留白居酒屋

兆康景峰 留白居酒屋 21 Feb 2023 晚市今日黎到兆康景峰既留白居酒屋試下佢晚市既野食，點左份海鮮炒飯，然後五份串燒，仲叫左條時令既燒魚定食，再叫左一Jar啤酒。整體黎講呢一間居酒屋既食物質素幾好，對得住佢既價錢，估唔到每一項都頗有驚喜，接下來逐項點評一下！先係上左一碟海鮮炒飯，炒得好入味，好有鑊氣好香，但又唔會太鹹，本身都好驚細舖頭既炒飯同埋啲海鮮碎會冇味，但完全冇呢個問題，高質。然後到串燒拼盤，醬燒鮑魚唔腥，鮑汁濃郁；牛舌咬感適中，唔會太硬或太軟，調味做得幾好；豬頸肉有驚喜，用豬頸肉卷住車厘茄，估唔到味道出奇地夾，一咬落去，同時可以品嘗到車厘茄既清新味道同埋豬頸肉既鮮嫩肉質，呢個設計幾吸引；至於火雞腎同雞脖子肉就不過不失。到最後仲有一條時令烤魚($128)，我見店員都幾有心機烤左五個字，都幾大條魚，好多魚肉，唔會有好多骨，而且肉質好鮮嫩，醬汁調得好入味，唔會過鹹，上述幾道食物份量好足，真係食到幾飽幾滿足。大家如果入到屯門，不妨黎景峰呢間舖頭試下，晚市埋單$648，但絕對係對得上食物既質素。…查看更多

入開屯門，見這店評語不錯、便和媽媽來試試。裝修很有心思認真，挺有味道，服務也不錯。食物方面，三色炸物拼盤炸得不錯，粉剛剛好，味道也好。和風碳燒雞扒島冬，雞扒夠入味，烏東也不錯。留白海鮮炒飯，炒得挺不錯，媽媽清晒整碗。飲品就點了伯爵茶及熱檸檬紅茶。整體來說，食物好抵食，性價比幾好！例如個三色炸物拼盤，味道幾好、份量也多，但只收$88！真係超抵！ 個和風碳燒雞扒島冬也係，很認真，雞扒烏東分開上，也只收$75！這價錢真係無得彈！屯門有多些這些店就好啦！…查看更多

星期六同男朋友去紅橋附近搵野食 見到呢間新開既留白居酒屋 呢間居酒屋裝修到真係好似日本咁 外面有一張4人枱 之後入到鋪頭入面係一排吧枱 座坐數目唔多 十個八個到🍽留白海鮮炒飯 $88食到好香胡椒味 但唔會好刺激 我覺得師傅幾細心將d海鮮切到bite size 等客人方便食 調味唔會好咸 加埋面頭既木魚絲 超好味🍽吉列豬扒定食 $80豬扒炸到好香脆 入面肉質幾嫩 咬落去仲有啲汁 唔會好乾好寡🍽唐揚墨魚咀（5粒）$58油感好輕 咬落去好脆同時入面好多汁個墨魚咀炸完一d都唔乾我覺得呢間餐廳係炸野方面處理得好好 食落去唔會油膩 裝住既容器都唔會有油咁滯 好少食d餐廳食炸野冇罪惡感🤣…查看更多

今朝上完yoga trial class去咗虹橋探朋友，佢話屋企附近開咗間新嘅居酒屋問我有冇興趣試下，我當然say yes la😁午市有六款定食可以揀，每款都包左沙律，味噌湯同熱茶～朋友叫左日式親子丼(少飯)，我叫左留白海鮮炒飯，另外加左個雞軟骨share～味噌湯好足料，洋蔥同白蘿蔔夠淋而且幾甜，都幾好飲👍親子丼即係滑蛋雞肉飯，雞肉切成小粒，肉質嫰滑，帶有輕微黑椒味，醬汁偏甜，雞蛋亦都好滑，的確幾岩小朋友食，難怪叫親子丼😂今日既海鮮炒飯係蜆肉同魷魚，蜆肉新鮮唔腥亦都無沙👍炒飯帶有黑椒同香蔥味，好有日本風味🇯🇵飯粒分明，岩岩炒起熱辣辣，好食😋雞軟骨岩岩整起脆卜卜👏原本伴碟無檸檬，但因為朋友唔食沙律醬所以覺得有啲乾，就問店員可唔可以俾啲檸檬，店員都非常樂意，仲話只有切片無一小件果啲檸檬問我地介唔介意😊 服務一流！👏小店座位唔多，但勝在野食都係新鮮即叫即整，而且服務好好，同店員又容易交流感覺特別有親切感，值得支持！😉…查看更多