功德林上海素食 (北京道一號)

呢日真漢子同太太去咗尖沙咀北京道一號嘅「功德林上海素食」，由於係食飯順便探店，所以點嘅菜式未必係最招牌果啲。我哋今次點咗：🥣 竹笙百合北蟲草燉湯 （位）$75飲落非常清甜，冇話加咗太多調味，感覺味道都係來自湯料嘅鮮味，所以都幾真材實料。👍🏻🍲 京滬酸辣湯羹（位）(有蛋）$60打正招牌叫上海素食，但呢個酸辣湯就唔算特別好味。酸同辣度都唔係好夠，而且個素蝦咬落去竟然有啲「死實實」 😑，其實唔加素蝦會更好。湯料仲有竹笙，筍絲，木耳。🐮 沙嗲金菇肥牛煲 $118餐牌上有隻辣椒，估唔到真係幾辣喎。我太太喜歡佢嘅素牛肉，覺得好滑，我都覺得滑，但比較偏好有咬口啲嘅口感。味道上呢個煲冇令人失望，非常入味，亦令人好想叫飯食。😂🐟 羊肚菌扒鱈魚 （有蛋）$128羊肚菌其實响另上果碗汁度，汁基本上係素蠔油調配嘅。鱈魚係炸咗，所以蛋應該用咗响炸漿嘅部分，除非唔係。咬開舊魚睇下咩樣先？咦，豆腐嚟嘅？講真舊炸豆腐好好味，尤其點少少羊肚菌汁食，真係外面香脆，入面嫩滑。但點解唔開心見誠講係炸豆腐呢？真漢子覺得期待食素魚嘅人未必好多，因為間間餐廳用嘅素肉質素都好參差。反而好多人都鍾意食豆腐㗎嘛（無論是否素食者），尤其外國人食中式素食，好多時都會點豆腐嘅菜式（我睇返餐牌英文都係寫 vegetarian cod fish)，都未計有啲人好唔鍾意食素肉，所以咁樣命名個菜式真係唔太明智。😅食咗咁多濃味菜式，見佢哋鮮榨果汁就叫嚟飲吓。$38 杯可選蘋果汁，或蘋果汁拼 西芹/青瓜/胡蘿蔔汁。一樣價錢梗係揀雙拼啦，太太揀咗拼西芹，我就揀胡蘿蔔。但竟然係啲部長直接响個 counter 即榨比你個喎，咁搞笑嘅，好「綠野林」喎呢單嘢。🤣蘋果汁加胡蘿蔔汁毫無違和感，而且都同時飲到兩種汁嘅味道，非常好味。太太嘅西芹汁都唔錯，冇咩草青味，十分清新。😙埋單五百幾蚊，送咗兩張 $100 卷可以消費滿 $500 用一張（適用於尖沙咀或銅鑼灣店），兩個月內使用。遊客區嚟講呢個價錢都差唔多啦。😀…查看更多

夏日時份最好就是食素，食素對身體較為健康，而且又環保，平時家人都好喜歡食素，偶爾在家都會煮下齋菜，藉著今天是媽媽的生日，較早前我在尖沙咀的功德林上海素食訂了枱食晚飯，慶祝媽媽的生日。尖沙咀的功德林上海素食位於北京道，在朗廷酒店的附近，又鄰近地鐵站，交通十分方便。環境都好寬敞，從落地玻璃窗可以欣賞到海景，夜幕初升的醉人景色，與家人一邊食晚飯一邊欣賞維港的夜景，感覺真是不錯又寫意。飯前先點碗熱湯，我選擇了竹笙百合北蟲草燉湯 ($62)，來一碗的滋補燉湯真是不少得，菌帶出濃郁菌味，蟲草花口感煙韌，配合竹笙及百合，好足料。而媽媽選擇了南瓜蟹粉魚翅羹($78)，媽媽都大讚南瓜味道相當濃郁，入口都好香甜，蟹粉其實是甘筍粒，當然沒有魚翅成份，都是用粉絲代替了魚翅，更增添了嚼感，質感濃稠，媽媽都大讚好吃。平時我瘁李都好喜歡食叉子餅，今次是素食都是第一次食，我們點了一份素仁鬆配叉子餅($118)，素仁鬆爽脆鹹香，調味得宜，將素仁鬆放入酥香的叉子餅中，嚼中散發陣陣香惹芝麻香，真是非常美味。爸爸平時最喜愛食麻婆豆腐， 讓我們試下素食的功德林麻婆豆腐 ($88)，與平時食的麻婆豆腐般，都好夠麻辣，豆腐都香滑有豆香，很惹味。招牌菜之一的咕嚕肉($108)更是必食選擇，外表的炸粉都夠脆，入口都好香脆，內饀其實是猴頭菇，一咬有外脆內爽口的感覺，酸酸甜甜讓人十分開胃。最後不忘的當然是甜品時間，媽媽與我都選擇了芝麻湯丸( $42 )，每碗有四粒湯丸，湯丸的外層煙韌軟糯，內有香甜飽滿的的芝麻餡，薑湯夠熱帶微辣，水準真是不錯。健康地點杯鮮榨的胡蘿蔔橙汁($38)，鮮榨果汁香甜又足料，營養豐富，在炎熱天氣下來杯新鮮的果汁，馬上解渴感清爽。閒時來「功德林上海素食」來食素都是一個不錯的好去處，地方整潔光猛，服務員招呼殷勤，又難得家人都喜歡食素，在此與家人一同來享用素食都讓人開懷滿足。…查看更多

我跟食玩 Group 兩位靚女朋友，間中出來食飯聚一聚！ 早前，其中一位靚女因為腸胃不適，因此不能一起食火鍋！:( 有見及此，我提議食素食晚餐吧！:) 她聽見也一致讚好！為了方便尖沙咀上班的她，於是，我們一行 3人相約到尖沙咀北京道 1號 7樓的 <功德林上海素食>！當晚，我們一行 3人都好準時，不約而同分別在北京道1號地下及餐廳門口碰到！尖沙咀北京道1號不論日與夜都是景觀一流！加上以竹林設計為題的 <功德林上海素食> 佔地全層，維港靚景盡入眼簾！供應 創意上海素食！包括：前菜冷盤、滋補燉湯、特色名菜、香辣系列、蔬菜、菇類、暖胃鍋物、鍋巴、飯、年糕、素麵、點心、甜品、飲品等。 另有套餐供應！堅持不加味精、不加色素、少鹽少油；讓食客食得健康！ 真是功德無量！更榮獲米芝蓮 2015 & 2016 推介的全港唯一素食餐廳！ 竹笙百合北蟲草燉湯 $58雜菌帶出濃郁菌味，蟲草花口感煙韌，配合竹笙及百合，好足料！湯水入口清新滋潤！整碗湯沒有加鹽，無油又健康！:) 認真抵飲！南瓜蟹粉魚翅羹 $78以南瓜的天然橙黃色製成湯羹，:)入口甜美而質感濃稠適中，我都頗為好奇什麼做成素蟹粉？！所謂蟹粉，原來是紅蘿蔔切碎！ 一絲絲的素翅都不少！不論賣相及味道，相信大人小朋友都會喜歡！砂鍋獅子頭 $118這是得獎菜式， 大大粒獅子頭入口很熱燙！ 獅子頭以豆腐、素翅…等製成， 連內裡都是灰色，好似肉類的顏色！以素蠔油調味，惹味濃郁！配上黃芽白及小棠菜，吸收醬汁精華夠入味！羅漢齋炒麵 $88炒麵香口鬆脆，羅漢齋份量十足！ 包括：紅蘿蔔、白果、竹笙、冬菇、蘑菇、豆腐乾…口感豐富！芙蓉炒桂花翅 $98這道菜可以清一清味蕾， 清爽的芽菜，軟滑的蛋白，素翅彈牙可口，其中與火腿看起來沒有分別的素火腿，口味最為突出！酥炸三絲雞卷 $98即叫即炸，口感香脆熱辣辣！ 真是無得彈！除了金黃色的外層，還有白色的卷皮，餡料豐盛！ 包括：紅蘿蔔絲、素雞絲、西芹…等，不太接受西芹的朋友，也覺得接受整體配搭，其他口味把西芹那種獨特的味道掩蓋得天衣無縫！:)完全內外兼備！高力豆沙 $68 +香蕉 $10未嚐高力豆沙，香氣已撲入大家鼻子嘞！新鮮即製的高力豆沙口感最佳，富彈性又香軟！ 表面灑上糖粉，包住紅豆餡及香蕉，意想不到兩者可以夾得來！這裡環境開揚，合理價嚐到富水準的素食，味道很適合大家胃口！ 而且不會覺得油膩！:) 令大家食得好開心又滿意！就算是好飽肚，卻不會飽到上心口！肚子感覺舒服！始終素食很容易消化！…查看更多