蘇媽.蘇媽馬來西亞茶餐室

营业中

休息中

去到門口見到竟然有下午茶餐（記憶中深水埗嗰間好似冇）。T06 檳城福建蝦油麵（$48）湯底蝦味好濃郁（係我鐘意嘅味道），配料十分足，有蝦、魚片頭、腩肉、蛋、通菜、炸蒜片，油麵大份，唔會因為下午茶偷工減料，讚。+ S02 魚仔醬蘿蔔糕（$19）魚仔醬咸香味+微辣，好夾即制熱辣辣嘅蘿蔔糕。+ 905 馬來西亞拉茶（$0）滑，偏甜。T05 檳城白咖哩油麵（$48）湯底微甜有淡淡椰奶味（似牛奶湯），配料同樣足，有蝦仁、魚蛋、豬紅、蛋、豆角，同樣大大碗。+ S01 椰香咖央多士（$14）多士香脆，但椰香味唔多，可能俾咖央嘅甜味冚咗，反而重牛油味。+ 907 檳城白咖啡（$0）咖啡味濃。105 百吉爹肉骨茶（$56）因為想飲肉骨茶，但如果食tea set係冇得免費飲，唯有叫一款。豬腳彎即係豬手肉，夠淋夠入味。肉骨茶微甜，飲到藥材味但唔濃（暫時係同類餐廳我飲過最啱我口味）。

約左朋友去荃灣廣場行街，行完見到呢間個fd話好好食&好想食就跟左入去（半信半疑）～叫完野食一人送一碗肉骨茶 $0味道ok啦 唔太特別～百吉爹肉骨茶早知有個湯送就唔叫啦😂瘦肉部份粗糙，好鞋無食豬皮，太多毛～玻璃魷魚配通菜個fd食得好重味（味蕾可能已經壞死）叫完多醬搞到成碟菜太辣正常醬嘅話就應該幾好味嘅魷魚好彈牙👍🏻～魚仔醬撈啦啦又係多醬，令到成碗蜆太咸我就夾左碗底無沾醬嘅蜆仔黎食還算可以，略帶鮮味，不過太多沙😮‍💨好差～個fd話味道ok我淨係試左一啖湯好似清湯加少少辣沙嗲味咁唔會覺得正宗嘅味係咁總之就好似湯包加水開稀咁（太稀）～馬拉沙嗲串燒最好味係個醬，一定要點醬食沙嗲醬微甜，重花生味👍🏻～海南鴛鴦燒麵包我淨係搣左4份1塊黎食（牛油刮走）普通，見到menu張相以為會有美祿/朱古力粉點知只係普通多士加咖央醬～檸檬薏米水偏酸，千祈唔好食薏米，好大陣膉味D薏米應該喺倉底放左好耐🤮～總結：食材質素麻麻，唔知呢個價錢係咪算好抵食唔敢踩太盡

主打馬來西亞菜式，有肉骨茶、粉麵飯、小食、飲品，連甜品都有😀總店係深水埗，綿羊幾次經過都見到門口好多人等位😢終於佢係荃灣開左分店，趁佢岩岩開未係好多人，綿羊就即刻去食左次😃----------百吉爹肉骨茶 $46配唔同既肉係唔同價錢，綿羊揀既係一字骨🙂其實綿羊覺得嗌咩肉都冇乜所謂，因為啲肉唔係腍😅重點係肉骨茶😂基本上係必嗌❗因為係無限添飲嫁🤗茶有藥材味，但係又唔會好苦，反而有啲肉既甜味平衡番👍招牌砂煲老鼠粉 $68老鼠粉即係銀針粉，面頭舖滿肉碎、咸魚、蝦米、雞蛋、蔥花等等既配料，非常豐富😃上枱冇耐就要撈勻佢，唔係就痴底😅鹹味好夠，配料好富豐😄椰香咖央多士 $22多士烘得好脆，咖央醬只係岩岩好夠，但係都好好食😋綿羊第二次就嗌左多醬，不過食落會偏甜🤔馬拉沙嗲串燒 3串$40 6串$75有豬、牛、雞或者全部揀，沙嗲好香花生醬味，仲有花生粒，所以沙嗲味道帶甜😁肉質腍而且唔乾👍