜香紅茶奶蓋。紅燒半根半腩牛肚麵：麵條好彈牙，牛根、牛腩和牛肚都煮得好腍好入味，湯底好濃好嘢味古早烤香腸肉燥飯：肉燥和香腸份量好多，肉燥香濃美味，台灣香腸味道香甜彈牙草莓櫻姬：好香草莓味，有大大粒草莓，飲管係環保飲管，用可食用嘅草苺味糖做成飲管，飲完後可食埋支飲管高山蜜香紅茶奶蓋：奶蓋入囗鹹鹹滑滑，紅茶入囗好甘香呢間台灣食店都幾多款色，食物都幾好味，有機會可以再試過

週四晚又再一次去到朗豪坊，支持一眾歌迷為悼念梅姐而炮製嘅「拾芳」，真係冇諗到居然會遇上四位明星撐場，個個仲要睇到眼濕濕，明顯真心感動。電影晚上八點半先開場，收咗工即約埋三位「拾芳友」喺商場覓食醫肚。當晚由契妹請客，並話事幫襯四樓嘅「茶木‧台式休閒餐廳」。餐廳半露天嘅設計開揚通爽，格調同店名一樣休閒。四周除咗見到不少小丸子之外，厚本餐牌都好卡通化，外表就好似本童話故事書咁。用上嘅燈飾都十分別緻。餐桌上有自用餐具及紙巾，感覺衛生。點好菜，哥哥仔即送上溫水及電子單。中途加水時見契妹隻杯污漕咗，仲客氣到即時換杯新嘅俾佢，其誠懇之態度直令四口子都大感意外，因為大家都估唔到小茶屋服務會咁體貼。紅燒半根半腩牛肚麵（$72）：大大碗湯麵豐盛有睇頭。一大碗可分成四小碗，三款配料各有兩件，粗粗嘅麵條煙韌彈牙，豬肚夠爽，牛根粗厚油潤，蘿蔔亦入哂味，湯底甜濃而不俗，美味可口。鳳梨鮮果甜酸肉（$86）：甜酸肉以菠蘿殼承載，外觀橙美吸睛。甜酸豬肉鬆爽清新，伴碟嘅菠蘿同士多啤梨亦相當爽甜。金黃鹽酥雞（$71）：餸如其名，鹽酥雞粒果真炸得金黃，皮脆肉鬆嫩，香脆惹味，份量又足，必吃推介也！紅油炒手（$69）：紅油炒手皮