茶寮 京都仁王門

营业中

休息中

成日經過海之戀商場都被呢個梳乎厘班戟既廣告吸引住，趁今晚屋企冇煮飯，又係Happy Friday，一於係度食埋先返屋企。特盛鰻重呢個鰻魚飯已經包埋季節前菜、麵豉湯、時令水果同埋日本茶(冷)，鰻魚燒到好香，而且份量都唔細，有整整一條鰻魚，醬汁偏甜。28辛京都風咖喱吉列大蝦蛋定食呢款28辛京都咖喱係用左京都唐辛子等28種香料製成，係最地道既京都風咖喱，咖喱略帶甜味同辛味，食落香口又唔會覺得辣，蛋好滑，吉列大蝦炸到外脆內爽。真夏之芒果班戟芒果好香甜，梳乎厘班戟好軟熟，咬落去好有空氣感，配埋芒果同忌廉真係好好食。

呢間餐廳主要做日式定食，甜品同輕食😝佢係開放式設計嘅餐廳，座位都幾闊落同舒適😙 班戟係即叫即整， 所以大概要等30分鐘😉【宇治抹茶班戟】$108呢間嘅班戟質感唔係好似食緊空氣咁，而係有啲似食緊鬆軟啲嘅戚風蛋糕🤤宇治抹茶班戟有抹茶蕨餅、抹茶醬、紅豆、抹茶雪糕同大量抹茶粉😚 整體唔係好甜，都幾好味，同份量都幾大🤤【真夏之芒果班戟】$118芒果班戟係佢哋嘅期間🥭芒果粒夠甜又唔酸，而且仲有酸酸甜甜嘅熱情果醬🤩一開始比較期待抹茶班戟，最後反而芒果班戟比較有驚喜😆因為味道較清新，酸酸甜甜，食落冇咁膩😆【28辛京都風咖喱吉列豬排定食】$88呢個係一啲都唔辣嘅咖喱飯，啱晒啲怕辣嘅人🤩仲有好滑嘅炒蛋🤤豬扒都炸得幾脆，不過外層嘅脆漿就有啲膩😲【焙茶黑芝麻奶昔】$52超級濃郁嘅黑芝麻味， 上面除咗有一層厚厚嘅cream，仲有煙煙韌韌嘅焙茶蕨餅， 推薦😋