坤记煲仔小菜

晚市禁堂食嘅前一晚專誠過嚟趕食最後一餐，七點幾嚟到好好彩等左陣就有位🥰即刻order左一個白鱔滑雞煲仔飯同白鱔田雞煲仔飯，再加一個椒鹽鮮魷。等咗一陣椒鹽鮮魷就率先登場，比我地邊食邊等煲仔飯。魷魚好新鮮外面層炸漿非常薄，所以入口好酥脆，椒鹽非常惹味，完全係傳統大排檔風味。等多15分鐘白鱔滑雞煲仔飯就到了，離遠已經聞到飯香。滑雞嘅雞油散發出嚟，而且白鱔嘅豆豉醬味好出，唔洗加好多煲仔飯甜豉油已經好夠味。白鱔冇咩骨非常滑溜，真係不得不試！最值得一讚嘅當然係煲仔飯嘅飯焦，師傅控制火候非常出色，over 80%嘅煲仔接觸面都有金黃嘅飯焦，重點係金黃而不燶，脆口而不黏牙，以飯焦嚟講坤記係我食過so far最正嘅，淨係飯焦已經贏左油麻地果d傳統煲仔飯鋪幾條街，一試飯返唔到轉頭！另外白鱔田雞煲仔飯加左滑蛋令整體口感更加添層次，好多年冇食田雞但今次破戒食左一小塊，又真係幾滑幾甜哈哈，不過仍覺得屠宰過程太恐怖唔敢多食。唯一要挑剔嘅地方就係order有d混亂，我地同時間落單嘅白鱔田雞煲仔飯懷疑送錯左去啱啱坐低冇耐嘅隔離台，追問左兩次隔多左10-15分鐘先有，不過味道真係非常唔錯所以等待都係值得。真心推介比未試過嘅朋友，真係會一試愛上！Menu-…查看更多

想食煲仔飯又唔想過海去廟街，港島西環都有得食! 之前聽就聽過不少朋友推介坤記，不過就未食過...openrice有兩間一樣名，我諗應該係有兩間分店，因為係即興，無book檯。去到其中一間一間，個夥計話無book 檯，要等到九點半 (個時係七點三...)。於是，到另一間睇下，開頭夥計都話要等到八點半先有位，我同男友走之際，甘arm有兩個位，等緊個d都係多人既，真幸運!睇完個menu，我地叫左個白鱔田雞煲仔飯同埋芥蘭炒臘味...見好多檯都有叫羊腩煲或者豬骨煲，不過見份量都幾多，適合多人餐聚食! 份量幾多，臘味 (潤腸，臘腸，臘肉) 有好多，芥蘭炒得剛剛好，唔會太硬!等左半個鐘，個煲仔飯終於黎到啦...好肚餓! 有4舊白鱔，好肥美又彈牙無泥味，田雞3舊都係俾，煲仔底有香香脆脆既飯焦，再加支可樂，無得頂!食好野有時係要等...(見得一個夥計整煲仔飯，檯檯都等好耐)…查看更多

和女朋友去到，已有好多人站在出面等位，唯有失望而去，雖知兜了一個圈折返，竟然無乜人，就入左去不過佢地派位的安排真係好差，但誤打誤撞，我地兩個就同兩組人搭埋同一圍枱，都總算有得坐可能rush hour，侍應都非常忙非常燥底，都明白的，呢d地方服務就真係無ga la，可以的話唯有自助幾經辛苦，我地點了蒜蓉炒菜芯、啫啫雞煲、白鱔田雞煲仔飯果然慢工出細貨，廚房出餸有點慢，結果每樣依上述順序逐樣分開上蒜蓉炒菜芯：不是太油，很翠綠很爽口啫啫雞煲：果真是滑雞，雞剛剛好熟，很滑，而且份量多，還有豬潤冬菇伴煲，味但不是太鹹，上菜還真的聽到啫啫聲白鱔田雞煲仔飯：估不到是等得最耐的，但是值得的；可能食了較濃的啫啫雞煲，所以覺得有點淡味，白鱔田雞也是夠熟，但不會太老，白鱔也厚厚的淡淡肉；最重要的終極的飯焦，煲邊真的全是飯焦，又濃又脆，真係一絕!!…查看更多