嘩鬼拉麵 和風料理 (已結業)

今日去元朗搵個朋友食飯~ 所以由佢帶路, 黎到呢間嘩鬼拉麵 =D一坐低已經望到menu有好多選擇 :)  而且好多個餐都係飯,麵,沙律,小食,壽司入面既2~3個配搭滿足到三心兩意既人 ~!我叫既係自選拉麵餐(配嘩鬼炒飯+小食+飲品) $58拉麵(轉烏冬)既餸我揀左: 醬燒牛肉漢堡小食我揀左: 小丸子 (其他選擇: 炸豆腐, 炸餃子, 金瓜卷, 炸魷魚)飲品我揀左: 蜂蜜水拉麵既餸可以參考以下:好多選擇烏冬(麵豉湯底)配醬燒牛肉漢堡烏冬軟硬度適中, 但我揀錯左麵豉湯底, 因為偏咸...醬燒牛肉漢堡得1塊, 但好好味~~ 嘩鬼炒飯配小丸子雖然個飯好似無乜料咁, 但食落唔會覺得寡, 因為有好多蟹子, 粟米同蘿蔔絲~ 絕對會一啖接一啖!朋友叫既係日本冷麵配小食餐 $62冷麵佢揀左: 蕎麥麵冷麵既餸佢揀左: 日式煮肥牛肉 (另一選擇: 醬油豬頸肉)小食佢揀左: 炸魷魚飲品佢揀左: 藍梅汁我試左少少, 蕎麥麵味道唔錯呢~~ 配料有青瓜, 蟹柳, 泡菜, 紫菜同蛋!加上日式煮肥牛肉後~~ 味道更豐富炸魷魚好有味! 又唔算太油, 令人食慾大增~~我地另加左一個小食, 就係落單時已講明要等20分鐘既鹽燒三文魚腩 $38期待太高, 呢個反而整得麻麻, 唔夠味, 可以濃味D不過今日既物價可以以呢個價錢食到三文魚腩都幾抵, 而且份量OK!我地7點開始食, 店內已坐滿超過一半人我好羨慕住元朗既人可以當呢度飯堂 另外, 用餐途中見到有唔少人叫鐵板餐, 侍應拎過時已經聞到好香..下次再黎我會試鐵板~ …查看更多

老闆好肯做生意, 連我家屋苑都提供送餐服務, 當然要支持下啦 :)外賣menu有點複雜, 要研究一下才懂得怎下單, 最後我們決定點$198 的歡樂家庭套餐。送餐時間的確比較耐, 但由於我家屋苑不屬於元朗區, 而店員亦有提及等候時間, 而且送來的包裝亦十分企理, 所以都算幾滿意她們的外賣速遞服務。套餐都幾豐富, 食物選擇亦多, 我們揀了以下食物: 刺身(6安士) : 可揀兩款, 我們選擇了三文魚和帶子刺身, 份量不算少而且新鮮。 芒果炸大蝦沙律: 沙律食物大堆頭, 醬汁酸酸甜甜很開胃, 唯獨炸大蝦無味亦不大隻, 炸粉厚, 味道是差一點, 但兩隻炸蝦是另外用紙袋裝, 店方好細心, 又加返分。 吉列豬扒卷物: 吉列豬扒還是暖暖脆脆的, 老公說好味道, 下次可再點。 鹽燒三文魚腩: 三文魚腩煎得過火了一點, 肉質有點乾, 而且可能忘記下鹽, 沒有味道的, 但附有醬汁可蘸, 可是此特設醬汁味道又濃了點, 又酸又鹹, 不太好吃。 酥炸雞柳和雞中翼: 我只吃了雞中翼, 味道不俗, 如不是忘著吃別的, 應該可再吃多一隻雞翼, 餘下來的就留給老公繼續努力吧。 日式叉燒豬骨湯拉麵: 這是老公的主食, 我試了一點點, 叉燒有三大塊, 很有肉味, 很好吃, 拉麵亦有咬口, 但豬骨湯底太鹹了, 破壞了此碗原本質素不俗的拉麵的整體味道, 下次要點別的湯底比較好。 牛肉炒飯: 很香口, 好吃, 我幫襯了許多。 飲品: 加錢轉飲朱古力雪香, 但飲品到手時, 冰已全融掉了, 很難喝 而且還送錯飲品來, 原本是點可樂, 可是却來了一杯超甜提子汁, 甜度如直接飲糖漿, 難喝死了整體來說是有好有壞, 但安坐家中, 有專人送來而有此等質素又覺得很不俗, 而且老闆真的好會做生意, 新客還有迎新贈品, 送來兩罐韓國果汁, 雖則不知味道如何,但對此店著實已加分不少, 所以對於今次的外賣速遞是值得給個笑臉。…查看更多