湊湊火鍋‧茶憩 (希慎廣場)

去完台灣食麻辣鍋 ，總係心心念念，俾我係香港搵到正宗又好味的台式火鍋一湊湊火鍋•茶憩，係香港愈開愈多分店。台式火鍋的辣味溫和🌶️，藥材湯底配上微辣的香氣，加上少量花椒，唔會好搶喉~配埋煮到入味的鴨血同豆腐，簡直食到停唔到😋。今次同朋友2個人黎到希慎廣場分店，餐廳以暗黑主題裝潢設計，燈光較暗。坐位以2-6人的卡位為主，私隱度高，適合聚餐。我哋叫左鴛鴦鍋，加左碟豬肉、菜、丸類，同一大杯雲朵絲絨奶蓋紅茶，連埋自助吧，同贈送的菠蘿沙冰同柑桔茶果凍，已經食到捧住個肚好滿足🥰。｜鴛鴦鍋｜🌶️台式麻辣鍋 $138湯底麻辣香溫和，無限續加麻辣鴨血豆腐，吸滿湯汁，職員都好闊綽幫忙添加，十分推介🥥清涼椰子雞鍋 $138雞肉配上新嫩椰子肉🥥同粟米🌽，湯底非常清甜、解肥膩｜配菜｜🐷比利時五花肉 $88有少少鞋，未到入口即融🐧企鵝丸（墨魚漿製）$59企鵝造型可愛吸睛，口感實在🌿皇帝菜 $38新鮮清甜｜飲品｜☁️雲朵絲絨大紅袍 $32☁️雲朵絲絨紅茶 $29咸香綿滑的芝士奶蓋配上香濃茶底｜自助吧｜$19/位（預設）提供10多款火鍋醬料、小食（涼拌魚皮、中華沙律）、水果🍉同肉燥飯…Read More

今日8點幾先放學，出到銅鑼灣都差唔多9點，咁晏好多地方都開始收檔，見湊湊有宵夜時段，9:30後入座仲有8折，就同媽咪👩‍👧入去試下！裝修無論出面定入面都好精緻好靚，媽咪話覺得好有「書卷味」😂，卡位之間都有野隔住，私穩度up，卡位坐落都幾舒服(可能因為我地得2個人🤔)。我地嗌左鴛鴦鍋，分別係臺式麻辣鍋($138)同埋胡椒豬肚雞鍋($138)。食開bb辣嘅我一開始都有小小驚麻辣鍋會辣得濟，但其實唔會，反而仲越食越上穩添🤣。胡椒豬肚雞鍋會送一小碟雞肉🐔。🌟嗌任何鍋底都可以免費任加鴨血同豆腐，最後食唔哂仲可以帶走👍🏻。牛肉份量都算多，同埋冇乜肥肉，食到我地好飽🤣，性價比算高！啲蝦🦐好生猛，送到上黎果陣啲蝦都仲識郁，佢哋時不時會跳2下，好鬼過穩🙊。我自己整左做麻醬撈烏冬。醬料參考👉🏻一勺芝麻醬，半勺豉油，半勺醋，半勺蒜蓉，半勺小米辣，半勺花生碎，半勺芫荽，半勺香蔥，半勺芝麻🙌🏻菊花蜜🌼好好飲，清清甜甜，好解膩。呢杯奶茶🧋比市面上嘅奶茶低糖一啲，感覺冇咁甜。同埋飲飲下都會飲到燕麥，但我覺得配胚牙會好飲啲。佢好大杯，食完都未飲哂。我自己覺得其實唔須要特登嗌其他飲品，因為齋飲菊花蜜已經夠，再唔係飲送嘅芒果沙冰都好正🍹。個芒果沙冰係送嘅，唔好睇我好似影到好大杯咁，其實只有一shot嘅size。我自己係等佢溶咗少少先飲，好好飲！飲完之後問佢refill，但可惜佢話已經開始收野做清潔所以冇哂😢。如果一上就係大大杯咁就好啦🤣。呢個都係送嘅，啫喱甜甜地冇咩味，入面有3粒嘅橙仔，唔酸，都係甜甜地🤣。最後走果陣比左袋鴨血同豆腐我地返去食。整個體驗都好好，過一排又黎食過！😋…Read More