沙嗲王 (錦薈坊)

每次黎到沙嗲王必點避風塘軟殼蟹同埋白咖哩豬扒飯，真係好好味😋，今次黎到屯門分店食，當我食食下個白咖哩時突然有隻蚊滋撞左落我個飯汁面，即時身亡，隨即有個侍應行過，我同佢講有隻蚊滋飛左落去，佢居然講到隻蚊滋飛左落去好平常，話唔關佢地事，唔會同我換，其實咁樣係餐廳衞生有問題才有蚊滋囉！好彩最後有個男經理及時見到此情況，立馬幫我重新做過一份。…查看更多

好好好耐無食過沙嗲王啦！😋以前讀書果陣成日都同男友食，知道屯門開左唯一一間新界西北既分店今日就專登過去 (順便去埋又係新界西北唯一一間分店既連鎖肉乾店買豬肉乾😍)我地紅日接近十一點去到，輪到我地果陣店員同我地講早餐岩岩截左單 (唔緊要，因為我一心黎食白咖喱豬扒🤣)用QR code落單好方便快捷👍叫左個午市套餐白咖喱豬扒飯$60，加配$15兩件印度薄餅原本想叫小食，但飲緊中藥要戒口，啲小食十樣裡面十樣都係炸。。。想食以前成日食既蒸粉卷又無左🤦(btw唔係好明點解set lunch都要加一，好似唔多餐廳會咁😅)可能因為係早午餐交接時間，個飯都等左成廿分鐘。。。但個薄餅又好快到，望住佢無咖喱汁可以點，攤凍左又唔酥脆🙄 好彩咁耐無食既白咖喱豬扒飯無令我失望😋😋(落單時可以揀汁另上，就唔會浸臨豬扒，而且可以俾我預留啲汁點薄餅😂😂)我呢份豬扒大細同厚薄比較唔平均😅邊位酥脆，唔覺得油膩，肉質非常嫰滑juicy好食！！🤤 無乜肥膏👍👍白咖喱汁幾香椰味，偏甜，好好送飯亦都好好送薄餅😋 (不過點解一條洋蔥都無既？！🤔)薄餅就正常，唔多層次亦唔係特別香，所以我係對印度薄餅一般，但呢度無層次豐富既手抓餅🙈每次黎到沙嗲王都忍唔住叫白咖喱豬扒，其實佢個蟹粉豆腐都好正我覺得😂 新出既沙嗲牛又想試，下次唯有搵多啲人一齊去食🤣…查看更多