龍華軒咖啡室

旺角★Coffee Lowa龍華軒咖啡室又係恆威商業中心依座CAFÉ大樓有開心大發現！book左7點但同sis行街行到腳仔軟都係早d黎坐下…好彩有book先可以入黎,見有n個組合想walk-in都被告知夜晚已經full booking環境：間café細細地，應該得9-10張2人枱。出自音樂人既設計好有”feel”，牆漆用左藍綠色，同佢掛起既結他同鼓好襯（6點幾hea緊/食完飯吹緊水既時候都見到疑似老闆係到練結他！）櫈就揀左黃色，令成間café仔好colourful充滿生氣飲品：好肚餓但未夠鐘食飯叫住杯咖啡頂住肚先..- Caffe latte ($45)：嘩嘩嘩，賣相吸引唔洗講，味道真係頂瓜瓜！Unexpectedly超香濃咖啡味，唔會好似平時咁比d奶搶晒味盛讚左成晚..哈哈！不過唯一係以$4x黎講，佢真係幾細杯下(S-size)…要好好珍惜每一啖- 蜂蜜玫瑰花蜜桃茶 ($78)：未倒出黎已經聞到好香玫瑰味，好搞鬼咁配個中式小茶杯。飲落好舒服，微甜剛剛好雖然$7x都係偏貴，不過其實個壺好大可以夠2個人share＆可以加水（我地加左1次水，係無咁濃但都仲出到味）食物：8個人叫左3個晚餐+1個意粉+1個焗飯+拼盤+雞翼 share＝café超水準每日都有3個晚餐揀，價錢$8x-9x，包1杯$38野飲。今晚有蒜香雞絲炒意粉($89)，菠菜汁煙肉意粉($98)，茄汁鴨胸焗飯($98)。另外，我地仲加左個泰式鮮蝦意粉($78)＆白汁海鮮焗飯($82)＆拼盤(雞翼+春卷+咖哩角+薯角)＆蒜香雞翼(5隻$40)。,大概係因為得１個廚要續碟續碟煮，上菜速度真係比較慢。不過每樣食物都係又睇得又食得，無expect過會係café食到e個水準雖然話限坐2.5hrs，不過我地食完野坐係到吹水吹到10點幾都無趕我地走，可以盡情傾計niceeeeeeeeeeee埋單$906/8ppl。一間好有質素既café，一大班人gathering/想搵個地方舒服HEA下既好地方，唔想摸門釘記住記住早幾日book位！ …查看更多

位於旺角登打士街恆威商業中心17樓，呢間CAFE夠晒就腳，雖然得10幾20個位，但係只要早幾日上網BOOK定，應該唔怕無位，我地一行4人7點鐘上到黎，因為唔係太肚餓既關係，叫左2個套餐再另外加多2杯野飲。呢間CAFE無同區既咁大，所以遊戲都唔係太多，但最常玩既都有，最有趣既係牆上掛左好幾個結他，如果有埋夏威夷結他玩就好啦。我地成晚只係玩左大富翁，呢個係新版黎架，唔洗數錢，有張好似八達通既卡入錢扣錢。以下係四杯野飲，其中2杯係青蘋果綠茶同紅茶，有淨果2杯唔記得左啦。呢個卡邦尼意粉好好味，意粉軟硬適中，個汁又夠濃，料又落足。以下呢個係白汁海鮮焗飯，海鮮夠多，白汁夠味同夠多，唔會話食到尾有D飯係無汁掂到既，唯一唔好處既係芝士太多，下次應該叫佢走芝士，旨因本人唔多好。總括黎講今晚無論食物遊戲環境服務我都好滿意，唯一美中不足既就係10點鐘要走人，因為有人BOOK左位，但係坐左成3個鐘，都夠架啦。…查看更多