蟹仙海鮮蒸氣鍋 (龍崗道)

今日同家姐經過九龍城，發現到呢間海鮮蒸鍋店，作為海鮮控梗係要入去試吓啦！Ps:店員好熱情招呼●秘製原隻南飛乾鮑個人最欣賞醬汁，調味恰到好處，鮑魚亦都好煙韌●加拿大野生海虎蝦爽甜彈牙●黃金翡翠螺超級厚實同彈牙，店員姨姨叫我哋配wasabi食超級夾！●韓國釜山野生鰻魚好厚肉而且新鮮，自己本身唔係魚控都覺得好食！●韓國釜山蠔一啖咬落去，食得出海水嘅鹹鮮和蠔肉嘅清甜，係至愛！●蟹黃大元貝肉質q彈，鮮嫩多汁！●大西洋野生青口因為係清蒸所以鎖住咗原汁原味，好大隻之餘鮮甜而且有海水味●澳洲青年龍蝦肉質彈嫩鮮甜，而且好大隻好厚肉，上面仲要有蝦膏，超級正！●野生奄仔蟹蟹殼一剝開即刻可以見到超多金黃色嘅蟹膏，蟹肉都好鮮甜，家姐鐘意食蟹所以讚不絕口！●粥底食咗好多海鮮同蔬菜之後，就可以嘆埋個粥🥣因為吸收曬所有海鮮嘅精華，超級無敵鮮甜！入面亦有粟米、排骨同埋芋頭～●椰汁燉雪燕除咗海鮮，雪燕亦都好吸引！每一啖都超滿足，透心涼～…查看更多

揀咗個尊貴套餐 🦀🦞🦐🦑🐙有10款海鮮 仲有人幫手蒸埋 得食就可以啦🤭🤭#海底野生赤蝦 好鮮甜 勁多汁 肉質好爽證明真係好新鮮👍🏼#黃金翡翠螺好大隻 大大舊肉 店員時間掌握得好好 肉質恰到好處#台灣九孔鮑魚#韓國釜山珍珠蠔 好有海水味同蠔味 好鮮甜#紐西蘭刀貝蚌粒肉大大粒 連旁邊夠膏都好肥美#大西洋野生青口新鮮野同急凍野 真係唔同食法😎#澳洲青年龍蝦 大見頭啲 飲質好爽脆#太平洋饅頭蟹 #菲律賓奄仔蟹 兩款唔同嘅🦀 一款食膏 一款食肉肉質都好鮮肥 饅頭蟹啲膏好滑奄仔蟹肉質非常甜 而且好多膏 但對比饅頭蟹膏就偏濃味#粥底 吸收晒各類海鮮嘅精華🤤加入粟米🌽提升甜味排骨提升鮮味同鹹味芋頭就令粥底更綿最後仲有甜品 #椰汁燉雪燕 …查看更多

有唔同套餐選擇 8款 10款 甚至多人套餐鍾意食海鮮嘅小編🤭🤭當然選擇🔟款啦😍#尊貴海鮮套餐 $419當中有四款可選擇 可惜 白刀貝同月亮貝係休漁期 所以冇得揀🥲#海底野生赤蝦 🦐係刺身級別 蒸起相當鮮甜 好多汁 而且亦好多膏不過蒸就肉質冇咁爽#黃金翡翠螺來自加拿大🇨🇦 肉質夠哂實 而且好厚肉#台灣九孔鮑魚鮮甜 肉質彈牙#韓國釜山珍珠蠔 Size 唔算好大隻 但蠔味好濃估唔到蒸蠔都食到生蠔嘅鮮甜咁啱我地有隻蒸完縮到好細 佢地都會主動補過隻#紐西蘭刀貝蚌好肥美 大大粒肉 蒸起好多汁不過上枱前會將啲汁倒哂落煲底嘅粥底到#大西洋野生青口海水味較重 所以原味食 唔駛加調味對比平時啲青口 鮮甜得嚟帶點海水味新鮮野果然唔同啲👍🏻#澳洲青年龍蝦 相對大隻啲 肉質爽 啖啖肉#太平洋饅頭蟹 佢地主要係深海長大 要等到繁殖期上淺水地方先有機會捉到主要係食膏 果然好鮮甜肉唔多 主要係隻鉗到#菲律賓奄仔蟹 又叫處女蟹 所以啲膏特別滑 蟹肉都好鮮甜最估唔到嘅係奄仔蟹 竟然有咁多肉😋食咗咁多海鮮 接著蒸蔬菜有生茶 娃娃菜 同 甜粟接著當然就係 #粥底 啦集合蒸海鮮嘅肉汁 加上粟米 排骨 芋頭慢慢煲到綿哂 又夠暖胃仲飽滿返個飽肚滿足感😌服務好好👍🏻全程有店員幫手蒸海鮮仲會幫手清碟 最開心係 仲有甜品#椰汁燉雪燕 仲足椰汁味 雪燕份量都冇馬虎啖啖雪燕架😋若果加返啲芋頭碎一齊燉綿啲 咁就更perfect 👍🏼…查看更多

早晚天氣又涼返d, 特別係夜晚想食d暖笠笠既野 打邊爐食得太濫, 可以考慮下好似我咁食海鮮蒸鍋🦐 原汁原味食到海鮮既鮮甜味道, 仲要唔會咁肥膩飽滯!🤰 蟹仙有好多款海鮮套餐任君選擇, 最平$288一位已經食到八款食物貴d既就有🦞龍蝦呀大赤蝦揀, 豐儉由人. 海鮮鮮甜爽口不在話下, 蟹仲有好多膏🦀貝殼類隻隻開口無沙最正係d海鮮精華滴哂落去蒸爐底煮粥, 加埋綿滑芋頭同香甜南瓜🎃真係好好味個人覺得咁樣都好夠食, 而且蒸氣鍋係要食海鮮先正, 唔駛點醬汁都可以肉就反而無咁有鮮味呢. 所以好彩呢度既海鮮夠哂新鮮, 同埋每樣海鮮要蒸幾耐/食邊樣先都寫得好清楚, 店員都好幫得手, 一定唔怕自己整得過火-精選海鮮套餐 ($299/pp 共八款)：菲律賓黃奄蟹台灣九孔鮑魚越南大虎蝦韓國慶南珍珠蠔紐西蘭刀貝蚌紐西蘭月亮貝紐西蘭大青口有機蔬菜籃…查看更多

♨️原汁原味海鮮蒸氣碢 ♨️推介指數 ❤️❤️❤️❤️🤍大家什麼時候會吃海鮮? 想一想，吃中日韓台意都會吃到呀。想吃原汁原味的海鮮，最佳最直接蒸是本人最愛。早前在親友家中吃蒸海鮮，一直念念不忘。上網搜尋蒸海鮮，這家小店有幾間分店。相約海鮮友人一起去，挑選中間位置方便大家，就去九龍城吧！如果有時間還可以逛一下或是吃糖水。🎏尊貴海鮮套餐 HKD399@ (共10款)💠店員細心解釋蒸海鮮和吃海鮮都有先後有序，應該先吃味道味道相對清甜如蝦類、貝類，最後才吃最重味道的大黃奄🤩📝#手提食先 好好紀錄蒸煮次序：🦐越南大虎蝦 x 1 - 肉質彈牙且鮮甜🐚台灣九孔鮑魚x 1 - 爽口彈牙🐚日本大元貝x 1 - 新鮮軟滑鮮甜🐚大西洋野生青口 x 1 - 先夾走野生才有的水草，把飽滿的青口送入口。超級新鮮唔韌，味道還帶著海水和礦物味，有點吃生蠔的感覺，癲覆了對青口的印象！🐚紐西蘭刀貝蚌 x 1 - 肉質新鮮，熟成度剛好有咬口，愈吃愈鮮味🦪韓國慶南珍珠蠔 x 1 - 味道鮮甜，肉質軟腍🦞澳洲青年龍蝦 x 半隻 - 肉質爽口彈牙，味道鮮甜。吃完肉，龍蝦頭和膏加入粥底烹煮更鮮甜😋🦀太平洋饅頭蟹 x 半隻 - 好特別嘅食材，外型真的像顆饅頭。肉質軟綿、海水味突出，鹹鹹地。🦀罕有大黃奄蟹 x 半隻 - 令人期待萬分，蒸之前已被爆膏吸引。蒸後先嚐面層蟹膏，質地如蛋黃般油潤，口感實淨香濃。蟹蓋入面還有滿滿的蟹膏，超滿足！蟹肉札實，鮮味十足～🥰🥬有機蔬菜藍 - 先蒸粟米及娃娃菜，之後再加生菜。食材新鮮且，特別喜愛生菜，蒸後仍爽脆清甜。🥣粥底 - 配料有粟米、排骨及芋頭，收集所有海鮮精華，中途加入店員提議把龍蝦頭和膏加入烹煮，更覺鮮味。🥣椰汁雪燕燉官燕 - 店員送上甜品，滿滿的雪燕官燕，配上香滑椰汁，完美結束晚餐🥰店員悉心解釋餐牌上每種食材來源、味道和肉質，蒸煮過程細心負責且會提議食用方法。大家見片中龍蝦肉完全拔出就是店員主動幫手的。一個餐九款海鮮均來自不同地方，上網再搜尋一下，原來店主是海鮮批發商呢，難怪對食材有一份專業！總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❤️.··🔖蟹仙海鮮蒸氣碢 (龍崗道) (九龍城)🪑九龍城龍崗道2-4號地下…查看更多

一直都好鍾意食蒸海鮮！因為「蒸」先可以食到海鮮嘅原汁原味，稍有少少唔新鮮都食得出！所以自己對於主打食蒸海鮮嘅食店都會好有要求！今日同朋友嚟九龍城「蟹仙」，估佢唔到、基本上令我哋成餐飯都好滿意！我哋揀咗《尊貴海鮮套餐》～呢個Package堅豐富呀！總共有10款菜式，等我逐一介紹下啦！首先上嘅係深海海星班我平時就最驚魚腥味，:)呢條星斑蒸魚蒸8分鐘新鮮果然係新鮮魚肉又滑又亂一啲都唔聲啊之後嘅海鮮分明就係俾我哋相機食先😂 用個又靚又大嘅大紅蟹盤上枱！即刻食慾大增啊！先蒸越南大虎蝦🦐～ 蝦肉結實彈牙，蝦頭膏鮮甜～ 負責我哋呢台嘅靚姐仲特登切咗個心形出嚟蒸添😆☺️之後係台灣九孔鮑魚、韓國慶南珍珠蠔～本身自己其實唔係特別愛好鮑魚啦，覺得無味、而且食親呢側邊通常都係好軟嫩、但咬到去中間個心呢就會韌啦！ 嘩！但呢度嘅鮑魚真係蒸得啱啱好，個心咬落一d韌都無！味道清甜，完全改善我一向對鮑魚嘅睇法～至於珍珠蠔🦪，其實都唔算細隻，蠔味濃郁鮮美，食完一隻唔夠😂忍唔住叫多半打～大西洋野生青口、紐西蘭刀貝蚌、月亮貝講到青口、出邊好多食肆都係急凍貨.... 食落完全冇味嘅！🙄一係就用極濃醬汁去cover雪味.... 呢隻野生青口真係讚，:)大隻得嚟又帶微微鮮甜～至於刀貝蚌，size大、肥美肉厚、嫩滑爽口又帶有海水鮮味。 月亮貝就食落較有咬口~琵琶龍蝦🦞雖然佢好醜樣，其實都係屬龍蝦的一種～因紋理形狀似琵琶而命名～ 本人係鍾意食佢多過波士頓龍蝦😆肉質鮮美爽甜、又多肉過龍蝦～ 啖啖肉好滋味！大黃奄蟹見到咁多黃色蟹膏即刻心心眼😍！蒸完打開蓋超香蟹味，食落鮮美、肉質結實一梭梭咁嘅，蟹膏夠晒濃郁！話咁快就K.O.晒啲海鮮啦～ 再嚟d有機蔬菜🥬俾我地fresh下先!最後最後~ 😊一鍋充滿海鮮精華嘅靚粥出場la～ 由於無落任何調味料，只靠粥底配料同精華出味，所以會淡口小小，靚姐就加咗菜譜同蔥花去吊味～ :)佢仲教識我哋、如果d粥有落到如味精嘅調味料，米嘅顏色就唔再係純白色，可能會係黃黃地咁～ 我自己都鍾意原汁原味呢～最後我哋仲有甜品食係椰汁燉海燕窩～好好味呀！ 值得一讚嘅係、呢度嘅員工對於食材知識都好豐富，可以解釋到例如來源地啦、點樣煮法啦、點樣食法係會比較好食😋！ 同埋此店有一樣堅持嘅係、佢哋都由員工親自去幫客人主理蒸煮嘅過程，確保時間同技巧上都準確無誤，令客人品嚐到何謂最好！…查看更多

2人食了HK$1500, 叫了各自1個$499, 1個$688的餐, 餐牌上起碼1/3的食物都是沒有的! 海鮮沒鮮味, 粥是水, 原隻木瓜官燕沒有木瓜, $1500是什麼玩法, 開番堂食是這樣嗎??…查看更多

今年端午節，屋企人打算出街食飯做節，就走去九龍城的蟹仙海鮮蒸氣鍋作一個新嘗試。地方雖小，但勝在位置方便，不算太難搵，我哋等咗一陣就可以入座。呢度係以入口海鮮作為賣點，可惜因疫情關係，部分海鮮未能供應，不過老闆嘅推介海鮮可以用「無可挑剔」來形容。一開始，就先放下粥底做鍋底，然後有即食嘅菲律賓潮式凍蟹，一吃下去，相當有驚喜，啖啖肉，還要蟹黃都好多，有別於潮州食店嘅凍蟹，一絕！之後，就開始蒸元貝、馬刀貝、九孔鮑魚、龍躉片、蠔、澳洲青年龍蝦、罕有大黃奄蟹等海鮮，鮮味十足，特別係澳洲青年龍蝦及罕有大黃奄蟹鮮味十足之餘，還要啖啖肉及好多膏，正！接住就係其他火鍋料及蔬菜，都好好味。不能不提嘅就係最後嘅粥，結合晒所有精華，十分滋味無窮⋯⋯⋯⋯⋯⋯這裡嘅老闆及店員招呼十分之好，係一間值得推介嘅食店！…查看更多

非常好的蒸氣火鍋體驗，店員會詳盡介紹套餐內的海鮮種類，據店員講解海鮮都是老闆從外國引入、野生打撈的。包羅萬有海鮮二人套餐 ($999)• 十八款食材包括：越南頂角膏蟹、饅頭蟹(期間限定)、澳洲青年龍蝦、台灣九孔鮑魚、越南大虎蝦、紐西蘭刀貝蚌、深海龍躉片、日本大元貝、韓國慶南蠔、黑安格斯牛肉、濟州黑毛豬肉、蟲草花雞件、芝心小籠包、星爺漿爆瀨尿牛丸、蟹仙蝦蟹棗、豬肉濃汁貢丸、有幾蔬菜籃及甜品雪燕燉官燕。• 整體來說對海鮮的質素都非常滿意，吃得出其鮮味及有別於外面吃到的。特別要提的是海鮮類要襯熱食，會更加滋味！台灣九孔鮑魚• 肉質十分彈牙緊緻，基本上不用醮任何醬油都能吃到鮑魚的鮮味。• 鮑魚經過處理後，淨下的都是可直接吃的部分，但是大小的關係並未能一啖過，不然會燙到口腔。日本大元貝• 因為有貝殼承托著元貝的關係，一直保留了元貝原有的海水鮮味。• 元貝的裙邊相當彈牙有嚼口，元貝不算大隻但是鮮味十足，咀嚼時有元貝的味道滲出。饅頭蟹 (期間限定)• 第一次聽亦是第一次吃的海鮮，據店員介紹牠是麵包蟹的近親，因為是野生捕獲的關係一年只有一個月份可以提供食用。• 肉質比較清淡，感覺比較像水蟹，不過肉量比水蟹多，未食過的話不妨一試。澳洲青年龍蝦• 肉質極之飽滿、緊緻，同樣已經處理掉不可吃用的部分，吃下去啖啖肉，非常幸福。• 要留意的是除了蝦身，也不要忘記龍蝦腳內同樣充滿蝦肉，可用工具一一挑出，食得唔好嘥呀！越南頂角膏蟹• 會令人一試難忘的膏蟹✨那股蟹膏的香味不是一般在菜市場所買到的那種膏蟹能媲美。• 蟹膏粉滑、充滿蟹膏獨有濃香，份量頗多。• 雖說是膏蟹，但是肉質同樣極之鮮味，每一個部分都可以挑出厚厚的蟹肉✨越南大虎蝦• 店員設定蒸氣的時間恰到好處，蝦肉處於剛熟的階段，蝦肉爽口飽滿。• 醮不醮醬油都同樣鮮味，醮了的話味道則更為豐富滋味。有機蔬菜籃• 經過滿滿的海鮮餐要吃點蔬菜平衡一下，菜籃附有生菜、娃娃菜及蟲草花雞件、蟹棗丸和肉汁貢丸等。• 蔬菜同樣鮮嫩清脆，吃得出是上等的青菜。粥底吸收了以上各種海鮮等食材的精華後變得極之鮮美，為這餐海鮮鍋畫上完美句號。…查看更多

吃過幾次蒸氣火鍋，但都沒老公的份兒這次為慶祝節日，他就偷偷的向這店預訂座位，食餐好的！因應最近疫情店方的防疫意識都算做得不錯！先用消毒液幫顧客消毒雙手，分發乾淨信封給顧客擺放口罩枱面上還放有一大包的濕紙巾可用！套餐的選擇有好多最後我們選的是$999/2位的「包羅萬有海鮮二人套餐」共18款食物！落單後，店員就先開高溫蒸氣來蒸餐具，作消毒之用！先來的是貝殼類海產，有日本大元貝﹑台灣九孔鮑魚﹑韓國慶南蠔及紐西蘭刀貝蚌鮑魚爽口彈牙﹑刀貝蚌夠爽脆﹑扇貝大粒又嫩，惟鮮甜味不算好突出以蠔的蠔味最為濃郁突出！蒸的時間恰好，蠔仍很嫩滑！大虎蝦的肉質爽口，蝦味鮮甜，蝦頭有好多蝦膏！！野生大瀨尿蝦，長度長過手掌！！店員幫我們剝殼切好，方便進食！瀨尿蝦是唯一沒有即蒸的食材，但鮮甜度同樣十足，好多汁，肉質實淨不會霉！！瀨尿蝦同樣有膏啊～～～澳洲青年龍蝦，蒸的時間剛剛好，肉質非常爽口彈牙又帶點嫩滑感！味道鮮甜，又帶點微微的膏香，很好吃！！越南頂角膏蟹及大黃奄蟹各一半據店員介紹，這兩款蟹，一款是軟膏，一款是硬膏因我們未試過就建議半半，看自己喜歡吃哪一款多些～～兩款蟹都是爆膏的狀態膏蟹的size略為大隻膏蟹是硬膏，大黃奄蟹就是軟膏，所以後者的膏帶點黏糯感，有點像吃大閘蟹公的感覺！大黃奄蟹的蟹鮮味稍濃！膏蟹則由於size夠大隻，所以有好多膏，同樣令人滿足！亦因此而啖啖肉，充份滿足食蟹的心啊蟹仙的蟹果然夠出色～深海龍躉片，魚肉嫩滑無骨，魚味鮮甜～～吃完海鮮後， 就是丸類和肉類登場！當中較具特色的是芝心小籠包及星爺爆漿瀨尿牛丸芝心小籠包是小籠包造型的芝心丸，芝士份量十足，不過粉了些，個人覺得一般瀨尿牛丸，咬的時候真的要好小心熱湯爆出！老公喜歡瀨尿牛丸裡邊還釀有蝦肉，個人卻喜歡貢丸的香及彈牙質感多些！黑安格斯牛肉及濟洲黑毛豬肉的質量亦相當不錯！安格斯牛肉質軟嫩，牛味頗濃黑毛豬夠大塊，肉味香甜！至於粥底，加入了南瓜﹑粟米﹑芋頭及排骨等配料吸盡海鮮及肉類的精華，十分鮮甜！！！甜品是雪燕燉官燕，一絲絲的燕窩碎椰汁味香而不過甜，感覺好潤！吃完整頓飯，完全是大滿足的狀態！作為蒸鍋來說，打入我的list的頭三甲位置啊！如果貝殼類更鮮甜，評分會更高啊！！…查看更多

其實我都幾鍾意食蒸海鮮，不過食一次都唔平所以總不能經常去，今個月要同友人慶生，又有藉口去食好嘢啦！今次就黎九龍城既蟹仙，聽聞D海鮮好新鮮，好期待呀！餐牌由$398-688不等，我地就揀中間的$498餐，有成13款材料！開始前當然先把粥底材料放入，有南瓜，粟米、芋頭、排骨和珍珠米等，應該會好甜！跟住就開始啦！先黎一人一隻大黃奄，D膏真係又黃又多！超香呀！蟹肉細嫩，真係齒頰留香！另外有野生琵琶龍蝦一隻，未聽過咩叫琵琶龍蝦，個樣同一般龍蝦好唔同，但食落都幾好好味，而且好多肉，肉質彈牙爽甜，不錯的嘗試！跟住到日本大元貝，大隻又肥美，鮮甜又唔韌。越南海虎蝦同樣爽口彈牙，非常新鮮！同樣來自越南的「佳麗」仲有貴妃蚌，一樣咁美味！:)食完海鮮就食番D肉，美國安格斯靚牛之選，牛味濃郁且肉腍！黑毛豬肉片同蟲草花雞件都不錯！另外仲有丸類包括「芝心小籠包」、「星爺醬爆瀨尿牛丸」、「海鮮蝦棗」、「墨汁墨魚丸」，海鮮蝦棗好好食，好似是人手打，所以好彈牙！而芝心小籠包好流心，正！最後點都要食番D蔬菜，仲係有機添！！全部都好鮮嫩！蒸哂咁多道菜就可以食埋個粥底，估唔到咁綿又有海鮮鮮味，好滿足的一晚！…查看更多

家姐最鐘意食蟹🦀， 所以就係佢生日嘅時候， 帶佢去屋企附近一家專食蟹、海鮮蒸氣鍋嘅專門店—「蟹仙海鮮蒸氣鍋」， 豪食一頓！😏 餐廳麻雀雖少，但五臟俱全， 有不少玻璃魚缸養住各式各樣嘅海鮮， 保證新鮮！😏 預先訂好枱，  甫入店，店員便親切地講解呢到嘅海鮮來源， 仲介紹我地食野生瀨尿蝦皇， 話有一隻前臂咁長，😍 真係未食已經流晒口水啦～ 呢到有4個套餐，由$298/位起，  有10款海鮮，好抵食呀！☺️☺️ 不過一分錢 一分貨， 由於我地想食野生瀨尿蝦皇， 所以就點左$398/位嘅套餐～😎 越南頂角膏蟹/ 菲律賓大黃奄 野生瀨尿蝦皇/象拔蚌刺身/野生琵琶龍蝦 澳洲青年龍蝦 翡翠九孔鮑魚 泰國海中蝦 越南貴妃蚌 日本大元貝/紐西蘭大蟶子 韓國慶南蠔/紐西蘭青口 深海龍躉片 有機蔬菜籃 上海鮮之前，先上個粥底， 店員將米、南瓜粒、排骨預先放係鍋底， 等成個蒸鍋食完之後， 就可以品嚐到集海鮮嘅精華於一身嘅靚粥～☺️ 因為海鮮中最重味道嘅係蟹🦀， 所以小編建議最後先食～ 野生瀨尿蝦皇 相機食先之後店員會幫我們剝殼，好細心呀！♥️ 咁我地就可以無障礙大快朵頤～ 入口啖啖肉， 肉質鮮嫩多汁，  完全唔需要蘸任何醬料， 原汁原味！👍🏻 翡翠九孔鮑魚 鮑魚新鮮，厚肉，軟腍得黎又不失咬口。 越南貴妃蚌大大隻， 肉質鮮美，好juicy， 可以連埋湯汁一起吃，鮮甜味美～ 韓國慶南蠔 原隻生蠔擺上去蒸， 蠔肉肥美，蠔身綿滑， 鮮甜並帶點海水味。 紐西蘭大蟶子 幾長幾大隻，蟶子肉爽嫩。 深海龍躉片 入口嫩滑鮮甜，魚皮膠質豐富。 澳洲青年龍蝦 正值青年嘅龍蝦，梗係最美好時代～ 雪白嘅龍蝦肉幼嫩鮮甜，爽口彈牙， 蝦頭仲有唔少膏～😍 最後， 輪到主角蟹出場啦！♥️ 越南頂角膏蟹 鐘意食膏嘅foodie一定唔可以錯過！ 頂角膏蟹係母蟹，  鮮橙色嘅蟹膏比較硬身、甘香， 蟹肉紮實，鮮味十足。 菲律賓大黃奄 蟹膏入口軟滑鮮甜。 有機蔬菜籃 清蒸蔬菜，原汁原味，健康又有益。 到最後加入香蔥、菜脯吊味， 薈海鮮精華於一身嘅靚粥就完全了～ 鮮甜，仲有米香，不錯！👍🏻 木瓜雪耳燉官燕 燕窩好足料，清甜滋潤～☺️ 整體來說， 呢到嘅海鮮非常新鮮，  超級推薦鐘意食蟹嘅foodie， 價格合理，性價比高！😎…查看更多

今天和朋友相聚吃蒸氣海鮮鍋吃海鮮其實清蒸就最好吃形形色色的調味都是多餘最經濟實惠的九款海鮮餐要價二九八職員會嚴格控制每款海鮮的烹煮時間先落生米豬骨等粥底配料吃罷海鮮就能嚐到鮮甜海鮮粥越南頂角膏蟹大黃奄仔各要半隻兩款蟹都超大隻呈爆膏狀況膏蟹膏較硬奄仔膏較柔軟吃起來奄仔蟹蟹味較突出較鮮味果然是蟹批發買手的老字號澳洲龍蝦剝開後肌肉仍在動肉質鮮甜彈牙入口極滿足九孔鮑魚已預先處理好內臟紐西蘭大聖子鮮甜不需另加調味越南貴妃蚌和泰國海中蝦皆不錯紐西蘭青口有驚喜有濃海水味最後是有機蔬菜籃增加纖維量一鍋集海鮮精華的豬骨粥也隨之完成吃最原來的味道還是清蒸的好…查看更多

在香港開設的海鮮蒸氣鍋很多都大受歡迎，包括這間一年前首次光顧過的【蟹仙】，到近來再去食晚市同樣人潮不斷，可見蒸氣鍋在港滿有市場的，大前題係要味道不錯、食材新鮮、環境坐得舒服唔焗促、價格又要算親民。咁先可以企穩陣腳，做到突圍而出，話說之前係其他分店「新蒲崗」食過一次呢間【蟹仙】。今次同行四人再度翻兜，皆因有一個係「蟹精」非常愛吃蟹而我地分別係出面都搵唔到其他有靚蟹既地方，有見及此即刻諗起【蟹仙】，而【蟹仙】呢幾半年開左間新舖係九龍城，所以就貪新鮮去呢一間新舖望下個環境。.地址：九龍城龍崗道不難找，下車後走過來大概六分鐘，相信駕駛既人都會方便泊到車呢。門面以藍色為主調，著左燈，在遠處也能看得見。去之前已經小約了位置，一來確保有位二來方便餐廳預留新鮮海鮮，因為呢度大部份海鮮每日都會由多個地方新鮮空運到港，之前食過老闆話由於每日既份量以及坐位都限，如果真係貿貿然去到有機會無得食架！不過真係唔一定既，入面剛好只淨低我地預約左既四人枱就FUll左。餐廳內裡裝潢以都是以湖水藍為基調，無論門口、牆身、成個氣氛也是，仲有一些生物圖畫放左牆上。可能是主打海鮮既關係都想讓顧客處於海洋世界之中更加融入呢度。呢度餐牌不多，都是食海鮮蒸氣鍋為主，所以簡單地列出不同套餐有咩分別。基本上晚餐都係3選1，我地就揀個門口都推介既套餐相對地親民又無咁Heavy「$298海鮮蒸氣石鍋餐」。如果想食多少少其實加多＄100都幾抵，店員話唔洗成枱Upgrate，可以個別Upgrate，又真係幾好呀！唔洗強逼個個都要食多一點。:)Order後，急不及待想快D食，旁邊見到有一個缸，入面本身好多蟹但被抽起後得番數隻，自家養飼，相信來貨好之餘其保存應該都唔錯，郁郁下又大隻。另外亦提供左醬料，讓我地自行調較。每位客人包括有9款海鮮，另外仲有蔬菜同埋核心既粥底。第一輪海鮮到啦，海鮮拼盤，包括有「翡翠九孔鮑、紐西蘭青口、日本元貝、越南貴妃蚌及深海龍躉片」其後泰國海中蝦一同到達，相信龍蝦同蟹都係最後出場吧，畢竟蒸既分鐘都唔少呢。每張枱都有一個蒸氣鍋，鍋的樣子以竹既材質去製成，其實都係有點兒似越南人頭頂戴住個頂帽子一樣。食物到左後店員會幫你決定蒸咩海鮮先，因為可以由淡食到濃或者有些時間控制上他們相對能夠掌握進食及等待既時間。全程基本上都唔需要自己動手因為會有專人服侍喔。.蒸海鮮之前會煲定粥底先，首先加入豬骨，米、南瓜等材料，跟住就慢慢上海鮮。🔹店員先蒸泰國海中蝦應該想我地快快有野食落肚啦，事關呢個好快就蒸完啦...蝦身顏色鮮，大大隻，食落鮮甜可口，肉質彈牙，沾上醬油更能嚐到鮮味喔，比一般河蝦的蝦味更濃郁而帶嚼勁，讓人喜歡。🔹越南貴妃蚌貴妃蚌真係我最愛吃既海鮮，簡單美味普通清蒸已經令人回味...蒸完食落去鮮味獨到重點是蚌肉豐滿肥美，重點鮮甜味道的海鮮水要喝掉喔，精華所在千萬不要浪費呀！真係覺得新鮮到好似剛剛捕獲然後即整來吃似的。🔹紐西蘭青口法國南部最出名的青口是藍青口，而紐西蘭最出名的青口是綠青口，完來紐西蘭青口是天然的葡萄糖胺，軟骨素和奧米加3脂肪酸的豐富來源。估唔到一隻青口亮然有咁多有益既成份。每隻約3至4吋長，厚肉飽滿。別看它外形嬌小無肉吃，青口肉質卻嫩滑兼Juicy。🔹翡翠九孔鮑市面常見的鮮鮑大致分為孔雀鮑、九孔鮑及大連鮑三種，呢度既九孔鮑上次食就覺得比較普通，今次又唔錯wor，海鮮蒸得火候岩岩好，形狀大而肉質較實在彈牙。.🔹日本元貝元貝蒸完後變得脹卜卜，又多汁，色澤金黃較深，味道鮮甜濃郁，咬開時肉質柔軟呢樣鮮味更勝一籌。🔹深海龍躉片深海龍躉頭腩即是花尾躉，帶着充滿啫哩狀既魚皮肉魚油滿載既魚肉，沾上醬油都是很好吃，唯獨不夠好是比較薄身所以一夾有機會走樣及散開呢。🔹青年龍蝦青年龍蝦即是海中之王，並唔係浪得虛名，呢度既都係值得一讚，極度新鮮！當中味道極濃厚！龍蝦肉量多，肉質富彈性，內裡亦有少量蝦膏，甜甜的。整個龍蝦裝滿滿既蝦肉包你食過滿足。相信用來做刺身都很適合，哈哈。越南頂角膏蟹，菲律賓大黃奄同時能夠品嚐，每隻開二，可以share食呢。【蟹仙】話我知其實與蟹的約會不是只限季節啊！兩蟹種外表雖然不大分別，蒸過後單看外表直情一模一樣，但裏面絕對係兩碼子事。「越南頂角膏蟹」或「罕有大黃奄蟹」任擇其一。.萬眾期待不能失手的，有專人睇火既關係，蒸得恰到好處。兩隻膏蟹份量算幾大隻。 🔹越南頂角膏蟹店員推介蟹膏比較實和香的越南頂角膏蟹，果然是好介紹。這麼多膏的蟹哦就是我們回頭的原因，越南頂角膏蟹既蟹膏為硬膏，食既時候會帶比你一種粉狀既口感，顏色是深橙紅。最喜愛蟹膏，蟹膏味道極濃厚，又肥美多膏，食完會甘香回味，整個蟹蓋裝滿滿既蟹膏包你食過滿足，蟹肉實之餘富彈性...提一提二選一的海鮮係可以隨每個人的喜好選擇，不用全枱只選擇一款，可以按自己喜好跟店員說一說便是了。🔹菲律賓大黃奄同樣為膏蟹，但大黃奄既蟹膏相反係軟膏類，清蒸是最簡便的方法，原汁原味，味道鮮甜。膏多肉甜，橙色的硬膏與黃褐色的軟膏同時存在。混合蟹肉既蛋白質，味道變得清而甜，罕有黃膏肉蟹就可以同時食到蟹膏、蟹肉。越南頂角膏蟹同呢個可以說是一硬一軟呢。.🔹海鮮之後，就到雜菜啦即係蔬菜拼盤，好健康！！清清腸胃，食返點蔬菜，幫助消化！有生菜、粟米、南瓜及娃娃菜等。清蒸既關係，都幾甜。.🔹最後食埋底層既粥底，排骨粥底一鍋粥，千變萬化，可甜可鹹，能稠能稀。把粥熬到極致，粥底水「米」交融、柔膩...包攬以上所有既海鮮既精華，落曬個粥度，味道鮮甜軟滑，唔使落調味都有種濃郁既甜味，綿綿既口感，即時充滿飽肚感。相信大部份人都一定夠飽！整體來說，海鮮新鮮程度有保證，特別是蟹，指定最佳供應商，店員說，如果「呢度無靚蟹出面都唔會有」相信用以專家的稱號也屬合理，貨源出處有質素又夠穩定。價錢係絕對抵食，有蟹有龍蝦又有其他海鮮仲食到好飽....每款食物都有介紹之餘...仲會講一些食材和煮法，介紹各款海鮮的來源地，特性，好食之處，好親民，又貼心。.一洗傳統火鍋風格，完美地營造出蒸氣火鍋之原汁原味，配合了近年蒸氣火鍋不斷創新，食材上、環境上、服務上都有進步，會下次過黎再翻兜，盡慶一下，開個蟹宴亦無防呢。…查看更多