龍記小廚非常有名嘅街坊小店，閒日晚上入去都見幾乎全場滿座，裏面好有大排檔嘅氣氛，晚市呢度冇收加一，有每位八蚊嘅茶芥，不過佢個蕎麥茶又真係幾好飲，抵俾🍵睇呢度嘅菜單都係以小菜為主，冇客飯或者碟頭飯，見到菜單有好多選項眼花繚亂，一於就叫個揭開菜單第一頁就見到嘅$388三寶，包括有炸子雞、龍膽腩豆腐煲、時蔬，有魚有肉有菜，均勻又豐富🐟🥩🥬🍗 炸子雞呢味可以話係龍記小廚嘅招牌菜！試咗果然名不虛傳，抵佢出名！三寶係半隻雞，首先隻雞斬得好靚，啖啖肉得嚟又唔會驚食到碎骨，可見師傅刀功一流🔪雞皮炸得金黃酥脆，油香撲鼻，口感好獨特，喺出面好多酒樓餐廳都食唔到咁出色嘅炸皮，連我平時唔太喜歡食雞皮都忍唔住食曬雞肉嫩滑彈牙，雞有雞味，帶住淡淡茶香，食到我直豎拇指👍🏻🐟 龍膽腩豆腐煲上枱時個煲炸炸聲！勁大煙！非常香！睇見都覺得正！「龍膽腩」即係龍膽石斑魚嘅魚肚腩部位，肉質豐腴，富含膠質和油脂，口感Q彈，配搭煎炸後嘅效果更加惹味油香！好鍾意食呢個魚皮，厚身彈性，啖啖骨膠原食到好黏嘴，一流！魚肉嫩滑，一丁兒魚腥味都無豆腐軟滑入味，索哂汁醬，加埋痴住鍋邊嘅少許燶味，美味程度同龍膽腩絕對有得fight！🥬 時蔬聽樓面姐姐講可以揀通菜、白菜仔、芥蘭etc，咁我就揀最王道嘅蒜蓉炒白菜仔！白菜翠綠爽脆，蒜蓉夠多！食完感覺自己呢一餐好均衡飲食好健康😎🤟🏻🦀 私房蟹黃醬海皇炒飯（＄103）冇飯落肚硬係爭咁啲嘢，龍記炒飯嘅選擇唔多，最特別係呢個咁就試呢個啦！話說我見好多台都有叫豉油王炒麵，應該都係招牌菜，下次有機會我會試🍝呢個炒飯上枱時，面頭有一篤蟹黃醬，配料有翠玉瓜粒、細粒蝦仔、章魚粒，叫得做海皇嚟講呢個陣容就真係削咗少少😅不過炒飯本身炒得幾好，每一粒米飯都包裹住金黃色嘅蟹黃醬，飯粒分明，軟硬適中，味道係幾好食，不過又未至於話下次必定encore嘅驚豔，不過不失啦，主要覺得係個名吹大咗……如果叫私房蟹黃醬海鮮炒飯會fit返啲合理預期雖然本身有收茶芥，但落到嚟隊呢啲香口嘢，點會唔叫啤酒汽水🤭 幫大家望埋㗎喇，汽水啤酒嘅價錢都算係合理，唔好忘記佢不收加一，咁就飲多兩打都唔肉赤啦，係咪先🍻龍記上菜快，樓面姐姐服務態度親切，雖然以街坊小廚嚟講佢定價偏高，但試過就知道係物超所值，好適合一大班麻甩朋友摸住酒杯底，嘆住好西，有講有笑…查看更多
但聽到旁邊有人等到要翻office都未收到餐點，可能新開張需要調整人手及準備較多的食材，之後會在晚餐再來試試！
