黨99 (已結業)

今日同男朋放下午假，同佢一齊去食午餐。我哋揀咗兩個午市套餐，再加兩個小食。日式豚肉餃子同吉列廣島金蠔都係跟餐前菜。餃子外皮夠香脆，包住滿滿既豚肉同少少菜，好食。吉列蠔炸得唔油膩，蠔又多汁，好出色。生薑豚五花烏冬帶有日本紅薑既味道，同豚五花好夾，而且豚五花肉質好腍，正。安格斯牛扒配有一碗珍珠米，牛扒調味唔錯，口感唔韌，都相當唔錯。白鱔燒得皮脆肉嫩，美味。番薯條同個醬汁一齊食有種鹹甜鹹甜既味道，令番薯條好食咗好多。

一間近堅尼地城海塝既酒吧居酒屋，裝修非常型格，主要以黑色為主，全日都係happy hour，有買一送一優惠，對住個海飲酒幾chill🍻黨99既意思係牆上反映左出黎，都係一個幾靚既打卡位☺️午餐$78起，包一款前菜，主食有丼飯、烏冬、牛扒等，飲品可額外加$8－－－－－－吉列海老（跟餐）一份有兩隻吉列海老，旁邊仲有沙律伴碟，海老幾有驚喜😆外層金黃，薄薄一層炸粉，一咬口感好酥脆，乾身唔油膩，蝦肉彈牙生薑豚五花烏冬 $88豚肉薄片，肥瘦都幾均勻，加上芝麻同蔥花提高香味☺️因為薄片所以比較入味，薑醒胃之餘又可以緩解肥膩，味道甜甜配烏冬唔錯，好鍾意烏冬口感，煙韌同埋幾滑🤤雞軟骨 $26簡單用左鹽調味，外焦酥內脆口感，配酒一流免治雞肉棒 $48食串燒必定會叫雞肉棒，軟骨加入免治雞肉，食既時候啖啖肉，同時亦有爽脆口感，燒至表面微焦，但內裏好juicy，加上醬汁同生雞蛋一齊食，口感更滑口😋