原藝

依間位於又一村嘅隱世工業風cafe係我經常去嘅餐廳之一，坐落係YMCA隔離都幾隱蔽，應該唔係太多人識。餐廳裝修係輕工業風，入到去第一眼會覺得同出面反差幾大。食物質素好，lunch set百零蚊包餐湯、主菜同飲品，亦可以優惠價add on多款小食同甜品算係九龍塘區想食好少少嘅性價比之選🤭（❣️注意：如果lunch去要預早幾日訂位❣️）🐷🍎 加拿大豬鞍配蘋果醬 $𝟙𝟛𝟠 (𝟠.𝟝/𝟙𝟘)豬鞍煎得好好，外面脆卜卜但入面充滿肉汁，配蘋果醬好開胃。配菜方面，個人並非秋葵同蓮藕fan😂個人perception依兩樣分別係日式同中式野，感覺有少少怪，但當然味道唔差。🐟🍝 煙三文魚忌廉意粉 $𝟙𝟘𝟠 (𝟠/𝟙𝟘)意粉掛到汁，露荀好食，不過三文魚份量唔算好多🙈🐟🥦 烤鱸魚配薯菜 $𝟙𝟙𝟠 (𝟡/𝟙𝟘)鱸魚份量大，表面香脆入面又滑又有汁，煎得啱啱好！🍄🍚 大啡菇意大利飯 $𝟠𝟠 (𝟡/𝟙𝟘)Risotto好creamy好好食，大啡菇好嫰滑，十分好食😋🧀 炸芝士 (𝟠.𝟝/𝟙𝟘)跟餐加配，芝士唔會太漏，炸粉唔厚，好食。🦪 白酒煮青口 (𝟞/𝟙𝟘)跟餐加配，幾甜，朋友鍾意但可能我本身唔好青口所以覺得一般🙈🍟 薯條 (𝟠/𝟙𝟘)跟餐加配，夠熱辣辣，好食。🍰🍫 ʙʀᴏᴡɴɪᴇ, ʙᴀɴᴀɴᴀ ᴄʜᴏᴄᴏʟᴀᴛᴇ ᴄᴀᴋᴇ, ᴄʜᴇᴇsᴇᴄᴀᴋᴇ  (𝟟/𝟙𝟘)跟餐加配，餐廳每日都會提出四至五款甜品，好多賣相都好精緻！依三款我最鐘意嘅係香蕉朱古力蛋糕，甜而不漏。Brownie上面嘅棉花糖都加左唔少分。🍋🥧 ʟᴇᴍᴏɴ ᴛᴀʀᴛ  (𝟙𝟘/𝟙𝟘)檸檬撻酸酸甜甜，鐘意食檸檬味嘅野一定會好鐘意😍🌟 Follow @gfgm.hk on Instagram for more 🌟…查看更多

朋友生日，想搵間靜靜地餐廳食飯傾吓偈，上網搵到呢間餐廳，又近我地住嘅地方，就決定嚟試吓。餐廳位置唔顯眼，石硤尾地鐵站行一段路再上一條樓梯，經過間學校就到啦。餐廳唔大，裝修配燈光營造比較溫馨浪漫嘅感覺，主要以木為主題，門口係一個畫畫嘅工作枱，牆上面亦掛住啲藝術作品。我地無叫到set dinner，決定散叫。同埋只要叫佢地嘅menu嘅任何野食都會附送一杯餐飲，真係好抵呀。我地叫咗白酒煮青口，青口新鮮好味，個汁好清甜，好香濃，可惜太少啦，我同朋友一人一啖清埋個白酒汁。🤤蒜香雞翼，炸到好香脆，味道唔會好鹹，亦唔會好油，強烈推介！下次可以再encore。🥰另外叫咗龍蝦汁虎蝦意粉，每條意粉都沾有龍蝦汁，濃郁嘅龍蝦味，虎蝦反而有啲唔夠彈牙，但都剪得香口，唔錯唔錯。😋甜品叫咗檸檬撻，酸味啱啱好，有清新嘅檸檬香，個撻皮又夠脆，可以食多幾個都唔覺漏。餐廳亦都好貼心咁寫埋happy birthday，朋友都好開心。🥳平日夜晚唔多人，個晚有兩三枱客人，坐得舒服又夠靜，啱哂同一兩個朋友聚會或者同另一半平時拍拖嚟食。呢間餐廳絕對係用心烹調食物，而且價格非常合理，有機會會再嚟試吓menu上面其他菜式。…查看更多

晌雜誌見到「原藝」呢個名字，就諗緊喺唔喺兩年多前晌太子幫襯過嘅小店「原藝」呢？表姨甥女近排晌西貢荔枝莊嗰頭嘅梅子林搞藝術嘢，幫啲村屋畫牆畫，可謂日曬雨淋，真喺服咗佢，個項目接近完成，當然要請佢食餐好嚟鼓勵吓啦，所以，專誠走到嚟位於九龍塘「原藝」嘅新店。雖然，對好多人嚟講，餐廳嘅位置比較吊腳，但對小弟而言，一啲都嚟陌生，皆因中學時期郁喺晌大坑東、南山邨、九龍塘呢幾個片區頭渡過。踏進餐廳，一室深灰為主調，配以原木嘅木系枱櫈，有種原始風。最有趣喺近門口位佈置成一個工作台，有專業嘅畫圖枱櫈，牆上又掛上好多工具，喺打卡位嚟。並配以柔和嘅燈光，令人感覺好舒服，我就最鍾意喺每枱都有射燈聚焦，方便喜歡影相嘅朋友。細心位唔止呢樣，牆上嘅冷氣都特別加裝咗擋風板，令到吹出嚟嘅冷氣迴轉向番上，一來唔會咁快吹凍啲食物，二來重點就喺唔使照頭吹，吹到頭暈。此外，餐具套都好有特色，以牛仔布整成，打開之後就見到一整套基本餐具。晚市食物選擇方面，可以講主要喺供應套餐，而晚餐包括自選主菜配餐飲，定價$108-$238；但另提供多款頭盤，如沙律、冷盤、小食、湯品，變相讓你將晚餐「升級」，彈性而豐儉由人。另外，亦有一組「全套」嘅晚餐，包晒沙律、頭前菜、餐湯、主菜及甜品，雖然餐牌無寫，但都包埋餐飲。定價每位為$488，但兩位用就收$788。小弟本身一向都唔好酒，不過，順帶介紹埋佢哋嘅餐酒菜牌，正正印晌晚餐菜牌之後。整體而言，感覺定價好進取，相信都喺因為住得呢區都喺唔介紹消費高啲，但就想食有質素嘅「上等人」。凱撒沙律先嚟一道清爽嘅凱撒沙律，醬汁撈得均勻，每炷羅馬生菜都被醬汁薄薄咁包住，混和煙肉碎、烘麵包粒及巴馬臣芝士碎，爽口俐落，點點鹹鮮味。白酒煮青口當送到上枱之時，真喺散發出陣陣酒香，不過，晌食嘅時候，啲白酒揮發得差唔多，所以，唔使太擔心有太重酒味；隨之而嚟，喺青口嘅鮮甜味，而且，啲青口都幾夠肉地。龍蝦忌廉湯個龍蝦湯加咗少少食用花伴伴碟，立時靚咗好多。入口，夠熱辣，蝦味極之突出，每口湯都帶着龍蝦精華似的，而且，質感非常柔滑，喺好有質素嘅一道湯品。唯挑剔喺缺少啲特色嘅麵包嚟配餐湯。油封鴨腿呢一道都可以講喺幾經典嘅法國菜式，大大隻鴨脾煎封好，外皮油潤有光澤，一咬喺堅脆口，但卻唔會一口油，拆開啲肉，鬆化並有種鴨嘅獨有羶香，沾少少自家調製嘅蘋果醬，更去走埋剩下丁點嘅油膩感，味道更平衡。伴菜有好多菇菌及野菜，唔喺白烚貨色，都喺以蒜蓉炒過，寧舍香；但最深得我心喺橙黃色嘅蕃薯蓉，非常香甜，搓得軟滑，但仲保留少少蕃薯肉，令口感多添幾分層次。澳洲M4霜降和牛板腱另一道主菜以牛板腱入饌，喺較少接觸嘅位置，你問我喺乜位，其實我都唔喺太清楚，但切開嘅紋理，本身嘅外觀，都有啲似牛展，不過，煮得十分鬆化，而且，超入味；雖然喺M4級，又話明喺霜降，不過，油脂比預期少，卻甚具肉香。即磨咖啡上甜品前，先嚟杯即磨咖啡，好調節吓心情迎接兩款甜點。咖啡其實無咩特別，但入口仍然喺醇香馥郁，不過，鮮奶可以另上，讓客人自己決定落奶多定奶少會更好。法式檸檬撻3款甜點中，小弟首選就喺檸檬撻，因為，既可清清味蕾，又喺法式甜點中嘅經典。果然，不負所望，外層嘅撻殼做得又薄又脆，無論邊定底，厚薄一致。餡心嘅檸檬蓉，既軟滑，又酸香，非常清新，襯咖啡一流。朱古力黑茶慕絲雖然啲甜點無乜點加啲擺設做裝飾，但呢件慕絲餅外觀花俏吸晴。切開一睇，餅底中間喺一大嚿較硬身朱古力，被柔滑嘅慕絲所包圍，不過，「黑茶」？就唔喺太覺得有咩茶味，反而，朱古力味較為搶。事隔兩年多再訪，都無失望，食得出食材確喺有質素，大廚嘅廚藝紮實，加上環境、氣氛好，喺叫人食得好舒心、好享受。結尾，都分享番表姨甥女嘅其中兩張作品，同樣喺原創嘅藝術。表姨甥女打後仲有好多大項目，希望呢餐真喺可以為到佢打打氣。…查看更多

試下附近新開既小店，有驚喜詳情睇相推薦龍蝦意粉同各種甜品，如果有心要book斧頭排。非常好食。呢間野最欣賞係前菜好明顯係有心機，雖然唔係乜特別菜式，但就有點小心機會令你想試埋其他。主菜好似好簡單，但好欣賞火候控制得好好。希望keep到啦，始終我今晚食都係得三枱人(不過好似偷聽到話hold好多一大班人一齊黎。咁又係，場又唔大，附近又得我呢d街坊，包場都幾爽)…查看更多