坤记煲仔小菜

今日約咗朋友喺西營盤附近，咁就順便搵吓有咩好食，見到呢間坤記嘅煲仔飯喺openrice 評語幾唔錯，就諗住試吓。坤記小炒王小炒王味道唔錯，有韭菜、好大隻嘅蝦乾、魷魚，腰果炒埋一齊，好有鑊氣，上枱仲熱辣辣，韭菜好爽口同埋其他配菜一齊食口感豐富。豉椒炒蜆啲炒蜆新鮮無沙，同埋青椒洋蔥豉椒炒埋一齊，每一隻蜆都炒得好入味，好香口。:)白鱔煲仔飯啲白鱔幾新鮮、啲肉幾滑，成個煲仔飯熱辣辣再加埋煲仔飯豉油撈埋一齊食好香口再加咗少少辣嘅紅椒撈埋上去，少少辣好開胃，喺呢度嘅推介菜。呢間煲仔飯真係算唔錯，其他小菜好有鑊氣，價錢都好平民感覺都幾抵食，下次可以再去。…查看更多

坤記成日聽人講話呢間煲仔飯好好食，之前都仲未有機會食到，次次都錯過左，因為之前見過排隊ge人真係太多，同埋要凍凍地黎食先正，不過3月天氣忽冷忽熱，今日ge天氣係有d涼，所以黎食都ok! 我地2人行，8點幾見門口無好多人排就等下啦，15分鐘左右就入得去，坐低揀左個菜同白鱔煲仔飯，一人一個飯我地就食唔落啦，望人地枱都好煲下。黎左個炒菜先，煲仔飯係等左30分鐘左右就黎啦，因為即叫即整所以就耐d，打開蓋白鱔都好肥肥，幾厚肉無乜細骨，份量都好足，鋪滿左個飯面架！煲仔飯個豉油好正，唔駛落勁多都好夠味！仲有一樣野要講就係飯焦好出色，唔係濃底，薄薄一層剛剛好，唔駛勁用力就刮得出黎啦，脆脆身不太痴牙架果然無聽錯人講坤記煲仔飯係好食，讚同可惜呢個地方有d遠，真係經過先會黎食。…查看更多

秋意來，添起涼意，人人也必定想食暖笠笠的邊爐、羊腩煲、煲仔飯來暖一暖肚子。位於西環的坤記煲仔飯店，即使天時暑熱，每一到晚飯時段，門外總排著一堆人龍慕名來吃煲仔飯。還記得上年冬天，一班同事十一人原本也想預約來吃，但得回的答覆是＂人太多，很難預留位子＂而拒絶我們的訂位。可見，就算有錢也買不到心頭好，同時亦證明了煲仔飯的矜貴。是日上班的同事又聊起去吃宵夜，繼上年未能有機會親身品嚐，今次唯有再續未了緣吧。黑椒牛仔骨（$70）酷愛牛肉的小妹，專程叫了一碟黑椒牛仔骨。可惜，以煲仔飯的煲來盛著的牛仔骨只有三分一，就要索價七十大元，較不化算。而且鑊氣不足，拌碟的洋蔥也偏少欠爽口；牛仔骨的味道像吃京都骨般偏甜，但肉質尚算軟糯。不過，黑椒味不夠濃厚，整體欠缺了刺激新鮮感。沙嗲肥牛粉絲煲（$70）計前兩天由朋友介紹之下就吃了這個沙嗲肥牛粉絲煲，實在美味得今天要再來encore一次。肥牛薄身熟透而不老成，粉絲完全吸收了沙嗲汁的精華，香濃味美，香而不辣，再混有金菇，青椒，菠蘿粒作配料，酸酸甜甜，十分開胃，單純靠這道小菜已叫人添多一碗白飯呢！枝竹羊腩煲（$180）這店除了馳名的煲仔飯外，羊腩煲也是它的名物。不過，只怪自己下單時沒有問清楚，眼見羊腩煲比起其他小菜貴成一倍有多，就以為份量也不會很少。可惜端上桌，羊腩煲只是比平時食開的煲仔飯稍為大一點點，六個人分享根本是到喉不到肺。羊腩煲裏全被枝竹、竹荀、荸薺、九菜、蔥等等鋪得密麻麻，羊腩肉就沉在底更廖廖可數，但置在瓦斯爐上邊淆邊食，勝在燜得夠淋身軟熟，一點也不肥膶，若果羊羶味再濃烈一些相信更加惹味。想到湯底盡是精華，淆得濃郁入味，再放入附送的生菜去滾一滾，同樣是另一番滋味享受。椒鹽鮮魷金黄色的炸物令人眼前一亮，炸粉厚度適中，外層炸得鬆脆，內𥚃肉質彈牙無比，配上乾蒜和喼汁，更是惹味無窮。潮式蠔仔餅（$58）相反，這件炸物的厚度厚得有點驚人，皆因生粉漿和蛋漿也下得太多，雖然蠔仔的數目也不少，但粉餅吃下去的質感有如吃pancake般鬆軟，失去應有薄身脆口的滋味，但經香蒽稍加爆一爆後，仍能帶出蠔仔的鮮甜味。田雞煲（$62）從不吃田雞的小妹亦未嚐這道田雞煲，所以不便評論味道如何，不過眼見同事們亦吃得津津有味；田雞除了腿部仍連著骨之外，其他部位已被拆骨只餘厚厚的肉，相信愛吃田雞的朋友亦會因啖啖肉的滋味而愛上這道田雞煲。滑雞飯（$62）+臘腸（$10）滑雞是名副其實的滑身，一點也不嚡口，亦非雪藏貨色，同樣地份量少之有少；但與臘腸一齊烹調後，雞肉完全吸收了臘腸的膶香，倍覺香甜。白鱔煲仔飯（$62）煲蓋一打開，魚香飯香的熱力直攻撲鼻，未食先為自己暖一暖身。白鱔一共六件切片鋪在飯面上，雖然略嫌不夠肥美，但卻醃得入味嫩滑；川椒、香蔥更增添辛辣麻香之感。最令人期待就是那一煲底脆卜卜焦楬色的飯焦，米飯粒粒分明油潤反光，雖然感覺像一堆已被煮熟的禾蟲，但用匙羮勺一勺，飯焦經已乖乖離底，口感帶點煙韌的飯香，像吃薯皮的一樣脆口，還帶點豉油的甜香，真的愈吃愈過癮，吃完也懶理之後有多熱氣或喉嚨痛了。食煲仔飯中最不可缺少的甜豉油，有點石成金的效果，幾乎每枱客人都會把碗中的豉油倒䀆在煲裏，然後起勢撈呀撈呀，令整個煲仔飯香氣四溢，色澤鮮亮，有提吊的作用。一班同事的麻甩之夜又怎少得冰凍的啤酒和可樂呢？每個同事都樂亦有樂，開懷暢飲，飲得面紅耳赤，彷彿大家也忘記明天一早還要追更上班的事實。吃完熱騰騰的煲仔飯，人也變得溫暖起來，亦為秋意驅一驅寒。整體而言，這店的煲仔飯當真馳名得無可挑剔，唯小菜卻顯美中不足，很多別店也比它出色得多，相信下次再臨，專攻煲仔飯便足矣！…查看更多

今期想介紹兩個煲比大家, 一個係店鋪主打白鱔煲仔飯, 另一個係小菜馬來蝦醬雞煲~首先講下為人熟識o既煲仔飯, 用料只有白鱔,豆豉,薑,蔥同辣椒絲, 再加埋一個無敵豉油汁, 令人無法抗拒, 無論上至白鱔, 下至飯焦, 都係無得挑釁, 白鱔醃得入味兼且入口即溶, 而飯焦香脆可口, 同以前蔡san出品o既暴暴飯焦比較不惶多讓, 我就算有多飽都堅持食到底.至於馬來蝦醬雞煲, 一上枱就散發一陣蝦醬香氣, 吸引到連相都忘記影, 我只可以用"超正"嚟形容, 除咗太油令我有點抗拒之外... 雞斬得細細件易入口, 而且可以吸晒蝦醬精華, 芡汁唔咸較得啱啱好, 再加上蒜子,蔥,薑,青辣椒同紅辣椒, 惹味非常, 值得推介!兩個煲加埋都係百二,百三蚊, 簡直平靚正 :)…查看更多