農米莊 (厚福街)

营业中

休息中

農米莊係一間主打無味精嘅雞湯米線鋪，算係清淡養生之選🤤～仲要有好多款唔同嘅雞湯，例如椰子雞湯、藥膳雞湯、花膠雞湯等等，仲有唔少比較少見嘅配搭，例如龍蝦雞湯、黃椒雞湯、泡菜雞湯等🤣 有機會都會想再試下佢嘅其他湯底呀😋•🥢 番茄龍利柳米線 $47番茄湯味道清甜，飲落番茄味好真，唔係落茄膏溝果種濃味～配料有啲豆卜、腐竹、木耳、蔥，而米線幼身彈牙，加埋番茄湯都真係幾夾😋 龍利柳原來係炸嘅，入面嘅魚肉幾厚身，炸粉都算薄，但係因為無分上，所以上枱嘅時候已經淋咗～•🥢 椰子雞湯米線 (跟農米雞件) $46椰子湯底幾甜，好香椰子味，仲有啲椰奶味(唔知係咪有加😛)，有大約5件雞，算幾滑，唔肥，仲有吸湯嘅豆卜🤩•🥢 墨魚餅 $12墨魚餅係另加嘅餸，但$12先得2件細細哋嘅😟真係有啲唔抵食～ 佢係有腐皮包住果種墨魚餅，口感唔算好彈牙，入面有少許芫荽，但芫荽味唔算好濃嘅，似街市凍肉鋪買到果啲，所以下次應該就唔會加喇～

行過厚福街搵野食嗰頭勁多野食 但係好多都唔平唯有依間睇落價廉物美一入去有個男人(老闆?!)好好笑容同招待嘩，雖然餐牌主要米線 但係配撘已經足以令你睇到眼花潦亂多數人揀藥膳雞件米線但係我就揀咗番茄龍利柳米線 ($59)成大條龍利柳起面勁足料😍湯底濃濃嘅番茄味😋仲有啲殘餘番茄食 好好味 好新鮮🍅米線份量勁多 所以食完勁飽而且米線滑身 微微有彈性 唔易斷 又好入味👍🏻所以幾飽都食矖!龍利柳好香 而且有肉地 吸入咗湯底更好味 雖然佢外面層粉厚咗少少佢仲附有支竹 豆卜 雲耳 生菜 同 冬菇-真係好抵食 又大碗又多料重要係好食🤤下次想試藥膳雞件米線 因為見佢真材實料有杞子 紅棗等 好似好養生咁🙈