唐宮小聚 (新港中心)

今次朋友介紹下我們一起去尖沙咀silvercord 的唐宮小聚。我係第一次嚟，對我嚟講，好開心，中式美食，新面貌，細細碟，可以試多幾碟！🤗四個人叫了白玉王鴿$39 x 2；肥牛叉燒$149；小小五併（自選黑松露雞、醬汁鴨舌、冰鎮秋葵、雷椒茄子、醬汁蘿蔔）$99；鮭魚燻蛋$69；和牛啤梨$49；非常山竹$49；炒蝦腸粉$79；小蠔煎餅$89；蟹粉麻球$89；知粥常樂$49。其實真係多了一點點！不過又食得好開心，好多款都睇到廚師的心思及細緻，非常值得讚賞！唯一對我們不是咁好，好多碟都係得三粒，好難分配！😅ps 記得預先訂位，我哋早了少少去，在疫情下，晏咗少少已經好多人入座啦！另外記得download 個apps, 有優惠喎！朋友話個menu 成日有更改，所以成日都有新鮮感！…查看更多

🔰沙薑豬手$69，很合我口味😍，麻香味超香撲鼻，製作很合我心意，豬手去骨，每件弄成小塊，易入口，推介👍🏼🖍朋友推介要吃乳鴿，環顧四周的食客，大部份都有吃乳鴿🔰白玉王鴿$38(每隻)，皮和肉質不錯，入味但不鹹，又juicy，就是這麼多人吃的原因🔰冰鎮咕嚕$99，有創意，超讚🤩。首先視覺上已很吸睛，美味的脆皮外層，添上冰鎮的涼快口感，和內暖的肉質相互交融，深得席上各人讚賞💯，推介👍🏼🔰陳皮燉梨$39，無論火候和時間都拿捏得很好，一切盡顯在梨好吃的質感，還有九製陳皮的香和甜酸味，推介👍🏼；唯獨伴梨的糖水偏甜，吃得甜的人會喜歡🔰小小五併$99，包括清爽萵絲條、重芥末味雲耳、醬油秋葵、原條鴨舌，蒜蓉茄子等，前四款都不錯，惟茄子很油膩…查看更多

約左成個月，終於都約到閏蜜食飯，之前佢話想試呢間，本身想訂定枱，但兩人不設訂枱，就直接walk in 去，不過當日都無咩人，一去到就有位了。一坐低閏蜜同我講「你睇下你個碗，有蟲呀！」原來係本身個碗有既pattern，幾搞笑，被玩了😂😂當然唔少得叫返支啤酒先啦～左手邊係龍脊啤酒，偏酸帶微甘，而右手邊黃蜂啤酒就比較淡口，淡淡蜜糖味，比較易入口。閨蜜話白玉王鴿係必試，賣相真係幾吸引，size正常，一開二一人半隻岩岩好，貼心的有埋手套唔洗怕整污糟隻手。乳鴿皮脆肉嫩，調味剛好，價錢仲幾相宜，只係$33係抵食既腐乳大蜆，腐乳味偏甜，蜆幾大隻，而且肉嫩，不錯。秋葵淮山，清清地，味道有點似炒河既感覺，好吃的。呢個冰鎮咕嚕，又係必點，口感一流，好似冰糖葫蘆咁，第一次食冰鎮既咕嚕肉，冰冷脆口外皮，配juicy既肉，正仲配有鮮果，無咁單調添。…查看更多

唐宮小聚是另一間型格中菜，它的食物很精緻也保持到一定的水準，而且在香港多個地方都有分店，很方便。 食物 5/5「小小蘋果」外形真的像是一個蘋果，造型滿分吃來除了有蘋果肉餡，還有肉桂味，非常不錯！「黑金流沙」黑底金色面的造形會吸引人的目光，其實就是奶黃流沙包，略嫌流沙多一些會更好！「白玉王鴿」一拿出來香氣撲鼻，外皮炸得脆卜卜，乳鴿的肉質鮮嫩，大力推薦一試。「火燒鹽焗蝦」拿出來的時候是連鍋一起的，在客人面前點火烤2分鐘左右，就會聞到香噴噴的鹽焗蝦味，蝦肉依然爽口「蟹粉麻球」單看外形以為是芝麻煎堆，原來裡面有蟹粉，也炸得好脆好鬆軟，口感特別 環境 4/5餐廳的時尚，地方寬敞，餐具擺放都有心思。…查看更多

黑金流沙($49)黑色包上面有金色點綴，一上枱已經好有氣勢好搶眼🤩，一咬落去入面係滿瀉既熱辣辣流沙😆，好食👍🏻賽螃蟹餃($49)可以揀蒸同煎🥟，我地揀左煎，隻餃子漲卜卜，好多餡個底都煎到脆卜卜，味道比較淡，如果有鼓油或者醋點就更好啦🤗白玉王鴿($33)雖然隻乳鴿唔算好大隻，但係$33都算幾抵食。隻乳鴿比望落更多肉食，上到枱仲係熱辣辣，外皮幾脆，毛毛同Boo想encore叫多隻添😌冬陰公海鮮金邊粉($69)估唔到飲茶都食到泰式金邊粉😆呢個金邊粉🍜都幾足料㗎，有齊晒青口、蜆、蝦🦐同埋墨魚🦑每樣2隻，個湯底用料好香，辣辣地但係可以接受，好開胃😊甜等仲叫咗隻得意小豬布甸，外形好得意🥰成餐飯樣樣野都好滿意，如果平時飲茶飲到悶，不防試下呢間高質得黎，野食都幾創新既唐宮小聚💁🏻‍♂️💁🏻‍♀️…查看更多

呢間就唔係咩新店，不過之前一直冇寫過佢◆Summary◇裝修幾靚又夠大，款式選擇多，味道出色又穩定👅最推介白玉王鴿同猛虎咬豬🐷🚫唯一要彈係一次過上曬所有菜，冷氣又超勁，吹到d嘢凍曬❄️整體性價比中高🆙—————————————————————評分高至低👇🏻1️⃣◆猛虎咬豬 ◇HKD39😍必食‼️包身鬆軟，豬肉入口即化，搭配微甜的酸菜，毫不油膩，超級滿足2️⃣◆白玉王鴿 ◇HKD33😍必食‼️皮脆肉嫩，連骨頭都酥脆。超抵食3️⃣◆無咁簡蛋 ◇HKD 119😍辣子雞，小辣，夠香口🌶️略嫌雞肉太大塊同花生粒太少，麻味可以再多d隔離嘅“雞蛋“其實係芒果汁，酸酸地好開胃🥭4️⃣◆冬陰功粉◇HKD69 😋微辣，椰奶味濃厚，夠酸，可惜金邊粉太碎5️⃣◆紅油抄手 (8粒)◇HKD59 🙂迷你8粒，唔辣偏油，普通唔推介6️⃣◆非常山竹 ◇HKD49🙂普通，中間本應係龍蝦汁同蟹肉，但食落似粟米羹，唔推介回頭率：🌕🌕🌕🌕🌑環境：🌕🌕🌕🌕🌑味道：🌕🌕🌕🌕🌑價錢：HKD200/pal …查看更多

今日放工之後同男朋友去咗尖沙咀食飯，之前一直都好想試唐宮小聚，但每一次經過都見到好多人等位。可能因為今日係平日關係，而且時間比較早，所以完全唔需要等位。我同男朋友最後叫咗3款食物：白玉王鴿、粉墨登場同埋小蠔煎餅。白玉王鴿：隻乳鴿上檯時仲熱辣辣，而且肉質鮮嫩，仲好juicy添，值得推介粉墨登場：我同男朋友覺得墨魚汁飯個墨魚汁味道有少少怪，同個飯入面嘅餸好唔match。小蠔煎餅：個蠔餅都幾香口同幾多蠔仔，但個人仍為就偏油咗少少。白玉王鴿粉墨登場小蠔煎餅…查看更多

星期日一家人去飲茶，試下啲新派點心，果然有驚喜。環境唔錯，服務都幾好。雖然星期日好多客但出食物嘅速度都好快。唯獨係叫左個鵝肝雪糕等左半個鐘都未到，叫佢cancel，但最後都好好整左出黎送俾我地食🥴啲食物款款都好精緻，亦都好好食，係名正言順嘅食得又睇得👍🏻由其係小朋友一定會好鐘意’得意小豬’，用隻羹打佢patpat會成隻彈下彈下，食得又玩得🤣如果星期六日去嘅話最好book定位，因為都好full下😉…查看更多

朋友邀請當然食好d啦，雖然等得耐，但都值得等，因為真係正到無朋友白玉王鴿果然名不虛傳，肉質好嫩仲好juicy，一定要用手食黑金流沙熱辣辣係最好味，因為太耐無飲茶，所以覺得流沙包好正。蟹粉麻球外面皮好脆，甜甜地，但同入面d蟹粉味道唔多夾(純粹個人口味覺得)，但都好食。 肥牛叉燒係朋友極力推界，真係好出色，用肥牛做叉燒效果真係第一次食，正到爆冰鎮咕嚕係我最愛，冰鎮係第一次食，感覺好新鮮好正，份量仲好多，隔離檯都讚黑糖冰粉我個人唔愛，因為黑糖味道好怪，冰粉無味好怪，配料我個人唔like 知足常樂無乜特別既蟹粥，普通d 小聚盆栽即係木糠布甸，正常味道。冰皮壽桃友人話好食，我無食因爲已經好飽。今餐完全唔睇價錢，喪食喪叫，所以好滿足…查看更多

今天做完瑜珈，再跟珊珊慶祝牛一🎉環境挺大挺舒適的，但用餐時間只有1.5小時，所以要馬上點菜了。《黑金流沙》黑配金，顏色上無得輸，裏面的蛋黃流沙餡好足料，吃一籠都不會膩。《擔擔拉麵》味道帶點微辣，麵質煙靭。《脆蝦雲吞》賣相好像花一樣漂亮，炸得好香脆，裏面有蝦跟芝士。《鮭魚燻蛋》好喜歡吃燻蛋，蛋黃是半熟的，配鮭魚和魚子。《酸菜斑片》味道酸酸辣辣，魚肉嫩，份量不算多。《鳳梨咕嚕》其實這裏的東西賣相都不差，但這個就失色了一點點。因為我看到隔壁桌子的不是這樣子的，有比較😅 但是冰鎮咕嚕肉真是第一次吃，還有冰冰的水果作伴碟。《白玉王鴿》外皮香口，肉質嫩滑，半隻真的不夠，想再吃喲😋《荷葉蒸飯》粒粒分明的飯，很香，沒想到份量都不少。《香草羊架》因為我不吃羊的原因，所以這道菜沒有品嚐。只是嚐了一口橙色的脆脆已經吃到好香的香料味道。《鮑汁花膠》花膠厚而不靭，有嚼勁，鮑汁味剛好，配極少量蔬菜作伴碟。《小小三併》小蕃茄是冷盤，味道酸酸甜甜👍🏻秋葵味道淡淡黏黏的，不是很多人都喜歡。秋葵味道淡淡黏黏的，不是很多人都喜歡。茄子帶點微辣，味道都吸收在裏面。整體來說，環境食物都很不錯，服務方面都ok，只是有時候服務員實在太忙，如果需要他們幫忙就要等多一陣子。…查看更多

今天是朋友的正日生日，我們做完瑜伽之後就去了尖沙咀的唐宮小聚，因為我剛剛病好，大家都好好人遷就我吃中菜！我們大概6:15到，餐廳已經很多人，但是都很快有位。碗很特別，上面都是螞蟻圖案，開頭以為是髒物 白玉王鴿：壽星女喜歡吃乳鴿桂花燻蛋：這個超好吃，蛋黃半熟，上面配上三文魚冰鎮秋葵：我最喜歡的秋葵，粘粘的雷椒茄子：這個茄子雖然有少少辣，但是很惹味桂花車厘：這個酸酸的，很開胃黑金流沙：黑金組合，這個流沙包超流沙，真是真材實料，很想再吃！脆蝦雲吞：由於我喉嚨痛，就沒有吃這個了，不過賣相一流鳳梨咕嚕：這個很特別，用冰配上咕嚕肉，又有另一翻風味，酸酸甜甜很喜愛，還有很多生果酸菜斑片：這個比較普通，魚片尚算滑，但是不多擔擔拉麵：這個擔擔麵對我來說比較麻辣 荷花蒸飯：荷葉飯就不過不失，但係好像沒有太多材料香草羊架：一上枱就很香，香料十足，羊架不羶 包汁花膠：花膠太硬又韌總括來說，食物都是不錯呢，壽星女都很滿意。…查看更多

有朋自澳洲回港，相約共進午餐為她洗洗塵，我提供了幾間附近食肆給她選擇，最終來了這間。點菜時，朋友第一道想吃的就是乳鴿，原來她見到食評多人讚乳鴿好味才選這間。雖然我一向不太喜歡乳鴿，但我也與友人分享，否則她無法品嚐其他食物了。不知道是否很久沒有食的關係，覺得味道很不錯，價格也相宜。此外，小食三文魚薰蛋，賣相味道也不錯。藉得推介給人數少的選擇有小聚併盤，一次過可品嚐3或5款美食。我哋兩人點了3款，小食多滋味。沒有飯麵，以炒蝦腸粉飽肚，這碟腸粉的蝦數量莫名地多，大概有7、8隻，腸粉稍微有點油膩。整體我和友人都很滿意…查看更多

老公3個舊女同事LS,SL,W約食晚飯,約咗兩個月,終於約到尋(23-3-3019 Sat)晚食,由於佢哋未食過唐宮,我哋又未食過晚飯,於是提議嚟呢喥食,就W放8點,咁8點半至食啦,而LS咁啱屋企有事嚟唔到,變咗我哋4人食,我同老公喺8點嚟攞飛等,8點半都未有枱,到8點41分至有,俾咗張卡位我哋,正.睇完menu,我哋決定要:1. $39.00一客3件嘅脆蝦雲吞係芝士鮮蝦炸雲吞,我同老公share食,一咬落去,脆卜卜,內裡嘅芝士漿充斥晒成個雲吞,唔太鹹啱啱好,好食.味道:5分2. $39.00一客2件嘅肉鬆抓餅熱騰騰,餅皮軟熟,肉鬆嘅鹹度又適中,都係唔錯.味道:5分3. $23.00一個嘅紫蓉豬豬,要2個掰開睇, 個包好厚紫薯蓉唔多,食落唔太甜,OK.味道:3分4. $49.00一籠3件嘅黑白無雙係黑椒洋蔥雞煎包,唔覺有煎過,味道亦比較普通,冇乜驚喜.味道:3分5. $79.00任選3款甜品,其中一款小小楊梅(2件)端上嚟時我哋以為俾錯咗,好睇返menu,原來係呢個.我同老公食先,外面硬硬地,內裡軟熟,而味道,sorry,我食唔出係乜,只知唔太甜嘅蓉,menu就話係bayberry.味道: 2分7. 後加$49.00一籠3件嘅非常山竹同上次喺中環食嘅一樣(上次食評: https://www.openrice.com/zh/hongkong/review/%E6%99%82%E9%96%93%E5%95%B1%E5%95%B1%E5%A5%BD-e3338476),造型係山竹,好神似,食落,外層係咸水角嗰種皮,內裡係龍蝦汁蟹肉,味道同樣清淡,不過今次夠熱,覺得更加好食. 味道: 5分8. 又係後加$33.00嘅白玉王鴿同樣新鮮熱辣要即食,肉嫩多汁,今次覺得冇咁鹹. 味道: 5分6. $119.00嘅火焰菠蘿Menu註明係辣,擺咗上枱後即刻點火燒,熄咗後打開食,睇見份量唔多,3件牛肉都大件,一食就食到黑椒味,都唔算太辣,而佢係牛腩嚟,唔係完全腍晒,中間仍有少少彈性,不過又唔係話韌到咬唔開,我覺得幾好.味道: 5分9. $79.00任選3款甜品,其中兩款嘅冰糖紫燕同木糠奶凍冰糖紫燕用嘅係天然素燕窩,份量唔少,清清地唔太甜,OK.味道: 5分木糠奶凍味道一樣清清地唔太甜,唔覺膩. 味道: 5分其他:1. 開頭啲茶好熱,之後斟晒,叫佢哋俾過壺就已經唔夠熱,而且一開始茶味已經淡.2. 我哋第一張單有落$99.00嘅豆腐蝦餅,不過返轉頭話冇晒,其實我哋一入去,佢哋俾menu我哋時,已經見到有好多打咗交叉,代表賣晒嘅嘢食,攪到我哋原本想食小菜,小蠔煎餅都冇.3. 我哋有剔$89.00一籠3件嘅蟹粉麻球,但由頭到尾都冇嚟到,完全冇入單,而火焰菠蘿呢?佢哋同我哋講last order同叫我哋埋單時,我就催一催佢,話呢個未到,佢即答整緊.之後返嚟又問我哋有冇落單?我哋答有o架.然後見到有廚房工捧住兩個火焰菠蘿出嚟問客人係咪欠呢個,咁其中一個就拎嚟我哋張枱嘞.4. 只上咗3樣嘢,9點15分就走嚟同我哋講last order,我哋就加兩件猛虎咬豬同非常山竹,但又返嚟話猛虎咬豬賣晒,,咁改要一隻白玉王鴿.然後好快又走嚟叫我埋單,冇提我有冇coupon,好彩我自己記得.但W話check單先,佢check到有兩件猛虎咬豬,就即刻同佢講話呢隻冇,咁佢收咗我coupon先出去改單.改完返嚟,我話等啲嘢上晒,我哋至找數.而冰糖紫燕同木糠奶凍亦都遲遲未到,我哋催個男職員(應該係廚工唔係侍應喇,因為侍應已經走得七七八八),佢答睇睇有冇.睇睇有冇?如果冇咁點?好驚啊.最後係有.5. 我哋坐低冇耐,W話聽到佢哋截人唔派飛喇,咁早就截人,但乜都賣晒又催人埋單走,攪到客人食得咁急,唔暢懷.6. 落咗單又冇俾返我哋點咗菜嘅menu,超亂.上次唔記得貼埋優惠劵相,o衣o家補上.價錢:茶位計$9.00一位,呢餐係$538.00,用咗兩張$50.00劵,即$438.00.…查看更多

唐宮既大名就聽得多啦，唐宮小聚係香港都開左一段日子今次就同同事去左尖沙咀分店食晚飯佢既門面同普通茶樓好大分別，感覺好young好新派而佢都係要收茶錢同加一，佢廚房係開放式令人感覺好新奇，想睇下師父究竟係到做咩~個日我地叫左幾樣野，不過上菜速度好似有啲慢佢個碗都好有特色，有幾隻螞蟻 (我覺得係因為好食到吸引佢地黎食埋一份)頭盤叫左陳釀醉蟹，首先啲酒香味好重，而且啲膏係超多同好香濃差不多cover曬成個蟹身，一人一件都夠食不過唔似平時食開既蟹膏金黃色，因為熟蟹關係都變左淡黃色白玉黃鴿，好抵食，每個人只限一隻仲有堂食先有優惠價但佢係啱啱新鮮炸出黎，個皮好香脆而肉好嫩，調味調得剛剛好，不過似乎就有啲細隻脆蝦雲吞，齊菜煎餃我比較鍾意炸雲吞，因為佢入面係有芝士同蝦芝士味濃加上蝦既爽口，感覺係好match，一啖一粒但我唔鍾意煎餃，因為陣草味太多，唔係個個頂得順叫左松露香菇同黑金流沙，好surprise！因為同平常酒樓既太唔同，食得出真手工做 而且奶黃流沙好香既咸蛋味，另外，松露味都好出，唔會比香菇搶左個包亦都好鬆軟，性價比好高！！最後，唔多飽叫左松露鮑飯有一隻似係素鮑既鮑魚係上面不過呢個飯太濕，我唔多鍾意整體食物太細份啦，定價都有啲高不過可以嘗試到一啲新派既中菜都抵食既而且每樣要用工具食既都準備好曬，好似手套、剪刀、放骨桶等等，好細心環境都好好，可以比大家有一個愉快既聚會~推介:  /5…查看更多

今天趁老闆不在辦公室，我和另一名同事決定去吃個長時間一點的午餐😆我們兩個人來到這間位於新港中心3樓的唐宮小聚撐枱腳。我們點了以下這些菜式：白玉王鴿2隻（ $33 ×2）、點來聚聚（$69）、麻辣燒賣（ $39 ）金菇翠苗（$69）、蝦多士（ $79 ）、酒埕醉雞（$69）。這裏的乳鴿好吃其實應該是眾所周知了。乳鴿皮烤得非常香脆，肉質鮮嫩多汁，每次跟朋友到來，我們也會一人一隻不缺少😋。點來聚聚包含了五款「蒸」緻點心：墨汁蝦餃、柚子蝦餃、賽螃蟹餃、蜂巢鬆糕及芋蓉流沙包。每款也很創新，味道獨特，不是在一般傳統茶樓可以吃到的。裏面是糯米做的麻辣燒賣吃起來挺開胃的🤤（但明明糯米是很飽肚的🤣)比較少見有餐廳會把金菇炸來吃，但炸金菇配上清淡的豆苗卻又有另一種風味。蝦多士一定要趁熱吃！多士香脆可口，配上熱騰騰的海蝦，口感極佳，蝦上面少量的黑松露令味道昇華😍雞肉肉質鮮嫩，酒味不算濃烈，不錯。這天我們2個人吃了一個超豐富的午餐，很滿足！☺️…查看更多