堅信號上海生煎皇 (福榮街)

入坐扫码点餐，出餐快，服务还好基本半自助~ 味道不功不过一般般没惊艳点生煎包一般不错，就是普普通通，没有特别出色的味道，底部煎得焦黄香脆，中间有汤汁，中意倒陈醋一起吃，酸酸的可以中和肉的腻堅揪小龍包和葱油鸡是一个套餐里面的，皮会厚一点点，口感比较有嚼劲，汤好丰富，肉不功不过，普通味道，搭配送的姜丝和醋一起吃解腻葱油鸡葱油很香，但鸡没鸡味哈哈哈哈，味道算可以，可医肚，吃到一半先记得影相...套餐仲有配一杯野饮，我地选左茉香绿茶 热噶 都几清新解腻…查看更多

心血來潮想食小籠包和生煎包，2點幾路過見餐廳唔多人於是入去坐下。見到佢做緊promote蟹粉系列食物，鍾意蟹粉同小籠包的我於是叫了個蟹粉瀑布小籠包拌麵，但碗麵得一個蟹粉小籠包，於是又order多籠普通的小籠包，再重贈劵點多個這裡招牌的生煎包。生煎包確實好食，底部煎到脆一脆，入面都多肉汁，而且熱辣辣，食嘅時候要小心。小籠包無咩特別，比一般港式酒樓的好，但又未去到生煎包嗰隻好好食。蟹粉瀑布小籠包拌麵，就是麵上面有啲蟹粉，再加多個蟹粉小籠包係頂。蟹粉小籠包好食，蟹粉都唔錯，但麵食落冇咩味。如果這個價錢，我下次應該會直接點一籠蟹粉小籠包。…查看更多

朋友誇讚咗好耐，自己終於第一次食佢嘅生煎包！外賣4隻仲有特價，$32幾抵。紙盒有氣孔，唔怕蒸汽焗濕個包，真係細心。過咗15分鐘先開吃，依然好正，皮薄肉香，底部煎得金黃香脆。太興奮忘形之下，一口咬開，滿滿的湯汁擠到老遠，好彩無人目擊😆，好好味呀！酸辣湯都唔錯，芡底稍厚，但無一舊舊，而且材料豐富，酸、辣味平衡。而家好少地方煮得出好味的酸辣湯；呢間，得。從門口看，餐廳裡面算乾淨企理，下次要試埋堂食，趁熱辣辣應該更正。…查看更多

.📍 堅信號上海生煎皇 📍香港深水埗福榮街98號地舖剛好路過就買了生煎包(32hkd@4)，底部很硬脆，裏面的湯汁很多，一口就爆汁，必須要先咬一小口喝一點湯才可以整個咬😂不然就先叫你旁邊的朋友走開吧⚠️不過話說回來，大家有覺得生煎包放涼30分鐘後再吃底部會更脆嗎？#foodiblum中式…查看更多

好食生煎包外賣自取～#生煎包 豬肉餡熱騰騰超多汁(๑•᎑•๑)推介，小籠包不推介#京汁茄子 #🍆 bb辣，茄子色水幾好夠淋，醬汁味道不錯，不會咸#雞絲粉皮粉皮薄切幼滑，但醬料不夠比較清淡，而且好像是普通的黃金芝麻醬ᶘ ᵒᴥᵒᶅ個人口味評分：7/10 #堅信號上海生煎皇深水埗福榮街98號地舖…查看更多

今日去左深水埗行街，午餐當然要係呢個美食區解決，深水埗出名多平靚正野食，唔食都對唔住自己今次試左堅信號生煎皇，生煎包真係無得頂門口簡單，而且裝修唔會奢侈，外賣堂食指示清楚座位分隔好開，可以放心食嘢今日平日唔使等位，正仲要貼心俾一個袋裝口罩，唔使週圍揾位放:)餐牌見到食物都算多選擇，仲有套餐揀幫你慳多d，老板幾有心思，就算想食辣或者食素都有幾多選擇熱辣辣嘅生煎包到啦，一黎就聞到好香嘅味道但記得唔好一大啖咬，因為會有好多好多汁爆出黎d汁多到浸住d餡，我果然無黎錯我地仲叫左厚切豬扒菜飯、雞絲粉皮、生菜，豬扒既質素絶對比想像中高，好淋好嫩滑，仲要醃得好入味真係有驚喜菜飯咁健康當然要配埋一齊食雞絲粉皮都係必食，粉皮切得比較幼，芝麻醬更加容易沾滿粉皮，食落有粉皮既煙韌又有芝麻醬既香味，加上青瓜爽口，正鮑汁生菜原本以為無咩特別，仲有d怕鮑汁好似出面餐廳又鹹又重味，食第一條仲特登撥開d汁，點知食落又唔覺佢死鹹，個汁調得唔錯，抵讚最後飲埋杯蜂蜜抹香綠茶🍵無得彈…查看更多

呢間鋪頭可以令我第一次打食評，希望大家食呢間餐廳之前可以慎重考慮下.....我平時住開深水埗行經呢間野都無咩留意係食咩既，本身諗住去食馬德里，咁岩同女朋友肚餓又見到呢間鋪頭未試食過又唔多人可以直接入去坐低食，咁就入去試下囉，點知就係中伏既開始.....坐低見到周圍都唔多食客，諗住同女朋友舒舒服服食個high tea。我地一共叫左紅湯魚濃湯拉麵，秘製豬扒菜飯，川麻雞翼兩隻，生煎包4隻同埋一杯豆漿。全部加埋盛惠168元以下係對各款食物既評價紅湯黃魚拉麵：我叫左呢個麵，其實味道同辣度都還可以，辣度相等於譚仔既2小辣左右，未去到好食既級數就係個湯底比較多油。2分秘製豬扒菜飯：女朋友叫左呢個飯，呢個豬扒飯真係經典，豬扒食落去係好甜，除左甜我已經諗唔到有咩形容舊豬扒，甜到咁既豬扒我真係第一次食，而且每舊豬扒甜度都唔一樣，有其中一兩舊甜到漏，食多兩件都驚會有糖尿病，你仲好意思話係秘製豬扒，我地真係得啖笑。再講下個菜飯，個飯睇落好似有味，但係食落去淡而無味，飯無飯味，菜又無菜味，真係好野。0分川麻雞翼：盛惠$18兩隻雞翼，姐係要成$9一隻，仲以為收咁貴梗係有d料到，點知又係中伏。雞翼味道其實都有d似譚仔既雞翼（其實我唔係譚仔fans,只係方便做個比較）但係質素爭幾班，最伏既點，係其中一隻雞翼入面仲未熟嫁 究竟廚師係味求其成咁呀？仲好意思收人咁貴，真係垃圾之最比得呢個價錢，我食M記/譚仔雞翼都比呢間垃圾既雞翼值百倍0分生煎包$34四隻：看似呢間鋪頭既招牌食物，4粒生煎包味道其實都係不過不失，包內既肉汁唔算多，包皮比較厚同埋硬，未到好juicy果種，整體都只係屬於普通質素，點解只算普通？因為早前同女朋友去過珠海某間食X裡又係專做生煎包既鋪頭食，人地生煎包做得好過你堅信號多多聲，皮薄餡靚肉汁多，超好食，而且印象中人地只係賣$9人仔4隻，賣得貴過人，質素又差過人1分豆漿：平平無奇卻收人$12，相信已經係呢間鋪頭最出色既野。3分總結：本來同女朋友心情好靚，響呢間餐廳食完餐飯之後我同女朋友心情變得十分曳，真係貼錢買難受，仲要價錢唔係平，真係唔明點解會值呢個價，原來鋪頭入面少客真係有原因，我好後悔入左黎食。食完幾粒鐘後打緊食評既時候個肚隱隱作痛，估計都係呢度d野食唔多乾淨最後如果比我揀多一次，我必然唔會行入呢間伏鋪食任何既野，深水埗大把好野食，又何需貼錢買難受？伏中過一次就夠，我相信有生之年都唔會再食，再見。…查看更多