生記茶餐廳 (已結業)

好蟹年前食過一次覺得呢間餐廳性價比好高，想再返嚟呢間餐廳食好耐，但位置始終有啲隔涉，真係要好有心專登約先有得食。今次咁啱係黃埔收工，朋友又唔介紹尖東過嚟食，所以又可以食呢間啦第一次食呢間蟹粥，粥夠綿幾好食。因為唔係膏蟹當做季節，所以唔多膏，但好彩都有蟹嘅鮮甜味。因為以前我食過呢度嘅籠仔膏蟹蒸飯，我個人推薦蒸飯多過粥🤭海鮮新唔新鮮，清蒸一食就知！而呢度嘅貨係唔錯嘅，鮮甜帶蒜香，而且無沙呢個墨魚咀只靠椒鹽，否則就無乜味，同埋外層炸漿都啲厚，可以skip嘅一道餸。雞皮可以燒得再乾身啲會更好味成晚最推介嘅一道餸！茄子蒸嘅火候掌握得幾好，唔會蒸到老晒或唔夠熟。切到一口就食到好方便，最正係茄子點上醬汁上蒜蒸，好惹味呀《小總結》小店人情味濃，老闆好好人會同你分享趣事。食物價錢無乜點加價，味道有水準，性價比極高！係一間可以經常encore嘅食肆。…查看更多

上次黎得太夜，粥賣完，只可以食蟹湯飯，好彩無失望，都好味，所以決定下次一定要試蟹粥，今次終於有機會啦！這裡的菜式比較多海鮮，但價格又平，性價比絕對高。 雖然環境舊舊的，地點又偏僻，周圍有好多‘大酒店’，但都很多人黎食！.🔸「生滾膏蟹粥」🔸點了兩人份，粥裡有一只蟹，分量算是很足，粥大概有4-5碗，有海鮮的鮮甜味，好味！.🔸「豉油王炒麵」🔸可能炒的有點過火，有燶味，影響了味道！.🔸「蜆肉炸春卷」🔸炸得好脆，餡無特別，食不出有蜆肉，味道跟平常食的春卷分別不大，是好食的！.個人覺得蟹湯飯比蟹粥好食，下次會再黎！…查看更多

今早一覺醒來,竟然八號風球,心下一沉,買了女排飛有機會閉門作賽,心想今天的計劃要打亂了,幸好風球的威力較弱,下午已經取消了,但沒有看女排,早前在電視飲食節目得知生記蟹粥出名,所以生日飯都來試試, 直接七點來到紅磡,由於很大雨,這裏又不太好找, 入面不算大,但已經坐滿人,如果不是一早訂位看來沒得吃,四人點了$28炸八爪魚丸   相當彈牙,墨魚味夠,炸漿夠薄,28元有六粒超值,強烈推介$58自家制蠔肉炸春卷  平時蝦肉炸春卷食得多,蠔肉就第一次食,味道有點似蠔餅,味道不錯,$128冬陰公蜆肉煲  味道不太辣,都有幾多蜆,如果喜歡冬陰公的朋友可以一試$58蒜茸蒸茄子 蒜茸味重,我好喜歡蒜茸加豉油蒸茄子,難道不高但好味,茄子都成碟算抵食$114蒜茸蒸蟶子 38蚊一隻,三送一, 我們四個剛剛好,選了蒜茸蒸,相當清甜又沒有沙,夠大隻.粉絲吸了鮮味更是好味 每枱必食之選$248生滾膏蟹粥 等了整晚就是為這個,四人選了大煲,鮮味十足,蟹膏也不少,蟹味亦濃,怪不得生記那麼出名,每人平均也分了三四碗,必食之選味道是中上,小店在香港幾時也應支持,有機會一定會再來,四人吃了667元…查看更多

點解我會話百無禁忌呢, 因為要去生記, 附近有不少賣先人用品的店舖, 地點都幾隱蔽, 幸好有位像人肉google一樣的男人, 識路帶我去0者, 嘰嘰~ 時間尚早, 未到七點, 仲未見人龍, 前兩次去也等了好一會兒, 見有個位子就坐下, 阿姐就跟手俾埋d碗筷我地, 生記蟹粥就出哂名, 唔少人慕名而來添, 當然我都係其中一份子, 哈哈! 印象中仍記得第一次來食過佢地既蟹粥之後, 仲誇張到去澳門搵食, 都要找蟹粥食, 就係想睇下有冇其他地方既蟹粥好食得過佢!!! 生記呢到要晚市才有蟹粥供應, 除左蟹粥之外, 當然也有幾道唔錯既小吃, 等我介紹下先, 炸墨魚丸, 以size來講, 好大粒下, 食落去都唔會好多粉, 唯一要彈是表面偏油, 如隔一隔油會更好吧!另外一款小吃, 是他們首創, 蠔仔春卷, 男友愛死這道「熱氣野」, 每次也例必叫的, 春卷炸得香脆, 內裡既蠔仔肉厚肥美, 唔係"孱弱"迷你蠔, 食完一件會停不了口再食, 可惡!!! 煎炸野始終少食多滋味接著叫左蟶子, 佢地既海鮮夜D去就會賣曬, 所以今次真係好lucky, 每隻$38, 雖然貴, 但是食過方知是值得喔蟶子好新鮮, 同埋都唔細隻, 食落去好爽口, 配合粉絲香蒜, 一隻真係唔多夠喉, 好戲在後頭, 要留肚食我期待已久的蟹粥啦!!! 我地兩個人, 叫左個例牌size, 夠2~3人份, 熱到仲滾下滾下, 睇相都見到d煙, 表面睇佢係一窩粥, 隻蟹係粥入面架!例牌size有1隻蟹, 當然大size既粥, 蟹又會多番啦, 食呢個蟹粥, 要睇熱, 小心"辣"親咀仔同條皇帝舌, 粥煮得都夠棉, 同埋有蟹味, 蟹肉鮮甜, 溫馨提示, 食之前最好攪勻, 令到粥入面既蟹膏更平均, 滋味再提升XDD兩個人叫左4樣野食, 食完勁飽丫! 走個時, 見到第二張桌食冬蔭公蟹烏冬, 好吸引(流口水mode), 下次要叫多幾個朋友share先得~…查看更多

今同一大班朋友試左呢個紅磡蟹粥環境：茶餐廳格局，　我地一行１５人已經差吾多霸左佢成間鋪地點：吾近地鐵站，　要睇地圖，　位置偏僻食物價錢平食物味道好味蟹粥，　蟹肉新鮮俾軟綿綿既粥吸Ｄ哂蟹膏，　正。籠仔蒸飯好味，　一個類似中式蒸蘢入面放左荷葉包住既飯，　蜆肉同蟹肉，　熱辣辣另外蠔仔做成既菜都好味，　好似蠔仔春卷，　出面香脆蠔仔ＪＵＩＣＹ，　蠔仔水晶粉卷粉皮滑身，　同多汁既蠔仔亦都好ＭＡＴＣＨ八爪魚丸夠彈牙，　而響鈴蝦膠係將蝦滑放入腐皮卷入面炸，　手工好，　但吾夠蝦味總括而言係幾好食既…查看更多

茶餐廳和膏蟹，風馬牛不相及，怎會聯想到一起來？生記茶餐廳，單看招牌，你怎會想到這裡竟是馳名膏蟹粥？原來生記茶餐廳，晚上會搖身一變賣膏蟹菜式。這就是香港人的創意+拼搏精神。這一天，食友們相約到這裡來聚會，除了相熟的幾個食友，還有幾位新面孔，新知舊友，共聚一堂。席間原來很多食友也沒來過，我也是其中之一，原因，會不會是因為這裡鄰近大酒店的關係？店子不算很大，雖然好像可以坐在外面，但相信沒有人會大熱天時坐在至外吃個熱粥吧？訂了位，也要等了一會才可進入，畢竟我們人多，要出動到兩張大圓檯才坐得下。餐牌的蟹仔logo很cute，因為有食友已經吃過，所以完全不用操心，各人自我作個介紹，已經開始談天說地，好不快活。先來一客炸八爪魚丸，炸得香口，不算油膩，但八爪魚丸不夠彈牙，也不夠鮮味，正如食友所講，今次是有點失手了。冬蔭功浸蜆我很喜歡，這裡的冬蔭功不是你我平時吃到的刺激貨色，低辣的冬蔭功用來浸蜆，不會太搶而又能吃到蜆之鮮味，頗適合我這個不太好辣的人，但如果你為的是冬蔭功，你可能要失望，因為這一味，絕對是冬蔭功和蜆兩者中的平衡。主角生滾膏蟹粥上場，一窩不夠分，兩窩則剛好。金黃色的蟹膏煮出來，粥底都染成一片黃色，香味四溢，「色香」俱全。蟹肉與蟹膏「味」道鮮甜，每一口粥都充滿著蟹味，粥底夠綿，更覺好味。因為小弟正在生痱子，有幸分到一只蟹蓋，十分開心。翻開一看，整個蟹蓋都是膏，煲完粥後的蟹蓋仍有這麼多膏，我想粥底本身應該用另一些蟹去煲的，就是因為這個原因，所以早上用來準備，晚上蟹粥才應市？姑勿論我的推斷是否正確，這裡的蟹粥很足料，是鐵一般的事實。同類的蟹粥令我想起到澳門吃過的誠昌蟹粥，但誠昌蟹粥變成旅遊熱點後自覺質素差了不少；現在可好，想吃蟹粥不用過澳門了。鴛鴦膏蟹大碗麵可選冬蔭功湯底或清湯湯底，我們選了冬蔭功湯底。鴛鴦即膏蟹和蜆，以冬蔭功作湯底，再配伊麵。和之前的冬蔭功浸蜆有點不同，這個湯底更淡，可能是因為煮伊麵時的水份，弄得湯底變淡吧，而且膏蟹和蜆肉未能完全煮出鮮味，是有點浪費了好材料。雖然味道依然不錯，但相比膏蟹粥是比下去了。生炸蠔仔春卷絕對是另一推介，脆皮春卷中包著足料蠔仔，鮮甜美味，趁熱吃一流。自家製蜆肉春卷又是另一比下去，相比生炸蠔仔春卷珠玉在前，蜆肉春卷變得失色不少，蜆肉味道不凸出，沒蠔仔鮮甜，甚至有點連春卷皮的味道都贏不了。飽食滿腹，價錢更是驚喜價，下一回，必定要和朋友家人再來。…查看更多

近年，朋友之間的聚會已不只限於電話丶電郵。現在只要按下一個鍵，便能同時邀請身邊的人，出來聚一聚。這次的聚會地點雖離家不遠，可是卻很少經過。聚會的地點隱閉，天色已黑加上附近的「大酒店」，找路時難免多了一分寒意。到達時，店內的人客較多，未能即時安排足夠的位子。不過大家站立圍在一起，有說有笑，很快便有座位了。點菜這個任務留給食友們，十多人圍在一起坐在店的中間位置，熱鬧的氣氛瞬間充滿了整個環境。先來的是炸八爪魚丸($40十二粒)，金黃色的外皮，外形不一的八爪魚丸內藏一粒細小的八爪魚。八爪魚雖是雪藏貨，但炸得飽滿的八爪魚丸足以被秒殺。配上甜酸醬，清新開胃，炸物也沒有那麼油膩。前菜才剛上，今天晚上的主角已經急不及待走出來。先上一窩熱滾滾的生滾膏蟹粥($208特窩)，大家第一項任務就是要盡快拍照。大家都一窩蜂圍著這窩粥拍照，猶其席上不少也是資深攝影家，這些「單反團」也不容易找了。每人先分一小碗，經過一輪的相機洗禮，蟹粥依然熱騰騰，軟綿金黃的粥帶出了蟹的鮮味。再一口，這次加上一口真正的蟹肉，味道更是再昇華，雙重的鮮味同時送上，大家也紛紛再添一碗。味蕾還沒有休息的一刻，另一道冬蔭功浸蜆($65)便隨即送上。蜆肉不算大，毫不猶疑地用手拿起一隻來吃。肉嫩無沙，不過冬蔭功味就不算強烈，吃起來也沒有辣得冒汗的感覺，沒有喝冬蔭功的那種刺激感。另外點了兩款春卷，生炸蠔仔春卷($58四件)是兩款中較出色。春卷香脆，咬一口薄薄的春卷皮散滿一碗子。以蠔仔做出來的春卷味道較突出，鮮味是整件春卷的焦點，把春卷變得清爽起來。相反，自家製蜆肉春卷($40八件)的味道較平庸，蜆肉沒有冬蔭功湯般的肥美，包裹在春卷皮內味道更淡薄。整晚的菜式不約而同地帶著微微的金黃色，實在巧合。另外，大家能聚在一起暢談一番，是一個愉快的晚上。接下來有在「常嗜甜品」的飯後甜品局。…查看更多

睇左食評及報紙介紹好耐，但礙於地點唔就腳，又加上報導話此食店好多時大掛長龍，所以一直未能成行...聖誕前一星期，無所事事，叫darLing由屯門揸車去生記晚飯，佢一路揸一路話聖誕前夕好多人出街買禮物、一路又話油尖旺好多人、又一路話高速都好多車... 真的好不容易用了半小時去到老龍坑街，弊 無論合法或非法四周圍都泊滿車，又驚7pm多食店已經好多人，唯有掉低佢一人等車位，自己先行落車昅昅食店情況，好彩，剛巧有兩張枱食完埋單走人，唔洗等位 (可能天氣凍，隔離幾間打邊爐就好鬼多人)。打開menu，真係樣樣都想叫，千挑萬選，2個人只好揀左3款招牌菜︰鑊仔冬蔭公煮蜆 – 嘩，好大鑊呀﹗蜆肉都幾大隻，冬蔭公湯好夠味，見到有用香茅煮，酸辣味啱我口味，我飲湯仲多過食蜆，真係好想叫個淨烏冬加入個冬蔭公湯呢 生滾膏蟹粥 – 上枱時仲滾熱辣，用瓦煲煮好有風味，粥底幾厚，食到煲底有d焦粥我最鍾意，證明係原煲生滾，正。膏蟹多唔多膏真要睇睇彩數，我地lee烹粥隻蟹ichiban:) 蠔仔春卷 – 雖然$29得兩條，但蠔仔絕不輕手，成條春卷都充滿蠔肉，好鮮味啊﹗墊底的生菜絲都唔放過，加落d粥入面一齊食爽脆好好味o架3樣餸完全KO哂，煲底、碟底、配菜都食得乾乾淨淨 遺憾的是仲有好多想食的未試，下次要叫多d人一齊去一次過試埋其他推介: 冬蔭功膏蟹烏冬、酥炸墨魚仔、炸八爪魚丸、芝麻雞軟骨、銀芽豉油王炒麵、擂沙湯圓...…查看更多

好趕的晚上, 要七點到達世界彈追思禮拜. 早開始有樣好, 就是早完, 未夠八點就能食晚餐. 一直未有機會來這店一試, 來到附近, 當然就行過來. 店子人客不少, 不過還有位子, 就馬上坐低, 甚麼也不講, 就先要個蟹粥. 再慢慢揀, 要個炸八爪魚丸, 也要個文迪喜愛的炒麵吧. 兩個人, 應該都夠了.要了兩支忌廉, 有杯連冰跟上, 幾好.銀芽豉油王炒麵 $28: 8分, 最快來到的就是炒麵, 幾大碟, 兩個人分也足夠. 炒得香口, 加上面頭的芝麻, 是好易入口的一味.生滾膏蟹粥 $88: 9分, 當然來這裡就是為了這個膏蟹粥, 用上砂窩奉客, 一上臺時是極之熱辣辣, 大大窩, 賣相吸引. 粥夠綿, 蟹味已入到粥入面, 吃落口是有蟹的鮮甜味道. 只是這個窩是夠大, 但是有相當多份量的蟹, 粥就好像不太夠分, 吃多幾啖已吃光, 實是令人回味之作. 至於蟹方面, 用上了膏蟹, 蟹肉鮮甜, 真是有不少膏, 最滋味的吃法是把膏挖出, 加入粥內. 這個生滾膏蟹粥, 實是值得為此專門而來.炸八爪魚丸 $25: 8分, 又是新鮮熱辣炸起. 是晚在此店叫的每一道菜也是即叫即做, 有誠意, 也更能反應食物的最真味道. 這個炸八爪魚丸炸得香脆, 不算太油, 點上甜酸醬, 更加惹味.幾樣食物也是水準之作, 不介意環境一般, 實是個吃美食的好地方. 店子還新, 希望這裡能越做越好, 瞧偉大航道走下去.…查看更多

早排睇到報紙介紹，咁啱今日行開呢度，順便走嚟試試 ...去到嘅時候大約六點半度，日頭茶餐廳完咗，晚市即將開始。地方唔大，約六七張檯左右，搵咗張細檯坐低。由於得兩個人，唔叫得幾多，嗌咗五樣嘢試下︰1) 生滾膏蟹粥 (88蚊例牌)佢哋嘅主打，砂鍋滾熱辣上，88蚊煲，份量對辦；蟹夠膏、有鮮味，但反而鍋粥嘅味唔夠鮮，唔知係咪煲得未夠時間。2) 鮮蜆肉春卷 (25蚊4條) 呢個係推介，係五樣裏面最OK，夠脆夠味，要趁熱食。3) 炸八爪魚丸 (25蚊6粒)呢個都係推介，不過，冇乜驚喜；粒丸本身都算彈牙，外面夠脆，但係，裏面完全冇味。4) 豉椒排骨炒麵 (30蚊一碟，加一杯凍飲多3蚊)其實，豉油皇炒麵先係推介，不過驚油得滯，所以，轉叫呢個，食落普普通通，不過不失。5) 米通雷沙湯圓 (22蚊4粒) 又係推介，都係一般，而且覺得最唔抵食係佢。總括而言，叫五樣嘢，埋單兩百蚊，唔算貴；地方就簡陋啲，同埋冷氣唔多夠，一食粥你就會好覺。不過，值得一提，就係果位阿姐嘅禮貌好好(佢應該係老闆嚟嘅)，果晚全部檯Full哂，但係，樓面得佢一個，又要入廚房幫手，俾啲客嗌嚟嗌去，完全冇變臉，非常之有耐性去處理， Good﹗…查看更多