興隆泰國美食

經過九龍城順道去一家地道泰國菜。裝潢非常簡陋，很舊但充滿人情味。我們兩個人先點了泰式生蝦，每人三隻這個必點，非常好吃！再來一份冬陰公湯，味道濃但不會吃到味精味。明爐烏頭大大份，兩個人吃不完，店員貼心幫我們打包外帶回家。魚肉質鮮嫩，配料豐富，最好吃的一道菜！還點了椰青解渴。桌子上面有個gas爐難免會有點熱。餐廳沒有門，只有膠蓋住。食物好吃但不適合久坐聊天。這裡的泰國菜非常正宗，而且價錢便宜。一家人可以來這裡吃晚飯，始終泰國菜 good for sharing …查看更多

眾所周知, 九龍城出名多的是泰國菜。今次介紹的是九龍城的一間泰國菜小店, 位置算是易找的, 在路口位置附近。平日八,九點左右來吃基本上都不用等很久就有座位了。通常我都會跟家人來這間吃, 因為覺得這間的性價比很高。首先要提一提, 我家人都是賣海鮮起家的, 對海鮮也有相當的要求。這碟虎蝦剌身每次到來, 幾乎是必吃的前菜。因為虎蝦吃落很清新, 而且每碟更配兩種醬汁供點來吃的。這碟炸蝦春卷都是第一次點的, 吃過之後就感到後悔了, 因為後悔為何很早以前不叫這個春卷呢。說真的, 這個炸得剛剛好, 外皮夠脆, 蝦夠熱騰騰, 還有泰式甜酸醬用作點蝦的。通常點咖哩炒蟹都會跟蒜蓉包給你一起吃的, 除了吃蟹比較狼狽之外, 其實都沒有什麼好挑剔的。之前提及過我家人是賣海鮮的, 所以很清楚這隻蟹大概的成本, 直接來說這間店的價錢可以說是十分良心。而且每次進店前, 我都會問還有沒有咖哩炒蟹賣, 如果沒有, 我們當日會直接不吃這間店。喜歡吃咖哩蟹才會明白我剛才的說法, 當然我只是說說自己的意見而已。希望大家都會支持這間小店。…查看更多

今日去九龍城覓食，當然是吃泰國菜啦！這次介紹的泰國菜館是名副其實的小店，一眼可見的店鋪大小。老實說，如果你是一個講求餐廳環境、座位舒適、服務質素的人，我還是建議不要試這間泰國菜館，因為以上的通通都沒有。😂但這裡有的是人情味、價錢便宜、地道泰菜味道，全部菜色都是由泰國廚師主理。😁🦐「泰式生蝦」是這裡每枱必點的菜色，雖然賣相不討好，但吃得出的新鮮、蝦肉爽口彈牙，配上特製的酸辣醬汁，份外清新！另一道必點的菜色就是「冬陰公🍲」，味道剛好不會過酸過辣；份量兩人分享也是剛好。其他菜式味道也不錯，特別是「原條烤鰂魚🐟」有淡淡的香茅香，魚肉扎實新鮮。總結：雖然環境一般，但勝在價錢平、份量夠、味道正宗！可以說是九龍城平、靚、正的泰菜之選。👍🏻…查看更多

約了朋友到九龍城食飯，這餐廳朋友經常來幫襯，我第一次來，星期六晚上8時要等位，舖面不大，沒有裝潢，應該都幾歴史悠久了，大約等了半小時可入座。朋友在等位時已經點好菜了，所以我們只管食好了。生蝦真的是必食推介，連不太喜歡生冷食物的我也覺得好好味，蝦肥美，爽甜可口，配埋辣醬汁好match，一個字形容炭燒豬頸肉濃郁炭燒味好香口，肉質爽嫩，配醬汁食更好味。燒牛肉我不喜歡，重牛味的，但口感較韌，吃了一塊後都沒有衝動吃第二塊了。泰式炒粉絲彈牙，味道亦不錯，只是賣相差了一點，份量亦少了一點，每人只是分到一小碗，不過$45還可以啦。咖哩炒青口味道偏甜，完全不辣。蒜蓉飽好脆，蒜香及牛油味濃，配襯咖哩一起食好夾。馬拉盞炒通菜好入味，獲氣夠，簡簡單單但非常好吃相對起來我喜歡馬拉盞通菜，這每炒介蘭味道應該都可以的，但是有點苦。凍檸7只得一片檸檬沒有檸味。類體都很滿意，而且很抵吃，平均每人一百元，CP值不錯。…查看更多

呢間鋪如果路經此地只睇外裝，一定唔會選佢。因為簡陋的裝修加上大排當式的圓凳，真係好難吸引到人經過食佢。但往往就係呢類鋪頭先食得出驚喜，呢到可以話由晚上7點開始旺到1點都仲有客。 作為為食的我地緊係只吃食物唔吃裝修啦！ 只要你唔介意流水式作業，包你呢餐一定話正。今次我地就叫左生蝦、豬頸肉、青咖哩牛肉、蒜蓉包、飛天通菜。落單５分鐘左右就先上左個生蝦可以食住先啦！[為食推介]生蝦 - 極力推介！！蝦鮮、肥！個汁仲精彩，有青辣汁同平時點紅色果隻。個青辣汁係仲辣，愛辣之人必試！而平昤果個都好帶到成個味出黎。因為廚房細所以之後d野都要得大約10分鐘到先黎，但都算上得快。先介紹青咖哩牛肉 - 唔食得辣叫呢個岩岩好，細細的辣好香咖喱味。但牛肉過曬火，我建議你地食雞會好d。蒜蓉包 - 中規中矩，幾香脆但又未叫有驚喜，點過咖喱汁食次後係好食幾倍。[為食推介]碳燒豬頸肉 - 又一極力推介！！平昤食豬頸肉多數只有肉無乜肥膏，但呢碟果係每件都痴住少少肥膏位。味道極香，入口味濃。就好似食手切牛腩如果走肥會點呀？呢個肥膏真係精髓所在，而個汁都係好配個豬頸肉，少少辣好醒神！仲有個飛天通菜唔記得影相，好食的香、爽脆，如果係叫菜呢個都係一個好選擇。之後仲叩左個青檸７同椰青。埋單2個人$340/4個餸+1個小食+2個野飲我覺得價錢算ok，因為食到個質量。…查看更多

等埋朋友放工成9點, 餓到暈暈地緊係食返餐好野啦, 一行三人黎到九龍城, 朋友N佢話一定要食呢間興隆泰國美食, 黎到門口, 我同另一位朋友都講句"食過啦"  平時遇到同樣情況大家都會諗轉場, 試下其他新餐廳, 只有真係好食嘅餐廳, 先會想食完再食, 呢到由晚市開始已經坐滿人, 好彩等一陣就有位  生蝦 $78 (4/5)呢到嘅生蝦來貨唔多, 每日賣曬就無, 試過嗌淨最後一碟, 上枱嘅時候都會用冰都蓋住蝦身, 為咗影相擺返佢地上黎先! 泰式生蝦幾時都咁吸引, 中間切開將黑色嘅腸清掉, 見到透明白色一節節嘅蝦肉, 肉質新鮮, 點蒜蓉辣椒醬或青辣椒醬, 同樣辣得出色!豬肉生菜包 $58 (3.5/5)每次到泰國餐廳都一定會點黎食, 因為食咁多肉總要食返啲菜, 生菜無比油煮感覺較清新, 裏面包住嘅免治豬肉, 配料離唔開香茅檸檬葉芫茜, 魚露少少辣椒, 入哂味菠蘿炒飯 $48 (5/5)我都未試過俾一個炒飯滿分, 全靠傻瓜朋友見到menu張相, 係半個菠蘿上諗都唔諗就嗌咗, 雖然結果唔係  因為泰國處於熱帶地區, 為左增加食慾, 有啲菜式都會偏甜, 感覺泰式臘腸無好似廣式嗰啲可怕嘅透明脂肪, 可能張相影唔到, 臘腸炒勻係飯裏面, 一啲都唔油膩, 加埋肉鬆有另類的甜味, 餸飯一流, 就算天氣凍我都會食多幾碗, 嘿嘿咸檸七$19 (3/5)見有啲喉嚨痛, 入鄉隨俗試下先, 將七喜汽水加入新鮮青檸汁, 鹽就因自己喜好加, 清熱氣都唔錯!炭燒豬頸肉 $68 (5/5)肉質"淋"得黎又爽口, 好似五花腩咁, 頭尾都有少少肥豬肉, 炭燒好入味, 有少少燶都唔怕啦  串燒 雞肉,豬肉,牛肉 $10/串 (2.5/5)食完個菠蘿炒飯都好似爭緊啲野!! 真係要嗌返啲泰式串燒先, 由於三串起就順住嗌豬牛雞, 雞肉有陣椰奶香味, 另外兩款嘅味道就唔算突出, 肉質都好, 好鬆化, 個醬同樣有椰奶及粗粒花生小結 推介此餐廳 4.5/5九龍城就等於香港嘅泰國小區, 有多間泰國餐廳及雜貨店, 黎到九龍城用餐, 雖然選擇好多, 但唔食泰國菜, 就好似黎香港唔睇下維港景色一樣!! 鐘意幫襯較地道小店, 味道有特色之餘, 價錢相對便宜, 絕對係學生後生仔之選, 唯一要講就係坐位唔算舒服, 但勝在好食, 無事做都會同朋友黎食返餐, 呢到其中幾位店員, 說話都比較大聲, 原來喺泰國嘅學校, 都會訓練小朋友大聲朗讀, 代替老師做麥克風, 所以唔好怪責佢地啊!平均消費$106, 3個人, 4個小食+1個飯+3杯飲品興隆泰國美食星期一至日: 16:00-0200九龍城城南道18號Tel: 2718 0071…查看更多

是日好夜先食晚飯, 成12點幾才出發搵野食...主打想食泰國菜, 向九龍城出發, 見到同事之前推介呢間, 營業到3點, best choice因為到達時已經1點多, 店內只有一台客人用餐。睇餐牌時, 侍應就問我地食唔食生蝦~即刻話好再點埋生菜包, 特色炒飯, 再加埋串燒雞, 牛, 豬各兩串加雞翼~仲未夠, 加多兩個椰青 生蝦: 一碟有成12隻, 真係價廉物美!! 抵食~生蝦用冰鎮住, 夠曬凍, 而且也算是生鮮彈牙 再點埋佢地既醬汁, 真係好想再叫多一碟。醬汁有兩種, 其中一種較辣, 但是惹味十足, 刺激胃口。豬肉生菜包: 即叫即炒。炒得乾身, 唔會有好多肉汁留出。 最怕是炒到水汪汪, 一邊食一邊肉汁係咁留落手度。豬肉碎落了一些香葉, 份外惹味。特色炒飯: 有塊蛋皮包住炒飯, 炒飯是普通的炒飯。 其實呢個沒有什麼特別, 可以唔叫。串燒: 雞全翼幫我一分為三, 雖然貼心, 但更愛拎住成隻雞全翼慢慢食。串燒雞, 牛, 豬, 普通。椰青: 好甜, 好解渴又解辣。 …查看更多

今晚因為陪大人係土瓜灣整野,搞到12點幾(夜晚!!!!!)先去食飯!因為我等得太耐,大人話去搵d好野食氹番我,咁近近地我地去左九龍城搵,去到九龍城多數都係食泰國野架啦,今次揀左呢間"興隆"試,一坐底有個阿姐就問要唔要生蝦,因為小妹個人非常鍾意食蝦,當然ok啦,之後仲嗌左泰式拼盤,炒金邊粉同燒豬頸肉.生蝦 - 因為大人唔食蝦,我1個人食晒11隻.,好好味,好新鮮! 加埋d汁一流泰式拼盤 - 除左魚餅其他都係有蝦,但樣樣都好好食,個魚餅同蝦餅最正!炒金邊粉 - 都ok,不過唔知係咪其他野d味太勁,覺得個粉冇咩味,不過加埋d辣粉,岩岩好炭燒豬頸肉 - 好味,唔會'un',份量都唔少原本大人見到人地食蒜蓉飽同叫咖哩蟹,又話想食.但因為太飽冇叫到,唯有下次黎再試下..…查看更多

由串燒店開始我以是他們的常客.因我常到九龍城加上他們己是小弟想吃泰國料理時的首選所以一直沒有想到要為他們寫食評.真是有點對不起玲姐.食物方面推介: 蝦餅,生蝦,咖啡炒蟹,燒側魚,蒜容包.其實她們我食品可說是沒有什麼不出色的.但的推介的可以說是她們比其他店出色或用心出品.因今次只是來吃宵夜所以沒有口胃吃太多.倆人點了: 蝦餅,生蝦,海鮮冬陰,炒蜆蝦餅爽口,有蝦味.生蝦肥美. (早前她們會把蝦頭炸出來上的近年沒有了)海鮮冬陰合格以上如您能吃棘是可跟她們說加棘的.炒蜆,今次有點下降了蜆比較早前細了多.因她們店小加上她們不排至街上所以迫得要命的.玲姐和玲媽人是好好的但跟中國人不一她們不會笑口滿面的,加上她們也不客氣的.店鋪油煙大一些比較看體面的食家不太合適.…查看更多